Sophie Molineux

WPL 2027 మినీ వేలం ఇవాళ కొచ్చిలోని గ్రాండ్‌ హయత్‌ హోటల్‌లో జరిగింది. ఈ వేలంలో మొత్తం 150 మంది ప్లేయర్లు పాల్గొనగా.. 25 మందిని వివిధ ఫ్రాంచైజీలు ఎంపిక చేసుకున్నాయి. వీరిలో ఆసీస్‌ కెప్టెన్‌ సోఫీ మొలినెక్స్‌కు అత్యధిక ధర లభించింది. యూపీ వారియర్జ్‌ ఫ్రాంచైజీ ఆమెను రూ. 1.1 కోట్లకు కొనుగోలు చేసింది.మొలినెక్స్‌ తర్వాత భారత ప్లేయర్లు కిరణ్‌ నవ్‌గిరే (75 లక్షలు, ఢిల్లీ క్యాపిటల్స్‌), జి కమలిని (40 లక్షలు, గుజరాత్‌ జెయింట్స్‌)కు అత్యధిక ధర లభించింది. ఈ వేలంలో తొలుత ఎవరినీ కొనుగోలు చేయని ఆర్సీబీ చివర్లో కీలక ప్లేయర్లను జట్టులోకి తీసుకుంది.ఫ్రాంచైజీల వారీగా కొనుగోలు చేయబడిన ప్లేయర్లు..UP వారియర్జ్ • Sophie Molineux (ఆల్ రౌండర్) – ₹1.10 కోట్లు• గ్రేస్ హారిస్ (ఆల్ రౌండర్) - ₹30 లక్షలు• స్నేహ రానా (ఆల్ రౌండర్) - ₹30 లక్షలు• సుష్మా వర్మ (వికెట్ కీపర్) – ₹30 లక్షలు• ఆశా శోభన (బౌలర్) - ₹30 లక్షలు• క్యాథరిన్ బ్రైస్ (ఆల్ రౌండర్) - ₹10 లక్షలు• మనాలి దక్షిణి (ఆల్ రౌండర్) – ₹10 లక్షలు• సహానా పవార్ (ఆల్ రౌండర్) – ₹10 లక్షలుముంబై ఇండియన్స్• శ్వేతా సెహ్రావత్ (బ్యాటర్) - ₹20 లక్షలు• దిశా కసత్ (బ్యాటర్) - ₹10 లక్షలు• సానికా చాల్కే (బ్యాటర్) - ₹10 లక్షలు• భారతీ రావల్ (బౌలర్) - ₹10 లక్షలు• అక్షితా భగత్ (ఆల్ రౌండర్) – ₹10 లక్షలు• లతిక ఇనామ్దార్ (వికెట్ కీపర్) - ₹10 లక్షలుఢిల్లీ క్యాపిటల్స్ • కిరణ్ నవ్‌గిరే (బ్యాటర్) - ₹75 లక్షలు• జెస్ జోనాసెన్ (ఆల్ రౌండర్) - ₹40 లక్షలు• కిర్స్టీ గోర్డాన్ (బౌలర్) - ₹10 లక్షలు• ఉమా కశ్వి (ఆల్ రౌండర్) – ₹10 లక్షలు• నజ్మా ఖాన్ (ఆల్ రౌండర్) – ₹10 లక్షలుగుజరాత్ జెయింట్స్• జి. కమలిని (బ్యాటర్) - ₹40 లక్షలు• ఓర్లా ప్రెండర్‌గాస్ట్ (ఆల్ రౌండర్) – ₹30 లక్షలు• సమైరా రాఘవ్ (ఆల్ రౌండర్) – ₹10 లక్షలురాయల్ ఛాలెంజర్స్ బెంగళూరు • తేజల్ హసబ్నిస్ (బ్యాటర్) - ₹30 లక్షలు• క్లో ట్రయాన్ (ఆల్ రౌండర్) – ₹30 లక్షలు• బృందా దినేష్ (బ్యాటర్) - ₹10 లక్షలుఇదీ చదవండి: మంధన సరసన షఫాలీ.. కేవలం 26 బంతుల్లోనే..!

