Slippers attacks

నాయకత్వ మార్పు ఉత్తరప్రదేశ్‌ కాంగ్రెస్‌లో చిచ్చు రేపింది. కొత్త పీసీసీ అధ్యక్షురాలు ఆరాధన మిశ్రా మోనా బాధ్యతలు చేపట్టిన తొలిరోజే పార్టీ కార్యాలయంలో తీవ్ర గందరగోళం చోటుచేసుకుంది. మాజీ అధ్యక్షుడు అజయ్‌ రాయ్‌ మద్దతుదారులు, మోనాకు మద్దతుగా నిలిచిన కార్యకర్తలు పరస్పరం వాగ్వాదానికి దిగారు. పరిస్థితి అదుపు తప్పడంతో.. బూతులతో రెచ్చిపోతూ కొందరు చెప్పులతో కొట్టుకుంటూ ఘర్షణకు దిగారు. ఈ ఘటనకు సంబంధించిన వీడియోలు సామాజిక మాధ్యమాల్లో వైరల్‌గా మారాయి.అజయ్‌ రాయ్‌ స్థానంలో మోనాను పార్టీ రాష్ట్ర అధ్యక్షురాలిగా నియమించిన నేపథ్యంలో ఆదివారం లక్నోలోని కాంగ్రెస్‌ రాష్ట్ర కార్యాలయంలో బాధ్యతల స్వీకరణ కార్యక్రమం నిర్వహించారు. ఈ కార్యక్రమానికి పార్టీ నేతలు, కార్యకర్తలు పెద్ద సంఖ్యలో హాజరయ్యారు. అయితే, కార్యక్రమం ప్రారంభమైన కొద్దిసేపటికే రాయ్‌ మద్దతుదారులు మోనాకు వ్యతిరేకంగా నినాదాలు చేయడంతో వివాదం మొదలైంది. దీనికి ప్రతిగా మోనా మద్దతుదారులు ఆమెకు అనుకూలంగా నినాదాలు చేశారు. ఇరు వర్గాల మధ్య మాటామాటా పెరిగి ఘర్షణకు దారితీసింది.నేతల బుజ్జగింపులుకార్యకర్తలు ఒకరినొకరు నెట్టుకోవడం, బండ బూతులతో దూషించుకోవడం, చెప్పులు విసురుకోవడం వంటి దృశ్యాలు బయటకు వచ్చాయి. పరిస్థితిని చక్కదిద్దేందుకు కాంగ్రెస్‌ సీనియర్‌ నేతలు రంగంలోకి దిగారు. మోనా తండ్రి, రాజ్యసభ సభ్యుడు ప్రమోద్‌ తివారీతోపాటు యూపీ కాంగ్రెస్‌ వర్కింగ్‌ ప్రెసిడెంట్‌ ఇమ్రాన్‌ మసూద్‌ ఇరు వర్గాలను శాంతింపజేసేందుకు ప్రయత్నించారు. అజయ్‌ రాయ్‌తో ప్రమోద్‌ తివారీ చేతులు జోడించి మాట్లాడుతున్న దృశ్యాలు కూడా కనిపించాయి."Do take ki aurat, madar**chod, sa**li, r**ndi" Abuses hurled by *Congress* workers *at* Congress state prez Aradhana Misra. These are the folks who want to take power in Lucknow. As a UP voter, my deepest fear is any one of these comes near power. https://t.co/jxKVEwM0as— Ateendriyo (@Ateendriyo) October 11, 2026ఒక పార్టీ రాష్ట్ర అధ్యక్షుడి బాధ్యతల స్వీకరణ కార్యక్రమంలోనే ఈ స్థాయిలో గొడవ జరగడం కాంగ్రెస్‌ వర్గాల్లో చర్చనీయాంశమైంది. కార్యక్రమానికి హాజరైన మధ్యప్రదేశ్‌ కాంగ్రెస్‌ మహిళా విభాగం అధ్యక్షురాలు మమతా చౌధరిపై కూడా కొందరు మాటలతో దాడికి దిగినట్లు సమాచారం. ఈ పరిణామాలపై ఆమె తీవ్ర అసంతృప్తి వ్యక్తం చేశారు. తాము ఎంతో నిరుత్సాహానికి గురయ్యామని పేర్కొన్నారు.