nomination centers

నంద్యాల: స్థానిక ఎన్నికలలో టీడీపీ నేతల అరాచకాలు శ్రుతిమించుతున్నాయి. వైఎస్సార్‌సీపీ అభ్యర్థులకు కనీసం నామినేషన్‌ వేసేందుకు కూడా అవకాశం ఇవ్వడం లేదు. నామినేషన్‌ కేంద్రాల వద్ద టీడీపీ గూండాలు మోహరించి దాడులు, బెదిరింపులకు పాల్పడుతున్నారు.మండల కేంద్రంలో బండిఆత్మకూ రులో గురువారం ఉద్రిక్తత పరిస్థితి నెలకొంది. సింగవరం గ్రామానికి చెందిన వైఎస్సార్‌సీపీ నాయకుడు ఎలగాల బూరుగయ్య తన మద్దతు దారులతో నామినేషన్‌ దాఖలు చేయడానికి నామినేషన్‌ కేంద్రానికి చేరుకునే క్రమంలో అదే గ్రామానికి చెందిన టీడీపీ మద్దతుదారులు దారి మధ్యలోనే అడ్డుకున్నారు. ‘నామినేషన్‌ ఎలా వేస్తావో.. చూస్తా’ అని బెదిరించారు. వారి మధ్య తోపులాట జరిగింది. అక్కడే ఉన్న పోలీసులు వారిని చెదరగొట్టారు. ఎట్టకేలకు గురువారం మధ్యాహ్నం రెండు గంటల నుంచి మండలంలోని 14 ఎంపీటీసీ స్థానాలకు 29 మంది వైఎస్సార్‌సీపీ అభ్యర్థులు నామినేషన్‌లు దాఖలు చేశారు. నామినేషన్‌ పత్రం అపహరణ నంద్యాల(అర్బన్‌): కొలిమిగుండ్ల మండలం జెడ్పీటీసీ స్థానానికి స్వతంత్య్ర అభ్యర్థిగా నామినేషన్‌ వేసేందుకు వచ్చిన సుగుణమ్మ చేతిలో నుంచి గుర్తు తెలియని యువకుడు నామినేషన్‌ పత్రాన్ని లాక్కొని పరిగెత్తాడు. క్షణాల్లో జరిగిన ఈ ఘటనను చూసి నామినేషన్‌ వేసేందుకు వచ్చిన వారు అంతా అవాక్కయ్యారు. క్షణాల్లో జరిగిపోయిన ఈ సంఘటనకు పోలీసులు సైతం నివ్వెర పోవాల్సి వచ్చింది. వివరాల్లోకి వెళితే కొలిమిగుండ్ల మండల జెడ్పీటీసీగా సుగుణమ్మ నామినేషన్‌ వేసేందుకు ప్రభుత్వ డిగ్రీ కళాశాల వద్దకు చేరుకున్నారు.పత్రాలు సంబంధిత పోలీసు అధికారికి చూపుతుండగా వెనుక వైపు నుంచి వచ్చిన ఓ యువకుడు పత్రాలు లాక్కొని అమాంతం పరిగెత్తాడు. పోలీసులు యువకుడిని వెంబడిస్తూ వెళ్లారు. ఈ సందర్భంగా సుగుణమ్మ మాట్లాడుతూ.. పోలీసుల సమక్షంలో నామినేషన్‌ పత్రాన్ని లాక్కొని వెళ్లడం, పోలీసుల వైఫల్యమేనన్నా రు. ‘వారిదే ప్రభుత్వం ఉంది.. వారెందుకు భయపడతారు.. ఇలాంటి చర్యలకు ఎందుకు పాల్పడుతున్నారో అర్థం కావడం లేదన్నారు.

సాక్షి, చిత్తూరు: ఏపీలో స్థానిక ఎన్నికల నామినేషన్ల వేళ చిత్తూరులో ఆసక్తికర ఘటన చోటుచేసుకుంది. నామినేషన్‌ దాఖలు చేసేందుకు టీడీపీ రాష్ట్ర మహిళా నాయకురాలు అరుణ వాకర్‌ సాయంతో వచ్చారు. అయితే, వెనుక నుంచి ఓ వ్యక్తి వాకర్‌ను కొద్దిగా కదిలించగానే ఆమె ఒక్కసారిగా స్పందించారు. వాకర్‌ను వదిలేసి పరుగెత్తేందుకు సిద్ధమైనట్లు కనిపించారు. ఆ తర్వాత మళ్లీ వాకర్‌ పట్టుకుని కుంటుతూ ముందుకు వెళ్లారు.ఈ దృశ్యాలు సోషల్‌ మీడియాలో వైరల్‌గా మారాయి. వీడియో చూసిన నెటిజన్లు రకరకాలుగా కామెంట్లు చేస్తున్నారు. ‘ఇది నిజంగా మెడికల్‌ మిరాకిల్‌’ అంటూ కొందరు వ్యంగ్యంగా స్పందిస్తున్నారు.ఆ వాకర్ లాగినోడికి ఆమె చేసేది యాక్టింగ్ అని అందుకే అంత ధైర్యం చేసి లాగాడు. బండారం బయట పడింది వీళ్ళ 1980 స్క్రిప్ట్ తో ఏం చేసినా వెంటనే బయట పడిపోవడం వీళ్ళ స్పెషలిటీ https://t.co/HZc6vyW8CO— vikas (@Fan_Of_JaGUN) October 22, 2026 కాగా, పెనుమూరుకు చెందిన టీడీపీ రాష్ట్ర మహిళా నాయకురాలు అరుణపై సొంత పార్టీ నాయకులే దాడికి యత్నించి నామినేషన్‌ పత్రాలు లాక్కునేందుకు ప్రయత్నించే క్రమంలో ఇది చోటు చేసుకుంది. అరుణకు సొంత పార్టీ నేతల నుంచే తిప్పలు తప్పకపోవడంతో ఆమె తీవ్ర ఆగ్రహం వ్యక్తం చేశారు.

