internal

సాక్షి, హైదరాబాద్‌: అధికార కాంగ్రెస్‌ పార్టీలో మంత్రులు, ఎంపీలు, ఎమ్మెల్యేలకు పొసగడం లేదు. ఆయా నేతలు బాహాటంగానే గళం విప్పుతుండటం అంతర్యుద్ధాన్ని స్పష్టం చేస్తోంది. పలు జిల్లాల్లో మంత్రులు, ఎమ్మెల్యేలకు పడటం లేదు. ఒకటి రెండు జిల్లాల్లో మంత్రుల మధ్య సఖ్యత లేదు. వివిధ కారణాలతో అసంతృప్తితో ఉన్నవారు ప్రభుత్వంపై బాణాలు ఎక్కుపెడుతున్నారు. కొందరు తమ నియోజకవర్గాలకు నిధులు రావడం లేదంటూ నిరసన వ్యక్తం చేస్తున్నారు. ఒక పార్లమెంట్‌ నియోజకవర్గంలో మంత్రులకు, ఎంపీకి మధ్య ఏమాత్రం సయోధ్యలేదని పలు సంఘటనలు బహిర్గతం చేసు్తన్నాయి. తాజాగా హస్తినలో ఇలాంటి పంచాయితీ ఒకటి చోటు చేసుకోవడం చర్చనీయాంశమయ్యింది. రాజనర్సింహ వర్సెస్‌ తోట లక్ష్మీకాంతరావు వైద్యారోగ్యశాఖ మంత్రి దామోదర రాజనర్సింహ, జుక్కల్‌ ఎమ్మెల్యే తోట లక్ష్మీకాంతరావు మధ్య ఢిల్లీలోని ఓ హోటల్‌ లాబీలో వివాదం చోటు చేసుకుంది. సంగారెడ్డి డీసీసీ అధ్యక్ష పదవి విషయంలో తాను ప్రతిపాదించిన వ్యక్తికి కాకుండా మరొకరికి ఎమ్మెల్యే మద్దతిచ్చారని ఎమ్మెల్యేపై మంత్రి ఆగ్రహం వ్యక్తం చేశారని తెలుస్తోంది. మంత్రి తనను తీవ్ర పదజాలంతో దూషించి, భౌతికంగా దాడి చేస్తానని బెదిరించారని ఆరోపిస్తున్న లక్ష్మీకాంతరావు, ఈ విషయాన్ని ఆయన ఢిల్లీలోనే ఉన్న పీసీసీ అధ్యక్షుడు మహేశ్‌కుమార్‌ గౌడ్‌ దృష్టికి తీసుకెళ్లినట్లు ఆయన స్వయంగా మీడియాకు తెలిపారు. అయితే దీనిపై మంత్రి దామోదర రాజనర్సింహ.. జరిగింది ఒకటైతే జరిగే ప్రచారం మరోలా ఉందంటూ స్పందించడం గమనార్హం. మంచిర్యాలలో 2 సెగ్మెంట్లకే పరిమితమైన వివేక్‌ పెద్దపల్లి పార్లమెంట్‌ నియోజకవర్గంలో కాంగ్రెస్‌ రెండుగా చీలిపోయిందని అంటున్నారు. మంత్రి వివేక్‌ కుటుంబానిది ఒక వర్గమైతే, మంత్రి శ్రీధర్‌బాబుది మరో వర్గమన్నట్టుగా ఉందని చెబుతున్నారు. ఈ లోక్‌సభా స్థానానికి మంత్రి వివేక్‌ కుమారుడు గడ్డం వంశీకృష్ణ ప్రాతినిధ్యం వహిస్తుండగా, ఈ సెగ్మెంట్‌ పరిధిలోని ఏడు అసెంబ్లీ స్థానాల్లో చెన్నూరు నుంచి మంత్రి వివేక్, బెల్లంపల్లి నుంచి ఆయన సోదరుడు వినోద్‌ ప్రాతినిధ్యం వహిస్తున్నారు. ఈ పార్లమెంటు పరిధిలోని మరో ఇద్దరు మంత్రులు శ్రీధర్‌బాబు, అడ్లూరి లక్ష్మణ్‌ కుమార్‌తో పాటు ఎమ్మెల్యేలు విజయ రమణారావు, మక్కాన్‌సింగ్, ప్రేంసాగర్‌రావులు ఎంపీతో సంబంధం లేకుండానే కార్యక్రమాలు నిర్వహిస్తున్నారు.చివరికి ఎంపీ ల్యాడ్స్‌ నుంచి అసెంబ్లీ సెగ్మెంట్లలో అభివృద్ధి పనులకు కూడా ఎమ్మెల్యేలు ముందుకు రావడం లేదంటే విభేదాలు ఏస్థాయికి చేరాయో తెలుస్తోంది. ఇక మంత్రి వివేక్‌ ప్రభావం మంచిర్యాల జిల్లాలోని చెన్నూరు, బెల్లంపల్లి నియోజకవర్గాలకే పరిమితమైందన్న చర్చ సాగుతోంది. డిప్యూటీ సీఎం భట్టి పర్యటనలో చెన్నూరులో ప్రేమ్‌సాగర్‌ రావు ఫొటోలతో ఫ్లెక్సీలు పెట్టడంపై ఆగ్రహించిన వివేక్‌.. ఎంపీ వంశీకృష్ణతో కలిసి రామగుండం సభా వేదిక నుంచి వెళ్లిపోయారు. మంచిర్యాలలో సూపర్‌ స్పెషాలిటీ ఆస్పత్రి శంకుస్థాపనకు ఎంపీ, వివేక్, వినోద్‌లను ఆహా్వనించకపోవడం ప్రోటోకాల్‌ వివాదానికి దారితీసింది.తాజాగా దండేపల్లి మండలం గూడెంలో స్కూల్‌ బ్యాగుల పంపిణీ సందర్భంగా ఎంపీ వంశీకృష్ణ ఫ్లెక్సీలను ప్రేమ్‌సాగర్‌ రావు అనుచరులు చించివేయడంతో ఉద్రిక్తత నెలకొంది. కాగా ఢిల్లీ సభకు మంత్రి శ్రీధర్‌ బాబు, ఎమ్మెల్యేలు విజయరమణారావు, మక్కన్‌ సింగ్‌ గైర్హాజరు కావడంతో ఈ విభేదాలు మరోసారి బట్టబయలయ్యాయి. వారిపై క్రమశిక్షణా చర్యలు తీసుకోవద్దని, సస్పెండ్‌ చేయవద్దంటూ ఎంపీ వంశీకృష్ణ వ్యంగ్యంగా మంత్రి శ్రీధర్‌బాబుకు లేఖ రాయడం గమనార్హం. కాగా మంత్రికి లేఖ రాయడం వెనుక ముఖ్యనేత అండదండలు ఉన్నట్లు ప్రచారం జరుగుతోంది. వేడి రాజేస్తున్న రాజగోపాల్‌ రెడ్డి ఉమ్మడి నల్లగొండ నుంచి ఉత్తమ్‌కుమార్‌ రెడ్డి, కోమటిరెడ్డి వెంకట్‌ రెడ్డి మంత్రులుగా కొనసాగుతుండగా, వెంకట్‌ రెడ్డి సోదరుడు, మునుగోడు ఎమ్మెల్యే రాజగోపాల్‌ రెడ్డి మంత్రి పదవి కోసం ప్రభుత్వంపై ఒకరకంగా యుద్ధమే ప్రకటించారు. పార్టీలో చేరినప్పుడు, పార్లమెంట్‌ ఎన్నికల ముందు రెండుసార్లు మంత్రి పదవి హామీ ఇచ్చి నిలబెట్టుకోలేదన్నది ఆయన ఆరోపణ. తొమ్మిది మంది ఎమ్మెల్యేలున్న ఖమ్మంకు ముగ్గురు మంత్రులు ఉన్నప్పుడు, 11 మంది ఎమ్మెల్యేలున్న నల్లగొండకు ఎందుకు మరో మంత్రి పదవి ఇవ్వరని ఆయన ప్రశ్నిస్తున్నారు.ఇటీవల మంత్రి ఉత్తమ్‌కుమార్‌ రెడ్డిపై బాహాటంగా విమర్శలు చేశారు. ఆయన హుజూర్‌నగర్‌కే మంత్రిగా వ్యవహరిస్తున్నారంటూ జిల్లా కలెక్టర్‌ సమక్షంలోనే చేసిన వ్యాఖ్య చర్చనీయాంశమైంది. తన నియోజకవర్గ అభివృద్ధికి నిధులు ఇవ్వడం లేదని కూడా ఆయన ఆవేదన వ్యక్తం చేశారు. తాజాగా చౌటుప్పల్‌లో కార్యకర్తలతో మాట్లాడుతూ, పంచాయతీ కార్యదర్శి నుంచి చీఫ్‌ సెక్రటరీ వరకు పని జరగాలంటే లంచం ఇవ్వాల్సి వస్తోందని వ్యాఖ్యానించినట్లుగా అందుతున్న సమాచారం కలకలం సృష్టిస్తోంది. అనిరుధ్‌ ఆమరణ దీక్ష హెచ్చరిక జడ్చర్ల ఎమ్మెల్యే అనిరుధ్‌ రెడ్డి కూడా సొంత ప్రభుత్వంపై విమర్శలకు దిగుతున్నారు. సీఎం ప్రాతినిధ్యం వహిస్తున్న పాత పాలమూరు జిల్లాకు చెందిన ఆయన..సమయం దొరికినప్పుడల్లా ప్రభుత్వాన్ని ఇరకాటంలో పెట్టేలా వ్యాఖ్యానాలు చేస్తున్నారు. నియోజకవర్గంలో రూ.40 కోట్ల అభివృద్ధి పనుల బిల్లులు పెండింగ్‌లో ఉన్నాయని, ఆ బిల్లులు చెల్లించకపోతే ఆమరణ దీక్ష చేస్తానని హెచ్చరించారు. మంత్రులు ప్రాతినిధ్యం వహిస్తున్న నియోజకవర్గాలకే బిల్లులు క్లియర్‌ చేస్తే, మిగతా ఎమ్మెల్యేల పరిస్థితి ఏమిటని ఆయన నిలదీయడం పార్టీలో చర్చనీయాంశమయ్యింది. అన్ని నియోజకవర్గాల్లో సమానంగా అభివృద్ధి జరిగితేనే ప్రభుత్వం సుస్థిరంగా ఉంటుందని వ్యాఖ్యానించడం గమనార్హం. ఖమ్మంలో ఎవరికి వారే.. రాష్ట్ర మంత్రివర్గంలో అత్యధిక ప్రాతినిధ్యం ఉన్న ఉమ్మడి ఖమ్మం జిల్లాలో డిప్యూటీ సీఎం భట్టి విక్రమార్క, మంత్రులు పొంగులేటి శ్రీనివాసరెడ్డి, తుమ్మల నాగేశ్వరరావు ఎవరి దారి వారిదే అన్నట్టుగా ఉంటున్నారనే విమర్శలున్నాయి. ముగ్గురు మంత్రులు.. మూడు క్యాంపులుగా జిల్లా కాంగ్రెస్‌ చీలిపోయిందని అంటున్నారు. పదవుల పందేరంలో భట్టి, పొంగులేటి మాటే చెల్లుబాటు అవుతుండగా, పదవులన్నీ ఆ రెండు వర్గాలే దక్కించుకుంటున్నాయని తుమ్మల అనుచరులు అసంతృప్తితో ఉన్నట్టు తెలుస్తోంది. ముగ్గురు మంత్రులు వేర్వేరుగా జిల్లా పర్యటనలు, సమీక్షలు చేస్తుండటంతో అధికారులు ఏర్పాట్లతో సతమతమవుతుండగా, జిల్లా పార్టీలో సమన్వయంపై సందేహాలు వ్యక్తమవుతున్నాయి. మరికొన్ని జిల్లాల్లో.. వరంగల్‌ జిల్లాలో మంత్రిగా కొనసాగిన కొండా సురేఖకు..ఎమ్మెల్యే కడియం శ్రీహరి, రేవూరి ప్రకాశ్‌రెడ్డితో పాటు ఇతర ఎమ్మెల్యేలతో నెలకొన్న విభేదాలు అధిష్టానం వరకు చేరాయి. దానికి తోడు సురేఖ కూతురు చేసిన కొన్ని వ్యాఖ్యల నేపథ్యంలో చివరకు ఆమె సెపె్టంబర్‌లో ఏకంగా మంత్రివర్గం నుంచే వైదొలగాల్సి వచ్చింది. ఉమ్మడి కరీంనగర్‌ జిల్లాలో మంత్రి పొన్నం ప్రభాకర్‌కు జిల్లా నేతల నుంచి సహకారం కరువైంది. హుస్నాబాద్‌ నుంచి ప్రాతినిధ్యం వహిస్తున్న ఆయనను సిద్దిపేట జిల్లా నేతగానే పరిగణిస్తున్నారు. ఉమ్మడి నిజామాబాద్‌కు ఇప్పటివరకు మంత్రివర్గంలో చోటు దక్కకపోవడంతో, మంత్రి పదవి కోసం ఎమ్మెల్యేలు పోటీ పడుతూ వర్గాలుగా విడిపోయారు.గత విస్తరణలోనూ బోధన్‌ ఎమ్మెల్యే సుదర్శన్‌ రెడ్డికి నిరాశే ఎదురవగా, ఆయనను బుజ్జగించేందుకు ఏఐసీసీ ఇన్‌చార్జి మీనాక్షి నటరాజన్‌ స్వయంగా ఆయన ఇంటికి వెళ్లాల్సి వచ్చింది. రాష్ట్రంలో ఖాళీ అయిన సురేఖ స్థానంతో పాటు మరో రెండు మంత్రి పదవులు భర్తీ చేసే అవకాశం ఉన్నప్పటికీ, నానుస్తుండడం కూడా ఎమ్మెల్యేల్లో అసంతృప్తికి కారణమవుతోందన్న అభిప్రాయాలు వ్యక్తమవుతున్నాయి. కీలకమైన రాష్ట్ర స్థాయి నామినేటెడ్‌ పోస్టులు కూడా భర్తీ కాకపోవడం, ఎప్పటికప్పుడు నేడు, రేపు అన్నట్టుగా ఊరిస్తుండటం, మరో ఏడాది గడిస్తే ఎన్నికల సంవత్సరం వస్తుండడంతో శాసనసభ్యుల్లో అసంతృప్తి, అసహనం కొట్టొచి్చనట్లు కనిపిస్తోందని పార్టీ వర్గాలే పేర్కొంటుండటం గమనార్హం.

