ఫోర్బ్స్ బిలియనీర్ల జాబితా 2025 ఎడిషన్‌ ఇటీవల విడుదలైంది. ఈ జాబితాలో భారత్‌కు చెందిన బిలియనీర్లు 205 మంది ఉన్నారు. వీరిలో వినోదం, మీడియా ప్రపంచానికి చెందినవారు కొంతమంది ఉండగా ఇందులో బాలీవుడ్ నుంచి ఉన్న ఏకైక బిలియనీర్ రోనీ స్క్రూవాలా (Ronnie Screwvala). ఒకప్పుడు టూత్ బ్రష్‌లు అమ్మిన ఆయన ఇప్పుడు పరిశ్రమలోని అతిపెద్ద సూపర్ స్టార్ల కంటే ధనవంతుడైన పారిశ్రామికవేత్త.బాలీవుడ్‌ అపర కుబేరుడుఫోర్బ్స్ ప్రకారం.. హిందీ చిత్ర పరిశ్రమ నుండి ఒక బిలియన్ డాలర్లకు పైగా సంపద ఉన్న ఏకైక వ్యక్తి మూవీ మాగ్నెట్, పారిశ్రామికవేత్త రోనీ స్క్రూవాలా. ఫోర్బ్స్ కొత్త జాబితా ప్రకారం ఈ మీడియా మొఘల్ నికర విలువ 1.5 బిలియన్ డాలర్లు. దీంతో ఇండస్ట్రీలో సూపర్ స్టార్‌లుగా ఉన్న ఖాన్‌ త్రయం కంటే ధనవంతుడు. ఎలాగంటే షారుఖ్ ఖాన్ (Shah Rukh Khan) (770 మిలియన్ డాలర్లు), సల్మాన్ ఖాన్ (Salman Khan) (390 మిలియన్ డాలర్లు), అమీర్ ఖాన్ (Aamir Khan) (220 మిలియన్ డాలర్లు) మొత్తం నెట్‌వర్త్‌ 1.38 బిలియన్ డాలర్లు కాగా ఆ ముగ్గురి సంపద కంటే రోనీ స్క్రూవాలా సంపద అధికం. రోనీ వ్యాపార ప్రస్థానం1956లో బొంబాయిలో జన్మించిన స్క్రూవాలా 70వ దశకం చివర్లో టూత్ బ్రష్ ల తయారీ ద్వారా తన వ్యాపార ప్రస్థానాన్ని ప్రారంభించారు. 80వ దశకం ప్రారంభంలో ఆసియా క్రీడల పుణ్యమా అని కలర్ టీవీ దేశంలోకి ప్రవేశించినప్పుడు అ బూమ్‌ను స్క్రూవాలా అందిపుచ్చుకున్నారు. అలా ఎంటర్‌టైన్ మెంట్ రంగంలోకి ప్రవేశించి 1990లో యూటీవీని స్థాపించారు. అదే తరువాత యూటీవీ మోషన్ పిక్చర్స్‌గా మారింది. తరువాతి రెండు దశాబ్దాలలో ఈ నిర్మాణ సంస్థలు స్వదేశ్, రంగ్ దే బసంతి, ఖోస్లా కా ఘోస్లా, జోధా అక్బర్, ఫ్యాషన్, ఢిల్లీ బెల్లీ, బర్ఫీమ్ వంటి ఐకానిక్ చిత్రాలను అందించాయి. అలాగే శాంతి, హిప్ హిప్ హుర్రే, షకా లకా బూమ్ బూమ్, కిచిడి, షరారత్ వంటి టీవీ షోలను అందించాయి.తర్వాత రోనీ స్క్రూవాలా 2012లో యూటీవీని డిస్నీకి బిలియన్ డాలర్ల ఒప్పందంలో అమ్మేశారు. అనంతరం ఐదు సంవత్సరాలకు ఆర్ఎస్‌వీపీ మూవీస్‌ సంస్థను స్థాపించారు. అలా ఎంటర్‌టైన్మెంట్ ప్రపంచంలోకి రీ ఎంట్రీ ఇచ్చిన ఆయన కేదార్‌నాథ్, ఉరీ, ది స్కై ఈజ్ పింక్, సామ్ బహదూర్ చిత్రాలను నిర్మించారు. 2024లో స్క్రూవాలా షార్క్ ట్యాంక్ ఇండియాలో షార్క్‌లలో ఒకరిగా వెండితెర అరంగేట్రం చేశారు. రోనీ స్క్రూవాలాకు సినిమాలే ఏకైక ఆదాయ వనరు కాదు. అప్ గ్రాడ్, యూనిలాజర్, యూఎస్ స్పోర్ట్స్ వంటి పలు స్టార్టప్ లలో ఇన్వెస్ట్ చేయడమే కాకుండా కొన్నింటిని స్థాపించారు. ఈ సంస్థల విజయం, తన సినిమా వ్యాపారం ఆయన భారీ సంపదను పోగుచేసుకోవడానికి దోహదపడ్డాయి.

ఆసియాలో కొత్త కుబేరులు అవతరించారు. ఫోర్బ్స్‌ ఏషియన్‌ బిలియనీర్స్‌ 2025 తాజా ర్యాంకింగ్స్‌ విడుదలయ్యాయి. 2024లో విడుదల చేసిన ర్యాంకింగ్స్‌తో పోలిస్తే 2025లో (మార్చి నాటికి) ఆసియా బిలియనీర్లు అపూర్వ సంపదను ఆర్జించగా, ఈ ఏడాది టాప్ 10 ఆసియా బిలియనీర్ల జాబితాలో ఇండోనేషియాకు చెందిన ప్రజోగో పంగేస్తు, భారత్‌కు చెందిన సావిత్రి జిందాల్ వంటి ప్రముఖులు చోటు కోల్పోయారు. 2025 ఆసియా బిలియనీర్ ర్యాంకింగ్స్‌లో అగ్రగామిగా రిలయన్స్ ఇండస్ట్రీస్ చైర్మన్ ముకేశ్ అంబానీ (Mukesh Ambani) నిలిచారు. ఆయన తరువాత ప్రసిద్ధ బాటిల్ వాటర్ కంపెనీ నాంగ్ఫు స్ప్రింగ్ యజమాని జోంగ్ షాన్షాన్ ఆసియాలో రెండవ ధనవంతుడిగా, చైనాకు చెందిన అత్యంత సంపన్న వ్యక్తిగా ఉన్నారు.ఎలక్ట్రిక్ వాహన బ్యాటరీ సరఫరా సంస్థ కాంటెంపరరీ ఆంపరెక్స్ టెక్నాలజీని (సీఏటీఎల్) నడిపించే రాబిన్ జెంగ్, చైనీస్ కన్స్యూమర్ ఎలక్ట్రానిక్స్ కంపెనీ ప్రముఖ స్మార్ట్‌ఫోన్ బ్రాండ్ షియోమీ సహ వ్యవస్థాపకుడు లీ జున్ 2025 ఆసియా రిచెస్ట్ లిస్ట్‌లో కొత్తగా చేరారు.యునిక్లో, థియరీ, జె బ్రాండ్ వంటి పోర్ట్‌ఫోలియో బ్రాండ్లతో 25 దేశాలలో 2,400 పైగా స్టోర్లతో బలమైన ఉనికిని కలిగి ఉన్న ప్రముఖ జపనీస్ రిటైల్ కంపెనీ ఫాస్ట్ రిటైలింగ్ వ్యవస్థాపకుడు, చైర్మన్ తడాషి యానాయ్ ఒక్కరే జపాన్ నుండి జాబితాలో చోటు దక్కించుకున్న ఏకైక బిలియనీర్‌.ఆసియాలో టాప్ 10 ధనవంతులు (2025 మార్చి నాటికి )1 ముఖేష్ అంబానీ - 86.9 బి.డాలర్లు - భారత్‌2 జోంగ్ షాన్షాన్ - 56.0 బి.డాలర్లు - చైనా3 గౌతమ్ అదానీ 54.7 బి.డాలర్లు - భారత్‌4 మా హుటెంగ్ 53.3బి.డాలర్లు - చైనా5 జాంగ్ యిమింగ్ 45.6 బి.డాలర్లు - చైనా 6 తడాషి యానై & ఫ్యామిలీ 45.1 బి.డాలర్లు - జపాన్ 7 లీ జున్ 42.6 బి.డాలర్లు - చైనా 8 కొలిన్ హువాంగ్ 40.0 బి.డాలర్లు - చైనా 9 లీ కా-షింగ్ 38.3 బి.డాలర్లు - హాంగ్ కాంగ్ 10 రాబిన్ జెంగ్ 37.6 బి.డాలర్లు - హాంగ్ కాంగ్

పారిశ్రామిక దిగ్గజం, రిలయన్స్‌ ఇండస్ట్రీస్‌ ఛైర్మన్‌ ముకేశ్‌ అంబానీ ఆసియా, దేశీ కుబేరుల జాబితాలో అగ్రస్థానంలో నిలిచారు. 2025 జనవరి ప్రారంభం నాటికి పోర్బ్స్‌ ఆసియా(Forbes Asia) కుబేరుల జాబితాలో ముకేశ్‌ అంబానీ(Ambani) మొదటిస్థానంలో నిలువగా, గౌతమ్‌ అదానీ(Adani) రెండో స్థానంలో ఉన్నారు. ముఖేశ్‌ అంబానీ మొత్తం సంపద 96.6 బిలియన్‌ డాలర్లు ఉండగా, గౌతమ్‌ అదానీ సంపద 62.1 బిలియన్‌ డాలర్లుగా ఉంది.ఫోర్బ్స్ ప్రకారం 2025 ప్రారంభం నాటికి ఆసియాలోని టాప్ 10 ధనవంతులుముఖేష్ అంబానీ - 96.6 బిలియన్ డాలర్లు (ఇండియా, రిలయన్స్ ఇండస్ట్రీస్)గౌతమ్ అదానీ - 62.1 బిలియన్ డాలర్లు (ఇండియా, అదానీ గ్రూప్)జోంగ్ షాన్షాన్ - 53.6 బిలియన్ డాలర్లు (చైనా, నోంగ్ఫు స్ప్రింగ్)ప్రజోగో పంగేస్తు - 55.9 బిలియన్ డాలర్లు (ఇండోనేషియా, బారిటో పసిఫిక్ గ్రూప్)తడాషి యానై అండ్ ఫ్యామిలీ - 47.2 బిలియన్ డాలర్లు (జపాన్, ఫాస్ట్ రిటైలింగ్)జాంగ్ యిమింగ్ - 45.6 బిలియన్ డాలర్లు (చైనా, బైడ్‌డ్యాన్స్‌, టాక్‌టాక్‌)సావిత్రి జిందాల్ అండ్ ఫ్యామిలీ - 44.3 బిలియన్ డాలర్లు (ఇండియా, జిందాల్‌ గ్రూప్‌)మా హువాటెంగ్ - 43.3 బిలియన్ డాలర్లు (చైనా, టెన్సెంట్ హోల్డింగ్స్)శివ్ నాడార్ - 40 బిలియన్ డాలర్లు (ఇండియా, హెచ్‌సీఎల్‌ టెక్నాలజీస్)రాబిన్ జెంగ్ - 37.2 బిలియన్ డాలర్లు (హాంకాంగ్, కాంటెంపరరీ ఆంపరెక్స్ టెక్నాలజీ-సీఏటీఎల్‌)ఇదీ చదవండి: వడ్డీరేట్ల కోత పక్కా..?ఫోర్బ్స్ ప్రకారం 2025 ప్రారంభం నాటికి ఇండియాలోని టాప్ 10 ధనవంతులుముఖేష్ అంబానీ - 96.6 బిలియన్ డాలర్లు (రిలయన్స్ ఇండస్ట్రీస్)గౌతమ్ అదానీ - 62.1 బిలియన్ డాలర్లు (అదానీ గ్రూప్)సావిత్రి జిందాల్ అండ్ ఫ్యామిలీ - 44.3 బిలియన్ డాలర్లు (ఓపీ జిందాల్ గ్రూప్)శివ్ నాడార్ - 40 బిలియన్ డాలర్లు (హెచ్‌సీఎల్‌ టెక్నాలజీస్)రాధాకిషన్ దమానీ - 31.5 బిలియన్ డాలర్లు (డీమార్ట్)ఉదయ్ కోటక్ - 28 బిలియన్ డాలర్లు (కోటక్ మహీంద్రా బ్యాంక్)సునీల్ మిట్టల్ - 27 బిలియన్ డాలర్లు (భారతీ ఎంటర్‌ప్రైజెస్‌)లక్ష్మీ మిట్టల్ - 26 బిలియన్ డాలర్లు (ఆర్సెలర్ మిట్టల్)కుమార మంగళం బిర్లా - 25 బిలియన్ డాలర్లు (ఆదిత్య బిర్లా గ్రూప్)అనిల్ అగర్వాల్ - 24 బిలియన్ డాలర్లు (వేదాంత రిసోర్సెస్)

టెక్‌ బిలియనీర్‌, టెస్లా అధినేత ఎలాన్‌ మస్క్‌ (Elon Musk) మళ్లీ ప్రపంచ కుబేరుడిగా నిలిచారు. ఫోర్బ్స్ (Forbes) తాజా బిలియనీర్ ర్యాంకింగ్‌ల ప్రకారం.. 420 బిలియన్‌ డాలర్లకుపైగా సంపదతో 2025 సంవత్సరాన్ని ప్రపంచంలోనే అత్యంత సంపన్న వ్యక్తిగా ప్రారంభించారు. ప్రధానంగా స్పేస్‌ఎక్స్‌ (SpaceX) విలువ 350 బిలియన్‌ డాలర్లకు పెరగడంతో గడిచిన డిసెంబర్ 1 నుండి మస్క్‌ నెట్‌వర్త్‌ 91 బిలియన్‌ డాలర్లు పెరిగింది.గణనీయ పెరుగుదలఫోర్బ్స్ ర్యాంకింగ్ మొదటి 10 మంది సంపన్న వ్యక్తుల నెట్‌వర్త్‌లో గణనీయమైన పెరుగుదలను చూపుతోంది. వారి మొత్తం సంపద డిసెంబర్‌లో 1.8 ట్రిలియన్ డాలర్ల నుండి 1.9 ట్రిలియన్ డాలర్లకు చేరుకుంది. ఫోర్బ్స్ ప్రకారం ప్రపంచంలోని టాప్ 10 సంపన్న వ్యక్తులు.. పెరిగిన వారి సంపద గురించి ఈ కథనంలో తెలుసుకుందాం..ఎలాన్ మస్క్421.2 బిలియన్ డాలర్ల నెట్‌వర్త్‌తో ఫోర్బ్స్ జాబితాలో ఎలాన్ మస్క్ అగ్రస్థానంలో నిలిచారు. 2002లో స్పేస్‌ఎక్స్‌ని స్థాపించి దాని సీఈవోగా (CEO) కొనసాగుతున్న మస్క్.. టెస్లాకు అధిపతిగా ఉన్నారు. సోషల్ మీడియా ప్లాట్‌ఫారమ్ ‘ఎక్స్‌’ (X), ఏఐ (AI) కంపెనీ ‘ఎక్స్‌ఏఐ’ (xAI), టన్నెలింగ్ సంస్థ బోరింగ్ కోలో వాటాలను కలిగి ఉన్నారు. టెస్లాలో ఆయనకు 13% వాటా ఉంది.జెఫ్ బెజోస్అమెజాన్ వ్యవస్థాపకుడు, ఎగ్జిక్యూటివ్ చైర్ జెఫ్ బెజోస్ (Jeff Bezos) 233.5 బిలియన్‌ డాలర్ల సంపదతో జాబితాలో రెండవ స్థానంలో నిలిచారు. బెజోస్ 1994లో అమెజాన్‌ను ఆన్‌లైన్ పుస్తక దుకాణంగా స్థాపించారు. తరువాత క్లౌడ్ కంప్యూటింగ్, వినోదం, మరిన్నింటికి విస్తరించారు. ఆయన ప్రైవేట్ స్పేస్ కంపెనీ బ్లూ ఆరిజిన్‌ను కూడా స్థాపించారు. గత డిసెంబర్ లో అమెజాన్ స్టాక్ 5% పెరిగింది. దీంతో ఆయన సంపదకు దాదాపు 10 బిలియన్‌ డాలర్లు తోడయ్యాయి.లారీ ఎల్లిసన్ఒరాకిల్ సహ-వ్యవస్థాపకుడు లారీ ఎల్లిసన్ (Larry Ellison) 209.7 బిలియన్‌ డాలర్ల నెట్‌వర్త్‌తో జాబితాలో మూడవ స్థానంలో నిలిచారు. 1977లో కంపెనీని స్థాపించిన ఆయన 2014 వరకు సీఈవోగా నాయకత్వం వహించారు. ఇప్పుడు ఛైర్మన్, సీటీవో (CTO)గా పనిచేస్తున్నారు. ఒరాకిల్ స్టాక్ డిసెంబర్ లో 9% పైగా పడిపోయింది. ఆయన సంపద నుండి సుమారు 17 బిలియన్‌ డాలర్లు తుడిచిపెట్టుకుపోయాయి. దీంతో ఆయన రెండో స్థానం నుంచి మూడవ స్థానానికి పడిపోయారు.మార్క్ జుకర్‌బర్గ్మెటా వ్యవస్థాపకుడు, ఛైర్మన్, సీఈవో మార్క్ జుకర్‌బర్గ్ (Mark Zuckerberg) ఫోర్బ్స్ ప్రకారం 202.5 బిలియన్‌ డాలర్ల సంపదతో నాలుగో స్థానంలో ఉన్నారు. కంపెనీలో ఆయనకు దాదాపు 13% వాటా ఉంది. మెటా షేర్లు 1.9% పెరగడంతో గత డిసెంబర్ లో ఆయన నెట్‌వర్త్‌ 3.8 బిలియన్ డాలర్లు పెరిగింది. బెర్నార్డ్ ఆర్నాల్ట్లగ్జరీ గూడ్స్ దిగ్గజం ఎల్‌వీఎంహెచ్‌ (LVMH) సీఈవో, ఛైర్మన్ అయిన బెర్నార్డ్ ఆర్నాల్ట్ ( Bernard Arnault) నికర విలువ $168.8 బిలియన్ డాలర్లు. ఎల్‌వీఎంహెచ్‌ పోర్ట్‌ఫోలియోలో క్రిస్టియన్ డియోర్ కోచర్, గివెన్‌చీ, ఫెండి, సెలిన్, కెంజో, టిఫనీ, బల్గారీ, లోవే, ట్యాగ్‌ హ్యూయర్, మార్క్ జాకబ్స్, సెఫోరా వంటివి ఉన్నాయి. గత నెలలో ఎల్‌వీఎంహెచ్‌ షేర్లలో 7% పెరుగుదలతో ఆర్నాల్డ్‌ నెట్‌వర్త్‌ 8.5 బిలియన్ డాలర్లు పెరిగింది. లిస్ట్‌లో ఐదో స్థానంలో నిలిచారు.లారీ పేజ్‌గూగుల్ పేరెంట్ కంపెనీ ఆల్ఫాబెట్ స్టాక్ ధర 11% పెరగడంతో లారీ పేజ్ (Larry Page) సంపద కూడా 14 బిలియన్ డార్లు పెరిగి 156 బిలియన్‌ డాలర్లకు చేరుకుంది. తాజా లిస్ట్‌లో ఈయనది ఆరో స్థానం. పేజ్ 1998లో సెర్గీ బ్రిన్‌తో కలిసి గూగుల్‌ (Google)ని స్థాపించారు. 2001 వరకు, మళ్లీ 2011 నుండి 2015 మధ్య దానికి సీఈవోగా పనిచేశారు ఇప్పుడాయన ఆల్ఫాబెట్‌లో బోర్డు సభ్యుడుగా ఉంటూ నియంత్రణ వాటాను కలిగి ఉన్నారు.సెర్గీ బ్రిన్ఆల్ఫాబెట్ స్టాక్ ధర పెరుగుదల కారణంగా లారీ పేజ్ లాగే గూగుల్‌ మరో సహ వ్యవస్థాపకుడు సెర్గీ బ్రిన్ (Sergey Brin) నెట్‌వర్త్‌ కూడా గత నెలలో 14.7 బిలియన్‌ డాలర్లు పెరిగి 149 బిలియన్‌ డాలర్లకు చేరింది.ఈ పెరుగుదల ఆయన్ని ఫోర్బ్స్ ప్రపంచంలోని అత్యంత సంపన్నుల జాబితాలో 8వ ర్యాంక్ నుండి 7వ స్థానానికి నెలబెట్టింది.వారెన్ బఫెట్డిసెంబర్‌లో బెర్క్‌షైర్ హాత్వే స్టాక్ ధర 6% పడిపోవడంతో వారెన్ బఫెట్ (Warren Buffett) సంపద నుండి 8.9 బిలియన్‌ డాలర్లు తుడిచిపెట్టుకుపోయాయి. ఇప్పుడాయన నెట్‌వర్త్‌ 141.7 బిలియన్ డాలర్లు. ఫోర్బ్స్‌ లిస్ట్‌లో ఆయన ర్యాంక్ 6 నుండి ర్యాంక్ 8కి పడిపోయింది. వారెన్ బఫ్ఫెట్ బీమా సంస్థ గీకో, బ్యాటరీ కంపెనీ డ్యూరాసెల్, ఫాస్ట్ ఫుడ్ చైన్ డైరీ క్వీన్ వంటి ప్రధాన వ్యాపారాలను కలిగి ఉన్నారు.స్టీవ్ బామర్మైక్రోసాఫ్ట్ మాజీ సీఈవో స్టీవ్ బామర్ (Steve Ballmer) 124.3 బిలియన్ డాలర్ల సంపదతో జాబితాలో 9వ స్థానంలో నిలిచారు. హార్వర్డ్‌లో బిల్ గేట్స్ మాజీ క్లాస్‌మేట్ అయిన స్టీవ్ బామర్ 2000 నుండి 2014 వరకు మైక్రోసాఫ్ట్ సీఈవోగా ఉన్నారు. మైక్రోసాఫ్ట్ నుండి పదవీ విరమణ చేసిన తర్వాత, బామర్ లాస్ ఏంజిల్స్ క్లిప్పర్స్‌ను 2 బిలియన్‌ డాలర్లకు కొనుగోలు చేశారు. డిసెంబరులో బామర్ సంపద సుమారు 500 మిలియన్‌ డాలర్లు తగ్గింది.జెన్సన్ హువాంగ్ఎన్విడియా సహ వ్యవస్థాపకుడు, సీఈవో జెన్సన్ హువాంగ్ (Jensen Huang) 117.2 బిలియన్ డాలర్ల నెట్‌వర్త్‌తో 10వ స్థానంలో ఉన్నారు. ఏఐ రంగంలో కంపెనీ చిప్‌లు ప్రజాదరణ పొందడంతో ఆయన సంపద పెరిగింది. డిసెంబరులో ఎన్విడియా షేర్లలో స్వల్ప తగ్గుదల ఉన్నప్పటికీ, హువాంగ్ టాప్ 10 సంపన్నులలో స్థానాన్ని పొందారు.

