సమైక్యాంధ్ర పోరులో వైఎస్సార్ సీపీ ముందంజ

 జగ్గయ్యపేట, న్యూస్‌లైన్ :రాష్ట్రాన్ని సమైక్యంగా ఉంచాలన్న ధ్యేయంతోనే వైఎస్సార్ సీపీ అధ్యక్షుడు వైఎస్ జగన్‌మోహన్‌రెడ్డి హైదరాబాద్‌లో సమైక్య శంఖారావం సభను నిర్వహిస్తామని ధైర్యంగా ప్రకటించారని ఆ పార్టీ జిల్లా కన్వీనర్ సామినేని ఉదయభాను చెప్పారు. బస్టాండ్ ఆవరణలో మంగళవారం రాత్రి జరిగిన విలేకరుల సమావేశంలో ఆయన మాట్లాడుతూ తెలంగాణ ప్రాంతంలో ఏ రాజకీయ పార్టీ నాయకులకు కూడా బహిరంగసభ నిర్వహించడానికి  ధైర్యం సరిపోలేదన్నారు. అటు కాంగ్రెస్ అధికారంలో ఉన్నా, ఇటు టీడీపీ ప్రధాన ప్రతిపక్షంగా ఉన్నా తెలంగాణ ప్రాంతంలో మొక్కవోని దీక్షతో సమైక్య శంఖారావం కార్యక్రమాన్ని తలపెట్టడం జగన్‌మోహన్‌రెడ్డికే సాధ్యమైందన్నారు.