దేశంలోని అతిపెద్ద ప్రైవేటు బ్యాంకుల్లో ఒకటైన హెచ్‌డీఎఫ్‌సీ బ్యాంకులో రహస్య సమాచార నిర్వహణకు సంబంధించి అంతర్గత సమీక్ష కొనసాగుతోంది. బ్యాంకు ఉన్నతాధికారుల మధ్య సమాచార లీకేజీపై ఆందోళనలు వ్యక్తమైన నేపథ్యంలో ఈ సమీక్ష చేపట్టినట్లు తాజా నివేదికలు వెల్లడించాయి. అయితే, ఈ వ్యవహారంలో ఎవరు బాధ్యులు, ఏ సమాచారం బయటకు వెళ్లింది, దాని వల్ల ఎలాంటి ప్రభావం ఏర్పడిందన్న అంశాలపై బ్యాంకు అధికారికంగా వివరాలు వెల్లడించలేదు.సమీక్ష ఫలితాల ఆధారంగా చర్యలుఈ అంశంపై హెచ్‌డీఎఫ్‌సీ బ్యాంకు అధికార ప్రతినిధి స్పందిస్తూ.. సంస్థ విధానాలకు అనుగుణంగా సంబంధిత విషయాలపై అంతర్గత సమీక్ష జరుగుతోందని తెలిపారు. సంబంధిత వాస్తవాలను సేకరించి, పరిశీలించిన అనంతరం ఆ సమీక్ష ఫలితాల ఆధారంగా తగిన చర్యలు తీసుకుంటామని స్పష్టం చేశారు. నైతిక ప్రమాణాలు, కార్పొరేట్‌ గవర్నెన్స్‌కు అత్యంత ప్రాధాన్యం ఇస్తామని, సంభావ్య ఉల్లంఘనలపై వచ్చే సమాచారాన్ని తీవ్రంగా పరిగణిస్తామని బ్యాంకు పేర్కొంది.బ్యాంకు ఉద్యోగుల ప్రవర్తనా నియమావళి ప్రకారం, అనుమతి లేకుండా సంస్థ సమాచారాన్ని వెల్లడించడం, అంతర్గత మెయిళ్లు లేదా భవిష్యత్‌ ప్రాజెక్టుల వివరాలను పంచుకోవడం నిషేధం. ఇటువంటి లీకేజీలు ఉద్దేశపూర్వకమైనవైనా లేదా అనుకోకుండా జరిగినవైనా క్రమశిక్షణ చర్యలకు దారితీయవచ్చని బ్యాంకు అధికారిక విధాన పత్రం స్పష్టం చేస్తోంది. అలాగే, గోప్య లేదా సున్నితమైన సమాచార దుర్వినియోగాన్ని నియంత్రించేందుకు సంస్థలో ప్రత్యేక నిబంధనలు ఉన్నాయి.త్వరలో కొత్త సీఈఓఈ పరిణామం బ్యాంకు నాయకత్వంలో కీలక మార్పుల దశలో వెలుగుచూడటం ప్రాధాన్యం సంతరించుకుంది. అక్టోబర్‌ 27న అనుప్‌ బాగ్చీ మేనేజింగ్‌ డైరెక్టర్‌, సీఈఓగా బాధ్యతలు స్వీకరించనున్నారు. ప్రస్తుత సీఈఓ శశిధర్‌ జగదీశన్‌ పదవీకాలం ముగియడంతో ఈ మార్పు జరుగుతోంది. కాబట్టి బ్యాంకులో కొనసాగుతున్న అంతర్గత సమీక్షలో వెలువడే తుది నిర్ధారణలు, తదుపరి చర్యలు బ్యాంకు గవర్నెన్స్‌, అంతర్గత నియంత్రణ వ్యవస్థలపై ప్రభావం చూపే అవకాశం ఉంది.ఇదీ చదవండి: సౌర విద్యుత్‌ స్టోరేజ్‌ ప్రాజెక్ట్‌ ఏర్పాటు

