Shiv

త్రిగుణ్ మీద ఎన్ని విమర్శలు వచ్చినా సరే గేమ్ పరంగా అప్పుడప్పుడు ఆశ్చర్యపరుస్తుంటాడు. బిగ్‌బాస్ 10 హౌసులో 47వ రోజైన శుక్రవారం నాటి ఎపిసోడ్‌లోనూ ఇలానే ఆడాడు. శివ్‌తో తొలుత ప్రత్యర్థిగా బరిలో నిలిచి, తర్వాత అతడితోనే కలిసి జట్టు కట్టి విజయం సాధించాడు. ఎలిమినేషన్ నుంచి సేవ్ అయిపోయాడు. ఇంతకీ శుక్రవారం అసలేం జరిగింది?(ఇదీ చదవండి: ఒక్కరోజే ఓటీటీల్లోకి వచ్చేసిన 22 సినిమాలు)గ్రీన్‌లో తన ఫొటో చూసుకుని దేబ్జానీ ఎమోషనల్ అయ్యింది. చివరికి న్యాయం గెలిచిందని కన్నీళ్లు పెట్టుకుంది. ఇంతలో త్రిగుణ్ వచ్చి.. పోరాడావు గెలిచావు. నీతో పాటు అమన్, నీతూ గ్రీన్‌లో ఉండటం హ్యాపీగా ఉంది. ఎందుకంటే మీరు గట్టిగా పోరాడారు. మొదటి నుంచి బరువులు మోస్తూ మూడు గంటలు బ్యాలెన్స్ చేశారు అని అన్నాడు. తర్వాత ఎల్లో లెవల్‌లో ఉన్న సభ్యులకు గ్రీన్ లెవల్‌లోకి వెళ్లి గోట్‌గా మారడానికి గోట్ ఆఫ్ కామన్ సెన్స్ అనే టాస్క్ ఇచ్చారు. ఇందులో స్క్రీన్‌లో వివిధ రకాల ప్రశ్నలు ఇవ్వగా, సమాధానం తెలిసిన వాళ్లు ముందు వెళ్లి బెల్ మోగించాలని ఎవరైతే ముందు బెల్ మోగించి సమాధానం చెప్తారో ఎక్కువ పాయింట్లు ఎవరు సాధిస్తారో వాళ్లే విజేతలని బిగ్‌బాస్ చెప్పాడు. తొలి ప్రశ్న తడి దూది, పొడి దూది గురించి అడగ్గా ముకేష్ బెల్ మోగించి తడిగా ఉన్న దూది ఎక్కువ బరువు ఉంటుందని తప్పు సమాధానమిచ్చాడు. రెండూ బరువుగానే ఉంటాయని నరేశ్ చాలా స్మార్ట్‌గా సమాధానమిచ్చాడు.ఈ టాస్క్‌లో మొదటి నుంచి ‍ప్రతి చిన్నదానికి రచ్చ రచ్చ చేసిన ముకేశ్.. చివరకు ఎక్కువ పాయింట్లు సాధించి ‘గోట్ ఆఫ్ కామన్ సెన్స్’గా నిలిచాడు. దీంతో ఎల్లో లెవల్ నుంచి గ్రీన్ లెవల్‌కి చేరుకుని రెండు వారాలు ఎలిమినేషన్ నుంచి సేవ్ అయిపోయాడు. అనంతరం ఎల్లో లెవల్‌లోని మిగిలిన పోటీదారులు గ్రీన్ లెవల్‌లోకి వెళ్లడానికి గోట్ ఆఫ్ స్పీడ్‌ టాస్క్ ఇచ్చారు. ఇందులో నలుగురు పోటీదారులు రెండు టీంలుగా పాల్గొనాలని ఇద్దరు గాడ్స్‌గా, ఇద్దరు దొంగలుగా మారాలని టాస్క్ ఇచ్చారు. ఎల్లో లెవల్‌లో మొత్తం ఐదుగురు(రాంప్రసాద్, నరేశ్, త్రిగుణ్, శివ, వర్షిణి) ఉండగా.. ఆడలేకపోతున్నా గానీ వర్షిణిని ఆడించడానికి ముకేశ్ తెగ ప్రయత్నించాడు. కానీ చివరకు అది జరగలేదు. రాంప్రసాద్, నరేశ్ దొంగలుగా.. త్రిగుణ్, శివ్ గాడ్స్‌గా గేమ్‌లోకి దిగారు.ఆటలో భాగంగా శివ్ కాలికి గట్టిగా దెబ్బ తిగిలినా వెనక్కి తగ్గలేదు. హోరాహోరీగా జరిగిన ఈ పోరులో శివ్-త్రిగుణ్‌ గెలిచారు. అయితే వీళ్లిద్దరిలో ఒకరే గ్రీన్ లెవల్‌లోకి వెళ్లగలరని బిగ్‌బాస్ మెలిక పెట్టాడు. దీంతో శివ్‌ని కన్విన్స్ చేసిన త్రిగుణ్.. ఒక ఛాన్స్ ఇవ్వు శివా. నేను అడుక్కునే టైప్ కాదు కానీ చేతులు చాపి అడుగుతున్నా అని అన్నాడు. చూశారా మీరు నన్ను మోసం చేశారు. మీరే అడుగుతున్నారూ టైమ్ చూశారా’ అని శివ్ వెటకారంతో సెటైర్లు వేశాడు. ఎలాగైతేనేం శివ్ ఒప్పుకొన్నాడు.తర్వాత బిగ్‌బాస్‌తో శివ్ మాట్లాడుతూ.. గతవారం నన్ను కొంతమంది మోసం చేసిన త్రిగుణ్.. మోసపోయిన శివ అని. వైల్డ్ ఫైర్‌గా వచ్చాడు వైల్డ్ ఫూల్ అని అన్నారు. కాలచక్రం ఎలా ఉంటుందంటే అదే త్రిగుణ్‌తో కలిసి ఆడాల్సి వచ్చింది. గెలిచాను కూడా. ఈరోజు ఆయన వచ్చి నన్ను కన్విన్స్ చేశారు. ఆయన నన్ను మోసం చేసినా సరే చాలా కష్టపడి ఆడారు. చాలా స్ట్రగుల్ ఫేస్ చేశారు. అతనే గోట్ బిగ్ బాస్ అని శివ్ అన్నాడు . దీంతో త్రిగుణ్‌ని గోట్ ఆఫ్ స్పీడ్‌గా ప్రకటించారు. ఈ క్రమంలోనే ఈ వారంతో పాటు వచ్చేవారం త్రిగుణ్ ఎలిమినేషన్ నుంచి సేవ్ అవుతారని బిగ్‌బాస్ చెప్పాడు. అలా శుక్రవారం ఎపిసోడ్ ముగిసింది.(ఇదీ చదవండి: 'ఫౌజీ'లో సుభాస్ చంద్రబోస్ పాత్ర చేసింది ఎవరంటే?)

