దివంగత నటి శ్రీదేవి లెగసీని కంటిన్యూ చేస్తూ ఇప్పటికే పెద్ద కూతురు జాన్వీకపూర్‌ హీరోయిన్‌గా దూసుకుపోతుంది. బాలీవుడ్‌తో పాటు తాజాగా టాలీవుడ్‌లోనూ జాన్వీ గ్రాండ్‌గా అరంగేట్రం చేసింది. ఇప్పుడు శ్రీదేవి రెండో కూతురు ఖుషీ కపూర్‌ ‘ద ఆర్చీస్’ మూవీతో బీటౌన్‌లో గ్రాండ్‌ ఎంట్రీకి రెడీ అయ్యింది. తాజాగా ఈ మూవీ ప్రమోషన్స్‌లో ఖుషీ ధరించిన డ్రెస్‌ అండ్‌ జ్యువెలరీ నెటిజన్ల మనసు దోచుకుంటున్నాయి. ఇప్పటి వరకు సినిమాలు చేయకపోయినా శ్రీదేవి కూతురిగా, ఫ్యాషన్‌ ఐకాన్‌గా ఖుషీ కపూర్‌కు బాలీవుడ్‌లో మంచి క్రేజ్‌ ఉంది. తాజాగా తన తొలి డెబ్యూ సందర్భంగా ఖుషీ అరుదైన డ్రెస్‌లో కనిపించి అందరి దృష్టిని ఆకర్షించింది. ఈ సందర్భంగా ఆమె కాస్ట్యూమ్స్‌ ప్రత్యేక ఆకర్షణగా నిలిచాయి. తల్లికి నివాళులు అర్పిస్తూ శ్రీదేవి ఐకానిక్ గౌను ధరించి తళుక్కున మెరిసింది ఖుషీ. గతంలో ఇదే డ్రెస్‌ను  దివంగత శ్రీదేవి 2013 ఐఫా అవార్డు ప్రధానోత్సవంలో ధరించింది. ఇప్పుడు ఖుషీ సైతం అదే డ్రెస్‌ను రిపీట్‌ చేసింది. దీంతో పాటు తల్లి ధరించిన డైమండ్‌ చోకర్‌నే వేసుకొని దేవకన్యలా మెరిసిపోయింది. కాగా ఆర్చీస్‌లో ఖుషి కపూర్‌తో పాటు సుహానా ఖాన్‌, వేదాంగ్‌ రైనా, అగస్త్య, మిహిర్ అహుజా, యువరాజ్ మెండాలు కీలక పాత్రల్లో నటించిన విషయం తెలిసిందే. ఇందులో పలువురు స్టార్‌ కిడ్స్‌ ఉండటంతో ది ఆర్చీస్‌పై ఇప్పటికే హైప్‌ నెలకొంది.  View this post on Instagram A post shared by Viral Bhayani (@viralbhayani)