మహిళల ప్రీమియర్‌ లీగ్‌ (డబ్ల్యూపీఎల్‌)-2027 వేలంలో ఆస్ట్రేలియా కెప్టెన్‌ సోఫీ మొలినె భారీ ధర పలికింది. యూపీ వారియర్స్‌ ఈ ఆల్‌రౌండర్‌ను ఏకంగా రూ. 1.1 కోట్లకు కొనుగోలు చేసింది. రాయల్‌ చాలెంజర్స్‌ బెంగళూరు (ఆర్సీబీ) మొలినె కోసం పోటీపడగా.. ఆఖరికి భారీ ధరతో యూపీ వారియర్స్‌ ఆమెను సొంతం చేసుకుంది.అత్యధిక ధర!యూపీ వారియర్స్‌ హెడ్‌కోచ్‌ అభిషేక్‌ నాయర్‌ పట్టుబట్టి మరీ మొలి తమ జట్టులో చేరేలా చేశాడు. ఈ క్రమంలో కొచ్చి వేదికగా బుధవారం నాటి వేలంపాటలో తొలి రౌండ్‌లో అత్యధిక ధరకు అమ్ముడుపోయిన ప్లేయర్‌గా మొలినె నిలవడం గమనార్హం.WPL-2027 వేలం తొలి రౌండ్‌లో అమ్ముడుపోయిన ప్లేయర్లు వీరే👉కిరణ్‌ నవ్‌గిరే- ఢిల్లీ క్యాపిటల్స్‌- రూ. 75 లక్షలు👉సోఫీ మొలినె- యూపీ వారియర్స్‌- రూ. 1.1 కోట్లు👉జి. కమలిని- గుజరాత్‌ జెయింట్స్‌- రూ. 40 లక్షలు👉ఓర్లా ప్రెండెర్‌గాస్ట్‌- గుజరాత్‌ జెయింట్స్‌- రూ. 30 లక్షలు👉స్నేహ్‌ రాణా- యూపీ వారియర్స్‌- రూ. 30 లక్షలు👉గ్రేస్‌ హ్యారిస్‌- యూపీ వారియర్స్‌- రూ. 30 లక్షలు.రెండో రౌండ్‌లో అమ్ముడుపోయిన ప్లేయర్లు👉సుష్మా వర్మ- యూపీ వారియర్స్‌- రూ. 30 లక్షలు👉దిశా కసత్‌- ముంబై ఇండియన్స్‌- రూ. 10 లక్షలుమూడో రౌండ్‌లో అమ్ముడుపోయిన ప్లేయర్లు👉లతిక ఇనాందార్‌- ముంబై ఇండియన్స్‌- రూ. 10 లక్షలు👉భారతి రావల్‌- ముంబై ఇండియన్స్‌- రూ. 10 లక్షలుఇవీ చదవండి: వన్డే సిరీస్‌ను క్లీన్‌స్వీప్‌ చేసిన భారత్‌ టీమిండియాకు గుడ్‌ న్యూస్‌.. వైభవ్‌ పరిస్థితి ఏంటో..?

ఐసీసీ మహిళల టీ20 ప్రపంచకప్‌-2026 టోర్నీలో ఆస్ట్రేలియా వరుసగా రెండో విజయం నమోదు చేసింది. తొలి మ్యాచ్‌లో సౌతాఫ్రికా వుమెన్‌ను 65 పరుగుల తేడాతో చిత్తు చేసిన మొలినెక్స్‌ బృందం.. తాజాగా బంగ్లాదేశ్‌ మహిళా జట్టుపై కూడా ఘన విజయం సాధించింది.టాపార్డర్‌ కుదేలు లీడ్స్‌ వేదికగా హెడింగ్లీ మైదానంలో బుధవారం నాటి మ్యాచ్‌లో టాస్‌ గెలిచిన ఆస్ట్రేలియా జట్టు తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన బంగ్లా టాపార్డర్‌ కుదేలైంది. ఆసీస్‌ పేసర్‌ కిమ్‌ గార్త్‌.. ఓపెనర్లలో దిలారా అక్తర్‌ను డకౌట్‌ చేయడంతో పాటు.. జువేరియా ఫిర్దోస్‌ను 8 పరుగులకే పెవిలియన్‌కు పంపింది.వన్‌డౌన్‌ బ్యాటర్‌ షర్మిన్‌ అక్తర్‌ (5)ను ఆసీస్‌ కెప్టెన్‌ సోఫీ మొలినెక్స్‌ వికెట్ల ముందు దొరకబుచ్చుకుంది. అనంతరం బంగ్లా సారథి నిగర్‌ సుల్తానా (27)ను కూడా మొలినెక్స్‌ LBWగా వెనక్కి పంపింది. ఇక మిగిలిన వారిలో శోభనా మొస్తరీ (4), షోర్నా అక్తర్‌ (0) వికెట్లను ఎలిస్‌ పెర్రీ తన ఖాతాలో వేసుకోగా.. రీతూ మోనీ (16)ని జార్జియా వారేహామ్‌.. రెబెయా ఖాన్‌ (8)ను అన్నాబెల్‌ సదర్లాండ్‌ పెవిలియన్‌కు పంపారు.77 పరుగులకే ఖేల్‌ ఖతం.. 