ముంబై : ఫోర్బ్స్ ఈ ఏడాది బిలియనీర్ల జాబితాను విడుదల చేసింది. అందులో 25 మంది అతిచిన్న వయస్సుల్లో బిలియనీర్లు ఉన్నారు. వారి మొత్తం సంపద 110 బిలియన్‌ డాలర్లు కాగా వారి వయస్సు 33 అంతకంటే తక్కువగా ఉందని ఫోర్బ్స్‌ తెలిపింది. 30 ఏళ్లలోపు యువ భారతీయ బిలియనీర్లలో టాటా సన్స్ మాజీ ఛైర్మన్ సైరస్ మిస్త్రీ కుమారులు జహాన్, ఫిరోజ్ ముందంజలో ఉన్నారు. వారిద్దరి సంపద 9.8 బిలియన్లుగా ఉంది.  జహాన్ మిస్త్రీ   2022లో కారు ప్రమాదంలో తండ్రి సైరస్ మిస్త్రీ మరణించిన తర్వాత జహాన్ తన కుటుంబ సంపదలో కొంత భాగాన్ని వారసత్వంగా పొందారు. ఇందులో టాటా సన్స్‌లో వాటా 18.4శాతం, ముంబై నిర్మాణ దిగ్గజం షాపూర్జీ పల్లోంజీ గ్రూప్‌లో జహాన్ 25 శాతం వాటా ఉంది. ఐర్లాండ్‌లో పౌరసత్వం కలిగిన జహాన్ మిస్త్రీ తన తండ్రి సైరస్‌ మిస్త్రీ మరణం తర్వాత ముంబైలో నివసిస్తున్నారు.  ఫిరోజ్ మిస్త్రీ  ఫిరోజ్ మిస్త్రీ (27) దివంగత సైరస్ మిస్త్రీకి పెద్ద కుమారుడు. కుటుంబ వారసత్వంగా టాటా సన్స్‌లో 18.4శాతం వాటాను, షాపూర్జీ పల్లోంజీ గ్రూప్‌లో 25శాతం వాటాను దక్కించుకున్నారు. ప్రస్తుతం తన సొంత నిర్మాణ సంస్థ ఆఫ్కాన్స్ ఇన్‌ఫ్రాస్ట్రక్చర్‌ను ఐపీఓకి తీసుకెళ్లే పనిలో ఉన్నారు. ఫిరోజ్ మిస్త్రీ యూనివర్సిటీ ఆఫ్ వార్విక్‌లో చదువుకున్నారు. ఐరిష్ పౌరసత్వం ఉన్నప్పటికీ అతను ముంబైలో నివసిస్తున్నారు. 

వాషింగ్టన్‌: ప్రపంచంలోనే అత్యంత చిన్న వయసులోనే ఫోర్బ్స్‌ బిలియనీర్ల జాబితాలో స్థానం సంపాదించి 19 ఏళ్ల కాలేజీ అమ్మాయి లివియా వొయిట్‌ చరిత్ర సృష్టించింది. 20 ఏళ్లుకూడా నిండని ఈమెకు అత్యంత సంపన్నుడైన తాత నుంచి వారసత్వంగా కోట్ల షేర్లు దక్కడంతో ఒక్కసారిగా వేల కోట్ల అధిపతి అయ్యింది. బ్రెజిల్‌కు చెందిన డబ్ల్యూఈజీ కంపెనీని లివియా తాత వెర్నెర్‌ రికార్డో వొయిట్‌ మరో ఇద్దరితో కలిసి స్థాపించారు. ఫోర్బ్స్‌ సంస్థ 33 ఏళ్ల వయసులోపు ఉన్న 25 మంది యువ బిలియనీర్ల జాబితాను తాజాగా విడుదలచేసింది. ఇందులో లివియా పేరు కూడా ఉంది. దాదాపు రూ.9,165 కోట్ల(1.1 బిలియర్‌ డాలర్ల) సంపదతో ప్రపంచంలో బిలియనీర్‌ అయిన అత్యంత చిన్న వయసు్కరాలుగా ఈమె పేరు రికార్డులకెక్కింది. కోట్లకు పడగలెత్తినా ఇంకా ఆమె కంపెనీ బోర్డులో సభ్యురాలిగా చేరలేదు. ఆస్తులతో నాకేం పని అన్నట్లుగా నిరాడంబరంగా లివియా ప్రస్తుతం బ్రెజిల్‌ విశ్వవిద్యాలయంలో డిగ్రీ చదువుతోంది.      

కొందరు అత్యంత చిన్న వయసులోనే కోటీశ్వరులుగా అవతరిస్తారు. తరతరాల నుంచే వచ్చే ఆస్తుల కారణంగా ఒక్కసారిగా చిన్న వయసులోనే ధనవంతులుగా అయిపోతుంటారు. చెప్పాలంటే కోటీశ్వరులు తమ ఆస్తులను వృద్ధి చేస్తూ మనవళ్లు లేదా మనవరాళ్ల పేర్ల మీద రాయడం వల్ల లేదా మరణం కారణంగానో వాళ్ల వారసులు ఇలా ధనవంతులుగా అయిపోతారు. అలానే ఇక్కడొక విద్యార్థి చిన్నవయసులోనే బిలీయనీర్‌గా అవతరించింది.  ఇంతకీ ఎవరంటే ఆమె..? 19 ఏళ్ల బ్రెజిలియన్‌ విద్యార్థి లివియా వోయిగ్ట్‌ ప్రపంచంలోనే అత్యంత పిన్న వయస్కురాలైన బిలియనీర్‌గా ఈ ఏడాది ఫోర్బ్స్‌ బిలియనీర్‌ జాబితాలో స్థానం దక్కించుకుంది. ఆ జాబితాలో 33 ఏళ్ల వయసున్న దాదాపు 25 మంది యువ బిలియనీర్లు ఏకంగా రూ. 11000 కోట్లు సంపదను కలిగి ఉండటం విశేషం. ఇంతకీ ఈ లివయా వోయిగ్ట్‌ ఎవరంటే.. ఈ ఏడాది 2024లో ప్రపంచంలోనే అత్యంత చిన్న పిన్నవయస్కురాలిగా టైటిల్‌ని గెలుచుకుంది లివయా వోయిగ్ట్‌. ఇంతకుమునుపు ఆ టైటిల్‌ని అందుకున్న ఎస్సిలర్‌ టుక్సోటికా వారసుడు డెల్‌ వెచియా నుంచి లివయా ఆ టైటిల్‌ని అందుకోవడం విశేషం. ఇక ఈ డెల్‌  వెచియా లివియా కంటే జస్టే రెండు నెలలే పెద్దవాడు. అమెరికాలో అతిపెద్ద ఎలక్ట్రిక్‌ మోటార్‌ల తయారీ కంపెనీ వెగ్‌(WEG)ని ఆమె తాత వెర్నర్‌ రికార్డో వోయిగ్ట్‌, దివగంత బిలియనీర్లు ఎగ్గాన్ జోవో డా సిల్వా, గెరాల్డో వెర్నింగ్‌హాస్‌లతో కలిసి స్థాపించారు. ఆ కంపెనీలో లివియా అతి పెద్ద వాటాదారు.  ఇక లివియా సంపద నికర విలువ ఏకంగా రూ. 9 వేల కోట్లు. అలాగే ఆమె అక్క డోరా వోగ్ట్ డి అస్సిస్ కూడా ఫోర్బ్స్‌ అత్యంత పిన్న వయస్కులైన బిలియనీర్‌ లిస్ట్‌లో ఒకరిగా ఉన్నారు. ఇక డోరా 2020లో ఆర్కిటెక్చర్‌ డిగ్రీని పూర్తి చేసింది కాగా, లివియా వెగ్‌(WEG) కంపెనీ బహుళ జాతి కంపెనీగా దాదాపు 10కి పైగా దేశాల్లో కర్మాగారాలు ఉన్నాయి. ఆమె కంపెనీ 2022లో సుమారు రూ. 50 వేల కోట్ల ఆదాయాన్ని నమోదు చేసింది. అయితే లివియా ప్రస్తుతం బ్రెజిల్‌లోని విశ్వవిద్యాలయంలో చదువుతోంది. ఇంకా ఆమె WEGలో బోర్డు లేదా ఎగ్జిక్యూటివ్ హోదాలో సాగకపోయినా అందులో అతిపెద్ద వాటాదారు కావడంతో బిలియనీర్‌గా అవతరించింది. ఇక ఈ బిలియనీర్‌ ర్యాంకులో చాలామంది యువ వారసులు చేరారు. అందులో ఇద్దరు ఐర్లాండ్‌ మిస్త్రీ సోదరులు కూడా ఉన్నారు.  (చదవండి: మేకల వల్లే కాఫీ గురించి తెలిసిందా? ఆ స్టోరీ తెలిస్తే షాకవ్వుతారు!)

భారతీయ మహిళలు ఉద్యోగ, వ్యాపార రంగాల్లోదూసుకుపోవడమే  కాదు. ఫోర్బ్స్ జాబితాలో అత్యంత సంపన్నుల జాబితాలో చోటు దక్కించుకుంటున్నారు.  తాజాగా విడుదల చేసిన 'ఫోర్బ్స్ వరల్డ్ బిలియనీర్ లిస్ట్' 2024లో 17మంది మహిళలు చోటు  సాధించారు. ఈ ఏడాది భారతదేశం సంపదలో గణనీయమైన పెరుగుదల నమోదైంది. 2023లో 169 మంది ఉండగా తాజాగా  200 మంది భారతీయులు ఫోర్బ్స్ ప్రపంచ బిలియనీర్ల జాబితాలో చోటు సంపాదించుకోవడం విశేషం. 25 మంది కొత్త బిలియనీర్లు ఈ జాబితాలో చేరారు. వీరి సంపద రికార్డు స్థాయిలో 41 శాతం పుంజుకుని  954 బిలియన్లకు  డాలర్లకు పెరిగింది.  టాప్‌ -10 మహిళా బిలియనీర్లు సావిత్రి జిందాల్: భాభారతీయ సంపన్న మహిళ జాబితాలో  జిందాల్ కుటుంబానికి చెందిన జిందాల్ గ్రూప్‌ చైర్‌పర్సన్. సావిత్రి జిందాల్ 35.5 బిలియన్ల డాలర్ల నికర విలువతో అగ్రస్థానంలో ఉన్నారు.  రేఖా ఝున్‌ఝన్‌వాలా: ఇండియన్‌ వారెన్ బఫెట్ రాకేష్ ఝున్‌ఝున్‌వాలా  సతీమణి రేఖా ఝున్‌ఝున్‌వాలా. రెండో స్థానంలో నిలిచారు. ఆమె నికర విలువ  8.5 బిలియన్‌ డాలర్లు    వినోద్ రాయ్ గుప్తా: హావెల్స్ ఇండియాకు  చెందిన వినోద్ రాయ్ గుప్తా  5 బిలియన్‌ డాలర్లతో ఈ జాబితాలో చోటు సంపాదించారు. రేణుకా జగ్తియాని: ల్యాండ్‌మార్క్ గ్రూప్ చైర్‌పర్సన్,  సీఈవో రేణుకా జగ్తియాని 4.8 బిలియన్ల డాలర్లతో ఈ జాబితాలోకి అరంగేట్రం చేశారు. 2023,మే లో  మిక్కీ జగ్తియాని  కన్నుమూయడంతో, ఆమె కంపెనీ బాధ్యతలను చేపట్టారు. స్మితా కృష్ణ-గోద్రెజ్:  గోద్రెజ్ కుటుంబానికి చెందిన స్మితా కృష్ణ మహిళల బిలియనీర్ల జాబితాలో ఐదో ప్లేస్‌లో నిలిచారు. ఈమె  నికర విలువ 3.8 బిలియన్‌ డాలర్లు. గోద్రెజ్ కుటుంబ ఆస్తులలో గణనీయమైన వాటాను కలిగి ఉన్నారు. ఇతర మహిళా బిలియనీర్లు - నికర విలువ రాధా వెంబు (3.4  బిలియన్‌ డాలర్లు) , అను అగా (3.3 బిలియన్‌ డాలర్లు), లీనా తివారి (3.2 బిలియన్‌ డాలర్లు), ఫల్గుణి నాయర్ (2.9బిలియన్‌ డాలర్లు), కిరణ్ మజుందార్-షా (2.7 బిలియన్‌ డాలర్లు), మృదులా పరేఖ్ (2.1 బిలియన్‌ డాలర్లు), సరోజ్ రాణి గుప్తా (1.6 బిలియన్‌ డాలర్లు), రేణు ముంజాల్ (1.6 బిలియన్‌ డాలర్లు, సారా జార్జ్ ముత్తూట్ (1.3 బిలియన్‌ డాలర్లు), అల్పనా డాంగి (1.2 బిలియన్‌ డాలర్లు), సుబ్బమ్మ జాస్తి (1.1 బిలియన్‌ డాలర్లు), కల్పనా పరేఖ్ (1.1 బిలియన్‌ డాలర్లు)

ప్రపంచంలోనే అత్యధిక సంపన్నుల్లో మొదటి పది మందిలో రిలయన్స్‌ అధిపతి ముకేశ్‌ అంబానీ చోటు దక్కించుకున్నారు. మరోసారి భారత్‌లో అత్యంత ధనవంతుడిగా నిలిచారు. ఫోర్బ్స్‌ 2024 ప్రపంచ బిలియనీర్ల జాబితా ప్రకారం.. 116 బిలియన్‌ డాలర్ల నికర సంపదతో ముకేశ్‌ అంబానీ ప్రపంచంలో 9వ స్థానంలో నిలిచారు. 2023లో ఆయన సంపద 83.4 బిలియన్‌ డాలర్లుగా ఉంది. ఇక భారత్‌లో రెండో సంపన్నుడైన గౌతమ్‌ అదానీ 17వ స్థానంలో ఉన్నారు. ఆయన సంపద 47.2 బిలియన్‌ డాలర్ల నుంచి 84 బిలియన్‌ డాలర్లకు పెరిగింది.  హెచ్‌సీఎల్‌ టెక్‌ సహవ్యవస్థాపకుడు శివ్‌ నాడార్‌  36.9 బిలియన్‌ డాలర్లతో 39వ స్థానంలో ఉన్నారు. జిందాల్‌ గ్రూప్‌ సావిత్రి జిందాల్‌-కుటుంబం (33.5 బి.డాలర్లు) 46వ స్థానంలో, సన్‌ఫార్మా దిలీప్‌ సంఘ్వి (26.7 బి.డాలర్లు) 69వ స్థానంలో నిలిచారు. సైరస్‌ పూనావాలా (21.3 బి.డాలర్లు) 90వ స్థానం, కుషాల్‌ పాల్‌ సింగ్‌ (20.9 బి.డాలర్లు) 92వ స్థానం, కుమార్‌ బిర్లా (19.7 బి.డాలర్లు) 98వ స్థానం దక్కించుకున్నారు. ఇదీ చదవండి: గూగుల్‌ రహస్య బ్రౌజర్‌.. రూ.41,000 కోట్ల దావా! తెలుగు రాష్ట్రాల నుంచి ఫోర్బ్స్‌లో చోటు సంపాదించిన వారి వివరాలు కింది విధంగా ఉన్నాయి. మురళి దివి, కుంటుబం 6.2 బిలియన్‌ డాలర్ల సంపదతో(రూ.51వేలకోట్లు) 469 ర్యాంకులో నిలిచారు. ప్రతాప్‌ సి రెడ్డి 3 బిలియన్‌ డాలర్లతో(రూ.26వేలకోట్లు) 1104 ర్యాంకు జీఎం రావు 2.9 బిలియన్‌ డాలర్లతో(రూ.25వేలకోట్లు) 1143 ర్యాంకు పీవీ రామ్‌ ప్రసాద్‌రెడ్డి 2.9 బిలియన్‌ డాలర్లతో(రూ.25వేలకోట్లు) 1143 ర్యాంకు జూపల్లి రామేశ్వర్‌రావు 2.3 బిలియన్‌ డాలర్లతో(రూ.19వేలకోట్లు) 1438 ర్యాంకు పీపీ రెడ్డి 2.3 బిలియన్‌ డాలర్లతో(రూ.19వేలకోట్లు) 1438 ర్యాంకు పీవీ కృష్ణారెడ్డి 2.2 బిలియన్‌ డాలర్లతో(రూ.18వేలకోట్లు) 1496 ర్యాంకు ఎం.సత్యనారాయణ రెడ్డి 2 బిలియన్‌ డాలర్లతో(రూ.16వేలకోట్లు) 1623 ర్యాంకు కె.సతీశ్‌రెడ్డి 1.8 బిలియన్‌ డాలర్లతో(రూ.15వేలకోట్లు) 1764 ర్యాంకు జి.వి.ప్రసాద్‌ 1.5 బిలియన్‌ డాలర్లతో(రూ.12వేలకోట్లు) 2046 ర్యాంకు  

న్యూఢిల్లీ: ప్రైవేట్‌ రంగ డైవర్సిఫైడ్‌ దిగ్గజం రిలయన్స్‌ ఇండస్ట్రీస్‌ అధినేత ముకేశ్‌ అంబానీ మరోసారి ప్రపంచ కుబేరుల జాబితాలో చోటు సాధించారు. 2024 ఏడాదికి ఫోర్బ్స్‌ టాప్‌–10 బిలియనీర్లలో 9వ ర్యాంకును పొందారు. 116 బిలియన్‌ డాలర్ల సంపదతో 66 ఏళ్ల ముకేశ్‌ టాప్‌–9గా నిలిచారు. 2023లో ముకేశ్‌ సంపద 83.4 బిలియన్‌ డాలర్లుగా నమోదైంది. కాగా.. దేశీయంగా సంపదలో టాప్‌–2గా నిలుస్తున్న గౌతమ్‌ అదానీ 84 బిలియన్‌ డాలర్లతో ప్రపంచంలో 17వ ర్యాంకును అందుకున్నారు. యూఎస్‌ షార్ట్‌సెల్లర్‌ హిండెన్‌బర్గ్‌ రీసెర్చ్‌ ఆరోపణల కారణంగా 2023లో అదానీ సంపద 47.2 బిలియన్‌ డాలర్లకు క్షీణించిన సంగతి తెలిసిందే. హిండెన్‌బర్గ్‌ ఆరోపణలను తోసిపుచ్చిన నేపథ్యంలో అదానీ గ్రూప్‌ తిరిగి బలపడింది. ఇక 2022లో అదానీ 90 బిలియన్‌ డాలర్ల నెట్‌వర్త్‌ను సాధించడం ప్రస్తావించదగ్గ అంశం! జాబితా ఇలా ఫోర్బ్స్‌ 2024 బిలియనీర్ల జాబితాలో 2,781 మంది వ్యక్తులు చోటు సాధించారు. గతేడాది జాబితాతో పోలిస్తే 141 మందికి అదనంగా చోటు లభించింది. 2023తో పోలిస్తే కుబేరుల ఉమ్మడి సంపద 2 లక్షల కోట్ల డాలర్లు పెరిగి 14.2 ట్రిలియన్‌ డాలర్లను తాకింది. సరికొత్త రికార్డ్‌ నమోదైన 2021తో పోలిస్తే 1.1 లక్షల కోట్ల డాలర్లు జత కలసింది. ఫ్యాషన్స్, కాస్మెటిక్స్‌ దిగ్గజం ఎల్‌వీఎంహెచ్‌కు చెందిన బెర్నార్డ్‌ ఆర్నాల్ట్‌ 233 బిలియన్‌ డాలర్లతో టాప్‌ ర్యాంకును, 195 బిలియన్‌ డాలర్లతో ఎలన్‌ మస్క్‌ రెండో ర్యాంకునూ కొల్లగొట్టారు. 177 బిలియన్‌ డాలర్లతో ఫేస్‌బుక్‌ జుకర్‌బర్గ్‌ టాప్‌–3గా నిలిచారు.