అజయ్‌ రాయ్‌ ఫిర్యాదు?తనను ఈ కార్యక్రమం పేరిట అవమానించారంటూ అజయ్‌ రాయ్‌ పార్టీ అధిష్ఠానానికి ఫిర్యాదు చేసినట్లు తెలుస్తోంది. బాధ్యులపై చర్యలు తీసుకుంటామని పార్టీ నాయకత్వం ఆయనకు హామీ ఇచ్చినట్లు సమాచారం. ఘర్షణ అనంతరం రాయ్‌ తన వారసురాలైన మోనాకు పుష్పగుచ్ఛం అందించి శుభాకాంక్షలు తెలిపారు. దీంతో పరిస్థితి సద్దుమణిగినట్లు కనిపించినా, అంతర్గత విభేదాలు మాత్రం బయటపడ్డాయి.ఈ ఘటనపై స్పందించేందుకు రాయ్‌ నిరాకరించారు. పార్టీ కోసం సాధారణ కార్యకర్తగా తన వంతు కృషి కొనసాగిస్తానని, మోనా పార్టీని కొత్త శిఖరాలకు తీసుకెళ్తారని ఆశిస్తున్నట్లు చెప్పారు. మరోవైపు, కొందరు సీనియర్‌ నేతలు ఈ వివాదాన్ని పెద్దగా పట్టించుకోవాల్సిన అవసరం లేదన్నట్లుగా వ్యవహరించారు.మోనా ముందున్న అసలు సవాలుఉత్తరప్రదేశ్‌లో 2027లో అసెంబ్లీ ఎన్నికలు జరగనున్న నేపథ్యంలో కాంగ్రెస్‌కు మోనా నాయకత్వం కీలకం కానుంది. అయితే, రాష్ట్రంలో పార్టీ పరిస్థితి అంతంతమాత్రంగానే ఉంది. 1989 నుంచి యూపీలో కాంగ్రెస్‌ అధికారానికి దూరంగా ఉంది. 2022 అసెంబ్లీ ఎన్నికల్లో 403 స్థానాలకు పోటీ చేసిన కాంగ్రెస్‌ కేవలం రెండు సీట్లకే పరిమితమైంది. ఒకప్పుడు పార్టీకి బలమైన ప్రాంతాలుగా భావించిన అమేథీ, రాయ్‌బరేలీలోనూ విజయం సాధించలేకపోయింది. ఈ నేపథ్యంలో పార్టీని బలోపేతం చేయడం, కార్యకర్తల్లో ఐక్యతను పెంచడం, ఎన్నికలకు కేడర్‌ను సిద్ధం చేయడం మోనాకు పెద్ద సవాలుగా మారాయి. బాధ్యతలు చేపట్టిన తొలిరోజే పార్టీ కార్యాలయంలో జరిగిన ఘర్షణ నాయకత్వానికి ఇబ్బందికరంగా పరిణమించింది.కుల సమీకరణాలపైనా చర్చయూపీ కాంగ్రెస్‌ అధ్యక్షుడిగా 2023 ఆగస్టు నుంచి కొనసాగిన అజయ్‌ రాయ్‌ స్థానంలో బ్రాహ్మణ సామాజిక వర్గానికి చెందిన ఆరాధన మిశ్రా మోనాను నియమించడం రాజకీయ చర్చకు దారితీసింది. రాయ్‌ భూమిహార్‌ సామాజిక వర్గానికి చెందిన నేత. సమాజ్‌వాదీ పార్టీతో పొత్తు వ్యవహారం సజావుగా సాగేందుకు, రాష్ట్రంలో బ్రాహ్మణ ఓటర్లను ఆకర్షించేందుకు కాంగ్రెస్‌ ఈ మార్పు చేసిందనే విశ్లేషణలు వినిపిస్తున్నాయి. అయితే, పార్టీ పగ్గాలు మారిన వెంటనే కార్యకర్తలు పరస్పరం ఘర్షణకు దిగడం కాంగ్రెస్‌లో అంతర్గత అసంతృప్తి ఏ స్థాయిలో ఉందన్న ప్రశ్నలను లేవనెత్తుతోంది. ఎన్నికలకు ఇంకా సమయం ఉన్నప్పటికీ, పార్టీ నేతలు, కార్యకర్తల మధ్య సమన్వయం సాధించడం మోనాకు తొలి పరీక్షగా మారింది.ఇదీ చదవండి: బీజేపీ బ్యాక్‌గ్రౌండ్‌.. కాక్రోచ్‌లకు సపోర్ట్‌గా రోడ్డెక్కి!

