TV
గుంటూరు జిల్లా వెల్దుర్తి మండలం వేమలపాడు గ్రామానికి చెందిన ఈదయ్య(45) అనే కౌలు రైతు శనివారం సాయంత్రం పురుగుల మందు తాగి ఆత్మహత్య చేసుకున్నాడు.
వెల్దుర్తి (గుంటూరు జిల్లా) : గుంటూరు జిల్లా వెల్దుర్తి మండలం వేమలపాడు గ్రామానికి చెందిన ఈదయ్య(45) అనే కౌలు రైతు శనివారం సాయంత్రం పురుగుల మందు తాగి ఆత్మహత్య చేసుకున్నాడు. ఈదయ్య తనకున్న ఎకరం పొలంతోపాటు 7 ఎకరాలు కౌలుకు తీసుకుని సాగుచేస్తున్నాడు. మిర్చి పంటలో వరుసగా నష్టాలు రావడం, అప్పులు ఇచ్చినవారి ఒత్తిడి పెరగడంతో మనస్థాపానికి గురై శనివారం సాయంత్రం ఇంట్లో పురుగుల మందు తాగి ఆత్మహత్యకు పాల్పడ్డాడు. మృతునికి భార్య, ఇద్దరు పిల్లలు ఉన్నారు.
