అహ్మద్‌నగర్‌(మహారాష్ట్ర): మహారాష్ట్రలోని కోపర్డీ గ్రామంలో సంచలనం సృష్టించిన 15 ఏళ్ల బాలికపై అత్యాచారం, హత్య కేసులో స్థానిక సెషన్స్‌ కోర్టు ముగ్గురిని దోషులుగా నిర్ధారించింది. 2016లో జరిగిన ఈ కేసులో రేప్, హత్య, నేరపూరిత కుట్ర అభియోగాలపై జితేందర్‌ బాబూలాల్‌ షిండే, సంతోష్‌ గోరక్‌ భావాల్, నితిన్‌ గోపినాథ్‌ భైలూమేలను దోషులుగా తేలుస్తూ సెషన్స్‌ కోర్టు శనివారం తీర్పునిచ్చింది. 2016 జూలైలో కోపర్డీలో మరాఠా వర్గానికి చెందిన ఈ బాలిక అత్యాచారం, హత్యకు గురైంది. నిందితులు బాలిక శరీరం మొత్తాన్ని తీవ్రంగా గాయపరిచారని, హత్య చేయడానికి ముందు ఆమె కాళ్లు, చేతులు విరిచేశారని పోలీసులు చెప్పారు.


 12ఏళ్ల బాలికపై ముగ్గురు యువకులు సామూహిక అత్యాచారానికి పాల్పడ్డారు. ఈ ఘటన ఉత్తరప్రదేశ్లోని సంభాల్ ప్రాంతంలో బానియాతర్ పోలీస్ స్టేషన్ సమీపంలో శుక్రవారం చోటుచేసుకుంది. భేత్రి రైల్వే క్రాసింగ్ వద్ద మంచినీరు తెచ్చుకునేందుకు బాలిక వెళ్లగా గమనించిన ముగ్గురు యవకులు ఆమెను బలవంతంగా గ్యాంగ్ రేప్ చేసినట్టు పోలీసులు పేర్కొన్నారు.
 
 అత్యాచారానికి పాల్పడిన ఆ యువకులను అరెస్ట్ చేశామన్నారు. నిందితులపై కేసు నమోదు చేశామన్నారు. అత్యాచారానికి గురైన ఆ బాలికను వైద్య పరీక్షల నిమిత్తం ఆస్పత్రికి తరలించినట్టు పోలీసులు తెలిపారు.