బెంగళూరు: కన్నడ నటి పవిత్ర గౌడను ఆన్‌లైన్‌లో వేధించాడన్న పట్టారాని కోపంతో రేణుకస్వామి అనే చిరుద్యోగిని నటుడు దర్శన్‌ తూగుదీప, అతని అనుచరులు హతమార్చారన్న కేసులో కొత్త విషయాలు వెలుగులోకి వచ్చాయి. దర్శన్‌ సన్నిహిత నటి పవిత్ర గౌడను ఈ కేసులో ప్రధాన నిందితురాలిగా పేర్కొంటూ పోలీసులు గురువారం బెంగళూరులో 24వ అదనపు చీఫ్‌ మెట్రోపాలిటన్‌ మేజిస్ట్రేట్‌ ఎదుట రిమాండ్‌ రిపోర్ట్‌ను సమర్పించారు. స్వామికి కరెంట్‌ షాక్‌ ఇచ్చి హింసించామని ఇప్పటికే అరెస్టయిన ఒక నిందితుడు నేరాన్ని అంగీకరించాడు. ఈ వివరాలను రిమాండ్‌ రిపోర్ట్‌లో పోలీసులు ప్రస్తావించారు. హత్య తర్వాత అరెస్ట్, కేసు నుంచి తప్పించుకునేందుకు, మృతదేహాన్ని మాయం చేసి ఆధారాలను ధ్వంసంచేసేందుకు దర్శన్‌ భారీగా ఖర్చుచేశారని, అందుకోసం స్నేహితుడు మోహన్‌ రాజ్‌ నుంచి రూ.40 లక్షల అప్పు తీసుకున్నారని పోలీసులు వెల్లడించారు. షాక్‌ ఇచ్చేందుకు వాడిన ఎలక్ట్రిక్‌ షాక్‌ టార్చ్‌ను, ఆ రూ.40 లక్షల నగదును పోలీసులు ఇప్పటికే స్వా«దీనం చేసుకున్నారు. దర్శన్, మరో ముగ్గురిని పోలీస్‌ కస్టడీకి, పవిత్ర గౌడను జ్యుడీషియల్‌ కస్టడీకి పంపాలని కోర్టును పోలీసులు కోరారు. ఘటనాస్థలిలో చెప్పులతో కొట్టిన పవిత్ర చిత్రదుర్గ ప్రాంతంలో రేణుకస్వామిని కిడ్నాప్‌చేసి 200 కి.మీ.ల దూరంలోని బెంగళూరుకు తీసుకొచ్చి షెడ్‌లో కట్టేసి కొట్టేటపుడు నటి పవిత్ర గౌడ అక్కడే ఉన్నారని విశ్వసనీయ వర్గాలు వెల్లడించాయి. ఆమె కూడా రేణుకస్వామిని తన చెప్పులతో కొట్టారని పోలీసులు పేర్కొన్నారు. అసభ్య సందేశాలు పంపిన స్వామికి బుద్ది చెప్పాలని అక్కడే ఉన్న దర్శన్‌ను పవిత్ర ఉసిగొలి్పందని ఆయా వర్గాలు వెల్లడించాయి. రేణుకస్వామి పోస్ట్‌మార్టమ్‌లో కొత్త విషయాలు వెల్లడయ్యాయి. సున్నిత అవయవాలపై దాడితో వృషణాలు చితికిపోయాయని, ఒక చెవి కనిపించలేదని నివేదిక పేర్కొంది. రేణుకస్వామి గతంలో ఇన్‌స్టా్రగామ్‌లో పోస్ట్‌ చేసి డిలీట్‌చేసిన మెసేజ్‌లను వెలికి తీసివ్వాలని దాని మాతృ సంస్థ ‘మెటా’ను పోలీసులు కోరారు.