మన జీవితంలో సవాళ్లు మనల్ని ముంచెత్తే తుఫానులా వస్తాయి. ఆ అలల తాకిడికి మన మనసు అలజడి చెందుతుంది. కానీ, ఆ తుఫాను మధ్యలో నిశ్చలంగా నిలబడిన కొండలా మనల్ని నిలబెట్టేదే ఓర్పు. బయటి ప్రపంచం ఎంత అల్లకల్లోలంగా ఉన్నా, మన అంతరంగంలో తుఫానులోనూ చెదరని ప్రశాంతతను నింపుకునే శక్తి ఇది. ఓర్పు కేవలం నిరీక్షించడం కాదు, అది ఆత్మబలానికి అసలైన నిర్వచనం.ఓర్పు అనేది మనసును నియంత్రించే ఒక శక్తి. సనాతన ధర్మంలో ఇది ఒక అత్యున్నత విలువగా పరిగణించబడింది. భగవద్గీతలో శ్రీ కృష్ణుడు కష్టాలను, సుఖాలను సమంగా చూడమని అర్జునుడికి ఉపదేశిస్తాడు. అదే నిజమైన జ్ఞానానికి, స్థిరత్వానికి పునాది అని వివరిస్తాడు. క్షమా వీరస్య భూషణం శక్తిమతాం క్షమా శ్రేయః ఓర్పు అనేది వీరులకు ఆభరణం. శక్తిమంతులకు ఓర్పు ఒక గొప్ప ధర్మం. ఈ సూక్తి ఓర్పును బలహీనతగా కాకుండా, అత్యంత ఉన్నతమైన ధైర్యంగా, శక్తిగా గుర్తిస్తుంది. నిజమైన బలం శారీరక శక్తిలో కాదు, ప్రతికూల పరిస్థితుల్లో కూడా శాంతంగా, స్థిరంగా ఉండగల మానసిక శక్తిలో ఉందని ఇది నొక్కి చెబుతుంది.శానైర్గచ్ఛన్‌ శనైర్గచ్ఛన్‌ పంథాః సంపూర్ణో భవతినెమ్మదిగా, ఓర్పుతో అడుగులు వేసేవాడు దారిని పూర్తిగా చేరుకుంటాడు. అంటే, ఓర్పుతో, నిలకడగా కృషి చేసేవారు ఖచ్చితంగా తమ గమ్యాన్ని చేరుకుంటారు. ఇది ఆధునిక జీవితంలో కూడా అంతే సత్యం. పరీక్షల్లో విజయం సాధించడానికి రోజూ కొంతసేపు చదవాలి, ఒక్కరోజులో కాదు. ఒక వ్యాపారం విజయవంతం కావడానికి ఎన్నో ఏళ్ల నిరంతర కృషి, ఓర్పు అవసరం. ఓర్పు అనేది మన లక్ష్యంపై మనకున్న నమ్మకాన్ని, నిబద్ధతను ప్రతిబింబిస్తుంది.క్షమా బలం అశక్తానాం, శక్తానాం భూషణం క్షమా ఓర్పు అనేది బలహీనులకు బలం, శక్తిమంతులకు ఆభరణం. ఓర్పును అలవరచుకోవడం ద్వారా బలహీనులు కూడా శక్తివంతులుగా మారగలరు. అది ఒక శక్తిమంతుని కీర్తిని, గౌరవాన్ని పెంచుతుంది. ఈ సూక్తి ఓర్పు సార్వత్రిక శక్తిని, అది అందరికీ ఎలా ప్రయోజనకరంగా ఉంటుందో స్పష్టం చేస్తుంది.ఓర్పు అనేది కేవలం నిరీక్షించడం కాదు, అది జీవితాన్ని అర్థవంతంగా, ప్రశాంతంగా జీవించే ఒక గొప్ప కళ. ఓర్పును అలవరచుకోవడం ద్వారా మనం అనవసరమైన ఆందోళనల నుండి విముక్తి పొందవచ్చు, ప్రశాంతంగా ఆలోచించి సరైన నిర్ణయాలు తీసుకోవచ్చు. కష్టాల పర్వతాలను చిన్న మెట్లుగా మార్చగల శక్తి ఓర్పుకు మాత్రమే ఉంది. ఓర్పు అనే బలం మనకు జీవితంలో ఎలాంటి తుఫానులనైనా ఎదుర్కొనే ధైర్యాన్ని, ఆత్మవిశ్వాసాన్ని ఇస్తుంది. ఈ గొప్ప గుణాన్ని మన జీవితంలో నిత్యం సాధన చేయడం ద్వారా విజయం, ప్రశాంతత, ఆనందం తప్పక లభిస్తాయి.భారతంలో సత్యవంతుడి భార్య సావిత్రి, తన భర్త జీవితం ముగిసే రోజున యమధర్మరాజు వెంట వెళ్లి, తన పట్టుదల, వాదన, అపారమైన ఓర్పుతో తన భర్త ప్రాణాలను తిరిగి తెచ్చుకుంది. ఈ కథ ఓర్పు దృఢ సంకల్పానికి ఉండే అద్భుత శక్తికి నిదర్శనం. అలాగే, హరిశ్చంద్రుడు తన సర్వస్వాన్ని కోల్పోయినా, చివరి క్షణం వరకు సత్యానికే కట్టుబడి ఉన్నాడు. ఆయన సత్యనిష్ఠకు, ఓర్పుకు అంతర్జాతీయంగా ప్రసిద్ధి.ప్రఖ్యాత శాస్త్రవేత్త థామస్‌ ఆల్వా ఎడిసన్‌ విద్యుత్‌ బల్బును కనిపెట్టే క్రమంలో వేలసార్లు విఫలమయ్యారు. ప్రతి వైఫల్యం తర్వాత, ఆయన ‘ఈసారి పని చేయని ఇంకో మార్గాన్ని కనుగొన్నాను‘ అని ఓర్పుతో, పట్టుదలతో కృషి చేశారు. ఆయన ఓర్పు కారణంగానే ప్రపంచం చీకటి నుంచి వెలుగులోకి వచ్చింది. అలాగే, మహాత్మాగాంధీ తన జీవితంలో ఎదురైన ఎన్నో అవమానాలను, కఠిన పరిస్థితులను ఓర్పుతో ఎదుర్కొని, అహింసను, సత్యాగ్రహాన్ని తన ఆయుధాలుగా మలచుకున్నారు. ఆయన ఓర్పు, శాంతం, అకుంఠిత విశ్వాసంతో ప్రపంచంలోనే అతిపెద్ద బ్రిటిష్‌ సామ్రాజ్యాన్ని ఓడించి, భారతదేశానికి స్వాతంత్య్రం సాధించారు. ఇది ఓర్పుకు, దాని శక్తికి ఉన్నతమైన ఉదాహరణ.– కె. భాస్కర్‌ గుప్తా(వ్యక్తిత్వ వికాస నిపుణులు)

