బస్సును ఢీకొన్న ఆటో: ఆరుగురికి గాయాలు

చోడవరం(విశాఖపట్టణం): బస్సును ప్రమాదవశాత్తు ఆటో ఢీకొట్టిన ఘటనలో ఆరుగురు గాయాలపాలయ్యారు. వివరాలు.. విశాఖ జిల్లా అనకాపల్లి డిపోకు చెందిన ఆర్టీసీ బస్సు కింతలి నుంచి చోడవరం వైపు వెళుతోంది. రాత్రి 9 గంటల సమయంలో చోడవరం సమీపంలో ఎదురుగా మాడుగుల వైపు ప్రయాణికులతో వెళ్తున్న ఆటో, మోటారు సైకిల్‌ను తప్పించబోయి ప్రమాదవశాత్తు బస్సు వెనుక భాగాన్ని ఢీకొంది.

దీంతో ఆటో పల్టీలు కొట్టింది. ఈ ఘటనలో అందులో ఉన్న మాడుగుల మండలానికి చెందిన ఆరుగురు గాయపడ్డారు. క్షతగాత్రులను అనకాపల్లి ప్రభుత్వ ఆస్పత్రికి తరలించారు. వారిలో ముగ్గురి పరిస్థితి విషమంగా ఉన్నట్లు సమాచారం.