లంచం వ్యవస్థకు పట్టిన ఓ చీడ. పురుగు పట్టిన చెట్టు క్షీణించనట్టే.. అవినీతి వల్ల పేదవాడు.. మరింత పేదరికంలోకి జారుకుంటాడు. రోజంతా కష్టపడితే పూట గడిచే బతుకులు ఓ వైపు.. బల్ల కింద చేతులు పెట్టి కోట్లకు పడిగెత్తే వారు మరోవైపు. ఈ డబ్బు మనుషుల మధ్య ఎన్నో  వ్యత్యాసాలను సృష్టిస్తుంది. మాస్కో: రష్యాలో ఓ ట్రాఫిక్‌ పోలీసు అధికారిపై అవినీతి ఆరోపలు వచ్చాయి. దీనిపై పరిశోధన చేపట్టిన రష్యా అధికారులకు విస్తుపోయే అనుభవం ఎదురైనది. పోలీసు అధికారి అవినీతి సొమ్ముతో ఏకంగా గోల్డెన్ టాయిలెట్‌ను కట్టించాడు. వివరాల్లోకి వెళితే.. రష్యాలోని దక్షిణ స్టావ్‌రోపోల్ ప్రాంతంలో ట్రాఫిక్ పోలీసు అధికారి కల్ అలెక్సీ సఫోనోవ్.. వ్యాపారాలకు నకిలీ అనుమతులు జారీ చేసినందుకు లంచాలు తీసుకున్నట్లు ఆరోపణలు వచ్చాయి. దీనిపై  రష్యా అధికారులు విచారణ చేపట్టారు. అతడితో పాటు మరో 35 మంది అధికారులు ఓ  ‘మాఫియా ముఠా’ నడుపుతున్నట్లు గుర్తించారు. అయితే అవినీతి అధికారి ఇంటికి సంబంధించిన ఫోటోలు, సీసీ ఫుటేజ్‌ వీడియో లీక్‌ అయ్యాయి. ఈ వీడియోలో ఓ పెద్ద భవనంలో విలాసవంతమైన గదులు, అతి ఖరీదైన వస్తువులతో అలంకరణలు, బిలియర్డ్స్ హాల్, బంగారు బిడెట్, సింక్‌, బంగారు మరుగుదొడ్డి ఉన్నాయి. ప్రస్తుతం ఈ వీడియో సోషల్‌ వీడియాలో తెగ వైరలవుతోంది.   ప్రతిపనికి అవినీతే! ఈ ముఠా కొన్ని సంవత్సరాలు అవినీతికి పాల్పడుతున్నట్లు తెలుస్తోంది. బ్లాక్ మార్కెట్‌ నంబర్ ప్లేట్లు, కార్గో పర్మిట్‌ల నుంచి ఇసుక డెలివరీల  వరకు ప్రతిదానికి అవినీతికి పాల్పడుతున్నట్లు వినికిడి. దీనికి సంబంధించి 35 మందికి పైగా ట్రాఫిక్‌ అధికారులను అదుపులోకి తీసుకున్నట్లు యునైటెడ్‌ రష్యా పార్టీలోని ఎంపీ అలెగ్జాండర్ ఖిన్షెయిన్ అన్నారు. ఇప్పటి వరకు ఈ ముఠా రెండు లక్షల యాభై ఐదు వేల డాలర్లు దోచుకున్నట్లు సమాచారం. ఇక సఫోనోవ్‌ దోషిగా తేలితే 8 నుంచి 15 ఏళ్ల జైలు శిక్ష అనుభవించాల్సి ఉంటుంది.