బాలీవుడ్ భామ జాన్వీ కపూర్ ఇప్పుడిప్పుడే ఇండస్ట్రీలో ఫేమ్ తెచ్చుకుంటోంది. అప్పటి స్టార్ హీరోయిన్ శ్రీదేవి కూతురిగా సినీ పరిశ్రమలోకి ఎంట్రీ ఇచ్చింది.  2018లో దఢక్ సినిమా ద్వారా అరంగేట్రం చేసిన జాన్వీ.. కొద్ది కాలంలోనే తనదైన నటనతో మెప్పించింది. అంతేకాకుండా గతేడాది మిలి చిత్రంతో ప్రేక్షకులను అలరించిన ముద్దుగుమ్మ.. ఇటీవల వరుణ్ ధావన్ సరసన బవాల్ చిత్రంతో ప్రేక్షకుల ముందుకొచ్చింది. ఇటీవలే బవాల్ నేరుగా ఓటీటీలో రిలీజైన సంగతి తెలిసిందే. అయితే ఇవాళ శ్రీదేవి 60 జయంతి కావడంతో తన తల్లిని గుర్తు చేసుకుంది జాన్వీ కపూర్. ఈ సందర్భంగా అమ్మను తలుచుకుంటూ ఎమోషనల్‌ పోస్ట్ రాసుకొచ్చారు.  (ఇది చదవండి: ఆ సమయంలో ఇండస్ట్రీని వదిలేద్దామనుకున్నా: స్టార్ డైెరెక్టర్ ) జాన్వీ కపూర్ తన ఇన్‌స్టాలో రాస్తూ.. 'నీకు మనస్ఫూర్తిగా పుట్టినరోజు శుభాకాంక్షలు అమ్మా. నానమ్మతో సినిమా సెట్‌లో దిగిన ఈ ఫోటో మీకు ఇష్టమైన ప్రదేశాలలో ఒకటి అని నాకు తెలుసు. ఈ రోజు నేను కూడా సినిమా సెట్‌లో ఉన్నా. మీరు నాతో ఇలాగే ఉండాలని నేను గతంలో కంటే ఎక్కువగా కోరుకున్నా. వాస్తవానికి మీ 35వ పుట్టినరోజని మేము అందరినీ ఒప్పించగలము.  నేను నిన్ను చూసి గర్విస్తున్నా. ఈ ప్రపంచాన్ని నీ కళ్లతో చూడగలుగతున్నా. మమ్మల్ని చూసి మీరు కూడా సంతోషిస్తారని నాకు తెలుసు. ప్రతి రోజు నిన్ను ప్రేమిస్తునే ఉంటా అమ్మా. మీరు ఈ భూమి మీద అత్యంత ప్రత్యేకమైన మహిళ. మీరు ఇప్పటికీ మాతో ఉన్నారని నాకు తెలుసు. మేము జీవితంలో ఎదగడానికి కారణం నువ్వే. ఈ రోజు నీకిష్టమైన పాయసం, ఐస్ క్రీములు తింటావని ఆశిస్తున్నా.' అంటూ ఎమోషనల్ పోస్టే చేశారు.  కాగా.. అలనాటి స్టార్ హీరోయిన్ శ్రీదేవి.. తెలుగు, హిందీ, తమిళం, మలయాళం భాషల్లోని స్టార్ హీరోలతో సినిమాలలో  నటించింది. తన అందం, అభినయంతో కొద్దికాలంలోనే స్టార్ హీరోయిన్‌గా గుర్తింపు దక్కించుకుంది. బాలీవుడ్ దర్శకుడు బోనీ కపూర్‌ను పెళ్లి చేసుకున్న శ్రీదేవికి ఇద్దరు కుమార్తెలు ఉన్నారు. కాగా.. 2018లో దుబాయ్ వెళ్లిన శ్రీదేవి ఓ హోటల్‌లో అనుమానాస్పదస్థితిలో మృతి చెందారు. ఇవాళ ఆమె 60వ జయంతి కావడంతో గూగుల్ సైతం ప్రత్యేక డూడుల్‌తో ఆమెకు ఘన నివాళి అర్పించింది.  (ఇది చదవండి: ప్రియాంక చోప్రా భర్తకు అవమానం.. పాట పాడుతుండగానే!) View this post on Instagram A post shared by Janhvi Kapoor (@janhvikapoor)

అతిలోక సుందరి శ్రీదేవి వారసురాలిగా ఎంట్రీ ఇచ్చింది జాన్వీకపూర్‌. ధడక్‌సినిమాతో హీరోయిన్‌గా తెరంగేట్రం చేసిన ఆమె గుంజన్ సక్సెనా ది కార్గిల్ గాళ్‌ చిత్రంతో గుర్తింపు పొందింది. ప్రస్తుతం సినిమాలు, వెబ్‌ సిరీస్‌లలో నటిస్తూ అలరిస్తుంది. సోషల్‌ మీడియాలో యాక్టివ్‌గా ఉండే జాన్వీకపూర్‌ తాజాగా తల్లి శ్రీదేవిని తలుచుకుంటూ ఎమోషనల్‌ పోస్ట్‌ను షేర్‌చేసింది. 'ఇప్పటికీ నీకోసం ప్రతిచోటా వెతుకున్నాను అమ్మా. నేను చేసే ప్రతి పని నిన్ను గర్వించేలా చేస్తున్నానని ఆశిస్తున్నాను. ఎక్కడికి వెళ్లినా, ఏం చేసినా ప్రతి పని నీతోనే మొదలవుతుంది, నీతోనే ముగుస్తుంది' అంటూ జాన్వీ తల్లితో కలిసి దిగిన ఓ ఫోటోను షేర్‌ చేస్తూ భావోద్వేగానికి గురైంది. ప్రస్తుతం ఈ పోస్ట్‌ నెట్టింట వైరల్‌గా మారింది. కాగా అందాల తార శ్రీదేవి ఈ లోకాన్ని విడిచి సుమారు ఐదు సంవత్సరాలు కావొస్తుంది. 2018 ఫిబ్రవరి 24న శ్రీదేవి దుబాయ్‌లో అనుమానాస్పదంగా కన్నుమూసిన సంగతి తెలిసిందే.  View this post on Instagram A post shared by Janhvi Kapoor (@janhvikapoor)

