23న విజయవాడకు గవర్నర్‌ విశ్వభూషణ్‌

Biswa Bhusan Harichandan to visit Tirumala on 23 July - Sakshi

సాక్షి, విజయవాడ: రాష్ట్ర నూతన గవర్నర్‌గా నియమితులైన విశ్వభూషణ్‌ హరిచందన్‌ ఈనెల 23వ తేదీన విజయవాడ రానున్నారు. మంగళవారం మధ్యాహ్నం 3.40 గంటలకు తిరుపతి నుంచి బయలుదేరి గన్నవరం విమానాశ్రయానికి చేరుకుంటారు. అక్కడ పోలీసుల గౌరవ వందనం స్వీకరించనున్నారు. అనంతరం గన్నవరం విమానాశ్రయం నుంచి ఆయన రోడ్డు మార్గంలో బయలుదేరి విజయవాడ కనకదుర్గమ్మను దర్శించుకుంటారు. రాత్రికి రాజ్‌భవన్‌లో బస చేస్తారు. 

శ్రీవారిని దర్శించుకోనున్న ఏపీ గవర్నర్‌ కుటుంబం
కాగా విశ్వభూషణ్‌ హరిచందన్‌ కుటుంబ సమేతంగా తిరుమల రానున్నారు. ఆయన కుటుంబ సభ్యులతో కలిసి భువనేశ్వర్‌ నుంచి ప్రత్యేక విమానంలో మంగళవారం ఉదయం 10 గంటలకు రేణిగుంట విమానాశ్రయం చేరుకుంటారు. అనంతరం రోడ్డు మార్గాన తిరుమల చేరుకుని స్వామివారి దర్శనం చేసుకుంటారు. మధ్యాహ్నం 3 గంటలకు రేణిగుంట విమానాశ్రయం నుంచి గన‍్నవరం బయలుదేరి వెళతారు.  కాగా ఈనెల 24వ తేదీ బుధవారం ఉదయం 11.30 గంటలకు రాష్ట్ర గవర్నర్‌గా విశ్వభూషణ్‌ హరిచందన్‌ ప్రమాణస్వీకారం చేయనున్నారు.

Read latest Andhra Pradesh News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top