కొచ్చి: ఫోర్బ్స్‌ 100 మంది సంపన్న భారతీయుల జాబితాలో జోయాలుక్కాస్‌ కంపెనీ చైర్మన్‌ జాయ్‌ అలుక్కాస్‌ 50వ స్థానం దక్కించుకున్నారు. తద్వారా భారతదేశం నుంచి ఎంపికైన ఏకైక జ్యువెలర్‌గా ఖ్యాతి గడించారు. జ్యువెలరీ రంగంలో పెను మార్పులు తీసుకురావడంలో జాయ్‌ అలుక్కాస్‌ కీలక పాత్ర పోషించారు. ఆర్థిక సంక్షోభం(2008), కరోనా మహమ్మారి(2020) వంటి అంతర్జాతీయ ప్రతికూల పరిస్థితులను విజయవంతంగా అధిగమించి వ్యాపారాన్ని నిర్వహించారు. ప్రపంచంలోనే అతిపెద్ద అవుట్‌లెట్‌ను చెన్నైలో ప్రారంభించడం, ప్రోత్సాహంగా రోల్స్‌ రాయిస్‌ కార్లను బహుమతిగా ఇవ్వడం, రష్యా తూర్పు భాగం ప్రాంతాల కొత్త మార్కెట్లలో ప్రవేశించడం వంటి విన్నూత ఆలోచనలతో జోయాలుక్కాస్‌ను ‘వరల్డ్స్‌ పేవరెట్‌ జ్యువెలర్‌’ గా జోయాలుక్కాస్‌ సంస్థగా తీర్చిద్దిద్దారు. 

అమెరికన్ బిజినెస్  మేగజీన్ ఫోర్బ్స్ (Forbes) 2023 సంవత్సరానికి గానూ ప్రపంచంలో అత్యంత సంపన్నుల జాబితాను విడుదల చేసింది. ఫోర్బ్స్‌ విడుదల చేసిన 37వ ఎడిషన్‌లో ఆసియా కుబేరుడు రిలయన్స్‌ అధినేత ముఖేష్‌ అంబానీ  తిరిగి టాప్‌ ప్లేస్‌ను నిలబెట్టుకున్నారు. 90.8 బిలియన్ల నికర విలువతో దేశంలోనే అత్యంత ధనవంతుడిగా నిలిచారు. దేశంలోని 167 మంది బిలియనీర్ల జాబితాలో చోటు సంపాదించుకున్నారు. అమెరికా,  చైనా తర్వాత ప్రపంచంలో భారత్‌ మూడో స్థానంలో నిలిచింది. (కళ్లద్దాల్నే నమ్ముకున్నాడు: కట్‌ చేస్తే..వేల కోట్ల వ్యాపారం, లగ్జరీ లైఫ్‌!) 2023 ఏడాది  ఫోర్బ్స్ ప్రపంచ సంపన్నుల జాబితాలో 240.7 బిలయన్‌ డాలర్లతో ఎలాన్ మస్క్ ప్రపంచంలోనే అత్యంత ధనవంతుడుగా నిలిచాడు. అలాగే ఫ్రాన్స్ కు చెందిన లూయీస్ వీటన్ (Louis Vuitton) బ్రాండ్‌ ఫౌండర్‌ ప్రముఖ వ్యాపారవేత్త బెర్నార్డ్ జీన్ అర్నాల్ట్  ప్రంపంచలో టాప్‌ 2 ప్లేస్‌ కొట్టేశారు సంపద 231.4 బిలియన్ డాలర్లు.  154.9 బిలియన్ డాలర్లతో అమెజాన్ చీఫ్ జెఫ్ బెజోస్ మూడో స్థానంలో ఉన్నారు.   ఇండియాలో టాప్-10 లో ఉన్నది వీరే భారత్‌లో దాదాపు 167 మంది బిలియనీర్లలో, ముఖేష్ అంబానీ వరుసగా 14 సంవత్సరాలుగా భారతదేశంలో అత్యంత ధనవంతుడిగా నిలిచారు. గౌతమ్ అదానీ, సైరస్ పూనావల్లా, శివనాదా తర్వాతి స్థానాల్లో ఉన్నారు ఐదో స్థానంలో సావిత్రి జిందాల్‌ నిలిచారు.  ♦ గౌతమ్ అదానీ 54.9 బిలియన్ డాలర్లు  ♦ సైరస్ పూనావాలా 29.1 బిలియన్ డాలర్లు సీరం ఇన్స్టిట్యూట్ ఆఫ్ ఇండియా ♦ శివ్ నాడార్  25.6బిలియన్ డాలర్లు HCL టెక్నాలజీస్ ♦ సావిత్రి జిందాల్ & కుటుంబం  20.3 బిలియన్ డాలర్లు JSW గ్రూప్ ♦  దిలీప్ షాంఘ్వీ  18.2 బిలియన్ డాలర్లుసన్ ఫార్మాస్యూటికల్ ఇండస్ట్రీస్ లిమిటెడ్. ♦ లక్ష్మి మిట్టల్ 16.9 బిలియన్ డాలర్లుఆర్సెలర్ మిట్టల్ ♦ రాధాక్రిషన్ దమానీ 16.7 బిలియన్ డాలర్లు DMart, అవెన్యూ సూపర్ మార్కెట్లు ♦ కుమార్ బిర్లా 15.8 బిలియన్ డాలర్లు ఆదిత్య బిర్లా గ్రూప్ ♦  ఉదయ్ కోటక్ 14.2బిలియన్ డాలర్లు బి కోటక్ మహీంద్రా బ్యాంక్

ఫోర్బ్స్‌ ఇండియా -2023 నివేదిక ప్రకారం..భారత్‌లో మొత్తం 169 మంది (ఏప్రిల్‌ 5 నాటికి) బిలియనీర్లు ఉన్నారు. వారి వద్ద 675 బిలియన్ల డాలర‍్ల ధనం ఉంది. అయితే వారితో సమానంగా మేం కూడా ధనవంతులమే అని నిరూపించుకోవాలంటే సామాన్యుల వద్ద ఎంత డబ్బు ఉండాలి? అసలు ఎంత డబ్బు ఉంటే ధనవంతులని పరిగణలోకి తీసుకుంటారు? అని ఇలా ఎప్పుడైనా ఆలోచించారా?  అవును! ప్రపంచంలోని 25 దేశాల్లో ఆయా దేశాల్ని బట్టి ధనవంతుల సంఖ్య పెరగొచ్చు. తగ్గొచ్చు. మరి మన దేశంలో మొత్తం కాకపోయినా కనీసం 1 శాతం ధనవంతుల్లో మనమూ ఒకరిగా పేరు సంపాదించాలంటే మన వద్ద కనీసం రూ.1.44 కోట్లు ఉండాలి. ఆ మొత్తం ఉంటే ఆ ఒక్క శాతం కోటీశ్వరుల జాబితాలో చోటు దక్కించుకోవచ్చు.  ప్రముఖ రియల్‌ ఎస్టేట్‌ కన్సల్టెన్సీ సేవల సంస్థ నైట్‌ ఫ్రాంక్‌ ఇండియా - 2023 రూపొందించిన తాజా నివేదికలో ఆల్ట్రా హై నెట్‌వర్త్‌ ఇండివిడ్యూవల్స్ (uhnwi) ఈ విషయాన్ని వెల్లడించింది. నైట్ ఫ్రాంక్ విడుదల చేసిన ధనవంతుల జాబితా దేశాల్లో దక్షిణాఫ్రికా, ఫిలిప్పీన్స్, కెన్యాలు సైతం ఉండగా.. భారత్‌ 22వ స్థానం దక్కించుకుంది.  ►ప్రపంచంలోనే అత్యంత సంపన్నులున్న మొనాకో 25 దేశాల జాబితాలో అగ్రస్థానంలో నిలిచింది.ఆ దేశంలో 12.4 మిలియన్లు (రూ.102 కోట్లు) ఉంటే ఒక‍్క శాతం ధనవంతుల జాబితాలో ఒకరిగా పేరు సంపాదించవచ్చు.  ►ఇక, స్విట్జర్లాండ్‌లో 6.6 మిలియన్లు, సింగపూర్‌లో 3.5 మిలియన్లు, హాంగ్‌ కాంగ్‌లో 3.4 మిలియన్లు ఉండాలి ►మిడిల్‌ ఈస్ట్‌ దేశాలైన బ్రెజిల్‌ 1.6మిలియన్లు, లాటిన్‌ అమెరికాలో 430,000 డాలర్లు ఉండాలి.  ► అల్ట్రా హై నెట్ వర్త్ జాబితాలో భారత్‌లో 30 మిలియన్ల నికర విలువ కలిగిన వ్యక్తుల సంఖ్య రానున్న ఐదేళ్లలో 58.4 శాతం పెరుగుతుందని నివేదిక పేర్కొంది.   చదవండి👉 అమెజాన్‌ ఉద్యోగుల తొలగింపుల్లో ఊహించని ట్విస్ట్‌!

సాక్షి, ముంబై:  ఫోర్బ్స్ 2023 అపర కుబేరుల ప్లేస్‌లో మూడో స్థానంలో నిలిచిన ఇండియాలో కొత్తగా 16 మంది కొత్త బిలియనీర్లు చోటు దక్కించు కున్నారు. వీరిలో ముగ్గురు మహిళలు ఉండటం విశేషం. ఈ మేటి మహిళల్లో ఒకరు వినోద్ రాయ్ గుప్తా.రూ. 33 వేల కోట్ల నికర విలువతో భారతదేశంలో 4వ అత్యంత సంపన్న మహిళగా ఖ్యాతి దక్కించుకున్నారు. (15 నిమిషాల్లో రూ. 400 కోట్లు సంపాదించిన రేఖా ఝున్‌ఝున్‌వాలా) హావెల్స్‌ ఇండియా అధినేత వినోద్ రాయ్  దేశీయ నాల్గవ సంపన్న మహిళ.  మొత్తం సంపన్నుల జాబితాలో 40 వ స్థానం. హావెల్స్‌ ఇండియాలో ఈమెకు 40 శాతం వాటా ఉంది. హావెల్స్ ఇండియాను 1958లో వినోద్ రాయ్ గుప్తా దివంగత భర్త ఖిమత్ రాయ్ గుప్తా స్థాపించారు. ఇప్పుడు అతని కుమారుడు అనిల్ రాయ్ గుప్తా ప్రస్తుతం హావెల్స్ ఇండియా చైర్  మేనేజింగ్ డైరెక్టర్‌గా ఉన్నారు. హావెల్స్ ఇండియా ఎలక్ట్రికల్  అండ్‌  లైటింగ్ ఫిక్చర్‌ల నుండి ఫ్యాన్‌లు, రిఫ్రిజిరేటర్‌లు, ఏసీలు, వాషింగ్ మెషీన్‌ల వరకు ప్రతిదీ తయారు చేస్తుంది. హావెల్స్‌కు 14 ఫ్యాక్టరీలు ఉన్నాయి. దాని ఉత్పత్తులు ఇప్పుడు 50కి పైగా దేశాల్లో అమ్ముడవుతున్నాయి. క్విమత్ రాయ్ గుప్తా 10వేల రూపాయల పెట్టుబడితో ఎలక్ట్రికల్ బిజినెస్‌ ప్రారంభించగా ఇపుడు వారి  కుమారుడు అనిల్ రాయ్ గుప్తా నాయకత్వంలో  రూ. 74,000 కోట్ల మార్కెట్ క్యాప్‌తో వ్యాపార రంగంలో రాణిస్తోంది. (జీపే యూజర్లకు భారీగా క్యాష్‌బ్యాక్ సంచలనం: మీ రివార్డ్స్‌ చెక్‌ చేసుకోండి!) ఫోర్బ్స్ తన వార్షిక బిలియనీర్ల జాబితాలను 2023 ఏప్రిల్ 4న విడుదల చేసిన సంగతి తెలిసిందే. ఇందులో భారతదేశంలోని అత్యంత సంపన్న బిలియనీర్ల జాబితా కూడా ఉంది. ఈ లిస్ట్‌లో రిలయన్స్ ఛైర్మన్ ముఖేశ్‌ అంబానీ దేశీయంగా, ఆసియా రెండింటిలోనూ టాప్‌ ప్లేస్‌లో నిలవగా,   అత్యంత ధనవంతుడుగా నిలిచారు. ఫోర్బ్స్ తాజా జాబితా ప్రకారం, భారతదేశంలోని ఐదుగురు సంపన్న మహిళలు సావిత్రి జిందాల్, రోహికా సైరస్ మిస్త్రీ, రేఖా ఝన్‌ఝన్‌వాలా, వినోద్ రాయ్ గుప్తా, లీనా తివారీ ఉన్నారు.

ఆసియా లేటెస్ట్‌ బిలియనీర్‌ ఎవరంటే రిలయన్స్‌ ముఖేశ్‌ అంబానీ అని ఠక్కున చెప్పేస్తాం. ఫోర్బ్స్ తన 2023 ప్రకారం 99 ఏళ్ల వయసులో బిలియనీర్ అయిన కేషుబ్ మహీంద్రాను గురించి తెలుసా? రూ. 9వేల కోట్లకు పైగా నికర విలువతో అత్యంత వృద్ధ బిలియనీర్‌గా నిలిచిన కేషుబ్‌ మహీంద్రా తెలుసుకుందాం. ఫోర్బ్స్ తన 2023 సంపన్నుల జాబితాలో భారతదేశంలో అత్యంత ధనవంతుడు ము్ఖేశ్‌ అంబానీ నిలిచారు. ఈ జాబితాలో భారత్‌ కొత్తగా 16 మంది బిలియనీర్‌లు చేరగా అత్యధిక బిలియనీర్లు ఉన్న దేశాల్లో భారత్ మూడో స్థానంలో ఉంది. అయితే 99 ఏళ్ల కేశబ్ మహీంద్రా భారతదేశంలో అత్యంత వృద్ధ బిలియనీర్‌గా నిలిచారు.  (సర్కార్‌  కొలువుకు గుడ్‌బై..9 లక్షల కోట్ల కంపెనీకి జై: ఎవరీ ప్రసూన్‌ సింగ్‌?)   మహీంద్రా అండ్ మహీంద్రా గ్రూప్ ఎమెరిటస్ చైర్మన్ కేషుబ్ మహీంద్రా. దిగ్గజ పారిశ్రామికవేత్త, మహీంద్ర అండ్‌ మహీంద్ర చైర్మన్‌ ఆనంద్‌ మహీంద్రకు మేనమామ. కేశబ్ మహీంద్రా 5 దశాబ్దాల పాటు మహీంద్ర గ్రూప్‌నకు నాయకత్వం వహించి కంపెనీనీ విజయతీరాలకు చేర్చారు. మహీంద్ర  గ్రూపు ప్రస్థానంలో కీలక ప్రాత పోషించిన ఆయన   2012 ఆగస్టులో పదవీ విరమణ చేశారు. మహీంద్రా  అండ్‌ మహీంద్రాను  1945లో కేషుబ్ తండ్రి జేసీ మహీంద్రా స్థాపించారు. (IPL 2023: షారుక్ రైట్‌ హ్యాండ్‌, కేకేఆర్‌ సీఈవో గురించి ఇంట్రస్టింగ్‌ విషయాలు) 1923, అక్టోబర్ 9న సిమ్లాలో జన్మించిన కేషుబ్ మహీంద్రా ఈ ఏడాది చివర్లో 100 ఏళ్లు పూర్తి చేసుకోనున్నారు. వార్టన్ కాలేజీ నుండి గ్రాడ్యుయేషన్ చేసి అనంతరం, అమెరికాలోని పెన్సిల్వేనియా విశ్వవిద్యాలయంలోని వార్టన్ కళాశాల నుండి గ్రాడ్యుయేషన్ పూర్తి చేశారు కేషుబ్ తన తండ్రికి చెందిన కంపెనీలో 1947లో చేరారు. 1963లో కంపెనీకి ఛైర్మన్ అయ్యారు.  మంచి కార్పొరేట్ గవర్నెన్స్, నైతికతకు ప్రసిద్ధి చెందిన కేషుబ్‌ భారత ప్రభుత్వం ఏర్పాటు చేసిన అనేక కమిటీలలో ఆయన ప్రాతినిధ్యం ఉంది. 2007లో ఎర్నెస్ట్ అండ్‌ యంగ్  లైఫ్‌టైమ్ అచీవ్‌మెంట్ అవార్డు లభించింది. ఫిలాంత్రపీలో కూడా కేషుబ్‌ అగ్రగణ్యుడే. అసోచామ్ అపెక్స్ అడ్వైజరీ కౌన్సిల్ సభ్యుడు కూడా. 1987లో, ఫ్రెంచ్ ప్రభుత్వ చెవాలియర్ డి ఎల్'ఆర్డ్రే నేషనల్ డి లా లెజియన్ డి'హోన్నూర్ అవార్డును అందుకున్నారు. 2004 నుండి 2010 వరకు న్యూ ఢిల్లీలోని వాణిజ్యం  పరిశ్రమల ప్రధాన మంత్రి మండలిలో సభ్యుడుగాపనిచేశారు.  తొలుత మహీంద్రా అండ్ మహీంద్రా భారతదేశంలో విల్లీసీప్‌లను అసెంబ్లింగ్ చేసేది. మహీంద్రా అండ్ మహీంద్రాను అసెంబ్లర్ నుండి భారీ సమ్మేళనంగా తీర్చిదిద్దడంలో కేషుబ్ పాత్ర కీలకం. ఆధ్వర్యంలోని కంపెనీ సాఫ్ట్‌వేర్ సేవలు, రియల్ ఎస్టేట్‌ తదితర రంగాల్లో విజయవంతంగా ప్రవేశించింది. ప్రస్తుతం టాప్‌ఎస్‌యూవీల అతిపెద్ద తయారీదారుగా పాపులర్‌ అయింది.మహీంద్రా థార్, మహీంద్రా  టీయూవీ 300,మహీంద్రా ఎక్స్‌యూవీ 700, మహీంద్రా బొలెరో నియో మొదలైన వాటితో సహా దాని పోర్ట్‌ఫోలియోలో అనేక విజయవంతమైన కార్లు ఉన్నాయి.  