9.3 ఓవర్లలో ఛేదనఫలితంగా నిర్ణీత 20 ఓవర్లలో బంగ్లాదేశ్‌ మహిళా జట్టు ఎనిమిది వికెట్ల నష్టానికి కేవలం 77 పరుగులే చేసింది. అనంతరం లక్ష్య ఛేదనకు దిగిన ఆస్ట్రేలియా జట్టు కేవలం 9.3 ఓవర్లలో ఒక వికెట్‌ నష్టపోయి పని పూర్తి చేసింది. ఓపెనర్‌ జార్జియా వోల్‌ (32 బంతుల్లో 45)తో పాటు.. వన్‌డౌన్‌ బ్యాటర్‌ ఎలిస్‌ పెర్రీ (15 బంతుల్లో 19) అజేయంగా నిలవగా.. మరో ఓపెనర్‌ బెత్‌ మూనీ (10) మాత్రం మరూఫా అక్తర్‌ బౌలింగ్‌లో వెనుదిరిగింది. కాగా బంగ్లాపై విజయంతో గ్రూప్‌-‘ఎ’లో ఆస్ట్రేలియా అగ్రస్థానాన్ని నిలబెట్టుకుంది. ఇప్పటికి ఆడిన రెండు మ్యాచ్‌లలో గెలిచి నాలుగు పాయింట్లతో టాపర్‌గా నిలిచింది. చదవండి: వైభవ్‌ సూర్యవంశీకి బీసీసీఐ షాక్‌

భారత మహిళలతో జరగనున్న మల్టీ-ఫార్మాట్ సిరీస్ కోసం క్రికెట్ ఆస్ట్రేలియా తమ జట్లను ప్రకటించింది. ఆసీస్ టీ20 కెప్టెన్‌గా స్టార్ ఆల్‌రౌండర్ సోఫీ మోలినెక్స్ ఎంపికైంది. భారత్‌తో సిరీస్‌ల తర్వాత అంతర్జాతీయ క్రికెట్‌కు అలిస్సా హీలీ రిటైర్మెంట్ ప్రకటించనున్న నేపథ్యంలో.. ఆమె వారసురాలిగా మోలినెక్స్‌ను క్రికెట్ ఆస్ట్రేలియా ఎంపిక చేసింది.ప్రస్తుత సిరీస్‌లో టీ20 జట్టు కెప్టెన్‌గా వ్యవహరించనున్న మోలినెక్స్‌.. అనంతరం మూడు ఫార్మాట్లలో జట్టు పగ్గాలను చేపట్టనుంది. ఆసీస్ జట్టులో సీనియర్లు ఆష్లీ గార్డనర్, తహిలియా మెక్‌గ్రాత్ వంటి సీనియర్లు ఉన్నప్పటికి మోలినెక్స్ వైపే సెలెక్టర్లు మొగ్గు చూపారు. బిగ్ బాష్ లీగ్‌లో మెల్బోర్న్ రెనెగేడ్స్ కెప్టెన్‌గా మోలినెక్స్ విజయవంతం కావడంతో ఇప్పుడు జాతీయ జట్టును నడిపించే అవకాశం దక్కింది. దేశవాళీ క్రికెట్‌లో విక్టోరియా జట్టుకు కెప్టెన్‌గా పనిచేసిన అనుభవం కూడా ఆమెకు ఉంది.ఇక భారత్ టెస్టు సిరీస్‌కు ఆసీస్ జ‌ట్టులో యువ ఆల్‌రౌండ‌ర్ లూసీ హామిల్ట‌న్‌కు సెలెక్ట‌ర్లు చోటిచ్చారు. హామిల్ట‌న్ ఉమెన్స్ నేషనల్ క్రికెట్ లీగ్‌లో కేవ‌లం 15 ఏళ్ల వ‌య‌స్సులోనే క్వీన్స్‌ల్యాండ్ త‌ర‌పున అరంగేట్రం చేసి చ‌రిత్ర సృష్టించింది. ఆ త‌ర్వాత బిగ్ బాష్ లీగ్‌లో కేవలం 8 పరుగులు ఇచ్చి 5 వికెట్లు తీసి అందరి దృష్టిని ఆకర్షించింది.ప్ర‌స్తుతం ఆమె డ‌బ్ల్యూపీఎల్‌లో ఢిల్లీ క్యాపిట‌ల్స్‌కు ప్రాతినిథ్యం వహిస్తోంది. టీ20ల్లో చోటు దక్కని స్పిన్నర్ అలానా కింగ్‌కు వన్డే జట్టులో సెల‌క్ట‌ర్లు అవ‌కాశ‌మిచ్చారు. అదేవిధంగా గాయం కార‌ణంగా డ‌బ్ల్యూపీఎల్ మ‌ధ్య‌లోనే వైదొలిగిన ఫోబ్ లిచ్‌ఫీల్డ్‌కు భార‌త్‌తో సిరీస్‌లకు ఎంపిక చేసిన జ‌ట్టులో చోటు ద‌క్క‌డం గ‌మ‌నార్హం. ఫిబ్రవరి 15 నుంచి భారత జట్టు ఆస్ట్రేలియా పర్యటన ప్రారంభం కానుంది.