అనంతపురం సప్తగిరి సర్కిల్‌ : సీనియర్‌ బాల్‌ బ్యాడ్మింటన్‌ బాల, బాలికల జిల్లా జట్ల ఎంపికను ఈ నెల 27న నిర్వహిస్తున్నట్లు జిల్లా బాల్‌ బ్యాడ్మింటన్‌ అసోసియేషన్‌  కార్యదర్శి జయరాం తెలిపారు. స్థానిక ప్రభుత్వ ఐటీఐ కళాశాల మైదానంలో ఎంపిక పోటీలుంటాయన్నారు. పోటీల్లో  ప్రతిభ కనబరిచిన క్రీడాకారులను జిల్లా జట్టుకు ఎంపిక చేస్తామన్నారు.
 
 జిల్లా జట్టుకు ఎంపికైన క్రీడాకారులు డిసెంబర్‌ 10 నుంచి 12వ తేదీ వరకు ప్రకాశం జిల్లాలోని అద్దంకిలో జరిగే 2వ అంతర్‌ జిల్లా సీనియర్‌ బాల్‌ బ్యాడ్మింటన్‌ చాంపియన్‌షిప్‌ పోటీల్లో పాల్గొంటారన్నారు. వివరాలకు  9885174178 నంబర్లో సంప్రదించాలన్నారు.


 విజయవాడ స్పోర్ట్స్: చుక్కపల్లి పిచ్చయ్య స్మారక జాతీయ సీనియర్ బాల్‌బ్యాడ్మింటన్ చాంపియన్‌షిప్‌లో పురుషుల విభాగంలో డిఫెండింగ్ చాంపియన్ తెలంగాణ జట్టు టైటిల్ నిలబెట్టుకుంది. ఫైనల్స్‌లో తెలంగాణ జట్టు 25-29, 29-20, 29-6 తేడాతో ఆంధ్రప్రదేశ్ జట్టుపై నెగ్గింది. మహిళల విభాగంలో తమిళనాడు జట్టు 14-29, 29-25, 29-17 తేడాతో కర్ణాటక జట్టుపై విజయం సాధించింది.