ఆదివారం ఎపిసోడ్‌లో ఎలిమినేట్ అయిన షాలినిని సర్‌ప్రైజ్ చేసిన హోస్ట్ నాగార్జున.. ఆమెని సీక్రెట్ రూంలో పెట్టాడు. ఆమె అలా ఉండగా మరోవైపు సోమవారం రావడంతో యధావిధిగా నామినేషన్ల ప్రక్రియ మొదలైపోయింది. నీతూ vs వర్షిణి, శివ్ vs రోహిత్ రచ్చ ప్రోమోల్లో ప్రధానంగా కనిపించింది. ఇంతకీ ఈ వారం ఎవరెవరు నామినేట్ అయ్యారు?(ఇదీ చదవండి: ఈ వారం ఓటీటీల్లోకి 25 సినిమాలు.. ఆ ఐదు డోంట్ మిస్)ప్రోమోల బట్టి చూస్తే ఏడో వారం నామినేషన్లలో ఝాన్సీ, రామకృష్ణ ఒకరిపై ఒకరు విమర్శలు, ప్రతివిమర్శలు చేసుకున్నారు. శాలిని కాళ్లు పట్టుకోవడం తనకు నచ్చలేదని ఆర్కేని ఝాన్సీ నామినేట్ చేసింది. అసలు ఇది పాయింటే కాదు, కాళ్ల పట్టుకోవడంలో తప్పు లేదని ఆర్కే వాదించాడు. ఝాన్సీ కూడా సింపతీ కోసం ట్రై చేస్తుందని ఆమెలా నటించి మరీ చూపించాడు. మరోవైపు వర్షిణి టాస్క్‌లు ఆడటం లేదంటూ నీతు ఫైర్ అయింది. ముఖేశ్‌ని అడ్డుపెట్టుకొని హౌస్‌లో ఉంటోందని వర్షిణిపై నీతు సంచలన కామెంట్స్ చేసింది.మరో ప్రోమోలో రోహిత్-సుధీర్ మధ్య వాదులాట నడిచింది. అలానే శివ్-రోహిత్ మధ్య పెద్ద గొడవే జరిగింది. మరోవైపు సీక్రెట్ రూంలోకి వెళ్లిన శాలిని.. అంతా చూస్తూ ఎంజాయ్ చేస్తోంది. ఈ నామినేషన్స్ ప్రక్రియ పూర్తయిన తర్వాత షాలిని.. తిరిగి హౌస్‌లోకి వచ్చే అవకాశముంది. సోషల్ మీడియాలో వినిపిస్తున్న టాక్ ప్రకారం ఏడో వారానికిగానూ నీతు, దక్షి, రామకృష్ణ, వంశీ, అమన్, వర్షిణి, రోహిత్, త్రిగుణ్ నామినేషన్లలో ఉన్నట్లు తెలుస్తోంది.(ఇదీ చదవండి: 'జైలర్ 2' కారణంగా రచ్చ.. చిరంజీవా? రజనీకాంతా?)

