వాషింగ్ట‌న్‌: ఆటోపైల‌ట్ మోడ్‌లో ఉన్న టెస్లా కారు చెట్టును ఢీకొట్టిన సంఘటన అమెరికాలోని టెక్సాస్‌లో చోటుచేసుకుంది. కారులో ప్ర‌యాణిస్తున్న ఇద్ద‌రు వ్యక్తులు ఘటనా స్థలంలోనే మృతి చెందారు. సంఘటన స్థలాన్ని పోలీసులు పరిశీలించగా, కారులో ప్రయాణం చేస్తున్నప్పుడు డ్రైవ‌ర్ సీటులో ఎవ‌రూ లేరని తెలిపారు. డ్రైవ‌ర్ ప‌క్క సీటులో, వెనుక సీటులో కూర్చొన్న ఇద్దరు ఈ ప్రమాదంలో మరణించారు. కారు ఆటోపైల‌ట్ మోడ్‌లో వేగంగా ప్ర‌యాణిస్తుండగా ఈ ప్రమాదం జరిగిందని పోలీసులు ప్రాథమిక నిర్ధారణకు వచ్చారు. కారులో ఉన్న డ్రైవర్‌ సహాయక వ్యవస్థ సరిగ్గా పనిచేయక ఉండవచ్చునని పోలీసులు అనుమానిస్తున్నారు. ఈ నేపథ్యంలో టెస్లా కంపెనీ తన వెబ్‌ సెట్‌లో ఒక ప్రకటనను విడుదల చేసింది. తమ వాహనాలు పూర్తిగా ఆటోపైలట్‌ ​కాదని, డ్రైవర్‌ పరవేక్షణ కచ్చితంగా ఉండాలని కంపెనీ తెలిపింది. కాగా టెస్లా సెల్ఫ్‌ డ్రైవింగ్‌ కార్లు  తరుచుగా ప్రమాదానికి గురవుతున్న సంగతి తెలిసిందే. చదవండి: రుజువైతే .. టెస్లా కంపెనీ మూసివేత..!


 కారులో రయ్యి రయ్యిమని దూసుకెళుతున్నప్పుడు స్టీరింగ్‌మీది చేతులు వదిలేస్తే ఏమవుతుంది? కాసేపటివరకూ ఏం కాదుగానీ... ఆ తరువాత ఏమైనా కావచ్చు. కానీ మీరు ఎలన్ మస్క్ రూపొందించిన టెస్లా కారును నడుపుతున్నారనుకోండి. ఎంతసేపైనా ఏమీ కాదు. ఎందుకంటే అందులో ఆటోపైలట్ టెక్నాలజీ ఉంది కాబట్టి. డ్రైవర్ ప్రమేయం లేకుండా కారు తనంతట తానే ముందుకెళ్లడం గురించి మనం ఇటీవలి కాలంలో తరచూ వింటునే ఉన్నాం.
 
 తాజాగా టెస్లా కూడా తన ఆటోపైలట్ సిస్టమ్‌తో ఇలాంటి టెక్నాలజీని అందరికీ అందుబాటులోకి తెచ్చే ప్రయత్నం చేస్తోంది. ఇప్పటివరకూ అమెరికాలో మాత్రమే అందుబాటులో ఉన్న ఈ టెక్నాలజీని ఇతరదేశాల్లోనూ ప్రవేశపెట్టేందుకు అవసరమైన అనుమతులన్నీ వచ్చేశాయని ఇటీవలే ఎలన్ మస్క్ ట్వీట్ చేశారు.
 
 ఆటోపైలట్ సిస్టమ్ అటు స్టీరింగ్‌తోపాటు ఆటోమెటిక్‌గా లేన్లు మారడం, అడ్డంకులను గుర్తించి తదనుగుణంగా బ్రేకులు వేయడం కూడా చేస్తుంది. మూడేళ్లలో అసలు డ్రైవర్ల అవసరం లేని పూర్తిస్థాయి అటానమస్ కారును అభివృద్ధి చేస్తామని అంటున్నారు మస్క్. చూద్దాం మరి!