ఢాకా: బంగ్లాదేశ్ తాత్కాలిక ప్రభుత్వాధినేత యూనస్ కీలక నిర్ణయం తీసుకున్నారు. బంగ్లాదేశ్ రాజధాని ఢాకాలోని ప్రముఖ విద్యాసంస్థ ఢాకా యూనివర్సిటీ బంగబంధు షేక్ ముజిబుర్ రెహ్మాన్ హాల్‌కు కొత్త పేరు పెట్టారు. యూనివర్సిటీ నిర్వహించిన సమావేశంలో ఈ హాల్‌ను షరీఫ్ ఉస్మాన్ హాది హాల్‌గా పిలవాలని నిర్ణయించినట్లు సమాచారం.బంగ బంధు అంటే బంగ్లాదేశ్ మిత్రుడు అని అర్థం. ఇది దేశ జాతిపిత, వ్యవస్థాపక అధ్యక్షుడిగా పేరొందిన షేక్ ముజిబుర్ రెహ్మాన్‌కు ఇచ్చిన గౌరవ బిరుదు. ఆయన బంగ్లాదేశ్ స్వాతంత్య్రానికి ప్రధాన కారకుడు. దేశ నిర్మాణంలో కీలక పాత్ర పోషించారు. అందుకే ఈ బిరుదుతో ఆయనను గౌరవిస్తారు. తాజాగా యూనివర్సిటీ హాల్ పేరును షరీఫ్ ఉస్మాన్ హాది హాల్‌గా మార్చడం చర్చకు దారి తీసింది.వర్సిటీ అధికారులు ఈ మార్పు విద్యార్థుల డిమాండ్లు, చారిత్రక సందర్భాలు, ప్రస్తుత రాజకీయ పరిస్థితులను దృష్టిలో ఉంచుకుని చేశారని సమాచారం. షరీఫ్ ఉస్మాన్ హాది బంగ్లాదేశ్ విద్యా రంగంలో, ముఖ్యంగా విద్యార్థి ఉద్యమాల్లో కీలక పాత్ర పోషించిన వ్యక్తిగా గుర్తింపు పొందారు. ఈ నిర్ణయం ద్వారా ఆయన సేవలకు గౌరవం తెలిపినట్లు విశ్వవిద్యాలయం పేర్కొంది.కొంతమంది విద్యార్థులు ఈ మార్పును స్వాగతించారు. ‘హాది త్యాగాలు, కృషి గుర్తింపు పొందడం సంతోషకరం’ అని అభిప్రాయపడ్డారు. అయితే, బంగ బంధు షేక్ ముజిబుర్ రెహ్మాన్ దేశ స్వాతంత్ర్య పోరాటానికి ప్రతీక. ఆయన పేరును తొలగించడం సరైంది కాదని విమర్శించారు. విశ్వవిద్యాలయ అధ్యాపకులలో కూడా విభిన్న అభిప్రాయాలు వ్యక్తమయ్యాయి. కొందరు ‘చరిత్రను మార్చడం కంటే, కొత్త హాళ్లకు కొత్త పేర్లు పెట్టడం మంచిది’ అని సూచించారు.ఈ నిర్ణయం బంగ్లాదేశ్‌లో రాజకీయ చర్చలకు దారితీసింది. విద్యార్థి సంఘాలు, పౌర సమాజం, రాజకీయ పార్టీలు ఈ అంశంపై వేర్వేరు అభిప్రాయాలు వ్యక్తం చేస్తున్నాయి. విశ్వవిద్యాలయం ప్రతిష్టాత్మక హాళ్ల పేర్ల మార్పు భవిష్యత్తులో మరిన్ని వివాదాలకు దారితీయవచ్చని విశ్లేషకులు భావిస్తున్నారు.ఢాకా విశ్వవిద్యాలయం తీసుకున్న ఈ నిర్ణయం, చారిత్రక ప్రాధాన్యత కలిగిన బంగ బంధు పేరు తొలగించడం వల్ల పెద్ద చర్చకు దారితీసింది. ఒకవైపు కొత్త నాయకుడి సేవలకు గౌరవం, మరోవైపు దేశ స్థాపకుడి వారసత్వాన్ని తగ్గించడం అనే రెండు కోణాల్లో ప్రశ్నలు తలెత్తుతున్నాయి.