అల‌నాటి అందాల తార శ్రీదేవి అతిలోక సుందరిగా ప్రేక్షకుల గుండెల్లో నిలిచిపోయింది.  భారతీయ సినీ పరిశ్రమను ఏలిన అతి తక్కువ మంది హీరోయిన్లలో శ్రీదేవి ఒకరు.  సౌత్, నార్త్ అనే తేడా లేకుండా భారతీయ సినీ పరిశ్రమలో తనకంటూ ఓ ప్రత్యేక స్థానాన్ని సంపాదించుకుంది. అందం, అభినయంతో ఎంతోమంది అభిమానులని సొంతం చేసుకున్న ఆమె 54 ఏళ్ల వయసులోనే ఆకస్మికంగా కన్నుమూసిన సంగతి తెలిసిందే. ఇక సినిమా పరిశ్రమలో ఎంట్రీ ఇచ్చాక ఎంతో కష్టపడి, ఇష్టపడి చెన్నైలో మొట్టమొదటిసారిగా ఓ ఇంటిని కొనుగోలు చేసింది. ఆ ఇల్లు అంటే తనకు ఎంతో ఇష్టమని స్వయంగా శ్రీదేవి పలు సందర్భాల్లో చెప్పింది. తాజాగా చెన్నైలోకి ఆ ఇంటికి వెళ్లిన శ్రీదేవి కూతురు జాన్వీ కపూర్‌ తల్లి నివాసాన్ని అభిమానులకు పరిచయం చేసింది. ఇందుకు సంబంధించిన హోంటూర్‌ వీడియోను రిలీజ్‌ చేసింది. ఈ సందర్బంగా పలు ఆసక్తికర విషయాలు పంచుకున్న జాన్వీ.. తన తల్లిదండ్రుల పెళ్లి ఫోటోను చూపిస్తూ.. 'వీళ్లు రహస్యంగా పెళ్లి చేసుకున్నారు. అందుకే ఈ ఫోటోల్లో ఇద్దరూ ఒత్తిడిగా ఉన్నట్లు కనిపిస్తున్నారు' అంటూ చెప్పుకొచ్చింది. ఇక తన బెడ్‌రూమ్‌లో బాత్‌రూమ్‌కి గడియ ఉండదని చెప్పిన జాన్వీ ఇందుకు గల కారణాన్ని కూడా రివీల్‌ చేసింది. 'నేను బాత్‌రూమ్‌లోకి వెళ్లి అబ్బాయిలతో ఫోన్‌లో మాట్లాడతానేమో అని అమ్మ భయపడేది. అందుకే నా బాత్‌రూమ్‌కి లాక్‌ పెట్టించలేదు. ఇప్పటికే ఇంటికి మరమత్తులు చేసినా నా బాత్‌రూమ్‌కి మాత్రం లాక్‌ పెట్టించలేదు' అంటూ జాన్వీ సీక్రెట్‌ను రివీల్‌ చేసింది. మరి శ్రీదేవి లాగే ఎంతో అందమైన ఆమె ఇంటిని మీరూ చూసేయండి.

దివంగత నటి శ్రీదేవి ముద్దుల కూతురు జాన్వీ కపూర్ గురించి పరిచయం అక్కర్లేదు. బాలీవుడ్‌లో వరుస సినిమాల్లో నటిస్తూ మంచి గుర్తింపు సాధించింది. ఇటీవలే ఆమె నటించిన చిత్రం 'మిలి' బాక్సాఫీస్ వద్ద హిట్ టాక్‌ తెచ్చుకుంది. ఈ చిత్రానికి ఆమె నటనకు ప్రశంసలు అందుకుంది. 2019 మలయాళంలో హిట్ అయిన హెలెన్‌కి హిందీ రీమేక్‌ మూవీని తెరకెక్కించారు. సోషల్ మీడియాలో ఎప్పుడు యాక్టివ్‌గా ఉంటూ అభిమానులను అలరిస్తూ ఉంటుంది. ఇటీవల ఓ చిట్‌ చాట్‌లో పాల్గొన్న జాన్వీ కపూర్ ఇటలీలో శ్రీదేవికి ఎదురైన ఓ ఘటనను పంచుకున్నారు. గతంలో శ్రీదేవి ఇటలీలో ఫర్నీచర్ షాపింగ్ చేయడానికి వెళ్లినట్లు జాన్వీ కపూర్ వెల్లడించారు. చెన్నైలోని తమ ఇంటికి ఫర్నీచర్ కోసమని తన ఫ్రైండ్‌తో కలిసి వెళ్లిన సమయంలో ఒక ఇటాలియన్ వ్యక్తి ఆమెకు సైట్‌ కొట్టాడని తెలిపింది. ఈ ఘటనతో మా అమ్మ షాక్‌కు గురైందని పేర్కొంది. ఆ కుర్రాడి ప్రవర్తనకు ఆశ్చర్యపోయిన శ్రీదేవి ఫ్రైండ్‌ ఈ విషయాన్ని బోనీ కపూర్‌కు ఫోన్‌ చేసి వివరించినట్లు పేర్కొంది. కాగా.. శ్రీదేవి, బోనీ కపూర్ హనీమూన్ ఇటలీలోనే జరిగినట్లు జాన్వీ చెప్పుకొచ్చింది. ఆమె ప్రస్తుతం రాజ్‌కుమార్ రావుతో పాటు మిస్టర్ అండ్ మిసెస్ మహితో సహా పలు ఇతర ప్రాజెక్ట్‌ల్లో నటిస్తోంది. 

