సాక్షి, ఖమ్మం : ఖమ్మం జిల్లా రఘునాథపాలెం మండలం మంచుకొండ వద్ద మంగళవారం కారు అదుపుతప్పి బోల్తా కొట్టింది. కాగా కారులో నిషేదిత గంజాయిని తరలిస్తున్నట్లు తెలిసింది. ఈ ప్రమాదంలో కారు డ్రైవర్‌ బానోత్‌ సురేందర్‌ మృతి చెందాడు. సమాచారం అందుకున్న పోలీసులు ఘటనా స్థలికి చేరుకొని నాలుగు క్వింటాళ్ల గంజాయిని స్వాదీనం చేసుకున్నారు. కేసును నమోదు చేసిన పోలీసులు పోస్టుమార్టం నిమ్మిత్తం మృతదేహాన్ని ఖమ్మం ప్రభుత్వాసుపత్రికి తరలించారు.


 ఆలేరు: నల్లగొండ జిల్లా ఆలేరు మండలం పెద్దవాగు వంతెనపై ఓ కారు అదుపుతప్పి కింద పడిపోయింది. సోమవారం ఉదయం ఐదుగురు వ్యక్తులు వరంగల్ నుంచి హైదరాబాద్‌కు వెళ్తుండగా ఈ ప్రమాదం జరిగింది. నలుగురికి గాయాలు కాగా వారిని సమీపంలోని ఓ ప్రైవేటు ఆస్పత్రికు తరలించి వైద్యం అందిస్తున్నారు.