ఆకలి రుచెరగదు.. నిద్ర సుఖమెరగదు.. ఈ సామెత మనలో ప్రతీ ఒక్కరికీ ఏదో ఒక సందర్భంలో అనుభవంలోకి వచ్చే ఉంటుంది కదా. మాన్సీ అనే చిన్నారి కూడా ఇదే పరిస్థితి ఎదురైంది. టీచర్‌ చెప్పే పాఠం బోర్‌ కొట్టిందో ఏమో.. క్లాస్‌రూంలోనే హాయిగా కునుకు తీసింది. ఇది గమనించిన మాన్సీ బెంచ్‌మేట్‌.. ఆమెను నిద్ర లేపేందుకు ఎంతగానో ప్రయత్నించింది. కానీ మాన్సీ మాత్రం తనకేమీ పట్టనట్టు నిద్రలోకి జారుకుంది. ఇందుకు సంబంధించిన వీడియో ప్రస్తుతం వైరల్‌గా మారింది. చిన్నారి మాన్సీ నిద్రపోవడం.. ఆమె పడిపోకుండా పక్కనే స్నేహితురాలు పట్టుకోవడం... ఆ సమయంలో ఆ ఇద్దరు చిన్నారుల హావభావాలు క్యూట్‌గా ఉన్నాయంటూ నెటిజన్లు కామెంట్‌ చేస్తున్నారు. మరి ఇంకెందుకు ఆలస్యం మీరు కూడా ఆ వీడియో చూసేయండి.


 బాలీవుడ్ డాడీస్ తమ క్యూట్ కిడ్స్‌పై ప్రేమ కురిపిస్తున్నారు. అన్నీ మరిచిపోయి వారి లోకంలో వీరు విహరిస్తున్నారు. కుమారుడు అబ్‌రామ్ చిలిపి చేష్టలను ఎప్పటికప్పుడు ఫ్రెండ్స్ అండ్ ఫ్యాన్స్‌తో కింగ్ ఖాన్ షారూఖ్ షేర్ చేసుకొంటున్నాడు. గతంలో అక్షయ్‌కుమార్, అర్జున్‌రాంపాల్‌లు కూడా తమ పిల్లల గుర్తులను వీపుపై, చేతులపై టాటూలతో పదిలపరుచుకున్నారు. ఇప్పుడు కుర్ర హీరో ఇమ్రాన్‌ఖాన్ వంతు. అతని పది నెలల ముద్దులొలికే కూతురు ఇమరా చిట్టి చిట్టి పాదాలను తన ఛాతిపై ముద్రించుకున్నాడట!
 
 అదే... టాటూ వేయించుకున్నాడట! ఈ ఐడియా  తన తల్లిని చూసి తట్టినట్టుంది మనోడికి. ఆమె కూడా ఇమ్రాన్ చిన్ననాటి పాదాలను ఓ పేపర్‌పై వేయించి భద్రపరుచుకుందట! ‘నా తొలి సంతానం ఇమరా. ఈ తీపి జ్ఞాపకం ఎప్పటికీ నాకు గుర్తుండిపోవాలి. అందుకే ఈ పచ్చబొట్టు’ అంటూ ఓ ఆంగ్ల పత్రికతో చెప్పాడు ఇమ్రాన్.