ఆసీస్ టీ20 జ‌ట్టుడార్సీ బ్రౌన్, నికోలా కేరీ, కిమ్ గార్త్, గ్రేస్ హారిస్, ఫోబ్ లిచ్‌ఫీల్డ్, బెత్ మూనీ, ఎల్లీస్ పెర్రీ, మేగాన్ షుట్, అనబెల్ సదర్లాండ్, జార్జియా వోల్, జార్జియా వేర్హామ్.ఆసీస్ వ‌న్డే జ‌ట్టుడార్సీ బ్రౌన్, నికోలా కేరీ, ఆష్లీ గార్డనర్, కిమ్ గార్త్, అలానా కింగ్, ఫోబ్ లిచ్‌ఫీల్డ్, బెత్ మూనీ, తహిలియా మెక్‌గ్రాత్, ఎల్లీస్ పెర్రీ, అనబెల్ సదర్లాండ్, జార్జియా వోల్, జార్జియా వేర్హామ్.ఆసీస్ టెస్టు జ‌ట్టుడార్సీ బ్రౌన్, ఆష్లీ గార్డనర్, కిమ్ గార్త్, లూసీ హామిల్టన్, అలానా కింగ్, ఫోబ్ లిచ్‌ఫీల్డ్, బెత్ మూనీ, తహిలియా మెక్‌గ్రాత్, ఎల్లీస్ పెర్రీ, అనబెల్ సదర్లాండ్, జార్జియా వోల్, జార్జియా వేర్హామ్.

ఆస్ట్రేలియా మహిళల క్రికెట్‌ జట్టుకు కొత్త కెప్టెన్‌ ఎంపిక ఖరారైనట్లు తెలుస్తుంది. దిగ్గజ వికెట్‌కీపర్-బ్యాటర్ అలైస్సా హీలీ రిటైర్మెంట్ (ఫిబ్రవరి-మార్చిలో జరిగే భారత్‌ సిరీస్‌ తర్వాత) ప్రకటించడంతో, ఆమె స్థానంలో సోఫీ మోలినెక్స్‌ను కొత్త ఆల్ ఫార్మాట్ కెప్టెన్‌గా ఎంపిక​ చేసినట్లు సమాచారం. ఈ విషయమై అధికారిక​ ప్రకటన వెలువడనప్పటికీ.. మోలినెక్స్‌కు పట్టం కట్టడం దాదాపుగా ఖరారైనట్లు ఆసీస్‌ మీడియా వర్గాలు అంటున్నాయి. కొద్ది రోజుల కిందటి వరకు రేసులో లేని మోలినెక్స్‌ అనూహ్యంగా కెప్టెన్సీని దక్కించుకుందని కథనాలు వెలువడుతున్నాయి. అందులోనూ ఆమెను ఆల్‌ ఫార్మాట్‌ కెప్టెన్‌గా ఎంపిక​ చేయడం మరింత ప్రాధాన్యతను సంతరించుకుంది. హీలీ తర్వాత కెప్టెన్సీ రేసులో ఎల్లిస్‌ పెర్రీ, ఆష్లే గార్డ్‌నర్‌ పేర్లు ప్రధానంగా వినిపించినా, క్రికెట్‌ ఆస్ట్రేలియా మోలినెక్స్‌వైపే మొగ్గు చూపినట్లు తెలుస్తుంది. 28 ఏళ్ల మోలినెక్స్‌ 2018లో భారత్‌తో జరిగిన టీ20 ట్రై-సిరీస్‌తో ఆసీస్‌ తరఫున అరంగేట్రం చేసింది. ఇప్పటివరకు ఆమె 3 టెస్ట్‌లు, 17 వన్డేలు, 38 టీ20లు ఆడింది. లెఫ్ట్-ఆర్మ్ స్పిన్నర్‌గా 76 అంతర్జాతీయ వికెట్లు సాధించిన ఆమె, లోయర్ ఆర్డర్ బ్యాటర్‌గా చాలా ఉపయోగకరమైన ప్రదర్శనలు చేసింది. హీలీ నాయకత్వం వహించిన జట్టులో మోలినెక్స్‌ కీలక పాత్ర పోషించింది. 2018, 2020 టీ20 వరల్డ్ కప్‌లలో ఆస్ట్రేలియా విజయాల్లో భాగమైంది. ఇటీవల ముగిసిన మహిళల వన్డే వరల్డ్ కప్‌లోనూ ఎనిమిది వికెట్లు తీసి సత్తా చాటింది. మోలినెక్స్‌ ఎంపిక ఆసీస్‌కు బ్యాటింగ్‌, బౌలింగ్‌ విభాగాల్లో సమతుల్యత తీసుకొస్తుంది.