లక్నో: లోక్‌ సభ ఎన్నికల్లో తమకు కుంచుకోటగా భావించిన ఉత్తరప్రదేశ్‌లో బీజేపీ ఆశించిన ఫలితాలను సాధించలేదు. గత లోక్‌ సభ ఎన్నికలతో పోల్చితే గణనీయంగా సీట్లు తగ్గాయి. అయితే లోక్‌ సభ ఎన్నికల్లో వైఫల్యానికి గల కారణాలను బీజేపీ రాష్ట్ర నాయకత్వం హైకమాండ్‌కు నివేదికి సమార్పించింది. ఈసారిగా ఓటమి, సీట్లు తగ్గుదలకు గల కారణాలను అందులో వివరించారు. ఈ నివేదికను అన్ని పార్లమెంట్ నియోజకవర్గాలు ముఖ్యంగా బీజేపీ ప్రతిష్టాత్మకంగా తీసుకున్న సీట్లు ఆమేథీ, అయోధ్యల్లో మొత్తంగా సుమారు 40 వేల కార్యకర్తలు అభిప్రాయలతో తయారు చేసినట్లు తెలుస్తోంది. అయితే పార్లమెంట్ ఎన్నికల్లో బీజేపీ ఆశించి సీట్ల రాకపోవడానికి ఈ నివేదిక ఆరు ప్రధానమైన కారణాలను వెల్లడించింది. క్షేత్రస్థాయిలో పార్టీ ఎమ్మెల్యేలకు పవర్ లేకపోవటం. ప్రభుత్వం అధికారుల చేతిలో అధికారంలో ఉండటంతో పార్టీ కార్యకర్తల తీవ్రంగా అవమానంగా భావించారు. ఈ విషయంలో ఆర్‌ఎస్‌ఎస్‌, బీజేపీ పార్టీ కార్యకర్తలను సమన్వయం చేయలేకపోయాయని ఓ సీనియర్‌ నేత పేర్కొన్నారు.రాష్ట్రంలో గడిచిన మూడేళ్లలో సుమారు 15 సార్లు పేపర్ల లీక్‌ అయ్యాయి. దీన్ని ప్రతిపక్షలు ప్రజల్లో తీసుకువెళ్లటంలో విజయం సాధించారు. దీంతో బీజేపీ రిజర్వేషన్లు తొలగిస్తుందని ప్రతిపక్షాలు చేసిన ఆరోపణలను ప్రజలు నమ్మారు.ప్రభుత్వంలో పెద్దస్థాయిలో పోస్టులను కాంట్రాక్టుల ఉద్యోగులతో భర్తీ చేయిటంలో ప్రతిపక్షాల ఆరోపణలు మరింత బలం చేకూరి ప్రజలు ఆందోళనకు గురయ్యారు.కూర్మీ, మౌర్య సామాజిక వర్గాలు ఓట్లు ఈసారి బీజేపీ పడలేదు. దీంతో పాటు దళిత ఓటర్లను కూడా బీజేపీ తమవైపు తిప్పుకోలేకపోయింది. బీఎస్పీతో ఓటు బ్యాంక్‌ ఉన్న దళితులను తమవైపుకోని కాంగ్రెస్ ఓటుషేర్‌ను పెంచుకుంది.ఎన్నికలకు ముందుగానే బీజేపీ ఎంపీ అభ్యర్థులను ప్రకటించింది. దీంతో కార్యకర్తలు సైతం ఎన్నికల ప్రచారంలో నిర్లక్ష్యం వహించారు. పలు దశల్లో పోలింగ్ జరగటంతో కార్యకర్తల్లో ఉత్సాహం తగ్గుతూ వచ్చింది.రిజర్వేషన్లను రద్దు చేస్తామని కేంద్ర నాయకులే వ్యాఖ్యలు చేయటంతో వాటిని ప్రతిపక్షాలు ప్రజల్లోకి తీసుకువెళ్లారు. బీజేపీ నేతలు వ్యాఖ్యలను ప్రజలు సీరియస్‌గా తీసుకోని ప్రతిపక్షాలవైపు మొగ్గుచూపారు.బీజేపీ 370 సీట్ల నినాదంతో ఎన్నికల బరిలోకి దిగగా.. 240 సీట్లకు పరిమితమైంది. దీంతో మిత్రపక్షాల మద్దతుతో బీజేపీ అధికారంలో వచ్చి మోదీ మూడోసారి ప్రధాని అయ్యారు. ఉత్తరప్రదేశ్‌లో మొత్తం 80 సీట్లకు గతంలో 62 సీట్ల నుంచి 33 స్థానాలుకు తగ్గిపోయింది. ప్రతిపక్ష సమాజ్‌వాదీ పార్టీ ఏకంగా 37 సీట్లను గెలుచుకుంది. దీనిపై ఇటీవల యూపీ బీజేపీ అధ్యక్షుడు భూపేంద్ర చౌదరీ, డిప్యూటీ సీఎం కేశవ్‌ ప్రసాద్‌ మౌర్య ఢిల్లీలో పార్టీ పెద్దలను కలిసి పార్టీ ఓటమిపై చర్చలు జరిపారు.