సాక్షి, గుంటూరు: నగరపాలక సంస్థ పరిధిలోని 67వ వార్డు (శారదా కాలనీ) ఎన్నికల్లో నిబంధనల ఉల్లంఘన చోటుచేసుకుంది. నగరపాలక సంస్థలో ఆప్కాస్‌ ఉద్యోగిగా విధులు నిర్వహిస్తున్న ఈదులమూడి సరోజినీదేవి రాజీనామా చేయకుండానే నామినేషన్‌ దాఖలు చేయడం చర్చనీయాంశంగా మారింది. ఎన్నికల నిబంధనల ప్రకారం ప్రభుత్వ లేదా కార్పొరేషన్‌ విభాగాల్లో పనిచేస్తున్న ఉద్యోగులు పోటీ చేయాలంటే తప్పనిసరిగా తమ ఉద్యోగానికి రాజీనామా సమర్పించాల్సి ఉంటుంది. సరోజినీదేవి రాజీనామా పత్రాలు సమరి్పంచకుండానే 67వ వార్డుకు నామినేషన్‌ వేయడంపై స్థానికంగా విమర్శలు వ్యక్తమవుతున్నాయి. నిబంధనలకు విరుద్ధంగా దాఖలైన ఈ నామినేషన్‌పై ఎన్నికల అధికారులు పరిశీలన జరిపి తగిన చర్యలు తీసుకోవాలని పలువురు కోరుతున్నారు.

నంద్యాల: డోన్‌ మాజీ ఎమ్మెల్యే, నగరపాలక టీడీపీ చైర్‌పర్సన్‌ అభ్యర్థి కోట్ల సుజాతమ్మ సోమవారం నామినేషన్‌ కేంద్రంలో హల్‌చల్‌ చేశారు. వైఎస్సార్‌సీపీ తరఫున పరిశీలకులుగా వెళ్లిన వారి పట్ల దురుసుగా ప్రవర్తించారు. ఉదయం 11 గంటల నుంచి నామినేషన్ల పరిశీలన గదిలో తిష్ట వేసిన సుజాతమ్మ వైఎస్సార్‌సీపీతో పాటు పలువురు స్వతంత్ర అభ్యర్థుల నామినేషన్లను తిరస్కరించాలని అధికారులను పట్టుబట్టినట్లు తెలిసింది. ఈ తతంగాన్ని వెబ్‌ కాస్టింగ్‌ ద్వారా వీక్షిస్తున్న ఎన్నికల సంఘం అధికారులు ఆమెకు ఫోన్‌ చేసి నచ్చజెప్పినా వినలేదు. సాయంత్రం 3.30 గంటల వరకు అక్కడే తిష్ట వేసి వైఎస్సార్‌సీపీ నాయకులు, మద్దతుదారులను నానాదుర్భాషలాడారు. సాయం కాలం లోపు నామినేషన్లు వెనక్కి తీసుకోకపోతే తీవ్ర పరిణామాలను ఎదుర్కొవాల్సివస్తుందని తమను సుజాతమ్మ బెదిరించిందని వైఎస్సార్‌సీపీ నాయకులు వాపోయారు. చిన్న పదవి కోసం తన స్థాయిని మరిచి ఆమె ప్రవర్తించడం సబబుగా లేదన్నారు. నామినేషన్లు వేయక ముందు నుంచి అందరిని బెదిరించి అందులో కొంత మందిని నామినేషన్‌ వేయకుండా చేయగలిగారని వారు ఆరోపించారు. ఎట్టకేలకు సాయంత్రం 6 గంటలకు నామినేషన్ల పరిశీలన ముగించడంతో అటు అధికారులు, ఇటు వైఎస్సార్‌సీపీ నాయకులు ఊపిరి పిల్చుకున్నారు. చైర్‌పర్సన్‌ అభ్యర్థులుగా వివిధ పారీ్టల నుంచి మొత్తం 13 మంది అభ్యర్థులు నామినేషన్‌ దాఖలు చేయగా సోమవారం పరిశీలనలో ఇద్దరు అభ్యర్థల నామినేషన్‌ పత్రాలు సక్రమంగా లేనందున తిరస్కరించగా చైర్‌సర్సన్‌ ఎన్నికల బరిలో 11 మంది మిగిలారు.ఇదీ చదవండి: 40 ఏళ్ల రాజకీయ చరిత్రలో ఇలా జరగలేదు

