రాజ్‌పాల్‌ యాదవ్‌ గ్యారేజీలోని కార్ల లిస్ట్‌ ఇదే..

బాలీవుడ్ ప్రముఖ హాస్యనటుడు రాజ్‌పాల్ యాదవ్ ప్రస్తుతం వ్యక్తిగత, వృత్తిపరమైన కారణాలతో వార్తల్లో నిలిచారు. ఒకవైపు ఆయన లగ్జరీ కార్ల సేకరణ సోషల్ మీడియాలో చర్చనీయాంశం కాగా, మరోవైపు ఆయన ఎదుర్కొంటున్న చట్టపరమైన చిక్కులు పరిశ్రమలో సంచలనం రేపుతున్నాయి. తాజా సమాచారం ప్రకారం రాజ్‌పాల్ యాదవ్ ఎందుకు వార్తల్లో ఉన్నారు? ఆయన జీవనశైలికి సంబంధించిన ఆసక్తికర వివరాలతో కూడిన వివరాలు చూద్దాం.

రాజ్‌పాల్ యాదవ్ ఎందుకు వార్తల్లో నిలిచారు?

ప్రస్తుతం రాజ్‌పాల్ యాదవ్ చెక్ బౌన్స్ కేసులో చట్టపరమైన ఇబ్బందులు ఎదుర్కొంటున్నారు. సుమారు రూ.9 కోట్ల బకాయిలకు సంబంధించి ఢిల్లీ హైకోర్టు ఆదేశాల మేరకు ఆయన ఇటీవల తిహార్ జైలులో లొంగిపోయారు. 2010లో ఆయన దర్శకత్వం వహించిన ‘అతా పతా లాపతా’ సినిమా కోసం తీసుకున్న అప్పు తిరిగి చెల్లించకపోవడంతో ఈ వివాదం తలెత్తింది. దీనిపై ఇటీవల జరిగిన బెయిల్ విచారణను కోర్టు ఫిబ్రవరి 16కి వాయిదా వేసింది. ఈ క్లిష్ట సమయంలో కొందరు ప్రముఖ బాలీవుడ్‌ నటులు ఆయనకు అండగా నిలవడం, ఆర్థిక సహాయం ప్రకటించడం బాలీవుడ్‌లో చర్చనీయాంశమైంది.

రాజ్‌పాల్ యాదవ్ వ్యక్తిగత జీవితం సాధారణంగానే ఉన్నప్పటికీ, ఆయన వద్ద ఉన్న కార్ల సేకరణ మాత్రం చాలా ప్రత్యేకం. వీటికి సంబంధించి అధికారిక ధ్రువీకరణ లేనప్పటికీ కొన్ని వార్తా నివేదికల సమాచారం ప్రకారం ఆయన వద్ద ఉన్న వాహనాలు వివరాలు కింది విధంగా ఉన్నాయి.

మహీంద్రా థార్ రాక్స్.. దీని ధర సుమారు రూ.12.4 లక్షల నుంచి రూ.22.3 లక్షల వరకు ఉంటుంది.

బీఎమ్‌డబ్ల్యూ 5 సిరీస్.. హోదాకు, సౌకర్యానికి మారుపేరుగా నిలిచే ఈ సెడాన్ రాజ్‌పాల్ యాదవ్ వద్ద ఉన్న అత్యంత ఖరీదైన కార్లలో ఒకటి.

టయోటా ఇన్నోవా క్రిస్టా.. ప్రముఖులు ఎక్కువగా ఇష్టపడే ఈ ఎంపీవీ రాజ్‌పాల్ వద్ద కూడా ఉంది. సుదీర్ఘ ప్రయాణాలకు, విశాలమైన ఇంటీరియర్ కోసం ఆయన దీన్ని ఉపయోగిస్తారు. ఇందులో 2.4-లీటర్ టర్బో డీజిల్ ఇంజిన్ ఉంటుంది.

మహీంద్రా స్కార్పియో.. ఇది ధృడమైన బిల్డ్‌ క్వాలిటీకి ప్రత్యేకంగా నిలుస్తుంది.

హోండా అకార్డ్ (2012 వెర్షన్).. ఇది ఆయన వద్ద ఉన్న పాత మోడల్ అయినప్పటికీ స్మూత్ రైడింగ్ అనుభవం కోసం దీన్ని ఉపయోగిస్తారు.

హ్యుందాయ్ క్రెటా.. రోజువారీ ప్రయాణాలకు అత్యంత అనువైన ఎస్‌యూవీగా దీనికి గుర్తింపు ఉంది.