మాస్కో: భారత అంతర్గత వ్యవహారాలు, సార్వత్రిక ఎన్నికల్లో అమెరికా దురుద్దేశంతో కలగజేసుకుంటోందని రష్యా సంచలన ఆరోపణలు చేసింది. ఖలిస్తానీ ఉగ్రవాది గురుపత్వంత్‌ సింగ్‌ పన్నూను అమెరికాలో చంపేందుకు భారతీయ పౌరులు కుట్ర పన్నారని అమెరికా ఆరోపించిందిగానీ నమ్మదగ్గ సాక్ష్యాలను బయటపెట్టలేదని రష్యా గుర్తుచేసింది. రష్యా, సౌదీ అరేబియా తరహా పాలనా విధానాలను దేశంలో అమలుచేయాలని మోదీ సర్కార్‌ భావిస్తోందని అమెరికా ఒక నివేదిక వెల్లడించడంపై రష్యా విదేశాంగ శాఖ అధికార ప్రతినిధి మారియా జఖారోవా గురువారం మాట్లాడారు. ‘‘ పన్నూను అంతమొందించేందుకు భారత ‘రా’ అధికారి, మరో భారతీయుడు నిఖిల్‌ గుప్తాతో కలిసి కుట్ర పన్నారని అమెరికా ఆరోపించింది. కానీ అందుకు బలమైన సాక్ష్యాలు ఒక్కదాని కూడా బయటపెట్టలేదు. సాక్ష్యాలు చూపకుండా ఊహాగానాలను వ్యాప్తిచేయడం తగదు. భారత విధానాలు, దేశ చరిత్రను అవగాహన చేసుకునే స్థాయి అమెరికాకు లేదు. అందుకే భారత్‌లో మత స్వేచ్ఛపై ఆరోపణలను అమెరికా నిరంతరం గుప్పిస్తోంది. 2024 సార్వత్రిక ఎన్నికల్లో రాజకీయ వాతావరణాన్ని అస్థిరపరిచేందుకు అమెరికా ప్రయతి్నస్తోంది. అందుకే రాష్ట్రాల్లో మానవహక్కుల ఉల్లంఘన జరిగిందని, మత స్వేచ్ఛకు భంగం వాటిల్లిందని నివేదికలు ఇస్తోంది’’ అని మారియా చెప్పినట్లు రష్యా అధికారిక ‘ఆర్‌టీ న్యూస్‌’ ఛానల్‌ ఒక వార్తను ప్రసారంచేసింది. గత ఏడాది అమెరికాలో పన్నూను భారత రీసెర్చ్‌ అండ్‌ అనాలసిస్‌ (రా) అధికారి చంపాలనుకున్న కుట్రను అమెరికా అధికారులు విజయవంతంగా భగ్నంచేశారని వాషింగ్టన్‌ పోస్ట్‌ ఒక కథనం వెలువరిచింది. దీనిపై భారత్‌ తీవ్ర అభ్యంతరం వ్యక్తంచేసింది. ఈ ఉదంతంపై దర్యాప్తు కొనసాగుతున్న వేళ ఇలాంటి నిరాధార ఆరోపణలు తగవని విదేశాంగ శాఖ అధికార ప్రతినిధి రణ«దీర్‌ జైశ్వాల్‌ ఆనాడే ఢిల్లీలో ఆక్షేపించారు.

న్యూఢిల్లీ: ఢిల్లీ ముఖ్యమంత్రి కేజ్రీవాల్‌ అరెస్ట్‌పై అమెరికా వ్యాఖ్యలను భారత్‌ తీవ్రంగా తప్పుబట్టింది. ఇది దేశ అంతర్గత, సార్వభౌమత్వానికి సంబంధించిన విషయమని స్పష్టంచేసింది. బుధవారం ఢిల్లీలో అమెరికా దౌత్యవేత్తను పిలిపించి తన అసంతృప్తిని తెలియజేసింది. భారత్‌లో అమెరికా మహిళా దౌత్యవేత్త, యాక్టింగ్‌ చీఫ్‌ ఆఫ్‌ మిషన్‌ గ్లోరియా బెర్బేనాకు సమన్లు జారీచేసింది. దీంతో బుధవారం ఆమె ఢిల్లీలోని సౌత్‌బ్లాక్‌లో విదేశాంగ శాఖ కార్యాలయానికి వచ్చారు. విదేశాంగ శాఖ అధికారులతో దాదాపు 30 నిమిషాలు సమావేశమయ్యారు. ‘స్వేచ్ఛగా, పారదర్శకంగా, వేగవంతంగా, చట్టపరంగా న్యాయం పొందే అర్హత సీఎం కేజ్రీవాల్‌కు ఉంది’ అని మంగళవారం అమెరికా ఉన్నతాధికారి చేసిన వ్యాఖ్యలను ప్రస్తావించారు. భారత న్యాయప్రక్రియపై అమెరికా వ్యాఖ్యలను తప్పుబడుతూ భేటీ తర్వాత భారత విదేశాంగ శాఖ ఒక ప్రకటన విడుదల చేసింది. ‘‘దౌత్య సంబంధాలకు సంబంధించి దేశాలు తోటి దేశాల సార్వభౌమత్వం, అంతర్గత వ్యవహారాలకు గౌరవం ఇవ్వాలి. తోటి ప్రజాస్వామ్య దేశాల పట్ల ఇదే బాధ్యతతో మెలగాలి. బాధ్యత విస్మరిస్తే బాగుండదు. భారత్‌లో న్యాయవ్యవస్థ స్వతంత్రమైంది. సత్వర న్యాయమే దాని అంతిమ లక్ష్యం. దానిపై ఇతరుల అభిప్రాయాలు అవాంఛనీయం’’ అని ఆ ప్రకటనలో భారత్‌ తన అసంతృప్తిని తెలిపింది. కేజ్రీవాల్‌ అరెస్ట్‌పై వ్యాఖ్యలు చేసిన జర్మనీ దౌత్యవేత్త, డెప్యూటీ చీఫ్‌ మిషన్‌కు ఇటీవల భారత్‌ సమన్లు జారీచేసిన నేపథ్యంలో మళ్లీ అలాంటి ఘటనే జరగడం గమనార్హం.

హైదరాబాద్, బిజినెస్‌ బ్యూరో: ఫిన్‌టెక్‌ కంపెనీ ఫోన్‌పే అయిదు దేశాల్లో యూపీఐ ఇంటర్నేషనల్‌ సేవలను ప్రారంభించింది. యూఏఈ, నేపాల్, సింగపూర్, మారిషస్, భూటాన్‌ వీటిలో ఉన్నాయి. ఈ దేశాల్లో వర్తకులకు ఫోన్‌పే కస్టమర్లు యూపీఐ ఆధారంగా క్యూఆర్‌ కోడ్‌ను ఉపయోగించి చెల్లింపులు చేయవచ్చు. సాధారణంగా భారతీయ కస్టమర్లు విదేశీ కరెన్సీ, అంతర్జాతీయ క్రెడిట్‌/డెబిట్‌ కార్డు, ఫారెక్స్‌ కార్డును ఉపయోగించి అక్కడి వర్తకులకు చెల్లించాల్సి ఉంటుంది.  యూపీఐ ఇంటర్నేషనల్‌ సౌకర్యంతో భారతీయ బ్యాంకు నుంచే విదేశీ కరెన్సీ రూపంలో ఈ లావాదేవీ పూర్తి అవుతుందని ఫోన్‌పే ప్రకటించింది. ఇటువంటి సేవలను అందుబాటులోకి తెచ్చిన తొలి భారతీయ ఫిన్‌టెక్‌ కంపెనీ తామేనని తెలిపింది. ఈ సౌకర్యం గేమ్‌ చేంజర్‌ అవుతుందని వివరించింది. ఫోన్‌పే యూజర్ల సంఖ్య 43.5 కోట్లు. 