లక్నో: ఓ దళిత యువకుడికి ఘోర అవమానం జరిగింది. అందరి ముందు యువకుడిపై గ్రామ సర్పంచ్‌ చెప్పుతో దాడి చేసి, చంపేస్తామని బెదిరించాడు. ఈ సంఘటన ఉత్తర్‌ప్రదేశ్‌లోని ముజఫర్‌నగర్‌లో వెలుగుచూసింది. దీనికి సంబంధించిన దృశ్యాలు సామాజిక మాధ్యమాల్లో వైరల్‌గా మారాయి. ఈ క్రమంలో గ్రామ సర్పంచ్‌, మాజీ సర్పంచ్‌లపై కేసు నమోదు చేసి దర్యాప్తు చేపట్టినట్లు పోలీసులు తెలిపారు. యువకుడిపై దాడి నేపథ్యంలో భీమ్‌ ఆర్మీ కార్యకర్తలు ఛాపర్‌ పోలీస్‌ స్టేషన్‌ ముందు ఆందోళనకు దిగారు. కారకులపై కఠిన చర్యలు తీసుకోవాలని డిమాండ్‌ చేశారు. దీంతో ఆ ప్రాంతంలో భద్రత కట్టుదిట్టం చేశారు.   పోలీసుల వివరాల ప్రకారం.. దినేష్‌ కుమార్‌(27) అనే దళిత యువకుడిపై.. తాజ్‌పుర్‌ గ్రామ సర్పంచ్‌ శక్తి మోహన్‌ గుర్జార్‌, రేటా నగ్లా గ్రామ మాజీ సర్పంచ్‌ గాజే సింగ్‌లు దాడి చేశారు. చెప్పుతో కొడుతూ చంపేస్తామని యువకుడిని బెదిరించారు. వీడియోలు తీసి ఎస్సీ వర్గానికి చెందిన ప్రజలను భయపెట్టే ప్రయత్నం చేశారు. భారతీయ శిక్షా స్మృతి, ఎస్సీ, ఎస్టీ అట్రాసిటీ నిరోధక చట్టం కింద కేసులు నమోదు చేసినట్లు నగర ఎస్పీ అర్పిత్‌ విజయ్‌వర్గియా తెలిపారు. గ్రామ సర్పంచ్‌ శక్తి మోహన్‌ను అరెస్ట్‌ చేశామని, రెండో వ్యక్తి పరారీలో ఉన్నట్లు చెప్పారు. In UP's Muzaffarnagar, a village head and his people thrashed a SC youth with slippers in public and threatened him with death while abusing caste slurs. They also recorded the incident and made it viral to humiliate the SC people. pic.twitter.com/MeiPTfo9KF — Mission Ambedkar (@MissionAmbedkar) August 20, 2022 ఇదీ చదవండి: Viral Video: గేదె ముందు యువతి కుంగ్‌ఫూ స్టెప్పులు.. దెబ్బకు చిర్రెత్తడంతో..

సంచలనం సృష్టించిన హజిరా బాలిక హత్యాచార కేసులో ఎట్టకేలకు తుది తీర్పు వెలువడింది. నిందితుడు సుజిత్‌ సాకేత్‌ను దోషిగా నిర్ధారిస్తూ సూరత్‌ జిల్లా(గుజరాత్‌) కోర్టు జీవిత ఖైదు విధించింది. అయితే తీర్పు వెలువరించిన జడ్జికి.. కోర్టు హాల్‌లోనే చేదు అనుభవం ఎదురైంది.  జీవితాంతం జైల్లోనే మగ్గాలంటూ సుజిత్‌కు ప్రత్యేక(పోక్సో) న్యాయమూర్తి దోషిగా ప్రకటించిన వెంటనే నిందితుడు సుజిత్‌ సాకేత్‌ కోపంతో ఊగిపోయాడు. తన కాలి చెప్పులను తీసి జడ్జి పీఎస్‌ కళ మీదకు విసిరాడు. అయితే ఆ చెప్పులు జడ్జి మీద పడలేదు. ఆయనకు కాస్త ముందున్న సాక్షి బోనులో పడ్డాయి. దీంతో న్యాయమూర్తి కంగుతినగా.. పోలీసులు వెంటనే సుజిత్‌ను అదుపు చేశారు.  