సినిమా అంశాలు, గ్లామరస్‌ ఫొటోలు పోస్ట్‌ చేస్తూ జాన్వీ కపూర్‌ నిత్యం సోషల్‌ మీడియాలో యాక్టివ్‌గా ఉంటుంది. అతిలోక సుందరి శ్రీదేవి వారసురాలిగా బాలీవుడ్‌లో రంగప్రవేశం చేసిన జాన్వీ కపూర్, తడక్‌తో హీరోయిన్‌గా పరిచయం అయ్యింది. తొలి ప్రయత్నంలోనే నటిగా ప్రశంసలు అందుకుంది. కానీ ఆ తర్వాత ఆమె నటించిన చిత్రాలు ఆశించినంత సక్సెస్‌ కాలేదు.    తమిళంలో నయనతార నటించిన హీరోయిన్‌  కోలవవు కోకిల చిత్రాన్ని జాన్వీ కపూర్‌ హిందీలో రీమేక్‌ చేశారు. గుడ్‌ లక్‌ జెర్రీ పేరుతో రపొందిన ఈ చిత్రం ఓటీటీలో విడుదలైంది. అయితే ఈ సినిమా ఓటీటీలో విడుదలైనా, థియేటర్లలో విడుదల కాలేదన్న బాధ ఈ అమ్మడికి ఉందట. ఇక రీసెంట్‌ ఇంటర్వ్యూలో తల్లి శ్రీదేవి చేసిన సినిమాలను రీమేక్‌ చేస్తారా అని ప్రశ్నించగా అంతటి సాహసం చేయలేనని పేర్కొంది. తన తల్లి ప్రతి సినిమాలో తనకంటూ స్పెషల్‌ ఇమేజ్‌ను క్రియేట్‌ చేసుకుందని తెలిపింది. ఇక దక్షిణాది సినిమాల్లో నటించడానికి తాను వెయిటింగ్‌ అని, మంచి ఆఫర్స్‌ వస్తే అసలు వదులకోనను చెప్పింది. చదవండి: విజయ్‌ దేవరకొండపై శ్రీదేవి కూతురు ఇంట్రెస్టింగ్‌ కామెంట్స్‌

బాలీవుడ్‌ వెండితెరపై బయోపిక్‌ ఫార్ములా నడుస్తోంది. ఆల్రెడీ కొన్ని బయోపిక్స్‌ వెండితెరపైకి వచ్చాయి. మరికొన్ని సెట్స్‌లో ఉన్నాయి. ఇంకొన్ని చర్చల దశలో ఉన్నాయి. ఈ చర్చించుకునే బయోపిక్‌ జాబితాలో అతిలోక సుందరి శ్రీదేవి బయోపిక్‌ కూడా ఉంది. ఆదివారం శ్రీదేవి వర్థంతి సందర్భంగా ఆమె బయోపిక్‌ మరోసారి తెరపైకి వచ్చింది. శ్రీదేవి బయోపిక్‌ను నిర్మించేందుకు ఆయన భర్త బోనీ కపూర్‌ కూడా సుముఖంగానే ఉన్నారట. కానీ శ్రీదేవిలా నటించగల నటి ఎవరు? అన్నదే పెద్ద ప్రశ్న. అయితే శ్రీదేవిపాత్రలో మాధురీ దీక్షిత్‌ అయితే సరిపోతారని బోనీ భావిస్తున్నారని బాలీవుడ్‌ తాజా ఖబర్‌. 