విశాఖ సమగ్ర అభివృద్ధి, ప్రజల సంక్షేమమే లక్ష్యంగా నిజాయతీతో పాలన అందిస్తానని వైఎస్సార్‌సీపీ ఎమ్మెల్సీ, జీవీఎంసీ మేయర్‌ అభ్యర్థి వరుదు కల్యాణి తెలిపారు. ఉత్తరాంధ్రలో పుట్టి విశాఖ కోడలిగా 25 ఏళ్లుగా నగరంతో అనుబంధం ఉందని, ప్రజా సమస్యలపై పూర్తి అవగాహన ఉందన్నారు. వైఎస్సార్‌సీపీ ‘సేవ్‌ విశాఖ’ నినాదంతో ప్రజల్లోకి వెళ్తుండగా.. కూటమి ప్రభుత్వం ‘సేల్‌ విశాఖ’ విధానంగా వ్యవహరిస్తోందని విమర్శించారు. జగన్‌ హయాంలో ఐటీ, పర్యాటకం, మౌలిక వసతుల్లో విశాఖ అభివృద్ధి చెందిందని పేర్కొన్నారు. కూటమి పాలనలో అవినీతి, భూకబ్జాలు పెరిగాయని, తాగునీరు, డ్రైనేజీ సమస్యలు పరిష్కారం కాలేదని ఆరోపించారు. విశాఖ అభివృద్ధికి వైఎస్సార్‌సీపీని గెలిపించాలని కోరారు. ఆదివారం ‘సాక్షి’కి ఇచ్చిన ఇంటర్వ్యూలో ఆమె మాట్లాడారు.విశాఖ బ్రాండ్‌ ఇమేజ్‌ దెబ్బతీసేందుకే నీటి సంక్షోభం అంతర్జాతీయ ప్రమాణాలతో అభివృద్ధి చెందుతున్న విశాఖ ప్రతిష్టను దెబ్బతీసి, పెట్టుబడులను అమరావతికి మళ్లించేందుకే కుట్ర జరుగుతోంది. చంద్రబాబు ప్రభుత్వం ఈ ప్రాంతంపై వివక్ష చూపుతోంది. ఆరు నెలలుగా నగరవాసులు తీవ్ర తాగునీటి ఇబ్బందులు ఎదుర్కొంటున్నారు. విశాఖ చరిత్రలో ఎన్నడూ లేని విధంగా ప్రజలు డబ్బులు పెట్టి నీరు కొనాల్సిన పరిస్థితి వచ్చింది. వర్షాకాలంలోనే రిజర్వాయర్లు ఎండిపోవడం ప్రభుత్వ వైఫల్యానికి నిదర్శనం. ఎల్‌నినో ప్రభావమంటూ తప్పించుకునే ప్రయత్నం చేస్తున్నారు. విశాఖలో నీటి సమస్య ఉందనే ప్రచారంతో పెట్టుబడులను అమరావతికి తరలించే ప్రయత్నాలు జరుగుతున్నాయి. ‘ఆపరేషన్‌ లంగ్స్‌’తో రోడ్డున పడ్డ చిరు వ్యాపారులు కూటమి ప్రభుత్వ వైఫల్యాలతో పేదలు, సామాన్యుల జీవన పరిస్థితులు ప్రశ్నార్థకంగా మారాయి. వైఎస్సార్‌సీపీ హయాంలో విశాఖ అభివృద్ధి బాటలో సాగితే.. కూటమి పాలనలో తాగునీటి సమస్య నుంచి చిరు వ్యాపారుల వరకు అనేక వర్గాలు ఇబ్బందులు పడుతున్నాయి. ‘ఆపరేషన్‌ లంగ్స్‌’ పేరుతో ఫుడ్‌ కోర్టులు, రోడ్డు పక్కన చిన్న వ్యాపారాలను తొలగించి వేలాది మంది చిరు వ్యాపారుల ఉపాధిని దెబ్బతీశారు. ప్రత్యామ్నాయ ఏర్పాట్లు లేకుండా తొలగింపులతో పేద కుటుంబాలు ఇబ్బందులు పడుతున్నాయి.కూటమి పాలనలో అవినీతి, దోపిడీ కూటమి పాలనలో గ్రేటర్‌ విశాఖ మున్సిపల్‌ కార్పొరేషన్‌ అవినీతి, అక్రమాలు, సమస్యలకు కేంద్రంగా మారింది. అధికారాన్ని అడ్డం పెట్టుకుని వేల కోట్ల విలువైన భూముల దోపిడీకి పాల్పడుతున్నారు. ప్రభుత్వ భూములు, వనరులను రియల్‌ ఎస్టేట్‌ సంస్థలు, బినామీలు, అనుకూల వర్గాలకు కారుచౌకగా కట్టబెడుతున్నారు. పంచగ్రామాల భూ సమస్య పరిష్కారంపై ఎన్నికల సమయంలో హామీలు ఇస్తున్నా.. ఆచరణలో ముందడుగు పడడం లేదు. నగర ప్రజలపై పన్నుల భారం పెంచారు. విశాఖ రోడ్ల నిర్వహణను ప్రైవేటు సంస్థలకు అప్పగించడం సరైన విధానం కాదు. మత్తులో ఊగుతున్న నగరం నగరంలో చెత్తాచెదారం, వెలగని వీధిలైట్లు, మురుగునీటి కాలువలు, పొంగిపొర్లుతున్న డ్రైనేజీలు సమస్యలుగా మారాయి. విశాఖ సంపదపై చూపిస్తున్న శ్రద్ధను అభివృద్ధి, ప్రజా సమస్యల పరిష్కారంపై చూపడం లేదు. వీధిలైట్లు సరిగా లేకపోవడంతో చీకటి ప్రాంతాల్లో మద్యం, గంజాయి వినియోగం పెరుగుతోంది. రాత్రివేళల్లో మహిళలు, విద్యార్థుల భద్రతపై తల్లిదండ్రులు ఆందోళన చెందుతున్నారు. మహిళలపై దాడులు, పోక్సో కేసులు పెరుగుతున్నాయి. శాంతిభద్రతల పరిరక్షణలో ప్రభుత్వం ఘోరంగా విఫలమైంది.జగన్‌ హయాంలో విశాఖ అభివృద్ధి వైఎస్సార్‌సీపీ ప్రభుత్వ హయాంలో విశాఖ అభివృద్ధికి వేల కోట్ల విలువైన ప్రాజెక్టులు తీసుకొచ్చాం. భోగాపురం ఎయిర్‌పోర్టు, నగరం నుంచి ఎయిర్‌పోర్టుకు ఆరు లైన్ల రహదారి, ఆంధ్ర విశ్వవిద్యాలయానికి ఏ ర్యాంకు, రుషికొండ బీచ్‌కు బ్లూ ఫ్లాగ్‌ గుర్తింపు వంటి ప్రాజెక్టులు నగర ప్రతిష్టను పెంచాయి. విశాఖలో బీచ్‌ ఐటీ కాన్సెప్‌్టకు శ్రీకారం చుట్టి ఇన్ఫోసిస్, టీసీఎస్‌ వంటి సంస్థల రాకకు చర్యలు తీసుకున్నాం. గ్లోబల్‌ ఇన్వెస్ట్‌మెంట్‌ సదస్సు, జీ20 సన్నాహక సమావేశాలతో విశాఖకు అంతర్జాతీయ గుర్తింపు తీసుకొచ్చాం. నగరంలో రోడ్ల విస్తరణ, ఐకానిక్‌ జంక్షన్ల అభివృద్ధి, పార్కుల ఆధునీకరణ, ఎన్‌ఏడీ ఫ్లైఓవర్, బస్‌బేల నిర్మాణం వంటి పనులు చేపట్టాం. సిరిపురం డెక్‌ భవనం, మూడో దశ లోవ రిజర్వాయర్‌ రక్షణ పనులు కూడా మా హయాంలోనే చేపట్టాం.ప్రకృతి సంపద ధ్వంసం విశాఖకు ఊపిరితిత్తుల్లాంటి కొండలు, చెట్లను కాపాడటంలో పాలకులు విఫలమయ్యారు. అభివృద్ధి పేరుతో కొండలను తవ్వడం, చెట్ల నరికివేతతో నగరంలో కాలుష్యం, ఉష్ణోగ్రతలు పెరుగుతున్నాయి. సింహాచలం అప్పన్న కొండతో పాటు ఇతర కొండలను కొల్లగొడుతున్నారు. బీచ్‌ షాక్స్‌ పేరుతో విశాఖ సంస్కృతికి నష్టం కలిగిస్తున్నారు. స్టీల్‌ప్లాంట్‌ ప్రైవేటీకరణపై గళమెత్తా విశాఖ ప్రజల ఆత్మగౌరవ ప్రతీక, పోరాటాల ఫలితమైన స్టీల్‌ప్లాంట్‌ను ప్రైవేటీకరణ చేసే కుట్రలు జరుగుతున్నాయి. కారి్మకులు, ప్రజల త్యాగాలతో ఏర్పాటైన ఉక్కు నగరి ఉనికిని కాపాడేందుకు ప్రభుత్వం చొరవ చూపడం లేదు. తాను శాసనమండలిలో స్టీల్‌ప్లాంట్‌ ప్రైవేటీకరణకు వ్యతిరేకంగా ప్రభుత్వాన్ని నిలదీశా. ఇదీ చదవండి: బాబు రాస్తున్న రక్తచరిత్ర!

