group meeting

కొత్త వాళ్లను కలవాలంటే భయం.. నలుగురిలో మాట్లాడాలంటే టెన్షన్‌.. చివరకు ఫోన్‌ చేతిలో పెట్టుకుని పక్కకు తప్పుకోవడం! ఇలా తెలియకుండానే చేసే కొన్ని అలవాట్లు ఆందోళనను మరింత పెంచుతాయని ఆరోగ్య నిపుణులు చెబుతున్నారు. అయితే, ఆ భయాన్ని గుర్తించి చిన్నచిన్న మార్పులు చేసుకుంటే.. మరింత ధైర్యంగా మారొచ్చట!కొత్తవాళ్లను కలవడం, నలుగురిలో మాట్లాడటం, గ్రూపుల్లో కలవడం కొందరికి చాలా కష్టంగా అనిపిస్తుంది. ఇతరులు తమ గురించి ఏమనుకుంటారోననే భయం వెంటాడుతుంటుంది. దీంతో మాట్లాడకుండా ఉండటం, చిన్న సమాధానాలకే పరిమితం కావడం, గ్రూపులకు దూరంగా ఉండటం వంటి అలవాట్లు పెరుగుతాయి. అయితే, ఇవి క్రమంగా సామాజిక ఆందోళనను మరింత పెంచే అవకాశం ఉందని నిపుణులు చెబుతున్నారు. సాధారణంగా కొత్త పరిస్థితుల్లో కొంత సిగ్గు, ఆందోళన ఉండటం సహజమే. అయితే ఆ భయం కారణంగా చదువు, ఉద్యోగం, స్నేహాలు, రోజువారీ పనులకు దూరమైతే దాన్ని సీరియస్‌గా తీసుకోవాలి.అలాగే, సామాజిక ఆందోళన ఉన్నవారు ఇతరులతో మాట్లాడేటప్పుడు తమ ముఖం ఎర్రబడుతుందా, తాము సరిగ్గా మాట్లాడుతున్నామా, ఎదుటివారు ఏమనుకుంటున్నారో అంటూ తమపైనే ఎక్కువగా దృష్టి పెడుతుంటారు. దీంతో, ఎదురుగా ఉన్న వ్యక్తి లేదా జరుగుతున్న సంభాషణపై దృష్టి పెట్టలేకపోతారు. ఫోన్‌ చూస్తూ ఉండటం, గ్రూపులో అంచున నిలబడటం, ఎప్పుడూ తెలిసిన వ్యక్తి పక్కనే ఉండటం, ముందుగానే ప్రతి మాటను సిద్ధం చేసుకోవడం వంటి వాటిని ‘సేఫ్టీ బిహేవియర్స్‌’గా ఆరోగ్య నిపుణులు చెబుతున్నారు. దీంతో, ఇవి ఆ క్షణంలో భయాన్ని తగ్గించినట్లు అనిపించినా.. అదొక మానసిక వ్యాధిగా పెరుగుతూనే ఉంటుందంటున్నారు.అయితే, భయపడే పరిస్థితులను పూర్తిగా తప్పించుకోవడం కంటే వాటిని క్రమంగా ఎదుర్కోవడం ఉపయోగకరంగా ఉంటుందని నిపుణులు సూచిస్తున్నారు. ఉదాహరణకు.. ఒక గ్రూపులో చిన్న ప్రశ్న అడగడం, సంభాషణలో ఒక మాట చెప్పడం వంటి చిన్న ప్రయత్నాలతో మొదలుపెట్టొచ్చు. మనం ఊహించినంత ప్రతికూలంగా ఎదుటివారు స్పందించకపోవచ్చని స్వయంగా గమనించడంతో భయం తగ్గే అవకాశం ఉంటుంది.ఈ క్రమంలో తనపై తాను ఎక్కువగా దృష్టి పెట్టడం మానేసి.. ఎదుటివారు చెప్పే మాటలు, చుట్టూ ఉన్న పరిస్థితులపై దృష్టి పెట్టాలని నిపుణులు అంటున్నారు. అలాగే, మాట్లాడిన తర్వాత ‘నేను ఏదైనా తప్పుగా చెప్పానా?’ అంటూ పదేపదే ఆలోచిస్తూ బాధపడటం కూడా తగ్గించుకోవాలంటున్నారు.అలాగే, ఆందోళన తీవ్రంగా ఉంటే వైద్యులను సంప్రదించడం ముఖ్యమని ఆరోగ్య నిపుణులు చెబుతున్నారు. కాగ్నిటివ్‌ బిహేవియరల్‌ థెరపీ (CBT) వంటి మాట్లాడే చికిత్సలు సామాజిక ఆందోళనను ఎదుర్కోవడంలో ఉపయోగపడతాయి. అయితే, మార్పు ఒక్కరోజులో రాదు. చిన్నచిన్న సామాజిక సందర్భాల్లో పాల్గొనడం, ఇతరులతో మాట్లాడేందుకు ప్రయత్నించడం, తప్పులు జరిగినా వాటిని పెద్ద విషయంగా భావించకపోవడంలాంటి వాటితో క్రమంగా ధైర్యం పెంచుకోవచ్చు. దీంతో, మనసులోని భయంతో పూర్తిగా తప్పించుకోవడం కంటే.. దాన్ని అర్థం చేసుకుని నెమ్మదిగా ఎదుర్కోవడం దైనందిన జీవితాన్ని మెరుగుపరచడంలో సహాయపడుతుందని వైద్య నిపుణుల సూచన.ఇదీ చదవండి: మేయర్‌గా ఉంటూనే మెటర్నిటీ లీవ్‌.. ఏకంగా TIME100లో చోటు!