ముంబై : దేశీయ బ్యాంకులకు ఎన్నికోట్లు ఎగ్గొడితే ఏమిటి.. లగ్జరీ లైఫ్‌ అంటే అతనిదే అని చెప్పుకోవచ్చు. ఫార్ములా వన్‌, క్రికెట్‌, ఫుట్‌బాల్‌ టీమ్‌ వంటి అంతర్జాతీయ స్పోర్ట్స్‌ ఈవెంట్లలో అతను చేసే హడావుడి అంతాఇంతా కాదు. ప్రపంచంలో అత్యంత అరుదైన వస్తువులుగా చెప్పుకునే మహాత్మాగాంధీ గ్లాసెస్‌, టిప్పు సుల్తాన్‌ కత్తిలను తన వశం చేసుకున్నాడు. అతనెవరో ఇప్పటికే మీకు తెలిసిపోయి ఉంటుంది. అతనే దేశీయ బ్యాంకులకు వేల కోట్ల రుణాలు ఎగ్గొట్టి విదేశాల్లో లగ్జరీ లైఫ్‌ గడుపుతున్న లిక్కర్‌ కింగ్‌ విజయ్‌ మాల్యా. అతని లగ్జరీ లైఫ్‌ ఇంతే అనుకున్నారా? వింటే మీరే షాకైపోతారట. లండన్‌లో మాల్యాకు ఓ లగ్జరీ ఇల్లు ఉండిందని తెలిసింది.  ఆ ఇంట్లో గోల్డెన్‌ టాయిలెట్‌ను మాల్యా కలిగి ఉన్నారని రిపోర్టులు వెలువడుతున్నాయి.  ఓ వైపు మాల్యా వ్యాపారాలు కుదేలు అవుతున్నా.. మరోవైపు భారతీయ అథారిటీలు అతన్ని ఎలాగైనా భారత్‌కు తీసుకొచ్చి జైలులో పెట్టాలని ప్రయత్నిస్తున్నా.. తాను మాత్రం లండన్‌ ఇంటిలో లగ్జరీ లైఫ్‌తో ఎంజాయ్‌ చేస్తున్నట్టు తెలుస్తోంది. ఈ ఇంట్లో ప్రపంచంలోనే అత్యంత ఖరీదైన లగ్జరీ వస్తువులున్నట్టు రిపోర్టు తెలిపింది. రచయిత జేమ్స్‌ క్రాబ్‌ట్రీకి ఒకసారి విజయ్‌మాల్యా ఇంటిని సందర్శించే అవకాశం వచ్చినప్పుడు, మాల్యా ఇంట్లో ఉన్న గోల్డెన్‌ టాయిలెట్‌ను చూశారని తాజా రిపోర్టు పేర్కొంది. జేమ్స్‌, లీ కౌన్ యూ స్కూల్ అసోసియేట్‌ ప్రొఫెసర్‌. ఈ విషయాన్ని జేమ్స్‌ ఈ వారంలో ముంబైలో జరిగిన ఓ ఈవెంట్‌లో కూడా చెప్పారని రిపోర్టు వెల్లడించింది. లండన్‌లోని రీజెంట్స్‌ పార్క్‌లో ఉన్న మాల్యా భవంతిని తాను సందర్శించానని, ఆ భవంతిని, దానిలో ఉన్న లగ్జరీ వస్తువులను చూసిన తర్వాత తాను ఒక్కసారిగా ఈ ప్రపంచాన్నే మర్చిపోయినట్టు జేమ్స్‌ చెప్పారు. అక్కడే గోల్డెన్‌ రిమ్‌తో ఉన్న గోల్డెన్‌ టాయిలెట్‌ కనిపించిందని పేర్కొన్నారు. అయితే ఆ భవంతిలో గోల్డెన్‌ టాయిలెట్‌ ఉన్నప్పటికీ, గోల్డెన్‌ టాయిలెట్‌ పేపర్‌ లేదన్నారు. ఇలా విజయ్‌ మాల్యా గోల్డెన్‌ టాయిలెట్‌ విషయం బయటకి వచ్చింది. 