సాక్షి, న్యూఢిల్లీ: గుజరాత్‌ ఎన్నికలపై తొలుత జరిపిన అంతర్గత సర్వేలో కేవలం 60 సీట్లే గెలుస్తామని తేలినట్లు బీజేపీ పార్టీ వర్గాలు చెప్పాయి.   ఈ ఫలితాలతో ఆందోళన చెందకుండా అప్పటికప్పుడు తీసుకున్న నష్ట నివారణ చర్యలతో విజయం సాధించగలిగామని బీజేపీ సీనియర్‌ నాయకుడు ఒకరు శనివారం తెలిపారు. 22 ఏళ్లుగా పార్టీ అధికారంలో ఉండడం, ప్రధాని మోదీ గుజరాత్‌లో లేకపోవడం, రాష్ట్రంలో కులసమీకరణాలు బీజేపీకి ప్రతికూలంకావచ్చొని అంచనా వేశామన్నారు. రాష్ట్రంలో కాంగ్రెస్‌కు బలమైన నాయకత్వం లేకపోవడం తమకు కలిసొచ్చిందని పేర్కొన్నారు. ఏపీలో టీడీపీతో పొత్తుపై స్పందిస్తూ...ఆ పార్టీతో బీజేపీకి పొసగని సంగతిని అంగీకరించారు. ఇక తెలంగాణలో ఒంటరిగానే పోటీచేయాలని భావిస్తున్నట్ల చెప్పారు.


  
  
 గుంటూరు రూరల్‌ ః తాడికొండ మండలంలోని లాం గ్రామంలోగల చలపతి ఫార్మసీ కళాశాలలో 15 రోజులుగా జరుగుతున్న ఏఎన్‌యూ అంతర్‌ కళాశాలల్లో ఎంపికయిన సౌత్‌ జోన్‌ ఇంటర్‌ యూనివర్సిటీకి వెళ్ళే మహిళా కబడ్డీ క్రీడాకారుల శిక్షణ  తరగతులు సోమవారంతో ముగిశాయి. ఈ సందర్భంగా నిర్వహించిన సమావేశంలో కళాశాల ప్రిన్సిపాల్‌ డాక్టర్‌ నాదెండ్ల రామారావు మాట్లాడుతూ 15 రోజులపాటు శిక్షణ తీసుకున్న అభ్యర్థినులు తమిళనాడులోని కోయంబత్తూర్‌లోగల భారతీయ యూనివర్సిటీలో ఈ నెల 14 నుంచి 17వరకూ జరిగే అంతర్‌ యూనివర్సిటీల (సౌత్‌జోన్‌ ఇంటర్‌ యూనివర్సిటీ) పోటీల్లో పాల్గొంటారన్నారు.  కళాశాల పిజికల్‌ డైరెక్టర్‌ పీ భానుప్రకాష్‌ మేనేజర్‌గా వ్యవహరిస్తారని తెలిపారు. 


 
 టీడీపీ జనచైతన్య యాత్రలో తమ్ముళ్ల తన్నులాట  ∙
 
 ఎమ్మెల్యే వర్సెస్‌ సర్పంచి వర్గం
 
 రాచపల్లిలో ముష్టిఘాతాలు  
 
 భారీగా పోలీసుల మోహరింపు
 
 ప్రత్తిపాడు : 
 జనచైతన్య యాత్రలో టీడీపీలోని విభేదాలు భగ్గుమన్నాయి. ప్రత్తిపాడు మండలం రాచపల్లి గ్రామంలో శనివారం ఎమ్మెల్యే వరుపుల సుబ్బారావు సమక్షంలోనే తెలుగు తమ్ముళ్లు ముష్టి ఘాతాలకు దిగారు. పోలీసులు జోక్యం చేసుకొని కార్యకర్తలను చెదరగొట్టడంతో వివాదం సద్దుమణిగింది. వివరాలు ఇలా ఉన్నాయి...మండలంలోని గజ్జనపూడి, శరభవరం, రాచపల్లి గ్రామాల్లో శనివారం నిర్వహించిన జనచైతన్య యాత్రలో ఎమ్మెల్యే వరుపుల సుబ్బారావు పాల్గొన్నారు. మధ్యాహ్నం రాచపల్లి గుబ్బాలమ్మ గుడి వద్ద పార్టీ పతాకావిష్కరణ, అభివృద్ధి పనులకు ఎమ్మెల్యే వరుపుల శంకుస్థాపన చేయాలి. ఈ కార్యక్రమానికి గ్రామ సర్పంచి బుద్దరాజు రామలక్ష్మి తోపాటు ఈమె భర్త పీహెచ్‌సీ అభివృద్ధి కమిటి చైర్మ¯ŒS బుద్దరాజు చంటిరాజు తన వర్గంతో చేరుకున్నారు. మధ్యాహ్నం టీడీపీ పతాకాన్ని ఆవిష్కరించి, అభివృద్ధిపనులను ప్రారంభించేందుకు ఆప్‌కాబ్‌ వైస్‌ చైర్మ¯ŒS వరుపుల రాజా, టీడీపీ నాయకులు పర్వత రాజబాబు, ఎంపీపీ బత్తుల లోవకుమారి, మాజీ ఎంపీపీ వరుపుల తమ్మయ్యబాబు, మాజీ సర్పంచి బుద్ధరాజు చంటిరాజులతో కలిసి  ఎమ్మెల్యే వరుపుల çసుబ్బారావు సంఘటనా స్థలానికి చేరుకున్నారు. పతాకాన్ని ఆవిష్కరించే సమయాన గ్రామంలో అభివృద్ధి పనుల సమాచారం టీడీపీకే చెందిన సర్పంచికు గానీ, పార్టీ కార్యక్రమం గ్రామ పార్టీ అధ్యక్షునికి గానీ తెలియజేయాల్సిన అవసరం ఉందోలేదో చెప్పాలంటూ చంటిరాజు ప్రశ్నించారు. దీంతో వరుపుల వర్గీయులకు, చంటిరాజు వర్గీయులు ఒకరిపై ఒకరు అరుపులు, కేకలతో విరుచుకుపడ్డారు. ఒకరికొకరు పిడుగుద్దులకు దిగడంతో ఆ ప్రాంతంలోని మహిళలు ఇళ్లల్లోకి పరుగులు తీశారు.  ఈ సంఘటలో ఇరువర్గాలకు చెందిన మడికి కృష్ణ, బర్ల శ్రీను, ఉపసర్పంచి పెదిరెడ్డి నానీ, ఏనుగు శ్రీను మరో ఇరువురు స్వల్పంగా గాయపడ్డారు. అప్పటికే ప్రత్తిపాడు సీఐ జి. సత్యనారాయణ ఆధ్వర్యంలో ప్రత్తిపాడు, ఏలేశ్వరం, అన్నవరం ఎస్సైలు ఎం. నాగ దుర్గారావు, వై. రవికుమార్, పార్థసారథి ఆధ్వర్యంలో పోలీసులు మోహరించిన కార్యకర్తలను చెదరగొట్టారు. ఈలోగా ఎమ్మెల్యే వరుపుల సుబ్బారావు పార్టీ పతాకాన్ని ఆవిష్కరించి, అభివృద్ధి పనులకు కొబ్బరికాయ కొట్టడం, నాయకులంతా అక్కడనుంచి నిష్క్రమించడం జరిగిపోయింది. :ఎమ్మెల్యే వరుపుల సుబ్బారావు వాహనాన్ని అడ్డుకునేందుకు సర్పంచి బుద్దరాజు రామలక్ష్మి, ఆమె భర్త  పీహెచ్‌సీ అభివృద్ధి కమిటి చైర్మ¯ŒS చంటిరాజు తన వర్గీయులతో రాహదారిని దిగ్బంధించారు. వెంటనే పోలీసులు కలుగజేసుకుని ఎమ్మెల్యే కారుకు అడ్డంగా ఉన్న కార్యకర్తలను తొలగించడంతో ఎమ్మెల్యేకు మార్గం సుగమం అయింది.
  