కొన్ని పాత్రలు కొందరిని వెతుక్కుంటూ వెళతాయని సినీ ప్రముఖులు అంటుంటారు. శ్రీదేవి కెరీర్‌లో అలాంటి పాత్రలు చాలా ఉన్నాయి. ‘మిస్టర్‌ ఇండియా’ లో శ్రీదేవి చేసిన ‘సీమా సోనీ’ క్యారెక్టర్‌ అలాంటిదే. ఈ పాత్రలో ఆమె ఎంత అద్భుతంగా నటించారంటే.. వేరే ఏ నాయికనూ ఊహించుకోలేం. ఈ చిత్రదర్శకుడు శేఖర్‌ కపూర్‌ కూడా అదే అంటున్నారు. శ్రీదేవి చనిపోవడంతో ‘మిస్టర్‌ ఇండియా’కి సీక్వెల్‌ తీయాలనే తన ఆలోచన చనిపోయిందని శేఖర్‌ కపూర్‌ పేర్కొన్నారు. శ్రీదేవి లేకుండా సీక్వెల్‌ తీస్తే తాజ్‌మహల్‌ లేని ఆగ్రాలా, నర్గిస్‌ లేని ‘మదర్‌ ఇండియా’ సినిమాలా ఉంటుందనీ, ‘మిస్టర్‌ ఇండియా’కి బలం అనిల్‌ కపూర్, అమ్రిష్‌ పురి, శ్రీదేవి అనీ, అమ్రిష్, శ్రీదేవి చనిపోయారు కాబట్టి, వారి ప్లేస్‌లో వేరే ఆర్టిస్టులను తీసుకుని సీక్వెల్‌ చేస్తే పాత మేజిక్‌ని రీ–క్రియేట్‌ చేయలేమని చిత్రనిర్మాత–శ్రీదేవి భర్త బోనీ కపూర్‌ భావించారట. అందుకే సీక్వెల్‌ తీయాలనే ఆలోచన మానుకున్నారని సమాచారం. ‘‘సీక్వెల్‌ గురించి బోనీ ఏమనుకుంటున్నారో నాకు తెలియదు. నేను మాత్రం సీక్వెల్‌ని డైరెక్ట్‌ చేయలేను. శ్రీదేవి చనిపోవడంతో చాలా కలలు చనిపోయాయి. వాటిలో ‘మిస్టర్‌ ఇండియా’ సీక్వెల్‌ ఒకటి’’ అని శేఖర్‌ కపూర్‌ పేర్కొన్నారు. సో.. ‘మిస్టర్‌ ఇండియా 2’ రెండో భాగం లేనట్లే.

రాష్ట్రపతి చేతుల మీదుగా అవార్డు అందుకున్నవారిలో దివంగత నటి శ్రీదేవి కుటుంబం ఉంది. ‘మామ్‌’ చిత్రానికి ఉత్తమ నటిగా శ్రీదేవిని జాతీయ అవార్డుకి ఎంపిక చేసిన విషయం తెలిసిందే. ఈ అవార్డును అందుకోవడానికి శ్రీదేవి భర్త బోనీకపూర్, ఆమె కూమార్తెలు జాన్వీ అండ్‌ ఖుషీ ఢిల్లీ వెళ్లారు. రాష్ట్రపతి రామ్‌నాథ్‌ కోవింద్‌ చేతుల మీదుగా అవార్డును అందుకున్నారు. ‘‘ఇది మేం గర్వపడాల్సిన సమయం. ఈ మంచి క్షణాల్లో శ్రీదేవి బతికి ఉంటే చాలా సంతోషపడేవారు. సినిమాలో ఆమె పడిన కష్టానికి ఫలితం దక్కింది’’ అన్నారు బోనీ కపూర్‌. జాన్వీ పట్టు చీర కట్టుకుని వెళ్లారు. తాను కట్టుకున్న చీర తల్లిదేనని ఆమె పేర్కొన్నారు.