 లక్కిరెడ్డిపల్లె: ప్రతి అధికారి రాజకీయాలతో సంబంధం లేకుండా ప్రజలకోసం పనిచేయాలని రాజంపేట ఎంపీ పెద్దిరెడ్డి మిథున్‌రెడ్డి, రాయచోటి ఎమ్మెల్యే గడికోట శ్రీకాంత్‌రెడ్డి పేర్కొన్నారు. బుధవారం ఎంపీడీఓ సభాభవనంలో అన్ని శాఖల అధికారులతో నిర్వహించిన సమీక్షాసమావేశంలో వారు మాట్లాడుతూ గత ఆరేళ్లుగా రైతులను కరువు పట్టి పీడిస్తోందని, గ్రామాలలో భూగర్భజలాలు అడుగంటి పోవడంతో నీటి ఎద్దడి తీవ్రంగా ఉందని చెప్పారు. ఇలాంటి పరిస్థితులలో రాజకీయాలను పక్కన పెట్టి ప్రజల దాహార్తిని తీర్చాల్సిన అవసరం ఉందన్నారు. ఇప్పటికే ఎంపీ నిధుల మొత్తాన్ని తాగునీటికి కేటాయించామన్నారు.
 
 అయినప్పటికీ కొన్ని ప్రాంతాల్లో బోర్లలో నీరు పడకపోవడంతో ప్రజలు తీవ్ర ఇబ్బందులు ఎదుర్కొంటున్నారన్నారు. అధికారులు ఎప్పటికప్పుడు తాగునీటిపై పరిస్థితులను సమీక్షిస్తూ కనీసం ట్యాంకర్ల ద్వారా అయినా నీరు సరఫరా చేయాలని సూచించారు. చేతి పంపులుకానీ, స్కీంబోర్లకు కానీ మరమ్మతులు చేపట్టేందుకు ఎన్‌ఆర్‌డీబీఈ కింద నిధులున్నాయని వెంటనే మరమ్మతులు చేపట్టేందుకు గ్రామాల వారీగా నివేదికలు సిద్ధం చేయాలన్నారు. అధికారులు ఎక్కడైనా పక్షపాత వైఖరి అవలంబిస్తే జిల్లా విజిలెన్స్ కమిటీకి నివేదించి చర్యలు తీసుకునేలా చూస్తామని హెచ్చరించారు.
 
 గత ఐదేళ్లుగా రైతులు సాగుచేస్తున్న వేరుశనగ పంటతో పూర్తిగా నష్టపోతున్నారని రైతులకు పంట నష్టపరిహారం కానీ, పంటల బీమా ద్వారా కానీ ఒక్క రూపాయి కూడా అందడంలేదన్నారు. అధికారుల తప్పిదంతో రైతులకు తీవ్ర అన్యాయం జరుగుతోందని ఆవేదన వ్యక్తం చేశారు. ఈ కార్యక్రమంలో లక్కిరెడ్డిపల్లె జెడ్పీటీసీ సభ్యుడు మద్దిరేవుల సుదర్శన్‌రెడ్డి, ఎంపీపీ అంబాబత్తిన రెడ్డెయ్య, మండల ప్రత్యేకాధికారి విజయ్‌కుమార్, తహశీల్దార్ చెండ్రాయుడు, ఎంపీడీఓ లక్ష్మీదేవి, వ్యవసాయ ఏడీ ప్రభాకర్ బాబు, ఆర్‌డబ్ల్యుఎస్ డీఈ శ్రీనివాసులరెడ్డి, మండల ఉపాధ్యక్షుడు శిద్దక రామచంద్రారెడ్డి తదితరులు పాల్గొన్నారు.