సౌత్ ఇండస్ట్రీలో టాప్ హీరోయిన్గా గుర్తింపు తెచ్చుకున్న ప్రియమణి తన ప్రియుడు ముస్తుఫా రాజ్ను పెళ్లాడబోతోంది. చాలా కాలంగా ప్రేమలో ఉన్న ఈ జంటకు ఇటీవల కుటుంబసభ్యులు, అత్యంత సన్నిహితుల మధ్య నిశ్చితార్థం జరిగింది. ఈ ఆనందాన్ని తన అభిమానులతో పంచుకునేందుకు తన ఎంగేజ్మెంట్ ఫోటోలను సోషల్ మీడియాలో విడుదల చేసింది ప్రియమణి.
 
 అయితే ఈ ఫోటోలపై కొంతమంది అభ్యంతరకర వ్యాఖ్యలు చేయడంతో ప్రియమణి స్పందించింది. ప్రియమణి పెళ్లి చేసుకోబోయే వ్యక్తి ముస్లిం కావటంతో వారి ప్రేమను లవ్ జిహాద్తో పోలుస్తూ కొంతమంది కామెంట్లు పెట్టారు. ఆ కామెంట్లపై సీరియస్గా స్పందించిన ప్రియమణి... 'నా జీవితంలో కొత్త ప్రయాణానికి సిద్ధమవుతున్న నన్ను దీవించండి. సోషల్ మీడియాలో వస్తున్న స్పందనలతో చికాకు పుడుతోంది. మీ సందేశాలతో మమ్మల్ని దీవించండి. అంతే తప్ప ఇలాంటి నెగెటివ్ రియాక్షన్స్ మాత్రం ఇప్పటికైనా మారండి. ఇది నా జీవితం.. నేను నా కుటుంబ సభ్యులకు, నేను చేసుకోబోయే వ్యక్తికీ తప్ప ఎవరికీ సమాధానం చెప్పాల్సిన అవసరం లేదు'. అంటూ కామెంట్ చేసింది.


 బెంగళూరు : దక్షిణ భారతదేశంలోని దాదాపు అన్ని భాషల చిత్రాలలో హీరోయిన్‌గా నటించి ఉత్తమ నటిగా నేషనల్ అవార్డును అందుకున్న హీరోయిన్ ప్రియమణికి శుక్రవారం నిశ్చితార్థం జరిగింది. బెంగళూరులోని బనశంకరిలోని ఆమె స్వగృహంలో తన కుటుంబసభ్యుల మధ్య చెన్నైకి చెందిన ప్రముఖ వ్యాపారి, ఆమె ప్రియుడు ముస్తఫా రాజ్‌తో నిశ్చితార్థం జరిగింది. తామిద్దరం చాలా కాలం నుండి ప్రేమించుకుంటున్నామని.. త్వరలో ఆడంబరాలకు దూరంగా రిజిస్టర్ మ్యారేజ్ చేసుకోనున్నట్లు ఆమె తెలిపారు. తెలుగులో యమదొంగ, రగడ తదితర చిత్రాల్లో ప్రియమణి నటించిన విషయం విదితమే.