TV
వరుణ్‌ ధావన్ , జాన్వీ కపూర్‌ జంటగా నటించిన హిందీ చిత్రం ‘బవాల్‌’. ‘దంగల్‌’ ఫేమ్‌ నితేష్‌ తివారి దర్శకత్వంలో సాజిద్‌ నడియాద్‌వాలా నిర్మించిన ఈ చిత్రం ఈ నెల 21 నుంచి అమేజాన్ ప్రైమ్‌ వీడియోలో స్ట్రీమింగ్‌ కానుంది. తాజాగా ఈ సినిమా ట్రైలర్‌ లాంచ్ వేడుక దుబాయ్‌లో జరిగింది. ఈ చిత్రంలో హిస్టరీ టీచర్‌ అజయ్‌గా వరుణ్‌ ధావన్ , నిషాగా జాన్వీ నటించారు.
అజయ్, నిషాలు వివాహం చేసుకుని హనీమూన్ కోసం ప్యారిస్‌కు వెళతారు. అక్కడ వీరి మధ్య ఎలాంటి సంఘటనలు చోటుచేసుకున్నాయి? అనే కథాంశం నేపథ్యంలో ఈ సినిమా కథనం సాగుతుంది. ఈ సినిమా మేజర్‌ షూటింగ్‌ కూడా ప్యారిస్‌లోనే జరిగింది. అయితే ఈ మూవీలో రెండో ప్రపంచ యుద్ధానికి, వరుణ్‌–జాన్వీల ప్రేమకథకు ఉన్న సంబంధం ఏంటి? అనేది ఆసక్తికరంగా ఉంటుంది’’ చిత్ర యూనిట్‌ పేర్కొంది. ‘ప్రతి ప్రేమ కథకు, ఆ ప్రేమ తాలూకు యుద్ధం ఉంటుంది’ అన్న విజువల్స్‌ ట్రైలర్‌లో కనిపిస్తాయి.