కాకినాడ: సమయానికి అనుగుణంగా నడుకోవాలంటారు పెద్దలు. అలాంటి సమయం మించిపోవడంతో ఓ అభ్యర్థి ఎన్నికల్లో పోటీ చేసేందుకు అవకాశాన్ని కోల్పోయింది. పెద్దాపురం మున్సిపల్‌ ఎన్నికలకు నామినేషన్‌ వేయడానికి ఆదివారం చివరి రోజు. స్థానిక బచ్చు గురుమూర్తి మున్సిపల్‌ ఆడిటోరియంలో అభ్యర్థులు నామినేషన్లు దాఖలు చేశారు. మధ్యాహ్నం మూడు గంటల లోపు నామినేషన్లు వేయడానికి వచ్చిన అభ్యర్థులను మాత్రమే పోలీసులు లోపలకు అనుమతి ఇచ్చారు. ఈ క్రమంలో ఓ యువతి తన తండ్రితో కలసి స్వతంత్ర అభ్యర్థిగా నామినేషన్‌ వేసేందుకు పరుగులెత్తుకుంటూ మూడు గంటల దాటిన తరువాత నామినేషన్‌ కేంద్రం వద్దకు చేరుకుంది. అయితే అప్పటికే గడుపు ముగిసిందని, నిబంధనల ప్రకారం కుదరదని అధికారులు సృష్టం చేయడంతో, చేసేది లేక ఆ తండ్రీ కూతుర్లు తీవ్ర నిరాశతో వెనుతిరిగారు.