ఎలన్‌ మస్క్‌.. వ్యాపార రంగంలోనే కాదు సోషల్‌ మీడియాలోనూ ఓ ట్రెండ్‌ సెట్టర్‌. గత రెండేళ్లుగా ప్రపంచ మీడియా సంస్థల్లో ఆయన పేరు నానని రోజంటూ లేదు. అంతలా సంచలనాలకు తెర లేపాడు ఆయన. పైపెచ్చు 2021 జనవరిలో వ్యక్తిగత సంపదను 200 బిలియన్ల మార్క్‌​ దాటించుకుని.. మానవ చరిత్రలోనే అరుదైన రికార్డు సొంతం చేసుకున్నాడు. తద్వారా అమెజాన్‌ వ్యవస్థాపకుడు జెఫ్‌ బెజోస్‌ను దాటేసి.. అపర కుబేరుల జాబితాలో అగ్ర స్థానంలో కొనసాగుతూ వస్తున్నాడు. అయితే..  ట్విటర్‌ కొనుగోలు నేపథ్యంలో ఎలన్‌ మస్క్‌కు బ్యాడ్‌ టైం నడుస్తున్నట్లు ఉంది. 2022 ఎలన్‌ మస్క్‌కు ఏరకంగానూ కలిసి రాలేదు. ఈ ఏడాదిలో చెప్పుకోదగ్గ పరిణామాలేవీ ఆయన ఖాతాలో పడకపోవడం గమనార్హం. పైగా ఫోర్బ్స్‌ లిస్ట్‌ ప్రకారం.. ప్రపంచ అపర కుబేరుల జాబితా నుంచి రెండో స్థానానికి పడిపోయారు ఆయన. ఏడాది చివరకల్లా..  150 బిలియన్‌ డాలర్లకు దిగువకు పడిపోయింది ఆయన సంపద. ఒకానొక టైంకి 137 బిలియన్‌ డాలర్లకు చేరుకుంది కూడా. చరిత్రలో తొలి ట్రిలియన్‌ బిలియనీర్‌గా నిలిచిన ఘనత ఎలన్‌ మస్క్‌దే. నవంబర్‌ 4, 2021 నాటికి ఆయన సంపద అక్షరాల 340 బిలియన్‌ డాలర్లు. కానీ, ఆ మార్క్‌ను ఆయన ఎంతో కాలం నిలబెట్టుకోలేకపోయాడు!. ఎలన్‌ మస్క్‌ సంపద తరుగుతూ వస్తోంది. మరోవైపు ట్విటర్‌ను 44 బిలియన్‌ డాలర్లకు కొనుగోలు చేసినా.. ఆయన సంపదపై ఆ ప్రభావం పడదని ఆర్థిక విశ్లేషకులు  భావించారు. కానీ, అ అంచనా తప్పింది.  టెస్లా షేర్లు గణనీయంగా, క్రమం తప్పకుండా పతనం అవుతుండడం(2022లో ఏకంగా 65 శాతం దాకా పతనం అయ్యింది) ఆయన సంపద కరిగిపోవడానికి ప్రధాన కారణంగా మారింది. అయితే ఎలన్‌ మస్క్‌ మాత్రం టెస్లా అద్భుతంగా పని చేస్తోందని, అది అంతకు ముందు కంటే అద్భుతంగా ఉందంటూ డిసెంబర్‌ 16వ తేదీన ఒక ట్వీట్‌ చేశాడు. గణాంకాలు మాత్రం విశ్లేషకుల అంచనాలకు తగ్గట్లే ఉన్నాయి. మిగతా సొంత కంపెనీలతో(న్యూరాలింక్‌, ఓపెన్‌ ఏఐ, స్పేస్‌ఎక్స్‌.. దీని అనుబంధ సంస్థ స్టార్‌లింక్‌, ది బోరింగ్‌ కంపెనీలతో  ఎలన్‌ మస్క్‌కు పెద్దగా ఒరిగింది కూడా ఏం లేకపోవడం గమనార్హం!.  ఈ కథనం రాసే సమయానికి ఫోర్బ్స్‌ లిస్ట్‌లో ఫ్రెంచ్‌ వ్యాపారవేత్త బెర్నార్డ్‌ అర్నాల్ట్‌ & ఫ్యామిలీ 179 బిలియన్‌ డాలర్ల సంపదతో అగ్రస్థానంలో కొనసాగుతోంది. ఆ తర్వాతి స్థానంలో ఎలన్‌ మస్క్‌ 146 బిలియన్‌ డాలర్లత సంపదతో నిలిచారు. అంటే ఏడాది కాలంలోనే ఏకంగా 200 బిలియన్‌ డాలర్ల సంపదను ఆయన కోల్పోయారన్నమాట. మానవ చరిత్రలో ఇప్పటిదాకా ఇంతలా ఓ వ్యక్తి సంపదను కోల్పోయిందే లేదు. ఇక.. భారత్‌కు చెందిన గౌతమ్‌ అదానీ 127 బిలియన్‌ డాలర్లతో ఈ జాబితాలో మూడో స్థానంలో కొనసాగుతున్నారు. ఇదీ చదవండి: రిలయన్స్‌ను ముకేశ్‌ ఎలా ఉరుకులు పెట్టించారో తెలుసా?

న్యూయార్క్‌: ప్రపంచంలో అత్యంత ధనికుడి స్థానాన్ని ఎలన్‌ మస్క్‌ కోల్పోయాడు. అవును.. ఫోర్బ్స్‌ జాబితాలో ఆయన రెండో స్థానానికి దిగజారాడు. టెస్లా షేర్లు భారీగా పతనం కావడం, ట్విటర్‌ను 44 బిలియన్‌ డాలర్లతో కొనుగోలు చేసిన నేపథ్యంలో.. ఆయన సంపద కరిగిపోయి ఈ పరిణామం చోటు చేసుకుంది. అయితే.. ఎలన్‌ మస్క్‌ రెండో స్థానంలోకి చేరిన వేళ.. ప్రపంచంలో అత్యధిక ధనవంతుడిగా ఫ్రెంచ్‌ వ్యాపార దిగ్గజం బెర్నార్డ్ అర్నాల్ట్ నిలిచినట్లు ఫోర్బ్స్‌ ప్రకటించింది. అయితే ఈ పరిణామం మారడానికి ఎంతో టైం పట్టలేదు.  వ్యక్తిగత సంపదను పెంచుకుని మస్క్‌ మళ్లీ మొదటి స్థానానికి చేరుకున్నాడు. ఫోర్బ్స్‌ జాబితా ప్రకారం.. అర్నాల్ట్‌ సంపద విలువ 184.7 బిలియన్‌ డాలర్లు. అలాగే.. మస్క్‌ సంపద 185.4 బిలియన్‌ డాలర్లకు చేరుకుంది. ఈ లిస్ట్‌లో మూడో స్థానంలో భారత్‌కు చెందిన గౌతమ్‌ అదానీ మూడోస్థానంలో, జెఫ్‌ బెజోస్‌ ఐదవ స్థానంలో, వారెన్‌ బఫెట్‌ ఐదో స్థానంలో నిలిచారు. భారత్‌ నుంచి ముకేశ్‌ అంబానీ ఎనిమిదవ స్థానంలో కొనసాగుతున్నారు. ఇదిలా ఉంటే.. కిందటేడాది సెప్టెంబర్‌లో ప్రపంచంలో అత్యంత ధనికుడిగా ఉన్న అమెజాన్‌ వ్యవస్థాపకుడు జెఫ్‌ బెజోస్‌ను కిందకు నెట్టేసి.. ఎలన్‌ మస్క్‌ అగ్రస్థానంలో నిలిచాడు. అప్పటి నుంచి ఆయన అదే స్థానంలో కొనసాగుతూ వస్తున్నారు. ఈ ఏడాది మొదట్లో ఆయన సంపద ఏకంగా 200 బిలియన్‌ డాలర్లు దాటడం గమనార్హం.

ప్రముఖ బిలియనీర్‌ గౌతమ్‌ అదానీ మరో సరికొత్త రికార్డు సృష్టించారు. ఫోర్బ్స్‌ బిలియనీర్ల జాబితాలో అమెజాన్‌ ఫౌండర్‌ జెఫ్‌ బెజోస్‌ను అధిగమించారు. మూడు స‍్థానాన్ని కైవసం చేసుకున్నారు.    గత రెండు వారాలుగా అమెరికన్‌ స్టాక్‌ మార్కెట్‌ వాల్‌ స్ట్రీట్‌లో నమోదైన కంపెనీల షేర్ల కంటే..అదానీ కంపెనీల షేర్లు లాభాల పంట పండించాయి. వెరసీ సోమవారం నాటికి అదానీ సంపదలోకి మరో 314 మిలియన్‌ డాలర్లు వచ్చి చేరగా..ఆయన మొత్తం సంపద 131.9 బిలియన్‌ డాలర్లకు చేరింది. ఫోర్బ్స్‌ సంపన్నుల జాబితాలో ప్రముఖ ఫ్యాషన్‌ సంస్థ లూయిస్ విట్టన్ అధినేత బెర్నార్డ్ ఆర్నాల్ట్ 156.5 బిలియన్‌ డాలర్ల నికర సంపదతో రెండో స్థానంలో ఉన్నారు. బెర్నార్డ్‌ ఆర్నాల్ట్‌ తర్వాతి స్థానంలో అదానీ నిలిచారు.  అదానీకి కలిసొచ్చింది ఆర్ధిక పరమైన అంశాల్లో ఆర్‌బీఐ ఆచితూచి అడుగులు వేయడం, చమురు ధరలు తగ్గే అవకాశం ఉందన్న వార్తల నేపథ్యంలో మూడో వారంలో దేశీయ స్టాక్‌ సూచిలకు పై అంశాలు కలిసొచ్చాయి. సోమవారం దేశీయ స్టాక్‌ మార్కెట్‌లో షేర్లు భారీ లాభాలతో పరుగులు తీస్తున్నాయి. అదే సమయంలో అదానీ షేర్లు పుంజుకోవడం, ప్రపంచంలో ధనవంతుల జాబితాలో జెఫ్‌బెజోస్‌ను వెనక్కి నెట్టడం వెనువెంటనే జరిగిపోయాయి.    బెజోస్‌ షాక్‌.. అదానీ రాక్‌ గత గురువారం అమెజాన్‌ చరిత్రలో అత్యంత దారుణమైన రికార్డులు నమోదయ్యాయి. సెలవులు, షాపింగ్ సీజన్ ఉన్నప్పటికీ అమెజాన్‌. కామ్ సేల్స్‌ తగ్గిపోయాయి. దీంతో ఆ ఒక్కరోజే మార్కెట్‌ ముగిసే సమయానికి అమెజాన్‌ షేర్లు 21 శాతానికి క్షీణించడంతో ఫోర్బ్స్‌ బిలియనీర్స్‌ జాబితాలో జెఫ్‌ బెజోస్‌ తన ఉనికిని కోల్పోతుండగా అదానీ ఒక్కొక్కరిని దాటుకుంటూ వెళుతున్నారు.    స్టాక్‌ మార్కెట్‌లో గందర గోళం 126.9 బిలియన్‌ డాలర్ల సంపదతో ధనవంతుల జాబితాలో జెఫ్ బెజోస్‌ను అదానీ అధిగమించినప్పటికీ..ప్రపంచ ఈక్విటీ మార్కెట్లలో నెలకొన్న గందర గోళంతో ఫోర్బ్స్ జాబితాలోని ర్యాంకింగ్‌లు మారుతున్నాయి.     బిలియనీర్ల మ్యూజికల్‌ చైర్‌ గేమ్‌  స్టాక్ మార్కెట్ల పనితీరుతో బెర్నార్డ్ ఆర్నాల్ట్, జెఫ్ బెజోస్ సంపదలో మార్పులు చోటు చేసుకుంటున్నాయి. వాటి ఆధారంగా ఫోర్బ్స్‌ బిలియనీర్ల జాబితాలో గౌతమ్ అదానీ మారుతోంది. అయినప్పటికీ ఈ ముగ్గురు బిలయనీర్ల మధ్య వ్యత్యాసం సుమారు 30 బిలియన్‌ డాలర్లుగా ఉంది. ఇటీవలి వారాల్లో గౌతమ్ అదానీ, బెర్నార్డ్ ఆర్నాల్ట్, జెఫ్ బెజోస్ మధ్య మ్యూజికల్ చైర్‌ గేమ్ నడుస్తోంది. 2,3,4 ఇలా ధనవంతుల జాబితాల్లో వారి స్థానం కోసం పోటీపడుతున్నప్పటికీ ఎలాన్‌ మస్క్ మాత్రం 223.8 నికర సంపదతో ప్రపంచంలోనే అత్యంత ధనవంతుడిగా ప్రథమ స్థానంలో దూసుకెళ్తున్నారు.

గత రెండు సంవత్సరాలుగా భారత వ్యాపారవేత్త గౌతమ్‌ అదానీ దూకుడు మామూలుగా లేదు. అదానీ సంస్థలు కూడా ఎన్నడూ లేని విధంగా లాభాల బాట పడుతూ ఎందులోనూ తగ్గేదేలే అన్నట్లు దూసుకుపోతున్నాయి. తాజాగా ప్రపంచ కుబేరుల్లో గౌతమ్‌ అదానీ తన స్థానాన్ని ఎగబాకి నాలుగో స్థానానికి చేరుకున్నారు. అయితే ఈ ఏడాదిలోనే రికార్డు స్థాయిలో ఆయన ఆస్తుల విలువ పెరిగిన సంగతి తెలిసిందే. దీంతో ఫోర్స్బ్‌ ప్రకటించిన సంపన్నుల జాబితాలో మైక్రోసాఫ్ట్ సహ వ్యవస్థాపకుడు బిల్‌గేట్స్‌ను వెనక్కినెట్టి అదానీ నాలుగో స్థానానికి దూసుకెళ్లారు.   ఇటీవల బిల్‌ గేట్స్‌ 20 బిలియన్‌ డాలర్లను గేట్స్‌ ఫౌండేషన్‌కు విరాళమిస్తున్నట్లు ప్రకటించిన సంగతి తెలిసిందే. ఈ నిర్ణయం అనంతరం గేట్స్‌ ఒక స్థానం కోల్పోవాల్సి వచ్చింది. ఈ క్రమంలో అదాని 114 బిలియన్‌ డాలర్ల సంపదతో నాలుగో స్థానానికి ఎగబాకారు. ప్రపంచవ్యాప్తంగా ధనవంతుల విషయానికొస్తే.. అత్యధిక సంపాదన 230 బిలియన్ డాలర్లతో టెస్లా సీఈవో ఎలాన్ మస్క్ మొదటి స్థానంలో నిలవగా, రెండు, మూడు స్థానాల్లో బెర్నార్డ్ ఆర్నాల్డ్, అమెజాన్ అధినేత జెప్ బెజోస్ లు నిలిచారు. నాలుగో స్థానంలో గౌతమ్ అదాని నిలిచారు. రిలయన్స్‌ అధినేత ముఖేశ్‌ అంబానీ మాత్రం పదో స్థానంలో కొనసాగుతున్నారు. చదవండి: Go First Flights: గాల్లో ఉండగానే ఇంజన్‌ లోపాలు, ఒకేసారి రెండు విమానాల్లో

న్యూఢిల్లీ: అంతర్జాతీయంగా 2000 టాప్‌ కంపెనీల జాబితాలో దేశీ దిగ్గజం రిలయన్స్‌ ఇండస్ట్రీస్‌ 53వ ర్యాంకు దక్కించుకుంది. గతేడాదితో పోలిస్తే రెండు స్థానాలు ఎగబాకింది. 2022 సంవత్సరానికి గాను అగ్రశ్రేణి కంపెనీలతో రూపొందించిన ఈ జాబితాను ఫోర్బ్స్‌ మ్యాగజైన్‌ విడుదల చేసింది. అమ్మకాలు, లాభాలు, అసెట్లు, మార్కెట్‌ విలువ ఆధారంగా ఈ దిగ్గజాలకు ర్యాంకింగ్‌లు ఇచ్చినట్లు ఫోర్బ్స్‌ తెలిపింది. ఇందులో ప్రభుత్వ రంగ స్టేట్‌ బ్యాంక్‌ ఆఫ్‌ ఇండియా 105వ ర్యాంకు, హెచ్‌డీఎఫ్‌సీ బ్యాంక్‌ 153వ స్థానం, ఐసీఐసీఐ బ్యాంక్‌ 204వ ర్యాంకు దక్కించుకున్నాయి. 2021–22 ఆర్థిక సంవత్సరంలో రిలయన్స్‌ 104.6 బిలియన్‌ డాలర్ల ఆదాయం నమోదు చేసింది. తద్వారా 100 బిలియన్‌ డాలర్ల వార్షికాదాయాన్ని నమోదు చేసిన తొలి భారతీయ కంపెనీగా నిల్చిందని ఫోర్బ్స్‌ తెలిపింది. ‘గ్లోబల్‌ 2000 జాబితాలో రిలయన్స్‌ రెండు స్థానాలు ఎగబాకి 53వ ర్యాంకుకు చేరుకుంది. భారతీయ కంపెనీల జాబితాలో అగ్రస్థానంలో నిల్చింది. ఈ ఏడాది తొలినాళ్లలో రిలయన్స్‌ అధినేత సంపద విలువ 90.7 బిలియన్‌ డాలర్లుగా లెక్కించాం. తద్వారా ఈ ఏడాది టాప్‌ బిలియనీర్ల జాబితాలో ఆయన 10వ స్థానంలో నిల్చారు‘ అని వివరించింది. గ్లోబల్‌ 2000 జాబితాలో ఇన్వెస్ట్‌మెంట్‌ గురు వారెన్‌ బఫెట్‌కు చెందిన బెర్క్‌షైర్‌ హాథ్‌వే అగ్రస్థానంలో నిల్చింది. 2003లో ఫోర్బ్స్‌ ఈ లిస్టును ప్రకటించడం ప్రారంభించినప్పట్నుంచి బఫెట్‌ కంపెనీ నంబర్‌ వన్‌ స్థానంలో నిలవడం ఇదే ప్రథమం. ఇక గత తొమ్మిదేళ్లుగా అగ్రస్థానంలో ఉంటున్న ఇండస్ట్రియల్‌ అండ్‌ కమర్షియల్‌ బ్యాంక్‌ ఆఫ్‌ చైనా తాజా లిస్టులో రెండో స్థానంలో నిల్చింది. సౌదీ ఆరామ్‌కో, జేపీమోర్గాన్‌ చేజ్, చైనా కన్‌స్ట్రక్షన్‌ బ్యాంకు ఆ తర్వాత స్థానాల్లో ఉన్నాయి.   లిస్టులో చోటు దక్కించుకున్న ఇతర సంస్థలు.. ► ఓఎన్‌జీసీ (228 ర్యాంకు), హెచ్‌డీఎఫ్‌సీ (268), ఐఓసీ (357), టీసీఎస్‌ (384), టాటా స్టీల్‌ (407), యాక్సిస్‌ బ్యాంక్‌ (431) ఈ జాబితాలో ఉన్నాయి.   ► అపర కుబేరుడు గౌతమ్‌ అదానీకి చెందిన సంస్థలు ఈసారి లిస్టులో కొత్తగా చోటు దక్కించుకున్నాయి. అదానీ ఎంటర్‌ప్రైజెస్‌ (1,453 ర్యాంకు), అదానీ పోర్ట్స్‌ అండ్‌ స్పెషల్‌ ఎకనమిక్‌ జోన్‌ (1,568), అదానీ గ్రీన్‌ ఎనర్జీ (1,570) అదానీ ట్రాన్స్‌మిషన్‌ (1,705), అదానీ టోటల్‌  (1,746) వీటిలో ఉన్నాయి. అదానీ ఇటీవలే ప్రపంచంలోనే అత్యంత సంపన్నుల జాబితాలో వారెన్‌ బఫెట్‌ను అధిగమించి అయిదో స్థానం దక్కించుకున్నారు. ► చమురు, గ్యాస్, మెటల్స్‌ దిగ్గజం వేదాంత ఏకంగా 703 స్థానాలు ఎగబాకి 593వ ర్యాంకు దక్కించుకుంది. ► ఫోర్బ్స్‌ గ్లోబల్‌ 2000 లిస్టులో చోటు దక్కించుకున్న భారతీయ సంస్థల్లో అత్యధికంగా ఇంధన, బ్యాంకింగ్‌ రంగ కంపెనీలే ఉన్నాయి.