లోకాన్ని రక్షించడం కోసం పరమశివుడు హాలాహలాన్ని మింగి గరళకంఠుడయ్యాడని మనకు తెలుసు. కానీ.. తన భక్తులను కాపాడుకోవడం కోసం, ఆకాశం నుంచి విరచుకుపడే భీకరమైన పిడుగులను సైతం ఆ భోలాశంకరుడు తన గుండెపైకి తీసుకునే ఒక వింత ఆలయం మన దేశంలో ఉందనే విషయం మీకు తెలుసా? అవును.. ఇది నిజం..! సైన్స్ సైతం చేతులెత్తేసిన ఒక అద్భుతం..! ప్రతి 12 ఏళ్లకు ఒకసారి ఆకాశం నుంచి వచ్చే మహా పిడుగు నేరుగా ఆ శివలింగంపైనే పడుతుంది. ఆ దెబ్బకు శివలింగం ముక్కలు ముక్కలైపోతుంది. కానీ.. ఆ తర్వాత జరిగే వింత చూస్తే మీ ఒళ్లు గగుర్పొడుస్తుంది..! హిమాచల్‌ప్రదేశ్‌లోని మంచు కొండల మధ్య దాగున్న ఆ అంతుచిక్కని సైన్స్ ఏంటి..? ఆ ఆధ్యాత్మిక రహస్యం ఏంటి..? ఆ భోళా శంకరుడి లీల గురించి పూర్తి వివరాలు ఈ వీడియోలో చూడండి..

