చెన్నై: తాను దర్శకుడు సుకుమార్ సామాజిక అవగాహన నేపథ్యంగా 'ఐయామ్ దట్ చేంజ్' షార్ట్ ఫిలిం రూపొందించామని స్టైలిస్ స్టార్ అల్లు అర్జున్ వెల్లడించారు. ఆదివారం చెన్నైలో ఆ షార్ట్ ఫిలిం  నిర్మణంపై ఆయన మాట్లాడుతూ... విజయవంతమైన కథానాయకుడిగా, నిర్మాత కొడుకుగా, నిర్మాణ సంస్థకు చెందిన తనకే షార్ట్ ఫిలిం తెరకెక్కించడానికి ఎంతో కష్టాలు పడాల్సి వచ్చిందని తెలిపారు. నా సంగతే ఇలా ఉంటే షార్ట్ ఫిలిమ్స్ తీస్తున్న వారి సంగతి చూస్తే ఎలా ఉంటుందో అని ఆయన అన్నారు.
 షార్ట్ ఫిలిమ్స్ తీయడం అంత తేలికైన విషయం కాదని 'ఐయామ్ దట్ చేంజ్' ద్వారా అర్థమైందని తెలిపారు. షార్ట్ ఫిలిం తీయడమే హాబీగా ఎంచుకుని ఆ రంగంలో ఉన్న వారికి శిరస్సు వంచి నమస్కరిస్తున్నానని అల్లు అర్జున్ చెప్పారు. దేశభక్తి నేపథ్యంలో తాను నటించిన ఐయామ్ దట్ ఛేంజీ షార్ట్ ఫిలింలో నటించడం ఓ చాలెంజ్గా తీసుకున్నానని విశదీకరించారు. షార్ట్ ఫిలిం ఐయామ్ దట్ ఛేంజీకి ప్రేక్షకుల నుంచి వచ్చిన స్పందన తనను ఉక్కిరిబిక్కిరి చేసిందన్నారు. మరీ ముఖ్యంగా అన్లైన్లో మంచి స్పందన వచ్చిందన్నారు.


  ‘‘సమాజానికి మంచి చేయాలని అందరికీ ఉంటుంది. ఎవరి స్థాయికి తగ్గట్టుగా వారు సేవ చేస్తూనే ఉంటారు. నేను సినిమా వాణ్ణి. సినిమా తప్ప నాకు మరొకటి తెలీదు. అందుకే... సినిమా ద్వారానే సమాజానికి ఉపయోగపడే మంచిని చెబుదామనుకున్నాను. ఆ చిరు ప్రయత్నమే... ‘ఐ యామ్ దట్ ఛేంజ్’’’ అని అల్లు అర్జున్ అన్నారు. సుకుమార్ దర్శకత్వంలో అల్లు అర్జున్ నటించి, నిర్మించిన లఘు చిత్రం ‘ఐ యామ్ దట్ ఛేంజ్’. గురువారం హైదరాబాద్‌లో మీడియాకు ఈ లఘు చిత్రాన్ని ప్రదర్శించారు. ఈ సందర్భంగా అల్లు అర్జున్ మాట్లాడారు.
  
   ‘‘భవిష్యత్ తరాల కోసం ఎందరో మహానుభావులు ఎన్నో త్యాగాలు చేశారు. వారి త్యాగఫలమైన మన దేశాన్ని మనమే కాపాడుకోవాలి. ఆ స్పృహను భావితరాలకు అందించాలనే సంకల్పంతో చేసిన లఘు చిత్రమిది. నీతులు చెబితే వినే దశలో నేటి యువత లేరని నాకు తెలుసు. ఎందుకంటే... ఓ బిడ్డకు తండ్రినైనా నేనూ యూతే. ఈ లఘు చిత్రం ద్వారా సమాజానికి సేవ చేయమని నేను చెప్పలేదు. మన కర్తవ్యం మనం నిర్వర్తిస్తే అదే సమాజ సేవ అవుతుందని చెప్పాను’’ అని అల్లు అర్జున్ చెప్పారు. దర్శకుడు సుకుమార్ గురించి అల్లు అర్జున్ మాట్లాడుతూ -‘‘రెండ్రోజుల్లో మనం ఓ లఘు చిత్రం చేయనున్నామని సుకుమార్‌కి చెప్పాను.
  
   అంతే... వెంటనే కాన్సెప్ట్ కూడా ఆయనే తయారు చేసి ఓ బాధ్యతగా చేసిపెట్టారు. ఆయన స్థాయి దర్శకుడు ఇలాంటి లఘు చిత్రం చేయాలంటే పాతిక లక్షలు తీసుకుంటారు. కానీ... పైసా తీసుకోకుండా చేసిపెట్టారు. అలాగే కెమెరామ్యాన్ అమోల్ రాథోడ్, ఎడిటర్ ప్రవీణ్ పూడి, సంగీత దర్శకుడు సాయికార్తీక్ - ఇలా అందరూ సహకరించారు. స్వాతంత్య్ర దినోత్సవ కానుకగా ఈ లఘుచిత్రాన్ని థియేటర్లలో విడుదల చేస్తున్నాం’’ అని తెలిపారు. ఈ అవకాశం ఇచ్చిన అల్లు అర్జున్‌కి కృతజ్ఞతలని, ఇలాంటి మంచి లఘు చిత్రానికి దర్శకుణ్ణి అని చెప్పుకోవడానికి గర్విస్తున్నానని సుకుమార్ చెప్పారు.