ఆయన తల్చుకుంటే.. బోడిగుండుపైన జుట్టు మొలిపించుకోవడం ఎంత సేపు? కానీ, ఆయనకది ఇష్టం లేదు. ఎందుకంటే.. సక్సెస్‌ అనేది లుక్కులో కాదు.. లక్కులో, హార్డ్‌ వర్క్‌లో ఉందని నమ్ముతున్నాడాయన. అందుకే గుండ్‌ బాస్‌గా పాపులర్‌ అయ్యాడు. ఆయనే అమెజాన్‌ ఫౌండర్‌ జెఫ్‌ బెజోస్‌.   జెఫ్‌ బెజోస్‌(58).. అమెజాన్‌ అనే ఈ-కామర్స్‌ కంపెనీతో సంచలనాలకు నెలవయ్యాడు. అమెజాన్‌ సీఈవో బాధ్యతల నుంచి పక్కకు జరిగాక.. సొంత స్పేస్‌ కంపెనీ బ్లూఆరిజిన్‌ మీదే ఆయన ఫోకస్‌ ఉంటోంది. అయితే గత కొంతకాలంగా ఆయనకు కలిసి రావడం లేదు. పెద్దగా లాభాలు రాకపోవడంతో.. ప్రపంచ కుబేరుల జాబితాలో అగ్రస్థానం నుంచి మూడో స్థానానికి పడిపోయారు ఆయన(ఫోర్బ్స్‌ లిస్ట్‌ ప్రకారం). ఈ తరుణంలో తాజా పరిణామాలు బెజోస్‌కి బాగా కలిసొచ్చాయి.  అమెజాన్‌ సీఈవో ఆండీ జెస్సీ అమెజాన్‌ ఆమధ్య ఈవీ కంపెనీ రివియన్‌లో పెట్టుబడులు పెట్టింది. అంతేకాదు ప్రైమ్‌ రేట్లను పెంచుతున్నట్లు ప్రకటించింది. దీంతో షేర్ల ధరలు ఒక్కసారిగా ఊపందుకున్నాయి. 15 శాతం పెరగ్గా.. అక్టోబర్‌ 2009 నుంచి ఇదే అధికం కావడం గమనార్హం. మరోవైపు అమెజాన్‌ కేవలం అడ్వర్‌టైజింగ్‌ బిజినెస్‌ల ద్వారా 31 బిలియన్‌ డాలర్లు సంపాదించుకోవడం గమనార్హం. ఈ దెబ్బతో బెజోస్‌ వ్యక్తిగత సంపద 20 బిలియన్‌ డాలర్లకు(మన కరెన్సీలో లక్షా నలభై వేల కోట్ల రూ.) పెరిగింది. ప్రస్తుతం ఈయన మొత్తం సంపద విలువ.. 164.8 బిలియన్‌ డాలర్లుగా ఉంది. ఒకవైపు ఫేస్‌బుక్‌ యూజర్ల ఎఫెక్ట్‌తో జుకర్‌బర్గ్‌ ఒక్కరోజులోనే 2.2 లక్షల కోట్ల రూపాయలు పొగొట్టుకున్న సంగతి తెలిసిందే. ఈ ఎఫెక్ట్‌తో రియల్‌ టైం బిలియనీర్ల జాబితాలో దిగజారిపోగా.. భారతీయ బిజినెస్‌ టైకూన్స్‌ ముకేష్‌ అంబానీ, గౌతమ్‌ అదానీలు జుకర్‌బర్గ్‌ కంటే పైస్థానాల్లోకి ఎగబాకడం తెలిసిందే. చదవండి: అపర కుబేరుడి పెద్ద మనసు.. భారీగా సొమ్ము దానం!

Elon Musk Wealth Drops 15billion Dollars as tech stocks plunge:  షేర్‌ మార్కెట్‌ పరిణామాలు.. ఎప్పుడు? ఎవరి తలరాతను ఎలా? మార్చేస్తాయో  ఊహించడం కష్టం. ఒక్కపూటలో కాసులు కురిపించి.. అదేటైంలో రోడ్డు మీదకు లాగేస్తుంది కూడా. ఐపీవో పరిణామాలైతే మరీ ఊహించని రేంజ్‌లో ఉంటున్నాయి. అయితే అపరకుబేరుల విషయంలో ఈ పరిణామాలన్నీ పెద్దగా అనిపించకపోయినా.. వాళ్ల ర్యాంకింగ్‌లను మాత్రం పైకి కిందకి మార్చేస్తుందన్నది ఒప్పుకోవాల్సిన విషయం.  ఈ తరుణంలో లక్ష కోట్లకుపైగా పొగొట్టుకున్నా ఆ అయ్యగారు.. ఇంకా నెంబర్‌ వన్‌ పొజిషన్‌లోనే కొనసాగుతున్నారు. ఇంతకీ ఈ అయ్యగారు ఎవరో కాదు.. స్పేస్‌ఎక్స్‌ అధినేత, అపరకుబేరుడి జాబితాలో మొదటి స్థానంలో ఉన్న ఎలన్‌ మస్క్‌.  శుక్రవారం అమెరికా ఈ-వెహికిల్స్‌ తయారీదారు కంపెనీ ‘టెస్లా’ షేర్లు భారీగా పతనం అయ్యాయి. ఈ పరిణామంతో ఏకంగా 15.2 బిలియన్‌ డాలర్ల సంపదను నష్టపోయాడు ఎలన్‌ మస్క్‌. ఈ విలువ మన కరెన్సీలో లక్ష కోట్ల రూపాయలకు పైనే. ఇదిగాక స్పేస్‌ఎక్స్‌ షేర్ల పతనంతో మరో బిలియన్‌ డాలర్లు(ఏడున్నర వేల కోట్ల రూపాయలకుపైనే) నష్టపోయాడు. మొత్తంగా ఒక్కరోజులోనే 16.2 బిలియన్‌ డాలర్ల(లక్షా నలభై వేల కోట్ల రూపాయలకు పైనే) నష్టంతో..  ప్రస్తుతం ఎలన్‌ మస్క్‌ సంపద విలువ 266.8 బిలియన్లుగా ఉంది. ఇక ఈ లిస్ట్‌లో మస్క్‌ మొదటి ప్లేస్‌లో ఉండగా.. రెండో ప్లేస్‌లో అమెజాన్‌ బాస్‌ జెఫ్‌ బెజోస్‌ ఉన్నాడు. 195.6 బిలియన్‌ డాలర్ల సంపదతో రెండో స్థానంలో కొనసాగుతున్నాడు ఈ బ్లూ ఆరిజిన్‌ బాస్‌. ఇక అమెజాన్‌ షేర్లు కూడా 1.20 శాతం పడిపోవడంతో.. 2.4 బిలియన్‌ డాలర్లు నష్టపోయాడు బెజోస్‌.  జాబితాలో బ్రిటిష్‌ బిలియనీర్‌ బెర్నార్డ్‌ ఆర్నాల్ట్‌ 187.5 బిలియన్‌ డాలర్లతో మూడో స్థానంలో, బిల్‌గేట్స్‌ (136.4 బిలియన్‌ డాలర్లు) నాలుగో ప్లేస్‌లో, లారీ పేజ్‌ (121.5 బిలియన్‌ డాలర్లు) ఐదో స్థానంలో కొనసాగుతున్నారు. ఒమిక్రాన్‌ ప్రభావంతో మార్కెట్లన్నీ పతనం దిశగా పయనిస్తుండగా.. ఫోర్బ్స్‌ టాప్‌ టెన్‌లో ఉన్న బిలియనీర్లంతా షేర్ల నష్టాలతో భారీగా సంపదను కోల్పోవడం విశేషం. ఎటు చూసినా టాపే దాదాపు ఐదేళ్ల తర్వాత టెస్లాలోని తన షేర్లను అమ్మేసుకున్నాడు ఎలన్‌ మస్క్‌. పైసా తీసుకోని జీతగాడిగా(జీరో శాలరీ) కేవలం టెస్లా షేర్లతోనే లాభాలు అందుకుంటున్న ఎలన్‌ మస్క్‌.. ఈ మధ్య 10 శాతం వాటా అమ్మేసుకుంటున్నట్లు ప్రకటించి ఆసక్తికర చర్చకు దారితీసిన విషయం తెలిసిందే. శుక్రవారం నాటి అమ్మకంతో 10.9 బిలియన్‌ డాలర్ల విలువైన 10.1 మిలియన్‌ షేర్లు అమ్మేసుకున్నాడు. ఇంకా దాదాపు ఏడు మిలియన్లు అమ్మేయాల్సి ఉంది. మరి మొత్తంగా తన వాటాగా ఉన్న 17 మిలియన్‌ షేర్లను వదులుకోవడం ద్వారా మస్క్‌ నష్టపోడా? బిలియనీర్‌ జాబితాలో కిందకి జారిపోడా? అనే అనుమానాలు చాలామందికే కలుగుతున్నాయి.  అయితే ఇక్కడ గమనించాల్సిన విషయం ఏంటంటే.. షేర్ల అమ్ముకోవడం ద్వారా కట్టాల్సిన ట్యాక్స్‌ నుంచి భారీ మినహాయింపు పొందాడు ఎలన్‌ మస్క్‌. పైగా ఈ అమ్మకాల ద్వారా వాటిల్లిన నష్టం(1,084 డాలర్లు) నుంచి తప్పించుకుని లాభపడ్డాడు కూడా!. ఇక ఈ ఏడాది మొదట్లో ఏకంగా 384 బిలియన్‌ డాలర్ల సంపదతో(266.8 బిలియన్లకు చేరుకుంది ప్రస్తుతం) రిచ్చెస్ట్‌ మ్యాన్‌గా అవతరించాడు ఎలన్‌ మస్క్‌. మరోవైపు స్పేస్‌ఎక్స్‌ నుంచి సుమారు 10 బిలియన్‌ డాలర్ల సంపదను పోగేశాడు. ఇదీగాక ఈ మధ్యే కేవలం స్పేస్‌ఎక్స్‌ సంపదే వంద బిలియన్ల డాలర్లకు చేరుకుంది. తాజా నివేదికల ప్రకారం.. ప్రపంచంలో రెండో అతిపెద్ద విలువైన ప్రైవేట్‌ కంపెనీగా స్పేస్‌ఎక్స్‌ అవతరించింది. ఇవిగాక భవిష్యత్తులో స్పేస్‌ టూరిజానికి ఉన్న డిమాండ్‌, నాసా లాంటి ఏజెన్సీలతో కాంటాక్ట్‌లు, శాటిలైట్‌ ఇంటర్నెట్‌ ‘స్టార్‌లింక్‌’ సేవలతో మస్క్‌ సంపద మరింతగా పెరిగే అవకాశాలే కనిపిస్తున్నాయి. ఈ లెక్కన ఎలా చూసుకున్నా అయ్యగారి నెంబర్‌ వన్‌స్థానానికి ఇప్పట్లో వచ్చిన నష్టమేమీ లేదని ఫోర్బ్స్‌ ఓ ఆసక్తికర కథనం ప్రచురించింది ఈ మధ్య. చదవండి: ట్విటర్‌ సీఈవో పరాగ్‌పై వివాదాస్పద ట్వీట్‌

టెస్లా అధినేత ఎలాన్‌ మస్క్‌, అమెజాన్‌ అధినేత జెఫ్‌ బెజోస్‌లు బిజినెస్‌ టైకూన్స్‌. ఫోర్బ్స్‌ తాజా గణంకాల ప్రకారం..ప్రపంచ అపర కుబేరుల జాబితాలో ఎలన్‌ మస్క్‌ మొదటిస్థానం,బెజోస్‌ రెండో స్థానాన్ని దక్కించుకున్నారు. సంపాదించడంలో ఒకరితో ఒకరూ పోటీ పడడమే కాదు..దానం చేసే విషయంలో ఏక్‌ నెంబర్‌ పిసునారులుగా ప్రసిద్దికెక్కారు.   ఫోర్బ్స్‌ సర్వేలో ఎలాన్‌ మస్క్‌, జెఫ్‌బెజోస్‌లకు డబ్బు విలువ తెలియడం చేత ఆచి తూచి ఖర్చు చేసినా...పొదుపు,ఆదాను మరీ పీక్‌లెవెల్స్‌కి తీసుకెళ్లి ఆల్‌టైమ్ పిసినారి కోటీశ్వరుల జాబితాలో చేరిపోయారు.అది ఎలా అంటారా? ఫోర్బ్స్‌ ఇటీవల ఓ సర్వే నిర్వహించింది. ఆ సర్వేలో ప్రపపంచ ధనవంతుల జాబితాలో ఉన్న వ్యక్తులు తమ జీవితకాలంలో ఎంత దానం చేశారనే విషయాన్ని నిర్ధారించే ప్రయత్నం చేసింది. అందులో ప్రైవేట్ ఫౌండేషన్‌లు, డోనర్‌ అడ్వైజ్‌ ఫండ్స్‌ (ఓ చారిటీ సంస్థకు తరుపు బ్యాంక్‌ అకౌంట్‌లలో డబ్బులు వేయడం, వాటి వినియోగం) ను పరిగణలోకి తీసుకోకుండా ధనవంతులు సంపాదించిన మొత్తం ఆస్తిని వాళ్లు దానం చేసిన మొత్తాన్ని డివైడ్‌ చేయగా వచ్చిన మొత్తాన్ని 1శాతం కంటే తక్కువ, 1శాతం - 5శాతం మధ్య, 5శాతం - 10శాతం మధ్య, 10శాతం -20శాతం మధ్య, 20శాతం లేదా అంతకంటే ఎక్కువ ఇలా ఐదు భాగాలుగా విభజించింది. ఇందులో సగటు ఒక అమెరికా పౌరుడు కుటుంబం అంతా జీవిత కాలంలో చేసే దానం కంటే ఎలాన్‌ మస్క్‌, జెఫ్‌బెజోస్‌లు ఇప్పటి వరకు చేసిన దానం చాలా తక్కువని తేలింది. అపర కుబేరులే కానీ ఏక్‌ నెంబర్‌ పిసినారులు  సగటు ఒక అమెరికన్ కుటుంబం వారి జీవితం మొత్తంలో నికర విలువ  దాదాపు $ 120,000 డాలర్లు ఉంటే...అందులో స్వచ్ఛంద సంస్థకు $1,200 ఇస్తే బెజోస్ - మస్క్ ఇచ్చేది చాలా తక్కువని ఫోర్బ్స్ అంచనా వేసింది. ఈ ఏడాది  బిలియనీర్ల జాబితాలో ఉన్న 400 మందిలో కేవలం 19 మంది మాత్రమే తమ సంపదలో 10శాతం లేదా అంతకంటే ఎక్కువ మొత్తాన్ని ఇచ్చారు. రికార్డ్‌ స్థాయిలో 156 మంది 1శాతం కంటే తక్కువ ఇచ్చారు. వారిలో బెజోస్- ఎలాన్‌ మస్క్‌లు కూడా ఉన్నారు.జెఫ్‌ బెజోస్‌ మాజీ భార్య మెక్‌కెంజీ తన సంపదలో 13శాతం దానం ఇవ్వడం మరింత ఆసక్తి కరంగా మారింది. చదవండి: దుల్కర్ సల్మాన్ సినిమాను మించిన సీన్‌..5 ఏళ్లలో..

అపర కుబేరుల రేసు ఆసక్తికరమైన మలుపు తిరిగింది. బిజినెస్‌ టైకూన్‌ ఎలన్‌ మస్క్‌  రెండో స్థానం నుంచి మళ్లీ మొదటి ప్లేస్‌కు వచ్చేశాడు. వారం క్రితం  ఫోర్బ్స్‌ విడుదల చేసిన బిలియనీర్ల జాబితాలో మస్క్‌ రెండో ప్లేస్‌లో నిలిచిన సంగతి తెలిసిందే. అయితే టెస్లా స్టాక్‌ ధరలు ఒక్కసారిగా పెరగడంతో మస్క్‌ ఒక్కసారిగా  టాప్‌ పొజిషన్‌లో దూసుకొచ్చాడు.    ఈ ఏడాది ఫిబ్రవరిలో హయ్యెస్ట్‌ పాయింట్‌కు రీచ్‌ అయిన టెస్లా షేర్ల ధరలు.. ఇప్పుడు మళ్లీ పుంజుకున్నాయి. సోమవారం 2.2 శాతం పెరుగుదలతో 791.36 డాలర్ల వద్ద మార్కెట్‌ ముగిసింది. దీంతో సోమవారం నాటికల్లా మస్క్‌ సంపాదనను లెక్కలోకి తీసుకున్న తర్వాత టాప్‌ బిలియనీర్‌గా నిర్ధారించారు. సంపద విలువ 3.8 బిలియన్‌ డాలర్ల పెరగుదల కారణంగా.. మస్క్‌ మొత్తం సంపద విలువ 203.4 బిలియన్‌ డాలర్లకు చేరుకుంది. దీంతో జెఫ్‌ బెజోస్‌ను దాటేసి మొదటి స్థానానికి చేరాడు ఎలన్‌ మస్క్‌. తాజా గణంకాల ప్రకారం..  ప్రపంచ అపర కుబేరుల జాబితాలో ఎలన్‌ మస్క్‌ మొదటిస్థానం, బెజోస్‌ రెండు, బెర్నార్డ్ ఆర్నాల్ట్ మూడు, బిల్‌గేట్స్‌ నాలుగు, మార్క్‌ జుకర్‌బర్గ్‌ ఐదో స్థానంలో కొనసాగుతున్నారు. ప్రధానంగా అంతరిక్ష పరిశోధనలు, ప్రయోగాల ద్వారా బెజోస్‌, మస్క్‌ల మధ్య వైరం నడుస్తున్న సంగతి తెలిసిందే.  చదవండి: మీకు భూమ్మీది సమస్యలు కనడడం లేదా?.. బిల్‌గేట్స్ ఫైర్‌ ఇదిలా ఉంటే గత కొంతకాలంగా అమెజాన్‌ షేర్లు మార్కెట్‌లో పెద్దగా ప్రభావం చూపలేకపోతున్నాయి. దీనికితోడు తాజాగా అమెజాన్‌ స్టాక్‌ 0.6 శాతం పడిపోవడంతో బెజోస్‌ సంపద విలువ 197.7 బిలియన్‌ డాలర్లకు చేరుకుంది. ఇక్కడ చెప్పుకోదగ్గ మరో విశేషం ఏంటంటే.. ఈ ఏడాది జనవరిలో టెస్లా వ్యాపారం తారాస్థాయిలో జరిగింది. అయినప్పటికీ అప్పటికంటే ఇప్పుడే మస్క్‌ సంపద బాగా పెరగడం.   టెస్లా విలువ 792 బిలియన్‌ డాలర్లుకాగా, స్పేస్‌ ఎక్స్‌ 74 బిలియన్‌ డాలర్లు ఉంది. ఈ ఏప్రిల్‌లో ఈక్విటీ ఫండింగ్‌ ద్వారా 1.16 బిలియన్‌ డాలర్లు సేకరించగలిగింది. ఇదిలా ఉంటే ఒక్క 2020లోనే మస్క్‌ సంపాదన 720 శాతం పెరిగి.. 125 బిలియన్‌ డాలర్లను తెచ్చిపెట్టింది.    ► 200 బిలియన్‌ డాలర్ల సంపదను టచ్‌ చేసిన మూడో బిలియనీర్‌.  ► ఇంతకు ముందు ఈ రికార్డు జెఫ్‌ బెజోజ్‌, బెర్నార్డ్‌ ఆర్నాల్ట్‌ ఈ ఫీట్‌ దక్కించుకున్నారు.   ► అమెజాన్‌ ఓనర్‌ బెజోస్‌ కిందటి ఏడాది ఆగస్టులో ఈ ఫీట్‌ సాధించగా.. ఫ్రాన్స్‌కు చెందిన ఫ్యాషన్‌&రిటైల్‌ ఎల్‌వీఎమ్‌హెచ్‌ కంపెనీ ఓనర్‌​ బెర్నార్డ్ ఆర్నాల్డ్‌ కిందటి నెలలోనే ఈ ఘనత దక్కించుకున్నాడు. ► ఇదే ఊపుగనుక కొనసాగితే 2025 నాటికి తొలి ట్రిలియనీర్‌(300 బిలియన్‌ డాలర్లు) ఘనతను మస్క్ సాధించే అవకాశం ఉందని విశ్లేషకులు భావిస్తున్నారు.   చదవండి: ఫోర్బ్స్‌ లిస్ట్‌లో ముకేష్‌ అంబానీ.. విలువెంతో తెలుసా?