Special POCSO Judge P.S. Kala ఇదిలా ఉంటే జడ్జి పీఎస్‌ కళ గతంలోనూ పోక్సో నేరాలకు సంబంధించి సంచలన తీర్పులెన్నింటినో వెలువరించారు. త్వరగతిన తీర్పులు వెలువరిస్తారని ఆయనకు పేరుంది. గతంలోనూ ఓ కేసులో నిందితుడిని ‘చచ్చే వరకు జైళ్లోనే మగ్గాలి’ అంటూ తీర్పు  ఇచ్చారు. పలు కేసుల కోసం ఆయన అర్ధరాత్రిళ్లు సైతం విచారణలు కొనసాగించడం విశేషం.  ఇదిలా ఉంటే హజిరా ఉదంతంలో బాధితురాలు ఐదేళ్ల బాలిక. ఆమె ఓ వలస కార్మికుడి కుటంబానికి చెందింది. మధ్యప్రదేశ్‌కు చెందిన సుజిత్‌ వలస మీద హజిరాకు వచ్చి.. ఆ కుటుంబం పక్కనే ఉండేవాడు. ఈ ఏడాది ఏప్రిల్‌ 30న చాక్లెట్‌ ఆశ చూపించి..ఆ బాలికపై అఘాయిత్యానికి పాల్పడ్డాడు. ఆపై బాలికను హతమార్చాడు. ఈ ఉదంతం రాష్ట్రవ్యాప్తంగా సంచలనం సృష్టించింది. దీంతో కేసు ప్రత్యేక న్యాయస్థానానికి బదిలీ చేశారు.  ఘటన తర్వాత నిందితుడిని వెంటనే అరెస్ట్ చేసిన పోలీసులు.. ఈ కేసులో 26 మంది సాక్షులను విచారించారు. మరోవైపు కోర్టు కూడా 53 డాక్యుమెంటరీ ఎవిడెన్స్‌లను పరిశీలించాకే తుది తీర్పు వెలువరించింది. ఇక తుదితీర్పు సందర్భంగా గుమిగూడిన జనాలు.. నిందితుడిని అక్కడికక్కడే ఉరి తీయాలంటూ నినాదాలు చేయడం విశేషం.

చెన్నై : ప్రముఖ నటుడు, మక్కల్‌ నీది మయ్యం పార్టీ అధినేత కమల్‌ హాసన్‌కు చేదు అనుభవం ఎదురయ్యింది. ఎన్నికల ప్రచార ర్యాలీలో పాల్గొన్న కమల్‌ హాసన్‌ మీద చెప్పులు విసిరారు. బుధవారం ఓ రోడ్ షో లో పాల్గొన్న కమల్ హాసన్ మీద ఓ వ్యక్తి చెప్పు విసిరాడు. అయితే, అది కమల్ హాసన్‌కు తగలలేదు. మరికొందరు కూడా కమల్ మీదకు చెప్పులు విసిరే ప్రయత్నం చేయబోగా పోలీసులు అడ్డుకున్నారు. ఈ దాడిలో పోలీసులు బీజేపీ కార్యకర్తలతో పాటు హనుమ సేన కార్యకర్తలపై కూడా కేసు నమోదు చేశారు. రెండు రోజుల క్రితం కమల్ హాసన్ స్వతంత్ర భారత దేశంలో మొట్టమొదటి ఉగ్రవాది ఓ హిందూ అని, అతని పేరు నాథూరామ్ గాడ్సే అని వ్యాఖ్యానించిన సంగతి తెలిసిందే. ఈ వ్యాఖ్యలు దేశ వ్యాప్తంగా పెను దుమారం రేపాయి. కమల్ హాసన్ మీద చర్యలు తీసుకోవాలంటూ పలు హిందూ సంఘాలు డిమాండ్ చేశాయి. కమల్ హాసన్‌కు వ్యతిరేకంగా నిరసన ప్రదర్శనలు కూడా చేశారు. ఈ క్రమంలో ఎన్నికల ప్రచారంలో పాల్గొన్న కమల్ హాసన్ మీద చెప్పుల దాడి జరిగింది.

