breaking news
Jnafau
-
కాస్ట్యూమ్ ఆర్టిస్ట్
చిరిగిన బట్టనైనా తొడుక్కో ఓ మంచి పుస్తకం కొనుక్కో.. అన్నది పాత సామెత...‘పాతబట్టలైనా ఉంచుకో... ఓ మంచి డిజైన్తో మళ్లీ కొత్తగా మలుచుకో’ అన్నది ఈతరం వినిపిస్తున్న కొత్త సామెత. ఎంత ఇష్టమైన దుస్తులైనా పాతబడక తప్పదు కాని సృజనకు పదును పెడితే కొత్త హంగులు అద్దవచ్చు... ఆ పాత జ్ఞాపకాన్ని మరోసారి నెమరేయవచ్చని చెబుతోంది మన హైదరాబాద్కు చెందిన చిత్రకారిణి, ప్రీతి సంయుక్త.జవహర్లాల్ నెహ్రూ ఆర్కిటెక్చర్ అండ్ ఫైన్ ఆర్ట్స్ యూనివర్సిటీలో అసిస్టెంట్ ప్రొఫెసర్ ప్రీతి సంయుక్త. ఉజ్బెకిస్థాన్ రాజధాని తాష్కెంట్లో ఇటీవలే జరిగిన ‘అంతర్జాతీయ కాంటెంపరరీ ఆర్ట్ బియెన్నాలే’లో తన వినూత్న కళా రీతితో తృతీయ విజేతగా నిలిచింది. ఈనెల 16న పురస్కారం అందుకుని నగరానికి తిరిగి వచ్చిన సందర్భంగా ఆమె గురించి ఆమె మాటల్లోనే విందాం.కలంకారీ అంటే ఇష్టం...హైదరాబాద్ విశ్వవిద్యాలయం నుంచి 2001లో పెయింటింగ్ లో మాస్టర్స్ డిగ్రీ పూర్తి చేశాను. చదువుకునే రోజుల నుంచి కలంకారీ అంటే బాగా ఇష్టం. కలంకారీ, బాతిక్ పెయింటింగ్లపై డాక్టరేట్ కూడా చేశాను. అమెరికాలోని అలబామా వర్సిటీలో పీహెచ్డీ చేస్తున్నప్పుడు ఒకసారి ఆఫ్రికావాసుల జీవనశైలిని దగ్గర నుంచి పరిశీలించాను. వారు వినియోగించే బొంతలు కేవలం బొంతలు కావు... వారి జీవితాలకు దిశానిర్దేశం చేసే దిక్సూచీలని తెలిసిన తర్వాత కాస్ట్యూమ్ ఆర్ట్ ఆలోచన వచ్చింది. పాత బట్టలే రంగులుగా...వస్త్రకళ ద్వారా మన జ్ఞాపకాలు, వ్యక్తిగత అనుభవాలకు రూపమివ్వడమే నా ఆలోచన. తాష్కెంట్లో నేను సమర్పించిన ఆర్ట్ సిరీస్ను స్టిచ్చింగ్ మెమోరీస్గా పేర్కొనడానికి కారణం ఇదే. ఈ ఆర్ట్ వర్క్లో పెయింటింగ్కు ఉపయోగించే కాన్వాస్లలో కలర్లు ఏవీ ఉండవు. వాటికి బదులుగా గుడ్డ ముక్కలు ఉంటాయి. ఓ రకంగా ఇది కూడా కుట్టుపనే. ఇప్పటికి 40కిపైగా కళాకృతులు నా దగ్గర ఉన్నాయి అన్నారు ప్రీతి.– సత్యబాబు, సాక్షి -
జేఎన్ఏఎఫ్ఏయూ ఇన్చార్జి వీసీగా చిత్రా రామచంద్రన్
సాక్షి, హైదరాబాద్: జవహర్లాల్ నెహ్రూ ఆర్కిటెక్చర్ అండ్ ఫైన్ ఆర్ట్స్ యూనివర్సిటీ (జేఎన్ఏఎఫ్ఏయూ) ఇన్చార్జి వైస్ చాన్స్లర్గా (వీసీ) విద్యాశాఖ ప్రత్యేక ప్రధాన కార్యదర్శి చిత్రా రామచంద్రన్ నియమితులయ్యారు. ఈ మేరకు ప్రభుత్వం ఉత్తర్వులు జారీ చేసింది. నెల రోజుల కిందటే రాష్ట్రంలోని యూనివర్సిటీలకు ఇన్చార్జి వీసీలను నియమించిన ప్రభుత్వం జేఎన్ఏఎఫ్ఏయూకు నియమించలేదు. ఎట్టకేలకు ఆ వర్సిటీకి కూడా ఇన్చార్జి వీసీని నియమిస్తూ ప్రభుత్వం శనివారం ఉత్తర్వులు జారీ చేసింది. -
జేఎన్ఏఎఫ్ఏయూ సర్టిఫికెట్ కోర్సులు