శ్రీదేవి తరచూ మీడియాతో మాట్లాడేవారు కాదు.. కానీ మాట్లాడినప్పుడల్లా పదే పదే మాట్లాడించాలనిపిస్తుంది. చదివేవాళ్లకూ పదే పదే చదవాలనిపిస్తుంది. అలాంటి కొన్ని ‘సిరిమల్లె పువ్వులు’ మీకోసం... ► ‘రియల్‌ శ్రీదేవి’ ఎలా ఉంటారు? నేను అందరిలానే సాధారణ మనిషిని. నేనంత ఇంట్రస్టింగ్‌ కూడా కాదు. ఇంకో తల్లిదండ్రుల బిడ్డను. ‘రియల్‌ శ్రీదేవి’ అంటే ఏంటో తెలియాలంటే నా ఇంటికి వచ్చి నన్ను చూడాలి. నాకు చాలా సిగ్గు. అంత త్వరగా ఎవరితోనూ కలవలేను. మాట్లాడలేను. కొత్త వాళ్లతో మాట్లాడాలంటే నాకు అన్‌ ఈజీగా ఉంటుంది. సినిమాల్లో మాట్లాడేలా గలగలా మాట్లాడలేను. తక్కువగా మాట్లాడతా. ► ‘స్టార్‌డమ్‌’కి చేరుకున్నాక మీ ఫీలింగ్‌? చిన్నప్పటి నుంచి నాకేదైనా ఇష్టం అంటే అది నా దగ్గరకు వచ్చేసేది. ఫర్‌ ఎగ్జాంపుల్‌ నాకేదైనా చీర నచ్చితే దానికోసం నేను షాప్‌కి వెళ్లక్కర్లేదు. అదే నా దగ్గరకు వచ్చేది. కోరుకున్నది మన దగ్గరికే వచ్చినప్పుడు జీవితం గురించి తెలుసుకునే చాన్స్‌ ఉండదు. ఆ విధంగా ‘స్టార్‌డమ్‌’ నాకు జీవితం గురించి తెలుసుకునే అవకాశం ఇవ్వలేదు. ► నటిగా మీకు నచ్చని విషయం ఏంటి? మీరు ఫలానా సినిమాలో అందంగా ఉన్నారని అభినందిస్తే నాకు నచ్చదు. ఆ కాంప్లిమెంట్‌కి రియాక్ట్‌ అవ్వను. అదే ‘మీరు ఆ సినిమాలో చాలా బాగా యాక్ట్‌ చేశారు’ అంటే అప్పుడు చాలా ఆనందపడతా. ప్రౌడ్‌గా ఫీల్‌ అవుతాను. ► మీలా అందంగా, స్లిమ్‌గా కనిపించాలంటే ఏం చేయాలి? అందంగా ఉండటమంటే డైట్‌ ఫాలో అవ్వడం, జిమ్‌కు వెళ్లడం కాదు. మానసికంగా సంతోషంగా ఉండటం. మన స్టేట్‌ ఆఫ్‌ మైండ్‌ ఎలా ఉందనేది మన లుక్స్‌ నిర్దేశిస్తాయి. లోపల సంతోషంగా లేనప్పుడు డైట్‌ ఫాలో అయ్యి, ఎంత జిమ్‌ చేసినా ఉపయోగం ఉండదు. ► వేరే హీరోయిన్స్‌తో పోటీ? పోటీ అనేది సమఉజ్జీల మధ్య ఉంటుంది. ప్రస్తుతానికి నా సమఉజ్జీ శ్రీదేవీయే. నాకు నేనే పోటీ. ► మీ సినిమాల గురించి జాన్వీ, ఖుషీలు ఏమంటారు? నేను నటించిన పాత సినిమాలను జాన్వీ, ఖుషీ అంతగా చూడలేదు. కానీ ఎప్పుడైనా టీవీల్లో వచ్చినప్పుడు మాత్రం తప్పకుండా చూస్తారు. ఆ సినిమాల్లో నేను వేసుకున్న డ్రెస్‌లను అబ్జర్వ్‌ చేస్తారు. నేను కొన్ని సినిమాలకు ట్రెండీ డ్రెస్‌లను వాడాను. అవి బాగున్నాయంటారు. బాగా యాక్ట్‌ చేశావని కాంప్లిమెంట్స్‌ ఇస్తారు. ► సినిమాలంటే మీకు చాలా ఇష్టమా? నాలుగేళ్ల వయసు నుంచే నటించడం స్టార్ట్‌ చేశాను. అందరి అమ్మాయిల్లా నేను పెరగలేదు. నా చిన్నతనంలో స్టూడియోస్‌లోనే ఎక్కువ టైమ్‌ స్పెండ్‌ చేసేదాన్ని. ఒకవేళ స్టూడియో వాతావరణాన్ని ఇష్టపడకపోయి ఉంటే ఎప్పుడో సినిమాలు వదిలేసేదాన్నేమో. ఒక సినిమా చేయాల్సి వచ్చినప్పుడు ఎంత కష్టాన్నయినా ఇష్టంగా భావిస్తాను. ► మీ భర్త బోనీకపూర్‌ మిమ్మల్ని ఆటపట్టిస్తారా? నేను క్రమశిక్షణగా ఉంటాను. బోనీజీ ‘నువ్వేమైనా సాధువులా జీవిస్తున్నావా?’ అని ఆటపట్టిస్తారు. కానీ నా ఇష్టాలను ఆయన ఎప్పుడూ కాదనలేదు. ► యంగర్‌ జనరేషన్‌కి మీరిచ్చే సలహా? సక్సెస్‌నే కాదు ఫెయిల్యూర్‌నూ తట్టుకోగల మైండ్‌సెట్‌ను ఇంప్రూవ్‌ చేసుకోవాలి. లైఫ్‌లో ఉన్నత శిఖరాలను చేరుకోవాలంటే కృతజ్ఞతాభావం, మానవత్వం ఉండాలి. మాట్లాడమని బోనీజీ బతిమాలేవారు మీరు స్వతహాగా మితభాషి కదా. ఇంట్లో కూడా అంతేనా? నేను తక్కువగానే మాట్లాడతాను. కానీ నాకు క్లోజ్‌గా ఉన్నవారితో బాగానే మాట్లాడతా. వర్క్‌ చేసే దగ్గర వర్క్‌ గురించే మాట్లాడటం ముఖ్యమని భావిస్తా. చెబితే నమ్మరు కానీ కాస్త ఎక్కువగా మాట్లాడమని బోనీజీ మొదట్లో బతిమాలేవారు. ఆ తర్వాత మాత్రం సీన్‌ రివర్స్‌ అయ్యింది. మేం ఇద్దరం ఉన్నప్పుడు నేనే ఎక్కువగా మాట్లాడతా.                                       భర్తతో... పిల్లలు నన్ను వదిలి ఉండలేరు ► మీ పిల్లలు, మీరు అమ్మాకూతుళ్లలా కాకుండా అక్కచెల్లెళ్లలా ఉంటారు... మేం సిస్టర్స్‌లానే బిహేవ్‌ చేస్తాం. నేనెక్కడికైనా వెళితే చాలు జాన్వీ పదే పదే ఫోన్లు చేస్తుంటుంది. ఖుషీ కూడా అంతే. నన్ను వదిలి ఉండలేరు. వాళ్లు నాతో అలా క్లోజ్‌గా ఉండటం, నా మీద ఆధారపడటం, చిన్న చిన్న విషయాల్లో నన్ను డిస్ట్రబ్‌ చేయడం నాకెంతో ఫన్నీగా, హ్యాపీగా ఉంటుంది.                                           పిల్లలతో... ► జాన్వీ సినిమాలో నటిస్తోంది కదా.. తనకు మీరిచ్చిన సలహా? మైండ్‌తో కాదు... హార్ట్‌తో వర్క్‌ చేయమని జాన్వీకి చెప్పాను. ‘నో పెయిన్‌ నో గెయిన్‌’ అని కూడా చెప్పాను. అమ్మా... నీ విజయాలకు నేనే సాక్ష్యం డియర్‌ మామ్‌.. నీ కీర్తి ప్రతిష్టలు, అంకితభావం, నిజాయితీ, స్ఫూర్తి గురించి వింటూ పెరుగుతున్నాను. నువ్వు సాధించిన విజయాలకు నేనే సాక్ష్యంగా ఉండటం నాకు ఆనందంగా ఉంది. జీవితంలో అన్నీ సాధించావు. నువ్వు సాధించిన ఈ ఘనత నన్ను ఈ ప్రపంచంలోనే గర్వపడే కూతుర్ని చేసింది. నిన్ను ఎంతగానో ప్రేమిస్తున్నాను... – నీ కూతురు జాన్వీ      ఓ సందర్భంలో శ్రీదేవికి ఓపెన్‌ లెటర్‌ రాయమని ఓ పత్రిక ఆమె పెద్ద కుమార్తె జాన్వీని కోరగా ఆమె పై విధంగా రాశారట. తల్లంటే జాన్వీకి ఎంత ప్రేమ, గౌరవం ఉన్నాయో అర్థమవుతోంది కదూ. మరణం తర్వాత... మీరు బాధపడే విషయం               :    మరణం తర్వాత జీవితం ఉండదని మీ విలువైన ఆస్తి                        :    నా ఫ్యామిలీ మీకు బోర్‌ కొట్టించేది                    :    షూటింగ్‌లో ఏదైనా జరిగినప్పుడు హాస్పిటల్‌కు పరిగెత్తడం మీ సెక్స్‌ అపీల్‌                           :     నా జీన్స్‌ (జన్యువులు) మీ బలం                                   :    ఏది జరిగితే దాన్ని ఆమోదించడం మీకు నచ్చే మీ ఫేవరెట్‌ క్వాలిటీ      :    నా ఎమోషన్స్‌ మిమ్మల్ని చిరాకు పెట్టించేది          :    రీ–మేక్‌ మూవీస్‌లో రీ–టేక్స్‌ తీసుకోవడం బర్త్‌డే అంటే                               :     ఎడ్జ్‌కు ఇంకొంచెం దగ్గరకి వచ్చేశాం అని గుర్తు చేసే రోజు