 ఢాకా: బంగ్లాదేశ్ ఢాకా యూనివర్శిటీలో అందరిముందే దారుణం జరిగింది. మతోన్మాదం తలకెక్కిన కొంతమంది ఇస్లాం టైస్టులు గురువారం రాత్రి 8.45 గంటలకు ప్రముఖ బ్లాగర్, నాస్తికుడు, రచయిత డాక్టర్ అవిజిత్ రాయ్‌ని దారుణంగా కత్తులతో పొడిచి చంపేశారు. అడ్డంవచ్చిన రాయ్ భార్య రఫిదా అహ్మద్‌ను తీవ్రంగా గాయపరిచి పారిపోయారు. చుట్టూ పదుల సంఖ్య జనం ఉన్నా ఎవరూ ఓ నిండు ప్రాణాలు కాపాడేందుకు ముందుకు రాలేదు. భార్య రఫిదా సాయం కోసం అర్ధించినా ఎవరిలో చలనం రాలేదు. రఫిదా ముస్లిం వనిత అవడం వల్ల ఆమెను మాత్రం టైస్టులు ప్రాణాలతో వదిలేసినట్లు ఢాకా పోలీసులు తెలియజేశారు. రఫిదా ప్రస్తుతం తీవ్ర గాయాలతో ఢాకా ప్రభుత్వాస్పత్రిలో చావు, బతుకుల మధ్య కొట్టుమిట్టాడుతోంది. రాయ్ హత్యకు తామే బాధ్యులమంటూ ‘అన్సార్ బంగ్లా-7’అని మతఛాందస సంస్థ గర్వంగా ప్రకటించుకోవడమే కాకుండా భర్త మృతదేహం పక్కన ఒళ్లంత రక్తం కారుతుండగా స్థానికుల సాయం అర్థిస్తున్న దృశ్యాలను సోషల్ వెబ్‌సైట్‌లో పోస్ట్ చేశారు. మతోన్మాదాన్ని విమర్శిస్తున్నందుకు, అమెరికా పౌరుడైనందుకు తామీ హత్యకు పాల్పడ్డామని చెప్పుకుంది.
 
  అవిజిత్ రాయ్ బంగ్లాదేశీయుడు. అమెరికాలో ఇంజనీరింగ్ చదువుకొని రఫిదా అహ్మద్‌ను మతాంతర వివాహం చేసుకున్నాడు. ఇద్దరు కలిసి అమెరికాలోని అట్లాంట నగరంలో సెటిలయ్యారు. ఇద్దరూ నాస్తికవాదులు. సామాజిక అంశాలపై ఎన్నో రచనలు చేశారు. ప్రస్తుతం ఇద్దరు బ్లాగులు నడుపుతున్నారు. నాలుగు రోజుల క్రితమే అమెరికా నుంచి ఢాకాకు వచ్చిన వారు యూనివర్శిటీలో నిర్వహిస్తున్న బుక్ ఎగ్జిబిషన్ సందర్శనకు గురువారం వచ్చారు. రాయ్ రచనలకు వ్యతిరేకంగా ఏదో ఒక రోజు తప్పకుండా రాయ్‌ని చంపుతామని కొంతమంది ముస్లిం ఛాందసవాదులు సోషల్ వెబ్‌సైట్లలో పలుసార్లు హెచ్చరించారట. ఇప్పుడు ఆ హెచ్చరికల ఆధారంగా హంతకులను పట్టుకునేందుకు ప్రయత్నిస్తున్నామని ఢాకా పోలీసులు తెలిపారు. యూనివర్శిటీకి చెందినవారే ఈ ఘాతుకానికి పాల్పడి ఉంటారని తాము భావిస్తున్నామని, ఆ దిశగా కూడా దర్యాప్తు కొనసాగిస్తున్నామని చెప్పారు. ఇప్పటి వరకు ఎవరినీ అరెస్టు చేయలేదు. ప్రముఖ సామ్యవాది, మానవ హక్కుల కార్యకర్త అజయ్‌రాయ్ కుమారుడు డాక్టర్ అవిజిత్ రాయ్.