న్యూయార్క్ లోని గుగ్గెన్హైమ్ మ్యూజియంకు భలే గోల్డెన్‌ ఐడియా వచ్చింది. అధ్యక్షుడు డొనాల్డ్‌ ట్రంప్‌కు ఏకంగా గోల్డెన్‌ టాయిలెట్‌నే బహుకరిస్తోంది. ట్రంప్‌కు అసలెందుకు ఈ గోల్డెన్‌ టాయిలెట్‌ను పంపిస్తోందో తెలుసా? అధ్యక్షుడు, తొలి మహిళ తాము నివసించే ప్రైవేట్‌ గదిలో 19వ శతాబ్దపు విన్సెంట్ వాన్ గోగ్ అనే పేయింటర్‌ చిత్రీకరించిన  ''ల్యాండ్‌స్కేప్‌ విత్‌ స్నో'' పేయింటింగ్‌ను పెట్టుకోవాలని ఆశించారు. వారి ఆశ మేరకు ఆ పేయింటింగ్‌ను త్వరగా పంపించాలంటూ వైట్‌హౌజ్‌ మ్యూజియాన్ని ఆదేశించింది. అయితే ఆ పేయింటింగ్‌ ఇవ్వడం ఇష్టంలేని మ్యూజియం అధికారులు దాని బదులు గోల్డెన్‌ టాయిలెట్‌ను ట్రంప్‌కు బహుకరిస్తున్నారని వాషింగ్టన్‌ పోస్టు రిపోర్టు చేసింది.  మ్యూజియం చీఫ్‌ క్యూరేటర్‌ ఈ టాయిలెట్‌ను అందిస్తున్నారని, ఇప్పటి వరకు ఈ టాయిలెట్‌ను వేలాది మంది సందర్శకులు వాడారని తెలిసింది. దీనిపై గుగ్గెన్హైమ్ మ్యూజియం అధికార ప్రతినిధి కానీ వైట్‌హౌజ్‌ అధికారులు కానీ స్పందించడానికి నిరాకరించారు. అయితే ఆర్థిక అసమానతలను రూపుమాపడమే ఇతివృత్తంగా మారాజియో కాటలెన్‌ అనే కళాకారుడు 18 క్యారెంట్లతో ఈ టాయిలెట్‌ను రూపొందించారు.  విలాసవంతమైన రూపం ప్రజలందరికీ అందుబాటులో ఉండాలనే ఉద్దేశ్యంతోనే దీన్నిమ్యూజియం లోని యూనిసెక్స్ బాత్రూంలో 2016లో ఏర్పాటు చేశారు. 100,000 మందికి పైగా ఈ టాయిలెట్‌ను వాడినట్టు గుగ్గెన్హైమ్ మ్యూజియం బ్లాగ్‌ పోస్టు పేర్కొంది. 


 న్యూయార్క్‌: ఏంటీ.. ఏదో సరదా కోసం దీన్నిలా డిజైన్‌ చేశారనుకుంటున్నారా? అదేంకాదు.. దీనిని ఉపయోగించుకోవచ్చు. అచ్చంగా 18 క్యారెట్ల బంగారంతో తయారు చేసిన దీనిని ఉపయోగించుకునేందుకు అమెరికన్లందరికీ అవకాశం కల్పిస్తున్నట్లు గుగెన్‌ హీమ్‌ మ్యూజియం ప్రకటించింది. ఇటలీకి చెందిన ప్రముఖ కళాకారుడు మారిజియో క్యాటెలాన్‌.. మ్యూజియంలోని నాలుగో అంతస్తులోని ఓ రెస్ట్‌ రూమ్‌లో ఏర్పాటు చేశాడు.
 
 కేవలం చూసేందుకే కాకుండా ఉపయోగించుకునేందుకు కూడా అవకాశం కల్పిస్తున్నట్లు మ్యూజియం ఓ ప్రకటనలో తెలిపింది. 2011 నుంచి ఇలాంటివాటిని తయారు చేస్తున్నా.. తొలిసారిగా ప్రదర్శనకు ఉంచింది మాత్రం దీనినే. ఇటువంటి కళాఖండాల గురించి మరింత ప్రచారం కల్పించేందుకే ప్రజలందరికీ దీనిని ఉపయోగించే అవకాశం కల్పించామని, ఆర్ట్‌ మార్కెట్‌కు ఆదరణ పెరగడానికి ఇటువంటి చర్యలు ఉపయోగపడతాయని మ్యూజియం తన వెబ్‌సైట్‌లో పేర్కొంది.