సాక్షి, నెల్లూరు : ఆంధ్రప్రదేశ్‌ భారతీయ జనతా పార్టీ(బీజేపీ) అధ్యక్షుడు కన్నా లక్ష్మీ నారాయణపై చెప్పుల దాడి జరిగింది. బుధవారం నెల్లూరు జిల్లాలో కావలిలో ర్యాలీ నిర్వహిస్తున్న ఆయనపై తెలుగుదేశం పార్టీకి చెందిన కార్యకర్త ఒకరు చెప్పులు విసిరారు. దీంతో బీజేపీ కార్యకర్తలు అతడిని చితకబాదారు. పోలీసులు అతడిని అదుపులోకి తీసుకుని స్టేషన్‌కు తరలిస్తున్నా, వెంబడించి మరీ చావబాదారు. అనంతరం చెప్పుల దాడికి నిరసనగా నిరసనగా బీజేపీ కార్యకర్తలు పోలీస్‌ స్టేషన్‌ ఎదుట నిరసనకు దిగారు. రాష్ట్రంలో టీడీపీ రౌడీయిజాన్ని అడ్డుకుంటామని హెచ్చరించారు. కాగా, చెప్పుల దాడి ఘటనపై బీజేపీ ఎమ్మెల్సీ సోము వీర్రాజు తీవ్రంగా స్పందించారు. టీడీపీ నేతలు కొరివితో తల గోక్కుంటున్నారని హెచ్చరించారు. తన ఇంటిపైకి కూడా టీడీపీ నాయకులు రౌడీలను పంపిస్తున్నారని ఆరోపించారు. హోం మంత్రి, డీజీపీ, గవర్నర్‌లను ఈ విషయంపై కలిశామని గుర్తు చేశారు. రాష్ట్రానికి నాలుగేళ్లలో ఏం చేశామనే విషయాన్ని ప్రజలకు చెప్పడానికే పర్యటన చేస్తున్నట్లు వెల్లడించారు. పర్యటన విజయవంతం అయితే ఓడిపోతామని భయపడుతున్న చంద్రబాబు ఇలాంటి దాడులకు ప్రోత్సహిస్తున్నారని ఆరోపించారు.

చెన్నై : ప్రధాని నరేంద్ర మోదీకి ‘చెప్పు’ చూపించాడనే కారణంతో ఓ 46 ఏళ్ల వ్యక్తిని పోలీసులు అరెస్ట్‌ చేశారు. చెన్నైలో ఓ ప్రభుత్వం పథకం ఆవిష్కరణకు 2017 డిసెంబర్‌ 21న అక్కడికి వెళ్లిన ప్రధాని నరేంద్ర మోదీకి పాల్లిని అనే వ్యక్తి చెప్పు చూపిస్తూ అవమానపరిచాడు. ఈ ఘటనపై సుమోటో ఫిర్యాదు దాఖలైంది. దీంతో ఆ ఘటనకు పాల్పడిన పాల్లినిపై పోలీసులు చర్యలు తీసుకున్నారు. అతన్ని అరెస్ట్‌ చేసి, ఎగ్మోర్‌ కోర్టులో హాజరు పరిచారు. ప్రస్తుతం అతనిపై 15 రోజుల రిమాండ్‌ విధించారు. అయితే రాజకీయ నాయకులపై లేదా పార్టీ నేతలపై ప్రజలు అసహనం చూపించడం ఇదే తొలిసారి కాదు.  తమ నేతలపై ఉన్న అసహనాన్ని ప్రజలు, లీడర్ల దిష్టిబొమ్మలు దహనం చేసి, కూరగాయలు ముఖంపై విసిరేసి, ఇంకు, షూస్‌లు వారిపైకి విసురుతూ తమ నిరసనను వ్యక్తం చేస్తారు. గతంలో కూడా ఇలాంటి కేసులు చాలానే నమోదయ్యాయి. సెక్యురిటీ సర్కిళ్లను వెనక్కి నెట్టేసి మరీ ఈ ఘటలను పాల్పడుతుంటారు.  అంతకముందు ఒడిశా ముఖ్యమంత్రి నవీన్‌ పట్నాయక్‌పై ఓ మహిళ కోడిగుడ్లను విసిరేసి తన నిరసనను వ్యక్తం చేసింది. ఒడిశా బాలసోర్‌లో ప్రజా ర్యాలీ జరుపుతున్న సమయంలో ఈ ఘటన జరిగింది. పట్నాయక్‌పై గుడ్లను విసురుతున్న ఘటనను గుర్తించిన ఆయన సెక్యురిటీలు ఆ మహిళను అడ్డుకున్నారు. ఇలా ప్రజలు తమ రాజకీయనేతలపై తమ అసహనాన్ని వ్యక్తపరుస్తుంటారు.