న్యూజెర్సీ: 2021-22 సీజన్‌కు గాను ప్రపంచంలో అత్యధిక పారితోషికం అందుకుంటున్న క్రీడాకారుల జాబితాను ఫోర్బ్స్‌ సంస్థ తాజాగా విడుదల చేసింది. ఈ జాబితాలో పోర్చుగల్‌ స్టార్‌ ఫుట్‌బాలర్‌ క్రిస్టియానో రొనాల్డొ అత్యధికంగా ఏడాదికి 922 కోట్లు(125 మిలియన్‌ డాలర్లు) అర్జిస్తూ టాప్‌లో నిలిచాడు. ఇటీవలే జువెంటస్‌ క్లబ్‌ను వదిలి మాంచెస్టర్‌ యునైటెడ్‌కు బదిలీ అయిన సీఆర్‌7.. అర్జెంటీనా స్టార్‌ ఫుట్‌బాలర్‌ లియోనల్‌ మెస్సీ(811 కోట్లు)ని రెండో స్థానానికి నెట్టి టాప్‌ ప్లేస్‌కు చేరుకున్నాడు.  జీతభత్యాల ద్వారా 70 మిలియన్‌ డాలర్లు పొందే రొనాల్డొ.. కమర్షియల్‌ డీల్స్‌ రూపేనా మరో 55 మిలియన్‌ డాలర్లు జేబులో వేసుకుంటున్నాడు. మరోవైపు రొనాల్డొ సమవుజ్జీ అయిన మెస్సీ.. జీతం ద్వారా 75 మిలియన్‌ డాలర్లు, ఇతర ఎండార్స్‌మెంట్ల రూపేనా మరో 35 మిలియన్‌ డాలర్లు అర్జిస్తున్నాడు. ఈ జాబితాలో వీరిద్దరి తర్వాతి స్థానాల్లో బ్రెజిల్‌ స్టార్‌ ఫుట్‌బాలర్‌ నెయ్‌మార్‌(95 మిలియన్‌ డాలర్లు), టెన్నిస్‌ దిగ్గజం రోజర్‌ ఫెదరర్‌(90 మిలియన్‌ డాలర్లు), ప్రొఫెషనల్‌ బాస్కెట్‌బాల్‌ ప్లేయర్‌ లెబ్రాన్‌ జేమ్స్‌(65 మిలియన్‌ డాలర్లు), ప్రముఖ గోల్ఫ్‌ క్రీడాకారుడు టైగర్‌ వుడ్స్‌(70 మిలియన్‌ డాలర్లు) ఉన్నారు.  చదవండి: ఇంగ్లండ్‌ క్రికెటర్‌ సంచలన నిర్ణయం.. మరో దేశానికి వలస

ఫోర్బ్స్ 2021 సంవత్సరం అత్యంత ధనవంతుల జాబితాను తాజాగా విడుదల చేసింది. ఈ ప్రపంచ కుబేరుల జాబితాలో ముఖేష్ అంబానీ 10వ స్థానంలో నిలిచారు. ప్రపంచంలో టాప్ 10 బిలియనీర్స్‌ జాబితాలో ఆసియా నుంచి చోటు సంపాదించకున్న ఏకైక వ్యక్తి రిలయెన్స్ ఇండస్ట్రీస్ లిమిటెడ్ ఛైర్మన్ ముఖేష్ అంబానీ. ఫోర్బ్స్ రియల్ టైమ్ బిలియనీర్ల జాబితా ప్రకారం 84.5 బిలియన్ డాలర్ల నికర విలువతో ముఖేష్ అంబానీ 10వ స్థానంలో ఉన్నారు. ఈ జాబితాలో వరుసగా నాలుగో సంవత్సరం కూడా అమెజాన్ అధిపతి జెఫ్ బెజోస్ ప్రపంచంలోనే అత్యంత ధనవంతుడిగా తన స్థానాన్ని నిలబెట్టుకున్నారు. జెఫ్ బెజోస్ ఆస్తుల నికర విలువ 177 బిలియన్ డాలర్లు.  ఇక రెండవ స్థానంలో టెస్లా యజమాని ఎలోన్ మస్క్ 151 బిలియన్ డాలర్లతో రెండో స్థానంలో నిలిచారు. ప్రముఖ లగ్జరీ గూడ్స్‌ లూయిస్ విట్టన్ మోయెట్ హెన్నెస్సీ (ఎల్‌వీఎమ్‌హెచ్‌) కంపెనీ అధినేత బెర్నార్డ్‌ ఆర్నాల్డ్‌ 150 బిలియన్ డాలర్ల నికర విలువతో మూడో స్థానంలో ఉన్నారు. బిల్ గేట్స్ 124 బిలియన్ డాలర్ల నికర విలువతో ఈ జాబితాలో నాల్గవ స్థానంలో ఉన్నారు. ఆ తర్వాత ఫేస్ బుక్ అధినేత 97 బిలియన్ డాలర్లతో 5వ స్థానంలో నిలిచారు. ప్రస్తుతం ప్రపంచంలో నలుగురు ధనవంతులు మాత్రమే 100 బిలియన్ డాలర్లకు పైగా నికర విలువ కలిగి ఉన్నారు.(చదవండి: ఎన్‌హెచ్‌ఏఐ ఒక "బంగారు గని": నితిన్ గడ్కరీ) ఫోర్బ్స్ ప్రకారం, క్రిప్టోకరెన్సీ & స్టాక్ ధరలు ఈ ఏడాది ఆకాశాన్నంటాయి. ఫలితంగా ఫోర్బ్స్ ప్రపంచంలో 35 మంది ధనవంతుల జాబితా పెరిగింది. గత ఏడాది 2020 జాబితాలో 8 ట్రిలియన్ డాలర్ల నుంచి 5 ట్రిలియన్ డాలర్లు పెరిగి మొత్తం 13.1 ట్రిలియన్ డాలర్లుకు చేరుకుంది. ఈ ఏడాది ఫోర్బ్స్ బిలియనీర్ల జాబితాలో 493 మంది కొత్త వ్యక్తులు స్థానం సంపాదించుకున్నారు. ప్రపంచ బిలియనీర్స్ టాప్-10 జాబితాలో ఆరుగురు వ్యక్తులు టెక్నాలజీ రంగానికి చెందిన వారు కావడం విశేషం. ఫోర్బ్స్ వరల్డ్ రిచెస్ట్ బిలియనీర్స్ లిస్ట్ 2021: RANK NAME NET WORTH COUNTRY / TERRITORY SOURCE INDUSTRY 1 జెఫ్ బెజోస్ $177 బిలియన్లు అమెరికా  అమెజాన్ టెక్నాలజీ 2 ఎలోన్ మస్క్ $151 బిలియన్లు అమెరికా టెస్లా, స్పేస్ ఎక్స్ ఆటోమొబైల్ 3 బెర్నార్డ్ ఆర్నాల్ట్ $150 బిలియన్లు ఫ్రాన్స్  ఎల్‌వీఎమ్‌హెచ్‌ ఫ్యాషన్  & రిటైల్  4 బిల్ గేట్స్ $124 బిలియన్లు అమెరికా మైక్రోసాఫ్ట్ టెక్నాలజీ 5 మార్క్ జుకర్ బర్గ్ $97 బిలియన్లు అమెరికా ఫేస్ బుక్ టెక్నాలజీ 6 వారెన్ బఫెట్ $96 బిలియన్లు అమెరికా బెర్క్ షైర్ హాత్ వే ఫైనాన్స్  7 లారీ ఎల్లిసన్ $93 బిలియన్లు అమెరికా ఒరాకిల్ టెక్నాలజీ 8 లారీ పేజ్ $91.5 బిలియన్లు అమెరికా గూగుల్ టెక్నాలజీ 9 సెర్జీ బ్రిన్ $89 బిలియన్లు అమెరికా గూగుల్ టెక్నాలజీ 10 ముఖేష్ అంబానీ $84.5 బిలియన్లు భారత్  రిలయన్స్     రిటైల్  

న్యూయార్క్‌: భారత సంతతికి చెందిన ఐదుగురు మహిళలకు అరుదైన గౌరవం దక్కింది. యూఎస్ రిచెస్ట్ సెల్ఫ్ మేడ్ ఉమెన్ పేరుతో తాజాగా విడుదల చేసిన ఫోర్బ్స్ జాబితాలో ఇండో అమెరికన్ మహిళలు స్థానం సంపాదించారు. ఈ జాబితాలో.. అరిస్టా నెట్‌వర్క్ సీఈఓ జయశ్రీ ఉల్లాల్ 1.7బిలియన్ డాలర్ల ఆస్తులతో 16వ స్థానంలో నిలవగా.. సింటెల్ ఐటీ కంపెనీ సహ వ్యవస్థాపకురాలు నీర్జా సేథి.. 1 బిలియన్ డాలర్ల విలువైన ఆస్తులతో 26వ స్థానంలో నిలిచారు.  కాన్ఫ్లుయెంట్స్ సంస్థ సహ వ్యవస్థాపకురాలు నేహా నార్ఖడే 925 మిలియన్ డాలర్లు, జింగో బయోవర్క్స్ సహ వ్యవస్థాపకురాలు రేష్మా శెట్టి 750 మిలియన్ డాలర్ల ఆస్తులతో వరుసగా 29, 39వ స్థానాల్లో నిలిచారు. పెప్సికో సంస్థ సీఈఓగా విధులు నిర్వర్తిస్తున్న ఇంద్ర నూయి.. 290 మిలియన్ డాలర్ల ఆస్తులతో ఫోర్బ్స్ జాబితాలో 91వ స్థానంలో నిలిచారు. 

ప్రపంచ కుబేరుల జాబితాలో తాజాగా మొదటి స్థానం నుంచి జెఫ్‌బెజోస్‌ వైదొలిగాడు. కొత్తగా ప్రపంచ నెంబర్‌ వన్‌ సంపన్నుడిగా ప్రముఖ లగ్జరీ గూడ్స్‌ లూయిస్ విట్టన్ మోయెట్ హెన్నెస్సీ(ఎల్‌వీఎమ్‌హెచ్‌) కంపెనీ అధినేత బెర్నార్డ్‌ ఆర్నాల్డ్‌  అవతరించాడు.  ఫోర్బ్స్ విడుదల చేసిన రియల్ టైమ్ బిలియనీర్స్ జాబితా ప్రకారం ఆర్నాల్ట్ మొత్తం నికర ఆస్తుల విలువ 198.9 బిలియన్ డాలర్లుగా అంచనా వేయబడింది. ప్రపంచంలోనే అత్యంత సంపన్నుడిగా రెండో స్థానంలో జెఫ్‌ బెజోస్‌ 194.9 బిలియన్‌ డాలర్లతో కొనసాగుతున్నాడు. స్పెస్‌ ఎక్స్‌, టెస్లా అధినేత ఎలన్‌ మస్క్‌ 185. 5 బిలియన్ల డాలర్లతో మూడో స్థానంలో నిలిచాడు. ఆర్నాల్ట్ అంతకు ముందు డిసెంబర్ 2019, జనవరి 2020,  మే 2021 లో ప్రపంచంలోనే అత్యంత ధనవంతుడిగా నిలిచాడు. తాజాగా మరోసారి ప్రపంచంలోనే అత్యంత సంపన్నుడిగా అవతరించాడు.  ఎల్‌వీఎమ్‌హెచ్‌ కంపెనీ ఈ ఏడాది మొదటి త్రైమాసికంలో 14 బిలియన్‌ యూరోలను ఆర్జించాడు. ఆ సమయంలో ఆర్నాల్డ్‌ ఎలన్‌ మస్క్‌ స్థానాన్ని దాటాడు. గత ఏడాది పోలిస్తే 38 శాతం మేర ఆర్నాల్డ్‌ అధికంగా ఆర్జించాడు. ఎల్‌వీఎమ్‌హెచ్‌ కంపెనీ ప్రపంచవ్యాప్తంగా 70 బ్రాండ్‌లను కలిగింది. లూయిస్‌ విట్టన్‌, సెఫోరా, టిఫనీ అండ్‌ కో, స్టెల్లా, మాక్కార్ట్నీ, గూచీ, క్రిస్టియన్‌ డియోర్‌, గివెన్చీ బ్రాండ్‌లను కలిగి ఉంది. 

న్యూఢిల్లీ:  ఫోర్బ్స్ ప్రకటించిన ప్రపంచ కుబేరుల జాబితాలో భారతీయ ప్రముఖ వ్యాపార వేత్త గౌతమ్‌ అదానీకి చోటు దక్కింది.  తాజాగా ప్రకటించిన జాబితాలో అదానీకి టాప్‌-20లో స్థానం లభించింది. అదానీ గ్రూపుకు చెందిన వివిధ రంగాల షేర్లు ఈ ఏడాది(2021)లో అమాంతం పెరగడంతో అతని సంపదన కూడా అదే రీతిన పెరిగింది. ఫలితంగా  టాప్‌ 20లో స్థానం దక్కించుకున్న రెండో భారతీయునిగా తన పేరుని నమోదు చేసుకున్నాడు. రిలయన్స్ సంస్థ అధినేత‌ ముఖేష్‌‌‌ అంబానీ తరువాత టాప్‌-20లో చోటు దక్కించుకున్న రెండో భారతీయునిగా ఆయన గుర్తింపు పొందారు. అదానీ గ్రూపుకు ఓడరేవులు, విమానాశ్రయాలు, బొగ్గు గనులు, పవర్‌ ప్లాంట్లు వంటి వివిధ రంగాల్లో వ్యాపారాలున్నాయి. ఇటీవల సాంకేతిక రంగంలోనూ అదానీ గ్రూప్‌ అడుగుపెట్టింది. ఈ సంవత్సరం అదానీ టోటల్ గ్యాస్ లిమిటెడ్ షేర్లు 96 పెరిగితే ప్రధానమైన అదానీ ఎంటర్‌ప్రైజెస్‌ షేర్లు 90 శాతం పురోగతి సాధించింది. ఇలా పలు రంగాలల్లో ఆయన రాణిస్తున్నారు. ఇక  2020లో 16.2 బిలియన్‌ డాలర్లగా ఉండే అదానీ సంపద ప్రస్తుతం 59 బిలియన్ల డాలర్లకు చేరింది. ఇటీవలే ఎలన్‌ మస్క్‌, జెఫ్ బెజోస్‌ కంటే అదానీ 2021లో ఎక్కువ సంపాదించిన వ్యక్తిగా వార్తల్లోకెక్కారు. బ్లూమ్‌బెర్గ్ బిలియనీర్స్ ఇండెక్స్ ప్రకారం..అదానీ నికర విలువ 2021లో 16.2 బిలియన్ డాలర్లు పెరిగి 50 బిలియన్ డాలర్లకు చేరుకుంది. దీనితో ఈ ఏడాదిలో అత్యధికంగా సంపాదించే వ్యక్తిగా నిలిచారు. అదానీ గ్రూప్‌కు చెందిన షేర్లు ఒకటి మినహా మిగిలిన అన్నీ షేర్ల ధరలు 50 శాతం మేర పెరగడంతో అదానీ సంపాదన 2021లో ఈ స్థాయిలో పెరిగింది. ( చదవండి: హైదరాబాద్‌లో ఇళ్ల ధరలు పెరిగాయ్ ) 

స్టార్స్‌ని సినిమాలోకి తీసుకుంటే, ప్రేక్షకుల్ని వాళ్లు థియేటర్‌కి రప్పించగలుగుతారు అంటారు. సార్ట్స్‌ చిన్నితెరపై దర్శనమిచ్చినా ప్రేక్షకులకు పండగే. స్టార్స్‌ క్రేజ్‌ అలాంటిది. ఆ క్రేజ్, వాళ్ల సంపాదన ఎప్పుడూ ఆశ్చర్యపరిచే టాపిక్కే. ప్రతి ఏడాది ఎవరెంత సంపాదిస్తున్నారు అని ఓ జాబితాను విడుదల చేస్తుంది ఫోర్బ్స్‌ మ్యాగజీన్‌. ఈ ఏడాది హాలీవుడ్‌ హీరోయిన్లు సంపాదన గురించి ఈ పత్రిక ఒక జాబితా విడుదల చేసింది. మరి.. ఏయే నటీమణి ఎంత ‘మనీ’ సంపాదిస్తున్నారో చూద్దాం. ‘మోడ్రన్‌ ఫ్యామిలీ’ టీవీ సిరీస్‌ స్టార్‌ సోఫియా వెర్గారా అత్యధికంగా సంపాదిస్తున్న నటీమణుల్లో మొదటి వరుసలో ఉన్నారు. 43 మిలియన్‌ డాలర్స్‌ ఆర్జిస్తూ ఆమె మొదటి వరుసలో ఉన్నారు. 43 మిలియన్లు అంటే మన కరెన్సీలో సుమారు 315 కోట్లు. ఆమె తర్వాతి స్థానంలో ఏంజెలినా జోలీ ఉన్నారు. సుమారు 35.5 మిలియన్లు (దాదాపు 256 కోట్లు) సంపాదిస్తున్నారు జోలీ. మూడో స్థానాన్ని గాల్‌ గాడోట్‌ సంపాదించారు. ఆమె సంపాదన 31 మిలియన్లు. ఆ తర్వాత మెలిసా మెకార్తీ (25 మిలియన్‌ డాలర్లు), మెరిల్‌ స్ట్రీప్స్‌ ( 24 మిలియన్‌ డాలర్లు), ఎమీలా బ్లంట్‌ (22.5 మిలియన్‌ డాలర్లు), నికోల్‌ కిడ్‌మన్‌ (22 మిలియన్‌ డాలర్లు), ఎలెన్‌ పోంపీ (19 మిలియన్‌ డాలర్లు), ఎలిజిబెత్‌ మోస్‌ (16 మిలియన్‌ డాలర్లు), వోయిలా డేవిస్‌ (15.5 మిలియన్‌ డాలర్లు)తో టాప్‌ టెన్‌లో ఉన్నారు. సాధారణంగా సినిమాల ద్వారా ఎక్కువ ఆర్జించడం చూస్తుంటాం. కానీ ఈ ఏడాది టాప్‌లో ఉన్న సోఫియా వెర్గారా సంపాదన భారీగా ఉండటానికి కారణం ప్రధానంగా రెండు పాపులర్‌ టీవీ షోలు కావడం విశేషం. మార్వెల్‌ నిర్మాణ సంస్థ తెరకెక్కిస్తున్న ‘ది ఎటర్నల్స్‌’ కోసం భారీ పారితోషికం అందుకున్నారు ఏంజెలినా జోలీ. ఆమె ఆదాయంలో ఎక్కువ శాతం ఈ సినిమా నుంచే వచ్చిందని టాక్‌. సాధారణంగా ప్రతీ ఏడాది సినిమాలు ఎక్కువ చేసే స్టార్స్‌ అత్యధికంగా సంపాదిస్తున్నవారి జాబితాలో కనిపిస్తారు. కానీ ఈ ఏడాది టీవీ స్టార్స్‌ కూడా ఈ జాబితాలో కనిపించడం విశేషం. ఎలెన్‌ పోంపీ, ఎలిజిబెత్‌ మోస్, వోయిలా డేవిస్‌ టీవీ స్టార్సే. సినిమా విడుదలలు ఏమీ లేకపోవడం, కొత్త సినిమా ప్రాజెక్ట్స్‌ ప్రకటించకపోవడం వల్ల చిన్నితెర స్టార్స్‌ సంపాదన పెరిగిందని హాలీవుడ్‌ మీడియా పేర్కొంది.