ముంబై: దడక్‌ చిత్రంతో సినిమాల్లోకి అరంగేట్రం చేస్తున్న శ్రీదేవి తనయ జాన్వీ కపూర్‌ జిమ్‌లో తెగవర్క్‌ అవుట్‌ చేస్తోంది. ఇప్పటికే ఈ సినిమా ఫస్ట్‌ లుక్‌తో అభిమానులను అలరించిన జాన్వీ.. ఈ  మూవీ కోసం తెగ కష్టపడుతోంది. హీరోయిన్‌ కాకముందే సోషల్‌ మీడియా వేదికగా మంచి ఫ్యాన్‌ ఫాలోయింగ్‌ సంపాదించుకున్న ఈ అమ్మడు.. అభిమానులకు సోషల్‌ మీడియా వేదికగా ఫిట్‌నెస్‌ పాఠాలు చెబుతోంది. తన పర్సనల్‌ ట్రైనర్‌తో జిమ్‌లో సిక్స్‌ప్యాక్‌ ఎలా సాధించాలనే చిట్కాలు చెబుతూ.. వర్కఅవుట్‌లకు సంబంధించిన ఓ వీడియోను ఇన్‌స్టాగ్రామ్లో పోస్ట్‌ చేసింది. ఈ వీడియో ఇప్పుడు అభిమానులను తెగ ఆకట్టుకుంటోంది. ఇక మరాఠీ సూపర్‌ హిట్‌ మూవీ ‘సైరాత్‌’కు హిందీ రిమేక్‌ చిత్రమే దడక్‌. ఈ మూవీని కరణ్‌ జోహర్‌ నిర్మిస్తుండగా.. శశాంక్‌ కైతాన్‌ హీరోగా నటిస్తున్నాడు