సాక్షి, అమరావతి: స్థానిక ఎన్నికల సందర్భంగా అభ్యర్థులు నామినేషన్లు దాఖలు చేసే సమయంలో నామినేషన్‌ కేంద్రాల లోపల, పరిసర ప్రాంతాల్లో సీసీ కెమెరాలు ఏర్పాటు చేయాలని హైకోర్టు శుక్రవారం ఎన్నికల సంఘాన్ని, పోలీసులను ఆదేశించింది. స్థానిక ఎన్నికలు స్వేచ్ఛగా, శాంతియుతంగా, పారదర్శకంగా, నిష్పక్షపాతంగా జరిగేందుకు వీలుగా నామినేషన్‌ కేంద్రాల వద్ద తగిన బందోబస్తు ఏర్పాటు చేయాలని కూడా స్పష్టంచేసింది. శాంతి భద్రతల సమస్యలు తలెత్తకుండా అన్ని చర్యలూ తీసుకోవాలని తేల్చి చెప్పింది. అలాగే డీజీపీ తాజాగా జారీ చేసిన సర్క్యులర్‌ను అనుసరించాలని ఆదేశించింది. అంతేకాకుండా, ఎన్నికల అధికారులందరూ తమ గుర్తింపు కార్డులు స్పష్టంగా కనిపించేలా ధరించేలా ఆదేశిస్తూ ఓ సర్క్యులర్‌ జారీ చేయాలని ఎన్నికల సంఘాన్ని ఆదేశించింది. ఎన్నికల పరిశీలకులను గానీ లేదా ఏ ఇతర అధికారిని గానీ ఎవరైనా గుర్తింపు కార్డులు కోరితే, , తక్షణమే చూపించేలా ఆదేశాలు ఇవ్వాలని స్పష్టం చేసింది. ఈ మేరకు న్యాయమూర్తి జస్టిస్‌ వడ్డిబోయన సుజాత శుక్రవారం ఉత్తర్వులిచ్చారు. పారా మిలటరీ దళాల కోసం వైఎస్సార్‌సీపీ న్యాయ పోరాటం.. స్థానిక ఎన్నికల వేళ అధికార పార్టీ దౌర్జన్యాలు పెరిగిపోతున్న నేపథ్యంలో స్థానిక ఎన్నికలు స్వేచ్ఛగా, నిష్పాక్షికంగా జరిగేందుకు వీలుగా పారా మిలటరీ దళాలను ఏర్పాటు చేసేలా ఎన్నికల సంఘాన్ని ఆదేశించాలని కోరుతూ వైఎస్సార్‌సీపీ ప్రధాన కార్యదర్శి లేళ్ల అప్పిరెడ్డి హైకోర్టులో పిటిషన్‌ దాఖలు చేసిన విషయం తెలిసిందే. ఈ వ్యాజ్యం శుక్రవారం విచారణకు రాగా, పిటిషనర్‌ తరఫున సీనియర్‌ న్యాయవాది పొన్నవోలు సుధాకర్‌రెడ్డి వాదనలు వినిపించారు. అధికారపార్టీ దౌర్జన్యాలతోపాటు సాక్షాత్తు ఓ మంత్రి ఎన్నికల్లో పోటీ చేస్తున్న అభ్యర్థిని చంపేస్తామంటూ బెదిరించిన విషయాన్ని కోర్టుకు నివేదించారు. అలాగే రాయచోటిలో వైఎస్సార్‌సీపీ కార్యాలయాన్ని తగలబెట్టడం, పుంగనూరులో ఏకంగా పార్లమెంట్‌ సభ్యుడిపై హత్యాయత్నం చేసిన ఘటనలనూ కోర్టుకు నివేదించారు. ఎంపీపైనే దాడి చేసి, తిరిగి ఆయనపైనే హత్యాయత్నం కేసు నమోదు చేశారని వివరించారు. శాంతి భద్రతలను కాపాడాల్సిన పోలీసులు అధికార పార్టీ నేతలతో కుమ్మక్కై రాష్ట్రాన్ని రావణ కాష్టం చేస్తున్నారని వివరించారు. వైఎస్సార్‌సీపీ కార్యకర్తలు, నేతలు కనిపిస్తే వేసేయండిరా అంటూ పోలీసులే అధికార పార్టీ వారిని ఉసిగొల్పుతున్నారని కోర్టుకు నివేదించారు. నామినేషన్‌ వేసేందుకు అభ్యర్థులెవరూ బతికి ఉండే పరిస్థితే లేదు... ఈ సమయంలో రాష్ట్ర ప్రభుత్వం తరఫున వాదనలు వినిపిస్తున్న అడ్వొకేట్‌ జనరల్‌ (ఏజీ) దమ్మాలపాటి శ్రీనివాస్‌ జోక్యం చేసుకుంటూ, జనాలపైకి ప్రతిపక్ష ఎంపీ కారు దూసుకెళ్లిందని, ఈ నేపథ్యంలోనే ఘటన జరిగిందని చెప్పారు. ఘటన జరిగిన వెంటనే జిల్లా ఎస్పీ ఘటనా స్థలానికి వెళ్లి పరిస్థితిని అదుపులోకి తెచ్చారని పేర్కొన్నారు. విచారణను వచ్చే వారానికి వాయిదా వేస్తే, పూర్తి వివరాలతో కౌంటర్‌ దాఖలు చేస్తామని చెప్పారు. పొన్నవోలు జోక్యం చేసుకుంటూ, అప్పటికి ఎన్నికలు ముగిసిపోతాయని, నామినేషన్‌ వేసేందుకు అభ్యర్థులెవరూ బతికి ఉండే పరిస్థితీ లేదని న్యాయమూర్తి దృష్టికి తీసుకొచ్చారు. పారా మిటలరీ దళాలను రప్పించడం వల్ల ప్రభుత్వానికి వచ్చే నష్టం ఏమీ ఉండదని వాదనలు వినిపించారు. ఇరుపక్షాల వాదనలు విన్న న్యాయమూర్తి, ఎన్నికలు స్వేచ్ఛగా, ప్రశాంతంగా, పారదర్శకంగా సాగేందుకు వీలుగా నామినేషన్‌ కేంద్రాల లోపల, పరిసర ప్రాంతాల్లో సీసీటీవీ కెమెరాలు ఏర్పాటు చేయాలని ఎన్నికల సంఘాన్ని, పోలీసులను ఆదేశిస్తూ ఉత్తర్వులు జారీ చేశారు.