అక్షయ్‌ కుమార్‌... బాలీవుడ్‌ మోస్ట్‌ బ్యాంకబుల్‌ స్టార్‌. హిందీ బాక్సాఫీస్‌కి దొరికిన అక్షయ పాత్ర. నిర్మాతల పాలిట బంగారు గని. 3 సినిమాలు 6 యాడ్స్‌తో అక్షయ్‌ ఎప్పుడూ బిజీ బిజీ. ఈ బిజినెస్‌ వల్లే ఆయన బిజినెస్‌ వందల కోట్లు. ఫోర్బ్స్‌ పత్రిక ప్రకారం అత్యధిక పారితోషికం అందుకుంటున్న వాళ్లలో భారతీయ సినిమా పరిశ్రమ నుంచి అక్షయ్‌ ఒక్కరే కావడం విశేషం. గత రెండేళ్లుగా ఆ జాబితాలో నిలిచింది అక్షయ్‌ ఒక్కరే. రెండొందలతో ప్రయాణం ప్రారంభించారు అక్షయ్‌. ప్రస్తుతం అక్షయ్‌ ఏడాదికి ఆర్జిస్తుంది 350 కోట్లు పైనే. ఆయన జర్నీ పై స్పెషల్‌ స్టోరీ. ఫోర్బ్స్‌ మ్యాగజీన్‌ ప్రతి ఏడాది ప్రపంచవ్యాప్తంగా అత్యధిక పారితోషికం అందుకుంటున్న నటీనటుల జాబితాను విడుదల చేస్తుంది. ఈ ఏడాది ఆ జాబితాలో బాలీవుడ్‌ నటుడు అక్షయ్‌ కుమార్‌ ఒక్కరే ఉన్నారు. సుమారు 48.5 మిలియన్ల సంపాదనతో 6వ స్థానం దక్కించుకున్నారు. అంటే మన రూపాయిల్లో సుమారు 360 కోట్లు. ఈ జాబితాలో హాలీవుడ్‌ నటుడు డ్వెన్‌ జాన్సన్‌ 87.5 మిలియన్ల సంపాదనతో మొదటి స్థానంలో ఉన్నారు. ఆ తర్వాత ర్యాన్‌ రొనాల్డ్స్‌ (71.5 మిలియన్లు), మార్క్‌ వాల్‌ బెర్గ్‌ (58 మిల్లియన్లు) బెన్‌ అఫ్లిక్‌ (55 మిలియన్లు), విన్‌ డీజిల్‌ (54 మిలియన్లు) మొదటి ఐదు స్థానాల్లో ఉన్నారు. అక్షయ్‌ కుమార్‌ తర్వాత లిన్‌ మానుల్‌ మిరండా, విల్‌ స్మిత్, ఆడమ్‌ సాండ్లర్, జాకీ చాన్‌ మిగతా స్థానాల్లో ఉన్నారు. ఈ జాబితాను 1 జూన్‌ 2019 నుంచి 1 జూన్‌ 2020 ఆధారంగా చేశారు. అలాగే ఈ సంపాదనను ప్రీ– టాక్స్‌ గా నమోదు చేశారు. అంటే ఈ నటీనటులు తమ టీమ్‌ (ఏజెంట్స్, మేనేజర్‌ లు, లాయర్లు,)కి చెల్లించేది మినహాయించకుండా వీరి సంపాదన ఇంత అని అర్థం. వెయిటర్‌ టు యాక్టర్‌ బాలీవుడ్‌కి అక్షయ్‌ కుమార్‌ ప్రయాణం అంత సులువుగా ఏం సాగలేదు. సినిమా ప్రపంచంలోకి అడుగుపెట్టకముందు రకరకాల ఉద్యోగాలు చేశారు. వివిధ దేశాలు తిరిగారు. రాజీవ్‌ హరి ఓం భాటియాగా అక్షయ్‌ మధ్య తరగతి కుటుంబంలో జన్మించారు. సినిమాల్లోకి వచ్చిన తర్వాత అక్షయ్‌ కుమార్‌ గా మారారు. చిన్నప్పటి నుంచి చదువు పై పెద్ద శ్రద్ధ లేదని చాలా సందర్భాల్లో ఆయనే చెప్పారు. 12 పూర్తవ్వగానే చిన్న చిన్న ఉద్యోగాలు చేయడం మొదలుపెట్టారు అక్షయ్‌. ఆ సమయంలో బ్యాంకాక్‌ వెళ్లి మార్షల్‌ ఆర్ట్స్‌ నేర్చుకున్నారు. అక్కడే కొన్ని రోజులు వెయిటర్‌గానూ  పని చేశారు. బ్యాక్‌ టు ముంబై బ్యాంకాక్‌ లో నాలుగైదేళ్లు ఉన్న తర్వాత ముంబైకి తిరిగి వచ్చేశారు అక్షయ్‌. మళ్లీ ముంబైలో చిన్నా చితక ఉద్యోగాలు చేశారు. జేబులో 200 రూపాయిలతో ముంబైలో గడిపిన రోజులున్నాయి అని చాలా సందర్భాల్లో అక్షయ్‌ తెలిపారు. తర్వాత కొన్ని రోజులు బంగ్లాదేశ్‌ లోనూ ఉన్నారు. మార్షల్‌ ఆర్ట్స్‌ టీచర్‌ టు మోడల్‌ తాను నేర్చుకున్న మార్షల్‌ ఆర్ట్స్‌ ద్వారానే కొన్ని రోజులు ఉపాధి పొందారు. అలా కొన్ని రోజులు పాటు పిల్లలకు మార్షల్‌ ఆర్ట్స్‌ నేర్పిస్తూ ఉన్నారు. అనుకోకుండా అక్షయ్‌ స్టూడెంట్స్‌లో ఒకరి తండ్రి అక్షయ్‌కు మోడల్‌గా అవకాశం చూపించారు. జయేష్‌ సేథ్‌ అనే ఫోటోగ్రాఫర్‌ దగ్గర సుమారు 18 నెలలు అసిస్టెంట్‌ గా పని చేశారు. అలా ఆయన  జయేష్‌ దగ్గరే ఫ్రీగా పోర్ట్‌ ఫోలియో షూట్‌ చేయించుకోగలిగారు. మోడల్‌గా చిన్న చిన్న ప్రాజెక్ట్స్‌ చేశారు అక్షయ్‌. మార్షల్‌ ఆర్ట్స్‌ ద్వారా సంపాదించే దాన్ని మోడలింగ్‌ లో రెండు మూడు రోజుల్లో సంపాదించారు. చూడటానికి బావుండటం, చురుకుతనం వల్ల మోడల్‌ నుంచి బ్యాక్‌గ్రౌండ్‌ డాన్సర్‌గా త్వరగా ప్రమోషన్‌ వచ్చింది అక్షయ్‌కు. ఫ్లైట్‌ మిస్‌ – కెరీర్‌ టేక్‌ ఆఫ్‌ ఓసారి మోడలింగ్‌ పని మీద బెంగళూరు వెళ్లాల్సి వచ్చింది అక్షయ్‌. అనుకోకుండా ఫ్లైట్‌ మిస్‌ అయ్యారు. ఎక్కడ లేని నిరుత్సాహం అంతా అక్షయ్‌ని ఆవహించింది. కానీ కుంగిపోకుండా ఆ మధ్యాహ్నం నుంచి మళ్లీ తన పని ప్రారంభించారు. స్టూడియోల చుట్టూ ఆల్బమ్‌ పట్టుకు తిరగడం ప్రారంభించారు. ఆ సాయంత్రమే ప్రమోద్‌ చక్రవర్తి ‘దీదార్‌’ అనే సినిమాకు అక్షయ్‌ను హీరోగా సెలెక్ట్‌ చేశారు. కానీ అక్షయ్‌ చేసిన ‘సౌగంది’ అనే చిత్రం (1991)లో ముందు విడుదలయింది. కానీ బాలీవుడ్‌ లోకి ఒక కొత్త హీరో వచ్చాడు అని తెలిసేలా చేసింది మాత్రం ‘కిలాడీ’. నటుడిగా అక్షయ్‌ మొదటి బ్రేక్‌ అదే. అలా వరుస సినిమాలు చేస్తూ వెళ్లిపోయారు. 1994లో అక్షయ్‌ కుమార్‌ సుమారు 14 సినిమాల్లో కనిపించారు. లవ్‌స్టోరీ   అక్షయ్‌ కుమార్‌ తన కో స్టార్, బాలీవుడ్‌ నటి ట్వింకిల్‌ ఖన్నాని వివాహం చేసుకున్న సంగతి తెలిసిందే. ఓసారి ఫిలింఫేర్‌ మ్యాగజీన్‌ షూటింగ్‌ కోసం కలసిన వీళ్ల మనసులు కలిశాయి. కొన్నిరోజులు డేటింగ్‌ చేశారు. 2001లో అక్షయ్‌ కుమార్, ట్వింకిల్‌ పెళ్లి చేసుకున్నారు. వీళ్లిద్దరికీ ఇద్దరు పిల్లలు. ఆరవ్, నితారా. యాక్షన్‌ – కామెడీ కెరీర్‌ ప్రారంభంలో వరుసగా యాక్షన్‌ సినిమాల్లో కనిపించారు అక్షయ్‌. సినిమాల్లో రిస్కీ స్టంట్‌ లు చేస్తూ ‘ఇండియన్‌ జాకీ చాన్‌’ అనిపించుకున్నారు కిలాడీ కుమార్‌.  ఆ తర్వాత కామెడీ రోల్స్‌కి జానర్‌ ను షిఫ్ట్‌ చేశారు అక్షయ్‌. అయితే కెరీర్‌ అనుకున్నట్టే సాగదు కదా. ఓసారి వరుసగా 14 ఫ్లాప్‌లు చూశారు అక్షయ్‌. డిప్రెషన్‌లోకి వెళ్లిపోయారట. కానీ తాను నేర్చుకున్న, నమ్మిన మార్షల్‌  ఆర్ట్స్‌ అందులో నుంచి బయట పడేలా చేసిందని చెప్పారు. స్త్రీలకు సెల్ఫ్‌ డిఫెన్స్‌ ముఖ్యం అంటారు అక్షయ్‌. అందుకే స్త్రీలకోసం ప్రత్యేకంగా ఓ అకాడమీని స్థాపించారు. నేర్చుకోవాలని ఆసక్తి ఉన్నవారు ఇందులో ఉచితంగా ప్రొఫెషనల్‌ ట్రైనర్ల సహాయంతో శిక్షణ పొందవచ్చు. కామెడీ – మెసేజ్‌ ఆ మధ్య వరుస ఫన్‌ ఫిల్మ్స్‌లో కనిపించారు అక్షయ్‌. ఆ తర్వాత వరుసగా సామాజిక సందేశం ఉన్న సినిమాల్లోనూ (‘టాయిలెట్‌ – ఏక్‌  ప్రేమ్‌ కథా’, ‘ప్యాడ్‌ మాన్‌’) కనిపించారు అక్షయ్‌. 2010 నుంచి 2019 వరకు ఏడాదికి 3 సినిమాలు తక్కువ కాకుండా చేస్తున్నారు అక్షయ్‌. ప్రస్తుతం ఇండియాలోనే ఏ స్టార్‌ హీరో చేయని ఫీట్‌ ఇది అని చెప్పుకోవచ్చు. మిస్టర్‌ డిపెండబుల్‌ ప్రస్తుతం ఇండియన్‌ సినిమా నంబర్‌ గేమ్స్‌ చుట్టూ తిరుగుతోంది. వంద కోట్ల క్లబ్‌.. రెండొందల కోట్ల క్లబ్‌.. మూడొందల కోట్ల క్లబ్‌ అని విజృంభిస్తున్నారు. ఒక స్టార్‌ సినిమాలు  ఎంత బిజినెస్‌ చేస్తున్నాయి అని లెక్కకడితే అక్షయ్‌ సినిమాల బిజినెస్‌ ఇలా ఉంది. ∙2016లో 365 కోట్లు (3 సినిమాలు) ∙2017లో 287 కోట్లు (2 సినిమాలు) ∙2018లో 376 కోట్లు (3 సినిమాలు) ∙2109లో 720 కోట్లు (4 సినిమాలు) ప్రస్తుతం అక్షయ్‌ చేతిలో ఉన్న సినిమాలు ఆరు ► సూర్యవన్షీ – షూటింగ్‌ పూర్తి. థియేటర్స్‌ ఓపెన్‌ చేస్తే విడుదలయ్యే మొదటి సినిమా ఇది ► లక్ష్మీ బాంబ్‌ – త్వరలో డిస్నీ హాట్‌ స్టార్‌లో విడుదల కానుంది ► పృథ్వీ రాజ్‌ – చిత్రీకరణ సగం పూర్తయింది ► అత్రాంగి  రే –  షూటింగ్‌ కొన్ని రోజులు జరిగింది ► బచ్చన్‌ పాండే – మే లో చిత్రీకరణ ప్రారంభం కావాల్సింది ► బెల్‌ బాటమ్‌ – ఇటీవలే చిత్రబృందం  షూటింగ్‌ కోసం స్కాట్‌ల్యాండ్‌ వెళ్లారు. పెద్ద మనసు అక్షయ్‌ జేబు మాత్రమే కాదు. మనసు కూడా చాలా పెద్దది. కోవిడ్‌ వల్ల ఇబ్బంది పడ్డవారిని   ఆదుకోవడానికి అక్షయ్‌ 25 కోట్లను విరాళంగా ప్రకటించారు. భార్య ట్వింకిల్, కుమారుడు ఆరవ్, కుమార్తె నితారాతో...

గత ఏడాది జూన్‌ నుంచి ఈ ఏడాది మే వరకు ప్రపంచవ్యాప్తంగా అత్యధిక సంపాదన ఉన్న ‘టాప్‌ 100’లో అక్షయ్‌ కుమార్‌ ఉన్నారు. మన దేశం నుంచి ఈ జాబితాలో చోటు సంపాదించుకున్న ఒకే ఒక్క సెలబ్రిటీ అక్షయ్‌ కావడం విశేషం. నిజానికి గత ఏడాదితో పోల్చితే ఈ ఏడాది అక్షయ్‌ సంపాదన దాదాపు 130 కోట్లు తగ్గింది. 2018 జూన్‌ నుంచి 2019 మే వరకు అక్షయ్‌ సంపాదన రూ. 490 కోట్లు. 2019 జూన్‌ నుంచి 2020 మే వరకూ ఆయన సంపాదన రూ. 366 కోట్లు. ఈ లెక్కను ఫోర్బ్స్‌ మ్యాగజీన్‌ విడుదల చేసింది. గత ఏడాది ఈ పత్రిక విడుదల చేసిన ‘టాప్‌ 100’ సంపాదనపరులలో అక్షయ్‌ది 33వ స్థానం అయితే ఈ ఏడాది 52వ స్థానంలో నిలిచారు. హిందీ అగ్రహీరోల్లో ఒకరైన అక్షయ్‌ ఎక్కువ సంపాదించడానికి కారణం ఏడాదికి మినిమమ్‌ మూడు నాలుగు సినిమాలు చేయడమే. దాంతో పాటు వాణిజ్య ప్రకటనలు ఎలానూ ఉంటాయి. ఇక ఈ ఏడాది కరోనా కారణంగా సినిమాలన్నీ ఆగిపోయిన నేపథ్యంలో అక్షయ్‌ సంపాదన తగ్గింది. అయితే అక్షయ్‌ సంపాదించిన 366 కోట్లలో ‘ది ఎండ్‌’ వెబ్‌ సిరీస్‌ పారితోషికం 75 కోట్లు అని ఫోర్బ్స్‌ పేర్కొంది. అది మాత్రమే కాదు... కరోనా సేవా కార్యక్రమాలకు అత్యధిక విరాళం ఇచ్చిన భారతీయ ప్రముఖులలో ఒక వ్యక్తి అక్షయ్‌ అని కూడా కొనియాడింది. అక్షయ్‌ దాదాపు 35 కోట్లు విరాళంగా ఇచ్చారు. అందుకే ఈ మధ్య చాలామంది ఆయన్ను ‘సూపర్‌ కుమార్‌’ అన్నారు. ఇప్పుడు ఫోర్బ్స్‌ మ్యాగజీన్‌ విడుదల చేసిన ‘టాప్‌ 100’లో స్థానం సాధించిన ఒకే ఒక్క భారతీయుడు అక్షయ్‌ కాబట్టి మరోసారి ‘సూపర్‌ కుమార్‌’ అని అభినందించాల్సిందే.

బాలీవుడ్‌ కిలాడి (అక్షయ్‌ని ముంబైలో అలానే అంటారు) అక్షయ్‌ కుమార్‌ ఫోర్బ్స్‌ జాబితాలో నాలుగో స్థానంలో నిలిచారు. అమెరికన్‌ బిజినెస్‌ మ్యాగజీన్‌ ఫోర్బ్స్‌ 2019 ఏడాదికిగాను అత్యధిక సంపాదన ఉన్న నటుల జాబితాను ప్రకటించింది. గత ఏడాది జూన్‌ 1 నుంచి ఈ ఏడాది మే 31 వరకు నటుల సంపాదనను వివిధ కొలమానాల ఆధారంగా చేసుకుని ఈ జాబితాను ఫోర్బ్స్‌ విడుదల చేసింది. 65 మిలియన్‌ డాలర్ల (దాదాపు 460 కోట్ల రూపాయలు) సంపాదనతో ఈ జాబితాలో అక్షయ్‌ కుమార్‌ నాలుగో స్థానంలో నిలిచారు. హాలీవుడ్‌ స్టార్‌ యాక్టర్‌ డ్వేన్‌ జాన్సన్‌ 89.4 మిలియన్‌ డాలర్ల సంపాదనతో తొలి స్థానాన్ని కైవసం చేసుకున్నారు. 76.4 మిలియన్‌ డాలర్లతో క్రిస్‌ హెమ్స్‌వర్త్‌ రెండో స్థానంలో నిలిచారు. ఇంకా ఈ జాబితాలో రాబర్ట్‌ డౌనీ జూనియర్, జాకీ చాన్, బ్రాడ్లీ కూపర్, ఆడమ్‌ సాండ్లర్, క్రిస్‌ ఇవాన్స్, పాల్‌ రూడ్, విల్‌ స్మిత్‌లు వరుస క్రమంలో చోటు సంపాదించారు. ఈ సంగతి ఇలా ఉంచితే.. గత ఏడాది ఈ జాబితాలో తొలి స్థానంలో నిలిచిన జార్జి క్లూనే ఈసారి చోటు సంపాదించుకోలేకపోయారు. మరోవైపు 2015 తర్వాత బ్రాడ్లీ కపూర్‌ ఈ జాబితాలో తిరిగి స్థానం సంపాదించుకోవడం విశేషం.

ముంబై : సినిమా రంగంలో ప్రస్థానం ప్రారంభించి మూడు దశాబ్దాలు గడుస్తున్నా ఇప్పటికీ పాత్రల ఎంపిక విషయంలో ఎంతో జాగ్రత్త వహిస్తుంటాడు బాలీవుడ్‌ ఖిలాడీ అక్షయ్‌ కుమార్. మొదట యాక్షన్‌ సినిమాలకే పరిమితమైన అక్షయ్‌ అనంతరం విభిన్న పాత్రలతో ప్రేక్షకులను మంత్రముగ్ధులను చేస్తూ వస్తున్నాడు. ఇటీవల ఫోర్బ్స్‌ పత్రిక విడుదల చేసిన ‘అత్యధిక పారితోషికం అందుకుంటున్నసెలబ్రెటీల జాబితా 2019’లో భారత్‌ నుంచి స్ధానం సంపాదించిన ఏకైక వ్యక్తిగా అక్షయ్‌ నిలిచిన సంగతి తెలిసిందే. అయితే ఈ జాబితాలో అక్షయ్‌ జూన్‌ 2018 నుంచి ఈ ఏడాది జూన్‌ వరకూ మొత్తం రూ 444 కోట్ల సంపాదనతో  ప్రపంచవ్యాప్తంగా 33వ స్థానంలో నిలిచారు.  ఈ క్రమంలో ఓ పత్రికకు ఇచ్చిన ఇంటర్వ్యూలో ఈ విషయంపై స్పందించారు బాలీవుడ్‌ ఖిలాడీ. ‘ఫోర్బ్స్‌లో స్థానం సంపాదించినందుకు సంతోషంగా ఉంది. నా కష్టం వల్లే ఇదంతా సాధ్యమైంది. ప్రతి పైసా సంపాదించడానికి చాలా కష్టపడ్డా. డబ్బు నాకు ముఖ్యమే కానీ  కొన్ని విషయాల్లోనే’  అని స్పష్టం చేశారు.  అక్షయ్‌ నటించిన కొత్త చిత‍్రం ‘మిషన్‌ మంగళ్‌’ ఆగష్టు 15న విడుదలకు సిద్ధంగా ఉంది.  