 
 ముంబై: అతిత్వరలోనే వెండితెరకు పరిచయం కాబోతున్న తన ఇద్దరు కూతుళ్లతో వెటరన్‌ నటి శ్రీదేవి నడిచిరావడాన్నిచూసి అక్కడివారంతా స్థాణువైపోయారు. అతిలోక సుందరి నుంచి పుణికిపుచ్చుకున్న అందానికితోడు ట్రెండీ వేరింగ్‌లో దర్శనమిచ్చిన జాహ్నవి కపూర్‌, ఖుషీ కపూర్‌లకు హాయ్‌ చెప్పేందుకు అభిమానులు పోటీపడ్డారు. అయితే స్టార్‌డమ్‌ను మేనేజ్‌చెయ్యడం అలవాటైన ఆముగ్గురూ.. ప్రతిస్పందించకుండా తమదారిలో వెళ్లిపోయారు. శుక్రవారం ముంబై అంతర్జాతీయ విమానంలో క్లిక్‌మనిపించిన ఈ ఫొటోలు ప్రస్తుతం సోషల్‌ మీడియాలో వైరల్‌ అయ్యాయి.
 
 తన అభినయంతో దేశవ్యాప్తంగా అభిమానులను సంపాదించుకున్న నటి శ్రీదేవి.. సుదీర్ఘ విరామం తర్వాత 2012లో ‘ఇంగ్లిష్‌-వింగ్లిష్‌’ ద్వారా రీఎంట్రీ ఇచ్చిన సంగతి తెలిసిందే. ఆ తర్వాత తమిళంలో ​‘పులి’సినిమాలో నటించింది. ప్రస్తుతం ఆమె ప్రధాన పాత్రధారిగా ‘మామ్‌’ అనే సినిమా తెరకెక్కుతోంది. శ్రీదేవి భర్త బోనీ కపూర్‌ నిర్మిస్తోన్న ‘మామ్‌’కు రవి ఉద్యావర్‌ దర్శకుడు. నవాజుద్దీన్‌ సిద్దిఖీ, అక్షయ్‌ ఖన్నా, అభిమన్యూ సింగ్‌(పవన్‌‘గబ్బర్‌సింగ్‌’ విలన్‌) ఇతర పాత్రధారులు. ఇక శ్రీదేవి పెద్దకూతురు జాహ్నవి కపూర్‌ను కరణ్‌ జోహార్‌ రూపొందించనున్న సినిమాతో లాంచ్‌ చేయబోతున్నసంగతి తెలిసిందే. ఇక శ్రీదేవి కుటుంబం విమానంలో ఎక్కడికి వెళ్లారన్నదిమాత్రం సస్పెన్స్‌!
 
 
 
 
 
 


 ముంబై: బాలీవుడ్ నిర్మాత, ప్రముఖ నటి శ్రీదేవి భర్త బోని కపూర్ ప్రమాదం నుంచి తృటిలో తప్పించుకున్నారు. ముంబైలో జరిగిన కారు ప్రమాదంలో బోని కపూర్ కు స్వల్ప గాయాలైనట్టు ఆయన మేనేజర్ మీడియాకు తెలిపారు. అయితే స్వల్పంగా గాయపడిన బోని కపూర్ ఆరోగ్య పరిస్థితి గురించి ఆందోళన పడాల్సిన అవసరం లేదని వైద్యులు వెల్లడించారు. 
  
 'ముంబైలోని వహి ప్రదేశంలో తేవర్ చిత్ర షూటింగ్ ను ముగించుకుని వస్తుండగా సతారా హైవేపై ట్రాక్టర్ ను బోని కారు ఢికొట్టింది. ప్రమాదం జరిగిన సమయంలో కారును ఆయన డ్రైవర్ నడుపుతున్నారు. బోని శరీరపు వెనక భాగంలో గాయాలయ్యాయి' అని శ్రీదేవి మేనేజర్ పంకజ్ కర్భందా మీడియాకు సమాచారం అందించారు.