 
 రాజమహేంద్రి ‘దేశం’లో ఆధిపత్య పోరు
 
 సిటీలో గోరంట్ల జోక్యం
 
 మండిపడుతున్న మేయర్‌ వర్గం
 
 నానాటికీ తీవ్రమవుతున్న విభేదాలు
 
  
 రాజమహేంద్రవరంలో తెలుగుదేశం పార్టీ ఆధిపత్య పోరుతో సతమతమవుతోంది. కొంత కాలంగా పార్టీలో రగులుతున్న వర్గవిభేదాలు తారస్థాయికి చేరుతున్నాయి. రూరల్‌ ఎమ్మెల్యేగా ఉన్న గోరంట్ల బుచ్చయ్య చౌదరి.. నగరంలో కర్రపెత్తనం చేస్తూండడం.. ఆయన తీరుపై మేయర్‌ వర్గం మండిపడుతూండడంతో.. ఇరు పక్షాల మధ్య పచ్చగడ్డి వేస్తే భగ్గుమంటున్న పరిస్థితి నెలకొంది.
  
 సాక్షి ప్రతినిధి, రాజమహేంద్రవరం :
 రాజమహేంద్రవరంలో టీడీపీ నేతల వర్గపోరు తారస్థాయికి చేరింది. తాను ప్రాతినిధ్యం వహిస్తున్న రూరల్‌ నియోజకవర్గాన్ని వదిలేసి సిటీపై ఆధిపత్యం కోసం ఎమ్మెల్యే గోరంట్ల బుచ్చయ్యచౌదరి ప్రయత్నాలు సాగించడాన్ని పార్టీలోని మరో వర్గం తీవ్రంగా వ్యతిరేకిస్తోంది. ఒకప్పుడు సిటీ ఎమ్మెల్యేగా ఉన్న గోరంట్ల ఇప్పుడు కూడా అక్కడ తన ప్రాబల్యమే ఉండాలనుకుంటే ఎలా అని సీనియర్లు ఆగ్రహం వ్యక్తం చేస్తున్నారు. ఒకప్పుడు రాజమహేంద్రవరం టీడీపీలో గోరంట్ల, పార్టీ సీనియర్‌ నాయకుడు గన్ని కృష్ణ మధ్య తీవ్ర విభేదాలు ఉండేవి. గోరంట్ల రూరల్‌కు వెళ్లిపోవడంతో ఈ విభేదాలకు ఫుల్‌స్టాప్‌ పడిందని అందరూ అనుకున్నారు. కానీ పార్టీలో వర్గపోరు తగ్గలేదని ప్రస్తుత పరిస్థితులు చెబుతున్నాయి.
 అన్నింటికీ ఆయన అడ్డమేమిటి?
 తాజాగా గోరంట్ల, మేయర్‌ పంతం రజనీ శేషసాయి వర్గాల మధ్య ఆధిపత్య పోరు సాగుతోంది. సొంత పార్టీ మేయర్, అందునా మహిళ అని కూడా చూడకుండా ప్రతి విషయంలో గోరంట్ల అడ్డు తగులుతున్నారని రజనీ శేషసాయి వర్గం మండిపడుతోంది. వీరిద్దరి మధ్య గోదావరి పుష్కరాల సందర్భంగా మొదలైన వైరం కాస్తా ఇప్పుడు ముదురు పాకాన పడింది. గోదావరి పుష్కరాల సమయంలో భోజనాల బిల్లు మంజూరుకు గోరంట్ల పట్టుదల పట్టగా, మేయర్‌ అభ్యంతరం చెప్పారు. దీంతో మొదలైన విభేదాలు చినికిచినికి గాలివానగా మారాయి. 
 పుష్కరాల బిల్లులతో ఆరంభం
 తన అనుచరులకు అడ్డగోలుగా భోజనాల బిల్లు ఇప్పించుకునేందుకు గోరంట్ల చేసిన ప్రయత్నాలను టీడీపీ మిత్రపక్షమైన బీజేపీ ఎమ్మెల్సీ సోము వీర్రాజు సహా పలువురు అప్పట్లో అడ్డుకున్నారు. నగరపాలక సంస్థ కౌన్సిల్‌ సమావేశంలో కూడా ఈ భోజనాల బిల్లుపై అభ్యంతరం వ్యక్తమైంది. దీంతో మేయర్‌ ఈ బిల్లును పక్కన పెట్టి ఈ వ్యవహారంపై విచారణకు ఆదేశించారు. అయినప్పటికీ మేయర్‌ను బైపాస్‌ చేసి అప్పటి కమిషనర్‌ సకలారెడ్డితో తన అనుచరులకు గోరంట్ల బిల్లులు మంజూరు చేయించుకున్నారు. ఇది మేయర్‌ వర్గం ఆగ్రహానికి కారణమైంది. సకలారెడ్డి తరువాత కమిషనర్‌గా ఐఏఎస్‌ అధికారి విజయరామరాజు బాధ్యతలు స్వీకరించారు. పుష్కర ఏర్పాట్లలో వైఫల్యం చెందారంటూ అధికార పార్టీ నేతలే తీవ్ర అసంతృప్తి వ్యక్తం చేసిన ఆయననే తిరిగి కమిషనర్‌గా తీసుకురావడంలో గోరంట్ల పాత్ర లేకపోలేదని పలువురు అంటున్నారు.
 మరెన్నో వివాదాలు
 
 కమిషనర్‌గా విజయకుమార్‌రాజు బాధ్యతలు స్వీకరించాక గోరంట్ల, మేయర్‌ వర్గాల మధ్య విభేదాలు మరింతగా రచ్చకెక్కాయి.
 
 పుష్కరాల్లో సుమారు కోటిన్నర రూపాయలతో మూడు జనరేటర్లు కొనుగోలు చేశారు. వాటిని పరిశీలించేందుకు వెళ్లిన మేయర్‌ ఒక జనరేటర్‌ పని చేయలేదని గుర్తించారు. జనరేటర్‌కు ఎంత ఎక్కువ లెక్కేసినా రూ.30 లక్షలకు మించి ఉండదని టీడీపీ నేతలే అంటున్నారు. అటువంటిది మూడింటిని అంత ఎక్కువ మొత్తంతో కొనుగోలు చేయడం వెనుక గోరంట్ల పాత్ర ఉందన్న విమర్శలున్నాయి.
 