సాక్షి, నిజామాబాద్‌ అర్బన్‌: నేడు నామినేషన్ల దాఖలుకు చివరి రోజు నిజామాబాద్‌ అర్బన్‌ నియోజక వర్గంలో ఎమ్మెల్యేగా పోటీకి నామినేషన్లు స్వీకరణ నేటితో ముగియనుంది. ఇప్పటికే జిల్లా వ్యాప్తంగా నిజామాబాద్‌ అర్బన్‌లోనే అత్యధిక నామినేషన్లు 22 దాఖలయ్యాయి. నేడు చివరి రోజు కావడంతో మరిన్ని నామినేషన్లు దాఖలు అయ్యే అవకాశం ఉంది. నేడు కాంగ్రెస్‌ పార్టీ అభ్యర్థి తాహెర్‌బిన్‌తో పాటు మరికొంత మంది నామినేషన్లు దాఖలు చేసే అవకాశం ఉంది. శనివారం ఒక్కరోజే 12 మంది నామినేషన్లు దాఖలు చేశారు. నామినేషన్‌లు ప్రారంభమైన మొదటి రో జు నామినేషన్‌లు దాఖలు కాలేదు. రెండవ రోజు ఒకటి, మరుసటి రోజు నాలుగు నామినేషన్లు, తరువాత రోజు మూడు, అనంతరం 12 మంది నామినేషన్లు దాఖలు చేశారు. ఇప్పటి వరకు 22 నామినేషన్లు దాఖలు అయ్యాయి. స్వతంత్ర అభ్యర్థులు  8 మంది కాగా, టీఆర్‌ఎస్‌ నుండి ఒకరు, భాజాపా నుండి ఇద్దరు, బీఎస్పీ నుండి ఒకరు, సమాజ్‌వాది పార్టీ నుండి ఒకరు, పిరమిడ్‌పార్టీ నుండి ఒకరు, బీఎల్‌ఎఫ్‌ పార్టీ నుండి ఒకరు, అంబేద్కర్‌ నేషనల్‌ పార్టీనుండి ఒకరు, టీడీపీ నుండి ఒకరు చొప్పున నామినేషన్లు దాఖలు చేశారు. ఇందులో టీఆర్‌ఎస్, బీఎస్‌పికి చెందిన అభ్యర్థులు రెండు నుండి మూడు సెట్‌ల చొప్పున నామినేషన్లు దాఖలు చేశారు. ఈ రోజు మరికొన్ని నామినేషన్లు దాఖలు అయ్యే అవకాశం ఉంది.  భద్రత కట్టుదిట్టం..  నామినేషన్లు దాఖలు చేసే మున్సిపల్‌ కార్పొరేషన్‌ వద్ద పోలీసులు మరింత కట్టుదిట్టం చేశారు. నేడు చివరి రోజు కావడంతో అభ్యర్థులు అధిక సంఖ్య లో ఎక్కువగా వచ్చే అవకాశం ఉన్నందున బందో బస్తును పకడ్బందీగా కొనసాగించనున్నారు. ఏసీ పీ శ్రీనివాస్‌కుమార్‌ ఆధ్వర్యంలో ముగ్గురు సిఐ లు, ఏడుగురు ఎస్‌ఐలు, 40 మంది పోలీసు సిబ్బంది బందోబస్తును  ఏర్పాటు చేశారు. మున్సిపల్‌ కార్పొరేషన్‌లోకి ఎవరిని కూడా అనుమతించడం లేదు. కేవలం అభ్యర్థులు, వారితోపాటు నలుగురిని మాత్రమే అనుమతిస్తున్నారు.  అభ్యర్థుల వెంట వచ్చేవారిని నామినేషన్‌ కేంద్రానికి 100 మీటర్ల దూరంలో నిలిపివేస్తున్నారు. మున్సిపల్‌ కార్పొరేషన్‌ ఎదుట ట్రాఫిక్‌ నిబంధనలు అమలుచేస్తున్నారు. నేటితో నామినేషన్ల ప్రక్రియ ముగియనుంది.