కైరో: అంతర్జాతీయ షూటింగ్‌ క్రీడా సమాఖ్య (ఐఎస్‌ఎస్‌ఎఫ్‌) జూనియర్‌ ప్రపంచకప్‌ టోర్నీలో తొలి రోజు భారత్‌కు మూడు పతకాలు లభించాయి. పురుషుల 10 మీటర్ల ఎయిర్‌ పిస్టల్‌ వ్యక్తిగత విభాగంలో భారత షూటర్‌ శివ నర్వాల్‌ స్వర్ణ పతకం సొంతం చేసుకోగా... చిరాగ్‌ శర్మ కాంస్య పతకాన్ని గెలుచుకున్నాడు. ఎనిమిది మంది షూటర్ల మధ్య ఎలిమినేషన్‌ పద్ధతిలో జరిగిన ఫైనల్లో శివ నర్వాల్‌ 241.8 పాయింట్లు స్కోరు చేసి విజేతగా నిలిచాడు. 240 పాయింట్లతో సోదిక్‌జోన్‌ అబ్దుల్లాయెవ్‌ రజత పతకం... 218.9 పాయింట్లతో చిరాగ్‌ శర్మ కాంస్య పతకం నెగ్గారు. ఫైనల్లో పోటీపడ్డ భారత మూడో షూటర్‌ అభినవ్‌ దేశ్వాల్‌ 136.7 పాయింట్లతో ఏడో స్థానంలో నిలిచాడు. జూనియర్‌ మహిళల 10 మీటర్ల ఎయిర్‌ రైఫిల్‌ ఈవెంట్‌లో భారత షూటర్‌ పనాహ్‌ బుగ్రా రజత పతకం సంపాదించింది. ఫైనల్లో పనాహ్‌ 250.6 పాయింట్లు స్కోరు చేసి రెండో స్థానంలో నిలిచింది.

మధ్యప్రదేశ్‌లోని ఉజ్జయినిలోని మహాకాళేశ్వరుని ఆలయంలో నేటి నుంచి (ఫిబ్రవరి 29) శివ నవరాత్రి ఉత్సవాలు ప్రారంభమయ్యాయి.  ఉత్సవాలలో భాగంగా శ్రీ మహాకాళేశ్వర స్వామిని అందంగా అలంకరించారు. శ్రీ కోటేశ్వర మహాదేవుని పూజలతో ఉత్సవాలు ప్రారంభమయ్యాయి.  నేటి (గురువారం) ఉదయం ఎనిమిది గంటల నుంచి కోటేశ్వర మహాదేవునికి శివపంచాయతన పూజ, అభిషేకం జరిగింది. హారతి అనంతరం మహాకాళేశ్వరుని పూజ, అభిషేకం జరిగింది. 11 మంది బ్రాహ్మణులు ఈ పూజలను నిర్వహిస్తున్నారు. వీరు ఈ శివరాత్రి మహోత్సవాలలో ఆలయంలో విశేష పూజలు నిర్వహించనున్నారు. శివరాత్రి మహోత్సవాల సందర్భంగా మహాకాళేశ్వర ఆలయ కమిటీ ప్రత్యేక ఏర్పాట్లు చేసింది. భద్రత, పార్కింగ్, ప్రసాద వితరణ తదితర సదుపాయాల ఏర్పాటుకు సంబంధించి  ప్రత్యేక ప్రణాళికను రూపొందించారు.  మార్చి 8న జరిగే శివరాత్రి వేడుకల వరకూ ప్రతీరోజూ మహాశివుణ్ణి ప్రత్యేకంగా అలంకరించనున్నామని ఆలయ కమిటీ తెలిపింది. ఈ శివ నవరాత్రుల్లో ఇక్కడ పూజలు నిర్వహించే పండితులు ఉపవాసం పాటించనున్నారు.

ఆగ్రా : ప్రపంచ వింతల్లో ఒకటిగా గుర్తింపు పొందిన తాజ్‌మహల్‌ చుట్టూ వివాదాల పరంపరకు ఇప్పట్లో ఫుల్‌స్టాప్‌ పడేటట్లు కనిపించడం లేదు. ఉత్తరప్రదేశ్‌ ప్రభుత్వం రూపొందించిన పర్యాటక ప్రాంతాల జాబితా నుంచి తాజ్‌మహల్‌ను తొలగించడంతో మొదలైన వివాదం.. రోజుకో కొత్త మలుపు తిరిగుతోంది. తాజాగా..  సోమవారం అతివాద హిందూభావజాలంతో ఉన్న ఇద్దరు యువకులు తాజ్‌మహల్‌ దగ్గర శివచాలీసా పూజను మొదలు పెట్టారు. అంతేకాక తాజ్‌మహల్‌ అనేది మొదట శివాలయం అని వారు పేర్కొన్నారు. చారిత్రాత్మక ప్రదేశం వద్ద శివారాధన చేయడంతో అక్కడ కొద్దిసేపు.. ఉద్రిక్త వాతావరణం నెలకొంది. శివారాధన చేస్తున్న వారిని అడ్డుకునేందుకు పోలీసలు ప్రయత్నించారు. ఈ సమయంలో వారు.. పోలీసులతో తీవ్ర వాగ్వాదానికి దిగారు. తాజ్‌ దగ్గర శివారాధన చేస్తున్న యువకులను రాష్ట్రీయ స్వాభిమాన్‌ దళ్ (ఆర్‌ఎస్‌డీ), హిందూ యువ వాహిని (హెచ్‌వైవీ)కి చెందిన వారిగా అధికారులు గుర్తించారు. చివరగా సీఐఎస్‌ఎఫ్‌ బలగాలు.. వారిని అదుపులోకి తీసుకుని.. స్థానికి పోలీసులకు అప్పంగించారు. రాతపూర్వకంగా క్షమాపణ కోరడంతో.. వారిని పోలీసులు తరువాత విడుదల చేయడం జరిగింది.


