వైఎస్సార్‌కు జననేత శ్రద్ధాంజలి

YS Jagan 252nd Day Prajasankalpayatra Begins  - Sakshi

ప్రజాసంకల్పయాత్రలో భాగంగా నివాళులర్పించిన వైఎస్‌ జగన్‌

సాక్షి, విశాఖ పట్నం : దివంగత మహానేత వైఎస్‌ రాజశేఖరరెడ్డికి ఆయన తనయుడు, వైఎస్సార్‌సీపీ అధ్యక్షుడు వైఎస్‌ జగన్‌ మోహన్‌ రెడ్డి ఘననివాళులు అర్పించారు. వైఎస్సార్‌ తొమ్మిదో వర్ధంతిసందర్భంగా మహానేత విగ్రహానికి పూలమాల అర్పించి.. శ్రద్ధాంజలి ఘటించారు. ప్రజాసంకల్పయాత్రలో భాగంగా అన్నవరం శివారులోని పాదయాత్ర శిబిరం వద్ద ఆదివారం ఉదయం వైఎస్‌ జగన్‌ ఈ మేరకు మహానేతను స్మరించుకున్నారు. ఈ సందర్భంగా వైఎస్‌ జగన్‌ వెంట ఉన్న నేతలు, పార్టీ కార్యకర్తలు ‘జోహార్‌ వైఎస్సార్‌’ అంటూ నినాదాలు ఇచ్చారు.

వైఎస్సార్‌కు నివాళులర్పించిన అనంతరం జననేత252వ రోజు ప్రజాసంకల్పయాత్రను ప్రారంభించారు. అన్నవరం శివారు నుంచి పాదయాత్ర ప్రారంభమైంది. అక్కడి నుంచి చోడవరం నియోజకవర్గం రేవళ్లు, ఖండేపల్లి క్రాస్‌, లక్కవరం క్రాస్‌, గవరవరం,జి.జగన్నాథపురం మీదుగా మడుగుల నియోజక వర్గం వేచలం క్రాస్‌, ములకలపల్లి వరకు పాదయాత్ర కొనసాగుతుంది. 

వైఎస్‌ జగన్‌ను కలవడానికి ఉదయం నుంచే పెద్ద ఎత్తున అభిమానులు, కార్యకర్తలు, పార్టీనేతలు తరలివచ్చారు. ఈ సందర్భంగా స్థానికుల నుంచి రాజన్న తనయుడికి ఘనస్వాగతం లభించింది. ప్రజలు
తమ సమస్యలను జననేతకు విన్నవించుకుంటున్నారు. ప్రజాసమస్యలు తెలుసుకుంటూ.. వారికి నేనున్నా అని భరోసానిస్తూ వైఎస్‌ జగన్‌ పాదయాత్రలో అడుగులు ముందుకు వేస్తున్నారు.

వైఎస్‌ జగన్‌ను కలిసి 108 ఉద్యోగులు
ప్రజా సంకల్పయాత్రలో భాగంగా రాష్ట్ర ప్రతిపక్షనేత, వైఎస్సార్‌సీపీ అధ్యక్షుడు వైఎస్‌ జగన్‌ను 108 ఉద్యోలు కలిశారు. తమ సమస్యలను వివరించి ఆదుకోవాలని విన్నవించుకున్నారు. వారిని నేనున్నా అని భరోస ఇస్తూ అధికారంలోకి రాగానే ఆదుకుంటానని హమీ ఇచ్చారు. అలాగే జననేత వైఎస్‌ జగన్‌ను చోడవరం వికలాంగుల సంక్షేమ సంఘం అధ్యక్షుడు దుగ్గిరాల రవికుమార్‌, సాక్షారభారత్‌ ప్రతినిధులు తమ సమస్యలు చెప్పుకుంటూ ఆదుకోవాలని వినతిపత్రాలు అందజేశారు. వారందరికి భరోసానిస్తూ జననేత జగన్‌ పాదయాత్రలో అడుగులు ముందు వేస్తున్నారు.

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top