రెండు గంటల నుంచి వేచి ఉన్నాం

హాలియా నుంచి కుటుంబ సభ్యులతో కలిసి వచ్చాం. తిరిగి హాలియాకు వెళ్దామని వచ్చి నల్లగొండ బస్టాండ్‌లో బస్సు కోసం రెండు గంటల నుంచి ఎదురు చూస్తున్నాము. చిన్న బాబు ఉన్నాడు ఎండకు తీవ్ర ఇబ్బంది అవుతోంది.

– సహదేవ, ప్రయాణికుడు

ప్రభుత్వం ఆర్టీసీ ఉద్యోగులతో చర్చలు జరిపి సమ్మెను నిలిపివేయాలి. మహాలక్ష్మి పథకం ప్రయాణికులకు ఇబ్బంది కలుగుతోంది. గ్రామాలకు ఆటోలు కూడా లేని వారికి ఇబ్బంది అవుతోంది. ఎండకు ఆటోలో ప్రయాణించే పరిస్థితి లేదు.

– మానస, ప్రయాణికురాలు

ఆర్టీసీ ఉద్యోగుల న్యాయమైన డిమాండ్లను ప్రభుత్వం నెరవేర్చాల్సిందే. ముఖ్యంగా ఆర్టీసీని ప్రభుత్వంలో విలీనం చేయాలి. పెండింగ్‌లో ఉన్న రెండు పీఆర్సీలను అమలు చేయాలి. 2017 నుంచి ఏరియర్స్‌ చెల్లించాలి.

– పి.శారద, ఆర్టీసీ ఉద్యోగి

ఉద్యోగుల డిమాండ్లను ఒ ప్పుకునేంత వరకు సమ్మె ను విరమించేది లేదు. కాంగ్రెస్‌ పార్టీ మేనిఫెస్టోలో పెట్టిన విధంగా ఆర్టీసీని ప్రభుత్వంలో విలీనం చేయాలి. యూనియన్లను పునరుద్ధరించాలి. మూడు సంవత్సరాలుగా వేచి చూస్తున్నాం. తప్పని పరిస్థిల్లో సమ్మెకు వెళ్లాం. ప్రభుత్వ బెదిరింపులకు భయపడం.

– ఎండీ.లతీఫ్‌, డ్రైవర్‌