సాక్షి,హైదరాబాద్: జవహర్లాల్ నెహ్రూ ఆర్కిటెక్చర్ అండ్ ఫైనార్ట్స్ యూనివర్సిటీ ( జేఎన్ఏఎఫ్ఏయూ) రెండు సర్టిఫికెట్ కోర్సులను ప్రకటించింది. సర్టిఫికెట్ కోర్స్ ఇన్ స్టూడియో ప్రాక్టీస్( ఎగ్ టెంపిరా), సర్టిఫికెట్ కోర్స్ ఇన్ ప్రాక్టీస్( ఆయిల్ ఆన్ క్యాన్వాస్)లను మే 14 నుంచి ప్రారంభించనుంది. ఆసక్తి గల వారు మే 6 లోగా దరఖాస్తు చేసుకోవాలి. కనీస అర్హతను ఇంటర్గా నిర్ణయించారు. మరిన్ని వివరాలకు 9849661555 నంబర్ను సంప్రదించవచ్చు. -
జేఎన్ఏఎఫ్ఏయూలో కొనసాగుతున్న విద్యార్ధుల ఆందోళన
మాసబ్ ట్యాంక్ వద్ద గల జవహర్లాల్ నెహ్రూ ఆర్కిటెక్చర్ అండ్ ఫైన్ ఆర్ట్స్ యూనివర్శిటీ (జేఎన్ఏఎఫ్ఏయూ)లో అనర్హులైన ఫ్యాకల్టీని తొలగించాలంటూ విద్యార్థులు చేపట్టిన నిరసన 19వ రోజుకు చేరుకుంది. బుధవారం వర్సిటీ ఆవరణలో టెంట్వేసి విద్యార్థులు నిరాహార దీక్షకు పూనుకున్నారు. ఫ్యాకల్టీ కన్నా గూగుల్, యూట్యూబ్ మిన్న అంటూ నినాదాలు చేశారు. యూనివర్శిటీ యాజమాన్యం దిష్టిబొమ్మలను దహనం చేశారు. ఇప్పుడున్న యానిమేషన్ ఫ్యాకల్టీని తొలగించి అనుభవం ఉన్న వారిని తీసుకోవాలని డిమాండ్ చేశారు. లేకుంటే ఉద్యమం కొనసాగుతుందన్నారు. ఈ విషయంపై వైస్ ఛాన్సలర్ పద్మావతి మాట్లాడుతూ.. విచారణ కమిటీ నివేదిక చర్యలు చేపడతామన్నారు. విద్యార్థుల అందోళన నేపథ్యంలో ఈ నెల 31వరకు (10 రోజులు) సెలవు ప్రకటించినట్లు తెలిపారు. -
జేఎన్ఏఎఫ్ఏయూలో విద్యార్థుల ఆందోళన
సాక్షి, హైదరాబాద్: ఓ ప్రొఫెసర్ లైంగిక వేధింపులకు పాల్పడుతున్నారని ఆరోపిస్తూ మాసబ్ ట్యాంక్లోని జవహర్లాల్ నెహ్రూ ఆర్కిటెక్చర్ అండ్ ఫైన్ ఆర్ట్స్ విశ్వవిద్యాలయం (జేఎన్ఏఎఫ్ఏయూ) పెయింటింగ్ విద్యార్థులు సోమవారం కళాశాల ప్రాంగణంలో ఆందోళనకు దిగారు. పెయింటింగ్ విభాగం అధిపతి స్టాన్లీ సురేష్ లైంగికంగా వేధిస్తున్నారని ఆరోపిస్తూ విద్యార్థులు ఆయన దిష్టిబొమ్మను దహనం చేశారు. అనంతరం వర్సిటీ పక్కనే ఉన్న ఉన్నత విద్యామండలి కార్యాలయంలో మండలి చైర్మన్ జయప్రకాశ్రావుకు ప్రొఫెసర్పై చర్యలు తీసుకోవాలంటూ విద్యార్థులు వినతిపత్రం ఇచ్చారు. ఇదిలావుండగా, మొదటి సంవత్సరం రెండో సెమిస్టర్ పరీక్షను బహిష్కరించి ఆందోళనకు దిగిన విద్యార్థులను ప్రిన్సిపాల్ శ్రీనివాస్రెడ్డి మూడు రోజుల పాటు సస్పెండ్ చేశారు. ఆందోళన చేస్తున్న విద్యార్థులకు ఎస్ఎఫ్ఐ, డీవైఎఫ్ఐ నాయకులు మద్దతు ప్రకటించి ఆందోళనలో పాల్గొన్నారు. కావాలనే ఆరోపణలు: స్టాన్లీ సురేష్ ఈ విషయమై ప్రొఫెసర్ స్టాన్లీ సురేష్ను వివరణ కోరగా.. ‘ఇప్పుడు పరీక్షల సమయం. విద్యార్థులకు మార్కులు, హాజరు శాతం వంటివి నా చేతుల్లో ఉన్నాయి. అందుకే నా మీద కావాలనే ఆరోపణలు చేస్తున్నారు. నేనంటే పడని తోటి ఉపాధ్యాయులు విద్యార్థులను ఎగదోస్తున్నార’ని పేర్కొన్నారు.