బాలీవుడ్‌ ‘ఖిలాడీ’ అక్షయ్‌ కుమార్‌ ఫిట్‌నెస్‌ ప్రీక్‌ అన్న సంగతి తెలిసిందే. వయసు పైబడుతున్న కొద్ది మరింత సామర్థ్యాన్ని పెంచుకుంటున్నారు అక్షయ్‌. సెలవు రోజుల్లో కూడా వ్యాయామాన్ని పక్కన పెట్టరు అక్షయ్‌. ఇంత ఫిట్‌గా ఉంటారు కాబట్టే నేటికి కూడా తన సినిమాల్లో యాక్షన్‌ సీన్లను డూప్‌ లేకుండా తానే చేస్తుంటారు అక్షయ్‌. ప్రస్తుతం కుటుంబంతో కలిసి విహారయాత్రలో ఉన్నారు అక్షయ్‌. ఈ సందర్భంగా అక్షయ్‌ పాల్గొన్న ఓ చాలెంజ్‌ ఫోటోను ట్విటర్‌లో షేర్‌ చేశారు ట్వింకిల్‌ ఖాన్న. ఈ టూర్‌లో అక్షయ్‌ తన కండ బలాన్ని పరీక్షించుకోవడమే కాక.. త్వరగా డబ్బు సంపాదించడం కోసం ఓ చాలెంజ్‌లో పాల్గొన్నారు అంటున్నారు ట్వింకిల్‌ ఖన్నా.  ఫోటోతో పాటు.. ‘ఫోర్బ్స్‌ జాబితాలో స్థానం సంపాదించినా సంతృప్తి లేదు. త్వరగా డబ్బు సంపాదించే ఏ అవకాశాన్ని విడిచిపెట్టడు. 100 పౌండ్లు ఇస్తామనే సరికి ఇలాంటి స్టంట్లు చేస్తున్నాడు’ అంటూ కామెంట్‌ చేశారు ట్వింకిల్‌ ఖన్నా.   View this post on Instagram Just hanging in there! Not happy with hitting the Forbes list- he wants to make a quick 100 pounds here as well :) #GoofingAround A post shared by Twinkle Khanna (@twinklerkhanna) on Jul 16, 2019 at 7:40am PDT ఫోర్బ్స్ మ్యాగ‌జైన్ ప్రతి ఏడాది విడుదల చేసే అత్యధికంగా సంపాదించే సెలబ్రిటీల జాబితాలో అక్షయ్‌ స్థానం సంపాదించిన సంగతి తెలిసిందే. మ‌న దేశం నుండి అక్షయ్‌కు మాత్రమే ఈ జాబితాలో చోటు దక్కడం విశేషం. ఈ లిస్టులో అక్షయ్‌కు 33వ స్థానం ద‌క్కింది. ఒక సినిమా కోసం అక్షయ్‌ రూ.35-70 కోట్ల వ‌రకు తీసుకుంటాడని ఫోర్బ్స్‌ వెల్లడించింది. కేవ‌లం సినిమాల ప‌రంగానే కాకుండా.. బ్రాండ్ అంబాసిడ‌ర్‌గానూ అక్షయ్‌ భారీ మొత్తం అర్జిస్తున్నారని ఫోర్బ్స్‌ తెలిపింది. 2018 జూన్ నుంచి ఈ ఏడాది జూన్ వ‌ర‌కు అక్షయ్‌ కుమార్ రూ.444 కోట్ల సంపాద‌న‌తో ఇంట‌ర్నేష‌న‌ల్ స్టార్స్ రిహానా, జాకీచాన్‌, బ్రాడ్లీ కూప‌ర్ వంటి వారిని అధిగ‌మించారు. ఇక సినిమాల విషయానికి వస్తే ప్రస్తుతం అక్షయ్‌ నటించిన `మిష‌న్ మంగ‌ళ్` విడుదలకు సిద్ధమవుతుండ‌గా.. `హౌస్‌ఫుల్ 4`, `గుడ్‌న్యూస్`, `లక్ష్మీబాంబ్`‌, `సూర్య‌వంశీ` చిత్రాలు  షూటింగ్‌ జ‌రుపుకుంటున్నాయి.

భారత సంతతికి  చెందిన ముగ్గురు మహిళలు అమెరికాలోని టాప్ సెల్ఫ్‌మేడ్ మహిళా బిలియనీర్ల  ఫోర్బ్స్‌ జాబితాలో చోటు సంపాదించారు.  అమెరికాలో  స్వయం ప్రకాశితమైన 80 మంది మహిళల జాబితాలో ముగ్గురు  ప్రముఖంగా నిలిచారు. ప్రముఖ బిజినెస్ మేగజైన్ ఫోర్బ్స్ రూపొందించిన ఈ లిస్ట్‌లో కంప్యూటర్ నెట్‌వర్కింగ్ సంస్థ అరిస్టా నెట్‌వర్క్స్ ప్రెసిడెంట్, సీఈవో జయశ్రీ ఉల్లాల్, ఐటీ కన్సల్టింగ్ అండ్ ఔట్‌సోర్సింగ్ సంస్థ సింటెల్ సహ వ్యవస్థాపకురాలు నీరజా సేథి, స్ట్రీమింగ్ డేటా టెక్నాలజీ కంపెనీ కంఫ్యూయెంట్ సీటీవో నేహా నర్కెడే, తమ సత్తా చాటారు. ఫోర్బ్స్ అమెరికా రిచెస్ట్ సెల్ఫ్‌మేడ్ ఉమెన్ 2019 జాబితాలో స్థానాన్ని దక్కించుకున్నారు.   జయశ్రీ ఉల్లాల్‌ (58) :  ఫోర్బ్స్ జాబితాలో 18వ స్థానంలో నిలిచిన జయశ్రీ ఉల్లాల్ సంపద విలువ 1.4 బిలియన్ డాలర్లు.  లండన్‌లో పుట్టిన ఈమె భారత్‌లో పెరిగారు. ఇప్పుడు అమెరికాలో సంపన్నురాలిగా కొనసాగుతున్నారు.   నీరజా సేథి (64) : 1980లో తన భర్త భరత్ దేశాయ్‌తో కలిసి కేవలం 2వేల డాలర్ల పెట్టుబడితో తన అపార్ట్‌మెంట్లో సింటెల్‌ కంపెనీ ప్రారంభించారు. ప్రస్తుత నికర విలువ 1 బిలియన్ డాలర్లు. 2019 అక్టోబర్‌లో ఫ్రెంచ్ ఐటీ కంపెనీ ఎటోస్ ఎస్ఈ సింటెల్‌ను 3.4 బిలియన్ డాలర్లకు కొనుగోలు చేసింది. ఈ కంపెనీలో ఈమె వాటా నికర విలువ 510 మిలియన్‌ డాలర్లుగా అంచనా.  ఫోర్బ్స్‌ జాబితాలో ఈమె ర్యాంకు 23.  నేహా నర్కెడే  (34) : 60వ స్థానంలో నిలిచిన నేహా  సంపద విలువ 360 మిలియన్ డాలర్లు. లింక‍్డిన్‌ సాఫ్ట్‌వేర్‌ ఇంజనీర్‌గా పనిచేసిన ఆమె 2014లో సొంత కంపెనీని ప్రారంభించారు. గోల్డ్‌మాన్‌ సాచీ, నెట్‌ఫ్లిక్స్‌  ఉబెర్‌  లాంటి దిగ్గజాలను వినియోగారదారులుగా ఉన్నకంఫ్యూయెంట్ కంపెనీ నికర విలువ 2.5బిలియన్‌ డాలర్లు. ఇక ఈ జాబితాలో డయాన్ హెన్‌డ్రిక్స్ టాప్‌లో ఉన్నారు. ఏబీసీ సప్లై అనే కంపెనీ చైర్మన్ అయిన ఈమె సంపద విలువ 7 బిలియన్ డాలర్లు.  మీడియా మొఘల్‌ ఒపెరా విన్‌ ప్రే 10వ ర్యాంకును సాధించగా ఫేస్‌బుక్‌ ఛీఫ్ ఆపరేటింగ్ ఆఫీసర్ (12), రియాల్టీ టీవీ స్టార్ కైలీ జెన్నర్ (23), ఫ్యాషన్ డిజైనర్ టోరీ బుర్చ్ (29), పాప్ స్టార్ రిహన్న (37), మడోన్నా (39), గాయకుడు బెయోన్స్ (51), రచయిత డేనియల్ స్టీల్ (56), టీవీ షో ఎల్లెన్ డెజనేర్స్ (63), టెన్నిస్ స్టార్ సెరెనా విలియమ్స్ 80 వ స్థానంలో నిలిచారు. 21- 92 సంవత్సరాల వయస్సున్న సభ్యులకు ఈ జాబితాలో చోటు కల్పించగా, వీరి మొత్తం  సంపద  81.3 బిలియన్ డాలర్లు.  కనీస నికర విలువ 225 మిలియన్ డాలర్లుగా నిర్ణయించగా,  రికార్డు స్థాయిలో 25 మంది  బిలియనీర్లుగా నిలిచారు. గతంతో పోలిస్తే కొత్త వ్యాపారం సృష్టించడంతోపాటు మహిళలు  వ్యాపారంలో బాగా రాణిస్తున్నారని ఇంతకు ముందెన్నడూ లేని విధంగా సంపద సృష్టిస్తున్నారని ఫోర్బ్స్‌  వ్యాఖ్యానించింది.  

కైలీ జెన్నర్ (21) అమెరికన్ మోడల్ వేల కోట్ల సంపాదనతో రికార్డుల మోత మోగించింది. ఫోర్బ్స్ తాజా జాబితాలో యంగెస్ట్‌ బిలియనీర్‌గా రికార్డ్‌ కొట్టేసింది. దీంతో అతి చిన్నవయసులోనే వేల కోట్ల సంపాదనకు రాణిగా అమెరికన్ బిజినెస్ ప్రపంచంలో హాట్‌ టాపిక్‌గా నిలిచింది. 21 ఏళ్ళ వయస్సులోనే ఒక బిలియన్ డాలర్ల విలువైన సంపదను కూడబెట్టిన జెన్నర్  సెల్ఫ్‌ మేడ్‌ బిలియనీర్‌గా నిలిచిందని ఫోర్బ్స్‌ పేర్కొంది.  మొత్తం 2153 మంది  జాబితాలో కైలీ 2057వ ర్యాంకు సాధించింది.  కైలీ జెన్నర్ సంపద 900 మిలియన్ డాలర్లు అని లెక్క తేల్చింది ఫోర్బ్స్. ఈ సంపదకు తోడు 10 శాతం మేనేజ్‌మెంట్‌ ఫీజుతో కలిపి ఆమె సంపద బిలియన్ డాలర్ జాబితాలో చేరిందని ఫోర్బ్స్‌ వ్యాఖ్యానించింది.  ఫేస్‌బుక్‌  అధిపతి మార్క్ జకర్‌బర్గ్‌ 23 ఏళ్ల వయసులో ఈ ఘనతను సాధించారని తెలిపింది. అమెజాన్‌ ఫౌండర్‌ జెఫ్‌ బెజోస్‌, మైక్రోసాఫ్ట్‌ సహ వ్యవస్థాపకుడు బిల్‌ గేట్స్‌ మొదటి,  రెండుస్థానాల్లో నిలిచారు.  కైలీ జెన్నర్  2015 మేలో తల్లి నుంచి వారసత్వంగా లభించిన  కాస్మొటిక్‌ బిజినెస్‌లోకి  ప్రవేశించింది. 15వేల లిప్‌ కిట్స్‌ను  పరిచయం చేయగా నిమిషాల్లోనే హాట్‌ కేకుల్లా రికార్డు స్థాయిలో అమ్ముడు బోయాయ. ఇక అప్పటినుంచీ అమ్మకాల్లో సంచనాలను నమోదు చేస్తూనే ఉంది. ఆ తరువాత కైలీ కాస్మొటిక్స్‌ పేరుతో ఫిబ్రవరిలో రీలాంచ్‌ అయిన కంపెనీ  5లక్షల లిప్‌కాట్లను వివిధ షేడ్లలో లాంచ్‌ చేసి కాస్మొటిక్‌ బిజినెస్‌ వర్గాల్లో గుబులు పుట్టించింది.  కేవలం ఒక్క ఏడాదిలోనే  307 మిలియన్‌ డాలర్లు ఆర్జించింది. ఆ తరువాత తన ఉత్పత్తులను అమ్ముకునేందుకు బ్యూటీ సంస్థ  ఉల్టాతో జతకట్టింది.  తద్వారా 360 మిలియన్‌ డాలర్లను సాధించింది. సోషల్ మీడియాలో ఈ అమ్మడికి బారీ ఫాలోయింగే ఉంది.  ఫ్యాషన్‌  ఐకాన్‌కు ఇన్‌స్టాగ్రామ్‌లో 128 మిలియన్లు, ట్విట్టర్‌లో 26.7 మిలియన్లమంది ఫాలోయర్లు ఉన్నారు. రాపర్‌ ట్రావిస్‌ స్కాట్‌తో రహస్య ప్రేమ, గతేడాది ఫిబ్రవరిలో ఒక బిడ్డకు తల్లి కావడం కూడా  సంచలనమే. QUEEN pic.twitter.com/wibRPXxVxo — TRAVIS SCOTT (@trvisXX) March 5, 2019

న్యూఢిల్లీ: ప్రముఖ బిజినెస్‌ మ్యాగజైన్‌ ‘ఫోర్బ్స్‌’ తాజాగా ప్రకటించిన ఈ ఏడాది ప్రపంచ కుబేరుల్లో రిలయన్స్‌ ఇండస్ట్రీస్‌ చీఫ్‌ ముకేశ్‌ అంబానీ 13వ స్థానంలో నిలిచారు. గతేడాదిలో 40.1 బిలియన్‌ డాలర్ల సంపదతో 19వ స్థానంలో ఉన్న ఈయన.. ఈ ఏడాదిలో 50 బిలియన్‌ డాలర్ల సంపదతో ప్రస్తుత ర్యాంక్‌కు ఫోర్బ్స్‌ మ్యాగజైన్‌ మంగళవారం వెల్లడించింది. ఈ ఏడాది ప్రపంచంలోనే అత్యంత సంపన్నుడిగా మరోసారి అమెజాన్‌ చీఫ్‌ జెఫ్‌ బెజోస్‌ నిలిచారు. ప్రపంచ బిలియనీర్ల జాబితాలో మొత్తం 106 మంది భారతీయులకు చోటు దక్కింది. వీరిలో ముకేశ్‌ అంబానీ తరువాత.. విప్రో అజిమ్‌ ప్రేమ్‌జీ 36వ స్థానంలో నిలిచారు. ఈయన సంపద 22.6 బిలియన్‌ డాలర్లు. హెచ్‌సీఎల్‌ కో–ఫౌండర్‌ శివ్‌ నాడార్‌ 82వ స్థానంలో నిలవగా.. ఆర్సెలర్‌ లక్ష్మీ మిట్టల్‌ 91వ స్థానాన్ని దక్కించుకున్నారు. వరుసగా ఆదిత్య బిర్లా గ్రూప్‌ చైర్మన్‌ కుమార్‌ బిర్లా (122), అదానీ గ్రూప్‌ చైర్మన్‌ గౌతమ్‌ అదానీ (167), భారతీ ఎయిర్‌టెల్‌ చైర్మన్‌ సునీల్‌ మిట్టల్‌ (244), పతంజలి ఆయుర్వేద సహ వ్యవస్థాపకులు ఆచార్య బాల్‌కృష్ణ (365), పిరమల్‌ ఎంటర్‌ప్రైజెస్‌ చైర్మన్‌ అజయ్‌ పిరమల్‌ (436), బయోకాన్‌ ఫౌండర్‌ కిరణ్‌ మజుందార్‌ షా (617), ఇన్ఫోసిస్‌ సహ వ్యవస్థాపకులు ఎన్‌.ఆర్‌. నారాయణ మూర్తి (962), ఆర్‌కామ్‌ చైర్మన్‌ రిలయన్స్‌ అనిల్‌ అంబానీ (1349) స్థానాల్లో నిలిచారు.  

న్యూయార్క్‌: ఫోర్బ్స్‌ మ్యాగజైన్‌ రూపొందిందిన ఈ ఏడాది అగ్రశ్రేణి వంద అత్యంత శక్తివంతమైన మహిళల్లో మన దేశానికి చెందిన నలుగురు మహిళలకు చోటుదక్కింది. హెచ్‌సీఎల్‌ రోష్ని నాడార్‌ మల్హోత్రా, బయో కాన్‌ కిరణ్‌ మజుందార్‌ షా, హిందుస్థాన్‌ టైమ్స్‌ శోభన భర్తియ, సినీతార ప్రియాంక చోప్రా జాబితాలో ఉన్నారు. ప్రపంచవ్యాప్తంగా 100 మందితో రూపొందించిన ఈ జాబితాలో అగ్రస్థానంలో జర్మనీ చాన్సలర్‌ ఏంజెలా మెర్కెల్‌ నిలిచారు. ఆమె ఈ జాబితాలో టాప్‌లో నిలవడం ఇది వరుసగా ఎనిమిదో సంవత్సరం.  రెండో స్థానంలో యూకే ప్రధాని థెరిసా మే, మూడో స్థానంలో ఐఎమ్‌ఎఫ్‌ ఎమ్‌డీ క్రిస్టినా లగార్డే ఉన్నారు.   51వ స్థానంలో రోష్ని నాడార్‌... హెచ్‌సీఎల్‌ టెక్నాలజీస్‌కు సీఈఓగా వ్యవహరిస్తున్న రోష్ని 51వ స్థానంలో నిలిచారు.  కిరణ్‌   షా 60వ స్థానంలో, హెచ్‌టీ మీడియా సీఎండీ శోభనా భర్తియ 88వ స్థానంలో నిలిచారు.  ప్రియాంక చోప్రా 94వ స్థానంలో నిలిచారు.


 * ఫోర్బ్స్ 2014-ప్రపంచ బిలియనీర్ల జాబితా..
 
 న్యూయార్క్: రిలయన్స్ ఇండస్ట్రీస్ అధినేత ముకేశ్ అంబానీ భారత్‌లో అత్యంత సంపన్న వ్యక్తిగానే కొనసాగుతున్నప్పటికీ.. ప్రపంచ దిగ్గజాలతో పోలిస్తే భారీగా సంపదను కోల్పోతున్నారు. ఫోర్బ్స్ మ్యాగజీన్ రూపొందించిన ప్రపంచ బిలియనీర్ల జాబితా-2014లో ముకేశ్ 40వ స్థానానికి(గతేడాది 22వ ర్యాంక్) పడిపోయారు. ఎనిమిదేళ్లలో ఇదే అత్యంత కనిష్టస్థాయి ర్యాంకింగ్. ముకేశ్ సంపద  ఏడాది వ్యవధిలో 2.9 బిలియన్ డాలర్లు ఆవిరై... 18.6 బిలియన్ డాలర్లకు పరిమితమైనట్లు ఫోర్బ్స్ పేర్కొంది.
 
 2006లో 8.5 బిలియన్ డాలర్ల సంపదతో తొలిసారి ఫోర్బ్స్ జాబితాలో చోటు సంపాదించిన ముకేశ్ అప్పట్లో గ్లోబల్ లిస్ట్‌లో 56వ స్థానాన్ని దక్కించుకున్నారు. 2008లో ముకేశ్ అంబానీ తొలిసారిగా ప్రపంచ టాప్-10 కుబేరుల్లో చోటు దక్కించుకున్నారు (ఐదో ర్యాంక్). అప్పుడు ఆయన సంపద 43 బిలియన్ డాలర్లు. అప్పటినుంచీ క్రమంగా సంపద తరిగిపోవడంతో ర్యాంకింగ్‌లోనూ జారిపోయారు.
 
 రూపాయి క్షీణత, ఆర్థిక మందగమనం ఎఫెక్ట్...
 ఉక్కు దిగ్గజం లక్ష్మీ మిట్టల్ ర్యాంక్ కూడా 41 నుంచి ఈసారి 52కు పడిపోయింది. 2005లో ఆయన గ్లోబల్ రిచ్ లిస్ట్‌లో ఏకంగా 3వ స్థానంలో నిలవడం గమనార్హం.    డాలరుతో రూపాయి విలువ   క్షీణించడం, బలహీన ఆర్థిక వ్యవస్థ వంటి అంశాలు భారతీయుల సంపద దిగజారేందుకు కారణంగా నిలిచిందని ఫోర్బ్స్ పేర్కొంది. ఈ ఏడాది 56 మంది(గతేడాది 55) భారతీయులకు ప్రపంచ బిలియనీర్ల జాబితాలో చోటు దక్కింది. అయితే,  మొత్తం సంపద మాత్రం గతేడాది 193.6 బిలియన్ డాలర్ల నుంచి ఈసారి 191.5 బిలియన్ డాలర్లకు తగ్గింది. మైక్రోసాఫ్ట్ సహవ్యవస్థాపకుడు బిల్‌గేట్స్.. మెక్సికో టెలికం దిగ్గజం కార్లోస్ స్లిమ్‌ను రెండో స్థానానికి నెట్టి ఈ ఏడాది మళ్లీ అగ్రస్థానాన్ని దక్కించుకున్నారు. ఆయన సంపద 9 బిలియన్ డాలర్లు ఎగబాకి 76 బిలియన్ డాలర్లకు చేరింది.