 అలిపిరిలో కాంగ్రెస్ పార్టీకి చెందిన రాజ్యసభ సభ్యుడు, తెలంగాణ ప్రాంతానికి చెందిన సీనియర్ నేత వి.హనుమంతరావు కారుపై చెప్పులు పడిన సంఘటన మీద అర్బన్ ఎస్పీ రాజశేఖర్ బాబు స్పందించారు. తిరుమలలో శ్రీవారిని దర్శించుకోడానికి శనివారం తిరుమల వచ్చిన ఆయన.. హైదరాబాద్‌లో సీమాంధ్ర ప్రజలు ఉద్యోగాలు చేయటానికి అర్హులు కాదంటూ చేసిన వ్యాఖ్యలు వివాదానికి దారితీశాయి. హైదరాబాద్‌లో సీమాంధ్ర ప్రజలు నివసించవచ్చు కానీ... ఉద్యోగాలు చేయరాదంటూ వీహెచ్ వివాదాస్పద వ్యాఖ్యలు చేశారు. దీంతో సమైక్యవాదులు ఆయన ప్రయాణిస్తున్న వాహనాన్ని అలిపిరి దిగువ ఘాట్‌ వద్ద అడ్డుకున్నారు.
 
 ఈ సంఘటనపై అర్బన్ ఎస్పీ రాజశేఖర్‌బాబు స్పందించారు. వీఐపీలు ఎవరు వచ్చినా వారు తిరుమల పవిత్రతను కాపాడేలా ఉండాలని ఆయన సూచించారు. తిరుమలకు వచ్చే ఏ వీఐపీ అయినా ఉద్యమకారులను చెర్చగొట్టే వ్యాఖ్యలు చేయకూడదని, వీహెచ్ చేసిన వ్యాఖ్యల వల్లే ఉద్యమకారులు ఆవేశానికి గురయ్యారని ఎస్పీ చెప్పారు. జడ్ ప్లస్‌ కేటగిరీ కన్నా ఎక్కువ భద్రతను వీహెచ్‌కు కల్పించామని, అలిపిరి ఘటనలో ఏడు సెక్షన్ల కింద కేసులు నమోదు చేశామని తెలిపారు. దాడులకు పాల్పడినవారిని కూడా గుర్తించామని, త్వరలోనే వారిని అదుపులోకి తీసుకుంటామని వెల్లడించారు. అదే సమయంలో హైదరాబాద్లో సీమాంధ్రుల విషయమై వీహెచ్‌ చేసిన వ్యాఖ్యలను కూడా పరిశీలిస్తున్నామని ఆయన తెలిపారు.


 తిరుమలలో శ్రీవారి దైవ దర్శనం చేసుకుని తిరిగి వస్తున్న కాంగ్రెస్‌ సీనియర్‌ నేత, రాజ్యసభ సభ్యుడు వి హనుమంతరావుకు సమైక్యసెగ తగిలింది.. రాష్ట్ర విభజనను వ్యతిరేకిస్తున్న సమైక్యవాదులు ఆయన ప్రయాణిస్తున్న వాహనాన్ని  అలిపిరి దిగువ ఘాట్‌ వద్ద అడ్డుకున్నారు. సమైక్యాంధ్రకు మద్దతుగా వారు పెద్ద పెట్టున్న నినాదాలు చేశారు.
 ముందుకు కదలకుండా కారు ముందు బైఠాయించారు. వీహెచ్‌ కారుపై చెప్పులు విసిరారు. పోలీసులు స్వల్ప లాఠీ చార్జ్‌ చేయడంతో పలువురు సమైక్యవాదులు గాయపడ్డారు. శ్రీవారి దర్శనానికి వచ్చిన ఆయన... హైదరాబాద్‌లో సీమాంధ్ర ప్రజలు ఉద్యోగాలు చేయటానికి అర్హులు కాదంటూ చేసిన వ్యాఖ్యలు వివాదానికి దారితీసింది.
 హైదరాబాద్‌లో సీమాంధ్ర ప్రజలు నివసించవచ్చు కానీ... ఉద్యోగాలు చేయరాదంటూ వివాదాస్పద వ్యాఖ్యలు చేశారు.పరిస్థితి అదుపు తప్పే ప్రమాదం ఉందని భావించిన పోలీసులు భారీ భద్రత నడుమ వీహెచ్ను రేణిగుంట విమానాశ్రయానికి తరలించారు.
 (ఫోటో: టి.సుబ్రహ్మణ్యం )