 రాజమహేంద్రవరంలో 130 సెల్లార్లకు కార్పొరేషన్‌ అధికారులు నోటీసులు ఇచ్చారు. యజమానుల విజ్ఞప్తుల మేరకు కొంత గడువు ఇద్దామని మేయర్‌ సూచన చేశారు. కానీ దానిని అధికారులు పట్టించుకోకుండా ఏకపక్షంగా నిర్ణయం తీసుకోవడం వెనుక గోరంట్ల ముఖ్య అనుచరుల పాత్ర ఉందని అంటున్నారు.
 
 ఇటీవల 42వ వార్డులో క్రీడా మైదానానికి నిధులు మంజూరు చేయాలని మేయర్‌ ఆదేశించారు. అప్పట్లో ఆ స్థలం కోర్టు వివాదంలో ఉందని చెప్పిన అధికారులు తాజాగా రూ.28.50 లక్షలు మంజూరు చేశారు. దీనికి మేయర్‌ అభ్యంతరం చెప్పారు. ఆ వ్యవహారం ప్రస్తుతం పెండింగ్‌లో ఉంది.
 
 కార్పొరేషన్‌లో పారిశుద్ధ్య నిర్వహణ సక్రమంగా లేదంటూ ప్రజల నుంచి వచ్చిన ఫిర్యాదులపై మేయర్‌ తనిఖీలు చేశారు. ఆ సందర్భంగా 17 మంది శానిటేషన్‌ సిబ్బంది గైర్హాజరయ్యారని గుర్తించి, చర్యలకు ఆదేశించారు. అయితే గైర్హాజరైనవారిపై చర్యలు తీసుకోకుండా గోరంట్ల అధికారులపై ఒత్తిడి తెస్తున్నారని.. ఇలా మేయర్‌ను అడుగడుగునా అవమానిస్తున్నారని ఆమె సన్నిహితులు చంద్రబాబుకు ఫిర్యాదు చేసేందుకు సిద్ధపడుతున్నారు.
 
 చివరకు తాను ప్రాతినిధ్యం వహిస్తున్న 39వ వార్డు, కంబాలచెరువు పార్కుల అభివృద్ధికి మేయర్‌ ఆదేశాలు జారీ చేసినా అధికారులు పట్టించుకోకపోవడం ఆమెను అవమానించడం కాక మరేమిటని సహచర మహిళా కార్పొరేటర్లు ప్రశ్నిస్తున్నారు. కంబాలచెరువు పార్కు అభివృద్ధికి తమ నేత విజ్ఞప్తి చేసినందువల్లనే గోరంట్ల అడ్డుపడి ఉంటారని గన్ని కృష్ణ వర్గీయులు మండిపడుతున్నారు.
 
 ఒకపక్క మేయర్, మరోపక్క గన్ని చెప్పినా పట్టించుకోని అధికారులు.. గోరంట్ల అనుచరుడైన డిప్యూటీ మేయర్‌ వాసిరెడ్డి రాంబాబు వార్డులో పార్కు, రోడ్డు, డ్రైన్‌ పనులు చేపట్టడంలో ఆంతర్యమేమిటని ప్రశ్నిస్తున్నారు.
 
 గోరంట్ల అనుయాయులైన వాసిరెడ్డి రాంబాబు, పార్టీ డిప్యూటీ ఫ్లోర్‌లీడర్‌ వర్రే శ్రీనివాసరావుల ద్వారా కార్పొరేషన్‌పై గోరంట్ల పెత్తనం చెలాయిస్తున్నారని మేయర్‌ వర్గీయులు గుర్రుగా ఉన్నారు.
 
 గోరంట్ల ఇంట్లో ఇటీవల జరిగిన టీడీపీ కార్పొరేటర్ల సమన్వయ సమావేశంలో మేయర్‌ను అవమానపరిచే రీతిలో పలువురు మాట్లాడటంతో ఆమె కన్నీటిపర్యంతమై బయటకు వచ్చేశారు. వ్యూహాత్మకంగానే మేయర్‌ను ఆహ్వానించి ఇలా వ్యవహరించడం.. తాజాగా చంద్రన్న బీసీ రుణాల పంపిణీ కార్యక్రమ ఆహ్వాన పత్రికలో పేరే లేకుండా చేయడం కూడా ఆమెను అవమానించేందుకేనని అంటున్నారు. ‘మేయర్‌కు అవమానం’ శీర్షికన ‘సాక్షి’ వార్త ప్రచురించడంతో అధికారులు ఆగమేఘాలపై మేయర్‌ పేరుతో మరో ఆహ్వాన పత్రిక తయారుచేసి అందజేశారు. తెరవెనుక గోరంట్ల ఉండి మేయర్‌ను అడుగడుగునా అవమానించే ఉద్దేశంతోనే అలా చేశారని ఆమె వర్గం మండిపడుతోంది. 
 
  


 
 అమలాపురం ఉద్యానశాఖ సహాయ సంచాలకులు శ్రీనివాస్‌ 
 
 ఆత్రేయపురం : 
 అంతర పంటల ద్వారా రైతులు అధిక ఆదాయాలు పొందవచ్చునని అమలాపురం ఉద్యానవన శాఖ సహాయ సంచాలకులు సీహెచ్‌ శ్రీనివాస్‌ తెలిపారు. ఆయన శుక్రవారం ఆత్రేయపురం మండలం అంకంపాలెంలో అంతర పంటలను పరిశీలించారు. ఆయన రైతులను ఉద్దేశించి మాట్లాడుతూ ఈ ప్రాంతంలో కొబ్బరి తోటలు ఎక్కువగా సాగు చేస్తున్నందున అందులో అంతర పంటగా కోకో, పసుపు, ఆరటి, పూలు, పండ్ల మొక్కలను వేసుకోవడం ద్వారా అధిక అదాయాలు పొందవచ్చున్నారు.  కొత్తపేట, ఆత్రేయపురం, ఆలమూరు, రావులపాలెం మండలాల్లో వేలాది ఎకరాల్లో కొబ్బరిలో కోకో పంట సాగు ద్వారా లాభాలు అర్జిస్తున్నట్టు తెలిపారు. పంటలో  సాగు యాజమాన్యం, చీడపీడల నివారణ, ఎరువులు, పురుగు మందుల యాజమాన్యం, కొమ్ము కత్తిరింపులు, కోత అనంతరం చర్యలు, గింజలు పులియబెట్టే పద్ధతులు, ఎండబెట్టే విధానం, కాయలపై మచ్చలు తెగులు, ఇతర వ్యాధులు వ్యాపించడం తదితర విషయాలపై ఆయన రైతులకు అవగాహన కల్పించారు. ఈ పంటలో  ఉడతలు, ఎలుకలు, గొంగళిపురుగుల నివారణకు  పురుగు మందులు ఉద్యానవన శాఖ అధికారులను సంప్రదించి వేసుకోవాలన్నారు. యూరియా, సూపర్, పొటాష్‌ సమపాళ్లల్లో కలిపి ప్రతి మొక్కకు 200 నుంచి 300 గ్రాములు అందించాలని సూచించారు. లీటరు నీటిలో కాపర్‌ ఆక్సిక్లోరైడ్‌ మూడు గ్రాములు కలిపి మొక్కలకు పిచికారీ చేయాలి. అనంతరం ఆయన అంంకపాలెంలో రైతులకు ఎరువులు పురుగు మందులు, కట్టర్స్‌ ఉచితంగా పంపీణీ చేశారు. కార్యక్రమంలో ఉద్యానవన శాఖ అధికారి బబిత, సర్పంచ్‌ కరుటూరి నరసింహరావు తదితరులు పాల్గొన్నారు.