సాక్షి,మిర్యాలగూడ : సాధారణ ఎన్నికలకు నోటిఫికేషన్‌ విడుదల కావడంతో నామినేషన్ల స్వీకరణ సోమవారం ప్రారంభమైంది. మిర్యాలగూడ అసెంబ్లీ నియోజకవర్గానికి స్థానిక ఆర్డీఓ కార్యాలయంలో నామినేషన్ల దరఖాస్తులను రిటర్నింగ్‌ అధికారి(ఆర్‌ఓ) జగన్నాథరావు స్వీకరించారు. ఉదయం 11గంటల నుంచి మధ్యాహ్నం 3గంటల వరకు నామినేషన్లు స్వీకరించారు. కాగా మొదటి రోజు రెండు నామినేషన్లను రిటర్నింగ్‌ అధికారి జగన్నాథరావుకు అందజేశారు. మిర్యాలగూడకు చెందిన తెలంగాణ యువజన సేవా సంఘం రాష్ట్ర «అధ్యక్షుడు సుంకు శ్రీనువాస్, దామరచర్ల మండలం దూద్య తండాకు చెందిన ధనావత్‌ లాలునాయక్‌ స్వతంత్ర అభ్యర్థులుగా నామినేషన్‌ దాఖలు చేశారు. కాగా నామినేషన్‌ దాఖలు చేసిన వారిలో సుంకు శ్రీను ఈ ఎన్నికల్లోనే మొదటి సారి నామినేషన్‌ వేయగా లాలునాయక్‌ 2014లో సాధారణ అసెంబ్లీ ఎన్నికల్లో పోటీ చేశారు. భారీగా పోలీస్‌ బందోబస్త్‌  ఎన్నికల్లో మొదటి ఘట్టమైన నామినేషన్ల స్వీకరణ సోమవారం ప్రారంభం కావడంతో రిటర్నింగ్‌ అధికారి కార్యాలయం ఎదుట పోలీసులు భారీ బందోబస్త్‌ను నిర్వహించారు. డీఎస్పీ శ్రీనివాస్‌ ఆధ్వర్యంలో ఆర్‌ఓ కార్యాలయానికి వంద మీటర్ల దూరంలో బారీకేడ్లను ఏర్పాటు చేశారు. కార్యాలయంకు నాలుగు వైపులా బారీ కేడ్లను ఏర్పాటు చేసి రాకపోకలను మళ్లించారు. కార్యాలయం గేటు వద్ద పోలీస్‌లు ప్రత్యేక బందోబస్త్‌ను నిర్వహించి నామినేషన్ల వేసే అభ్యర్థులను ప్రతిపాదింధించే ఓటర్లను మాత్రమే కార్యాలయంలోకి అనుమతించారు. నామినేషన్‌ల సమయంలో తీసుకోవాల్సిన జాగ్రత్తలపై పోలీసులకు డీఎస్పీ పలు సూచనలు చేశారు. బందోబస్త్‌లో సీఐలు శ్రీనివాస్‌రెడ్డి, సదానాగరాజు, రాములు, రమేష్‌బాబులతో పాటు పోలీస్‌ బలగాలు ఉన్నాయి.  


 సాక్షి, ఖమ్మం: స్థానిక నామినేషన్లకు తెర పడింది. ఎంపీటీసీ, జెడ్పీటీసీ అభ్యర్థుల కోలాహలంతో నామినేషన్ల పర్వమే ప్రచారాన్ని తలపించింది. చివరి రోజు కావడంతో గురువారం భారీ సంఖ్యలో అభ్యర్థులు నామినేషన్లు వేశారు. వారితో పాటు నేతలు, పార్టీ శ్రేణులు రావడంతో నామినేషన్ కేంద్రాలు కిటకిటలాడాయి. జెడ్పీటీసీ నామినేషన్లకు అభ్యర్థులు భారీగా తరలివచ్చారు. నిర్ణీత సమయంలోపు వచ్చిన వారిని జెడ్పీలోకి అనుమతించడంతో నామినేషన్ల ప్రక్రియ రాత్రి వరకూ కొనసాగింది.
 
  అభ్యర్థుల సందడితో నామినేషన్ కేంద్రాలు జాతరను తలపించాయి. ఉదయం 10.30 గంటల నుంచి సాయంత్రం 5 గంటల వరకు ఆయా కేంద్రాలలో ఎంపీటీసీ స్థానాలకు పోటాపోటీగా నామినేషన్లు దాఖలయ్యాయి. అభ్యర్థులు ఒక్కసారే భారీగా తరలిరావడంతో నామినేషన్లను స్వీకరించడానికి అధికారులు ఇబ్బంది పడ్డారు. పార్టీల తరఫున పోటీచేసే అభ్యర్థులు చివరి నిమిషంలో కుల ధ్రువీకరణ, ఇంటి పన్ను, ఇతర అర్హత పత్రాల కోసం హైరానా పడ్డారు. అన్నీ సరిగా ఉన్నాయో లేవో చూసుకోవడం, లేని పత్రాల కోసం ఉరుకులు.. పరుగులు పెట్టారు. ఇక జెడ్పీటీసీ నామినేషన్లకు భారీ సంఖ్యలో అభ్యర్థులు తరలిరావడంతో జెడ్పీ కార్యాలయం జనంతో నిండిపోయింది. అభ్యర్థితో పాటు బలపరచడానికి మరో ఇద్దరిని మాత్రమే లోనికి పంపించారు.
 
 అయితే పలు పార్టీ నేతలు రావడం.. అభ్యర్థుల వెంట తమను లోనికి పంపించాలన్న వాదనలు, నినాదాలతో జెడ్పీలో మధ్యాహ్నం 3 గంటల తర్వాత గందరగోళ పరిస్థితి ఏర్పడింది. దీంతో పోలీసులు రంగప్రవేశం చేసి పరిస్థితిని చక్కదిద్దారు. మండలాల నుంచి సాయంత్రం 5 గంటల వరకు జెడ్పీటీసీ అభ్యర్థులు నామినేషన్లు వేయడానికి తరలివచ్చారు. దీంతో ఈ నామినేషన్ల ప్రక్రియ రాత్రి 10 గంటల వరకు కొనసాగింది. తొలిసారి నామినేషన్ వేసే అభ్యర్థులు నామినేషన్ పత్రం భర్తీ చేయడం రాక , డిపాజిట్ ఎక్కడ చెల్లించాలో తెలియక ఆందోళనకు గురయ్యారు. కుల ధ్రువీకరణ ఒరిజినల్ పత్రాలు  లేని వారు జిరాక్స్ పత్రాలపై గెజిటెడ్ సంతకం కోసం జెడ్పీ కార్యాలయం, ఖమ్మంలో తమకు తెలిసిన అధికారుల వద్దకు పరుగులు పెట్టి మరీ సంతకాలు చేయించుకున్నారు.
 
