TV
ఎంత పెద్ద గుమ్మడో!
తూర్పు గోదావరి జిల్లా కడియం కూరగాయల మార్కెట్లోకి ఓ రైతు భారీ గుమ్మడి కాయ తీసుకువచ్చారు.
ఈ భారీ గుమ్మడి కాయను చూస్తుంటే ఆశ్యర్యంగా ఉంది కదూ...మామూలు గుమ్మడి కంటే భిన్నంగా ఉన్న దీని బరువు 42 కిలోలు. తూర్పు గోదావరి జిల్లా కడియం కూరగాయల మార్కెట్లోని దొడ్డా శ్రీను దుకాణంలో బుధవారం ఈ ‘సుమో’ గుమ్మడి కనిపించింది. మండలంలోని దామిరెడ్డిపల్లికి చెందిన గాజుల సూర్యప్రకాశరావు అనే రైతు మార్కెట్‌కు 30 బూడిద గుమ్మడికాయలు తీసుకు రాగా అందులో ఒకటి ఇలా భారీగా ఉంది. అంతేకాదు.. మిగిలిన కాయల్లోనూ అనేకం 25 కేజీలు, ఆపైనే తూగాయి.
- కడియం