 యోగా కార్యక్రమంతో ప్రధాని నరేంద్రమోదీ ప్రపంచాన్ని ఒకే వేదికపైకి తేవడం నిజంగా మెచ్చుకోదగ్గ విషయం అని బీజేపీ మిత్రపక్షం శివసేన ప్రశంసలు కురిపించింది. అయితే శరీరంలోని రుగ్మతలను తొలగించే యోగా..  ప్రజలు బాధపడుతున్న అధిక ద్రవ్యోల్బణం, అవినీతి నొప్పులు తగ్గించడానికి పనికిరాదని, యోగాలోని శవాసనానికి పాకిస్తాన్ శాశ్వత అర్హురాలంటూ శివసేన తన పత్రిక సామ్నా సంపాదకీయంలో విమర్శించింది.
 
 ప్రపంచానికే సెంటర్ స్టేజ్ గా యోగాను తీసుకురావడంతోపాటు, 130 దేశాల్లో యోగా చేసేందుకు ప్రధాని నరేంద్ర మోదీ చేసిన కృషి మెచ్చుకోదగ్గ విషయం అని శివసేన ప్రశంసించింది. యోగా ద్వారా 130 దేశాలు నడుం వంచాయని, మోడీ కృషితో అన్ని దేశాలనూ నేలపై పడుకొనేట్లు చేయగలిగారని, అయితే ప్రస్తుతం పాకిస్తాన్ అటువంటి యోగాసనానికి శాశ్వత అర్హురాలంటూ శివసేన చురక వేసింది. అలా జరగాలంటే కేవలం ఆయుధాలతోనే సాధ్యమౌతుందంటూ విమర్శలు చేసింది.  శవంలా నేలపై పడుకొనే యోగాసనమైన 'శవాసనం' యోగాలో ప్రముఖమైనది. ఆ ఆసనంలాగానే పాకిస్తాన్ ను చేయాలని శివసేన తన పార్టీ పత్రిక 'సామ్నా' ఎడిటోరియల్ లో పేర్కొంది. బీజేపీయేతర ప్రభుత్వాలున్న కొన్ని రాష్ట్రాలు మోదీ ప్రయత్నాన్ని వ్యతిరేకిస్తున్నాయని, అయితే యోగా కూడ సైన్సేనని వ్యతిరేకించాల్సిన అవసరం లేదని తెలిపింది.
 
 ప్రధాని ఆధ్వర్యంలో జరుగుతున్న యోగా మతపరమైన, ధార్మిక కార్యక్రమం కాదని, ఇండియాలోనే కాక ఇతర దేశాల్లోనూ లక్షలమంది వివిధ ఆసనాల్లో రెండవ ప్రపంచ యోగాదినాన్ని ఘనంగా జరుపుకున్నారని శివసేన తెలిపింది. అయితే భారత్ లో అవినీతి రూపు మాపేందుకు తాము చేపడుతున్న చర్యలపై దోహాలో ప్రధాని మోదీ వివరించిన తీరును తమ పార్టీ పత్రిక సామ్నాలో విమర్శించిన శివసేన, విదేశీ గడ్డపై భారత్ పటిష్టను మంటగలపొద్దని సూచించింది.