  కుక్కునూరుకు నామినేషన్లు నిల్..
   కుక్కునూరు మండలంలో జెడ్పీటీసీ స్థానంతో పాటు 8 ఎంపీటీసీ స్థానాలకు ఒక్క నామినేషన్ కూడా దాఖలు కాలేదు. పోలవరం ముంపు నుంచి కుక్కునూరును మినహాయించాలని, అప్పటి వరకు నామినేషన్లు ఎవరు వేసినా అడ్డుకుంటామని అఖిలపక్ష పార్టీలు హెచ్చరించడంతో ఈ పరిస్థితి ఏర్పడింది. అఖిలపక్ష పార్టీల హెచ్చరికలతో నామినేషన్ల స్వీకరణ ప్రారంభం నుంచి ఆశావహులు ఎవ్వరూ.. నామినేషన్ వేయడానికి ముందుకు రాలేదు.
 
  జెడ్పీటీసీకి నామినేషన్ వేస్తారేమోనని చివరిరోజు అఖిలపక్ష పార్టీల నేతలు జెడ్పీ కార్యాలయం వద్ద కాపలా కాశారు. చివరకు తమ వద్ద ఉన్న నామినేషన్ పత్రాలను చించివేసి నిరసన తెలిపారు. ఈ పరిణామాలతో జెడ్పీటీసీ, ఎంపీటీసీ స్థానాలకు నామినేషన్లు దాఖలు కాలే దు. దీంతో ఇక ఈ మండలానికి ఇప్పట్లో ఎన్నికలు లేనట్లేనని నేతలు అభిప్రాయం వ్యక్తం చేస్తున్నా రు. కొత్త ప్రభుత్వం ఏర్పడిన తర్వాత మండల ఎన్నికలపై నిర్ణయం తీసుకునే అవకాశం ఉందని.. అసలు మండల ఓటర్లు పోలింగ్ బహిష్కరిస్తే ఎన్నికలు ఎలా జరగుతాయన్న వాదన ఉంది.
 
  ఎస్సీ మహిళా స్థానాల్లో వలస నేతలు..
  జెడ్పీ పీఠం ఎస్సీ మహిళకు రిజర్వు కావడంతో చివరి రోజు ఆయా పార్టీల నేతలు ఎస్సీ మహిళలకు రిజర్వు అయిన జెడ్పీటీసీ స్థానాల నుంచి చైర్‌పర్సన్ అభ్యర్థులతో నామినేషన్‌లు వేయించారు. జిల్లాలోని వాజేడు, చర్ల, వెంకటాపురం, పినపాక మండలాలు ఎస్సీ మహిళకు కేటాయించారు. దీంతో ఈ మండలాల నుంచి పోటీ చేసి  విజయం సాధించాలన్న వ్యూహంతో పలు పార్టీలు తమ అభ్యర్థులను బరిలోకి దించాయి. ఇతర మండలాల్లో నేతలుగా ఉన్న ఎస్సీ మహిళలను ఈ మండలాల్లో నామినేషన్లు వేయించడానికి పోటీపడ్డారు. కొత్తగూడెం, అశ్వాపురం, భధ్రాచలం, ఏన్కూరు మండలాలు ఎస్సీ జనరల్ కావడంతో ఇక్కడి నుంచి  మహిళా అభ్యర్థులు తమ అదృష్టాన్ని పరీక్షించుకునేందుకు నామినేషన్ దాఖలు చేశారు.
 
  అంతర్గతంగా స్థానిక పొత్తులు..
  జెడ్పీటీసీ, ఎంపీటీసీ నామినేషన్ల ఘట్టం పూర్తయినా పలు నియోజకవర్గాల్లో స్థానిక పొత్తులు కుదరలేదు. కొన్ని చోట్ల పార్టీల నేతలు అంతర్గంతంగా పొత్తులు కుదుర్చుకొని నామినేషన్లు వేయించినట్లు ప్రచారం జరుగుతోంది. ఎమ్మెల్యేగా బరిలో నిలిచే నేతలు.. సార్వత్రిక ఎన్నికలు సమీపిస్తుండడంతో సమయం దొరకక స్థానిక పొత్తులపై దృష్టి పెట్టలేదని నేతలు అభిప్రాయ పడుతున్నారు. క్షేత్ర స్థాయిలో ఈ ఎన్నికలు కీలకమైనా అధినేతలు పట్టించుకోకపోవడంతో బరిలో నిలిచిన అభ్యర్థులు విజయం సాధించినా, ఓటమి పాలైనా.. వచ్చే సార్వత్రిక ఎన్నికల్లో ఎమ్మెల్యే అభ్యర్థులకు సహకరిస్తారా..? అన్న ప్రశ్నలు ఉత్పన్నమవుతున్నాయి. ఈ పరిస్థితులతో నామినేషన్ల ఉప సంహరణ నాటికైనా ఇప్పటి వరకు అంతర్గంతగా ఉన్న స్థానిక పొత్తులు బహిర్గతమవుతాయో .. లేదో వేచి చూడాల్సిందే.