ఎరుపు, నీలం, ఊదా రంగు ఆహారాలలో లభించే సహజ జీవక్రియాశీల సమ్మేళనాలైన ఆంథోసయనిన్‌లను అధికంగా తీసుకోవడం వల్ల ఆరోగ్యంగా ఉన్న పెద్దలలో గుండె, జీవక్రియల ఆరోగ్యానికి మద్దతు ఇస్తుందని పరిశోధకులు చేసిన తాజా అధ్యయనంలో వెల్లడైంది. అందుకు సంబంధించిన కొత్త అధ్యయనం 'ది అమెరికన్ జర్నల్ ఆఫ్ క్లినికల్ న్యూట్రిషన్'లో ప్రచురితమైంది.ఆంథోసయనిన్‌లు అనేవి మొక్కలలో సహజంగా లభించే సమ్మేళనాలు. ఇవి అనేక పండ్లు, కూరగాయలకు ఎరుపు, ఊదా, నీలం రంగులను అందిస్తాయి. బెర్రీలలో ఇది అత్యధికంగా ఉంటుంది. అమెరికా బ్లూబెర్రీలు గుండె ఆరోగ్యానికి తోడ్పడే ఆంథోసయనిన్‌లను అందిస్తాయి.కలిగే లాభాలు..సాధారణంగా తక్కువ ఆంథోసయనిన్ తీసుకునేవారితో పోలిస్తే, దానిని ఎక్కువగా తీసుకోవడం వల్ల ఈ క్రింది ప్రయోజనాలు కనిపించాయి:గుండె జబ్బుల ప్రమాదం 26% తగ్గింది.సాధారణంగా గుండెపోటు అని పిలిచే మయోకార్డియల్ ఇన్ఫార్క్షన్ ప్రమాదం 18% తక్కువగా వుంది.టైప్ 2 మధుమేహం ప్రమాదం 11% తక్కువగా కనిపించింది.గుండె సంబంధిత మరణాల ప్రమాదం 9% తక్కువఅధిక రక్తపోటు ప్రమాదం 8% తక్కువరోజుకు 50 మిల్లీగ్రాముల నుంచి ఆహారంలో ఆంథోసయనిన్ తీసుకోవడం ప్రారంభించినప్పుడు, రక్తనాళాల పనితీరు, ఇన్సులిన్ సాంద్రతలలో మెరుగుదలలు కనిపించాయని యాదృచ్ఛిక నియంత్రిత పరీక్షలు నివేదించాయి. ఆంథోసయనిన్ అధికంగా ఉండే ఆహారాల ద్వారా ఈ స్థాయిని సాధించవచ్చని పరిశోధకులు పేర్కొన్నారు.రోజువారీ భోజనంలో సహజంగా రంగురంగుల పండ్లు , కూరగాయలను విస్తృత శ్రేణిలో చేర్చడం మొత్తం ఆహార నాణ్యతకు మద్దతు ఇస్తుంది. అమెరికా బ్లూబెర్రీలను తాజాగా, గడ్డకట్టించి లేదా ఎండబెట్టి ఆస్వాదించవచ్చు. వాటిని పెరుగు, ఓట్స్, స్మూతీలు, అల్పాహార వంటకాలు, సలాడ్‌లు, డెజర్ట్‌లు వంటి వంటకాల్లో సులభంగా చేర్చుకోవచ్చు.అంతేగాదు సులభమైన, ఆచరణీయమైన ఆహారపు మార్పులు గుండె జబ్బులు, అధిక రక్తపోటు మరియు టైప్ 2 మధుమేహం వంటి వాటి దీర్ఘకాలిక ప్రమాదాన్ని తగ్గించడానికి దోహదపడతాయని ఈ కొత్త పరిశోధన ఫలితాలు సూచిస్తున్నాయి.


 గుడ్‌ ఫుడ్‌
 
 క్యారట్‌లోని బీటా కెరోటిన్‌ యాంటిఆక్సిడెంట్‌గా పని చేసి చర్మకణాలను ఆరోగ్యంగా ఉంచుతుంది. విటమిన్‌ ‘ఎ’ లోపిస్తే కంటి సమస్యలతో పాటు చర్మం, జుత్తు, గోళ్లు పొడిబారుతాయి. చిన్న వయసులోనే ముసలితనం వస్తుంది. వీటిని క్యారట్‌ నివారిస్తుంది. ఔషధం... క్యారట్‌ యాంటిసెప్టిక్‌గా పనిచేస్తుంది. గాట్లు, గాయాల మీద తురిమిన క్యారట్‌ను కానీ ఉడికించి చిదిమిన క్యారట్‌ గుజ్జును కానీ పెట్టి కట్టు కడితే గాయం మానుతుంది.
 
 క్యారట్‌లో ఉండే కెరోటినాయిడ్స్‌  గుండె సమస్యలను తగ్గిస్తాయి. రోజూ క్యారట్‌ తీసుకుంటుంటే కొలెస్ట్రాల్‌ స్థాయులు తగ్గుతాయి.ఊపిరితిత్తుల క్యాన్సర్, బ్రెస్ట్‌ క్యాన్సర్, కోలన్‌ (పెద్దపేవు) క్యాన్సర్‌లను నివారించవచ్చు.కాలేయం నుంచి విషపూరితమైన వ్యర్థాలను క్యారట్‌ తొలగిస్తుంది. దీంతో ఫ్యాటీ లివర్‌ సమస్య రాదు. క్యారట్‌ తింటే దంతాలు, చిగుళ్లు కూడా శుభ్రమవుతాయి. దంతాల మీద నిలిచిన గార, ఆహారపదార్థాల అవశేషాలు తొలగిపోతాయి. లాలాజలం బాగా ఉత్పత్తి అవుతుంది. బ్యాక్టీరియా నివారణ అవుతుంది.
  


 ఫుడ్nబ్యూటీ
  
 మన ఆహారంలో విరివిగా ఉపయోగించే టమాటాలో లైసోపెన్ అనే యాంటీఆక్సిడెంట్ సమృద్ధిగా ఉంటుంది. ఇది క్యాన్సర్, గుండె సంబంధిత సమస్యలను నివారిస్తుంది. టమాటాతో విటమిన్ సీ, ఫైబర్ ప్రొటీన్లు కూడా లభిస్తాయి. తక్కువ క్యాలరీలను ఇస్తూ ఇది మంచి రుచిని పంచుతుంది. అలాంటి టమాటాతో ఇట్టే చేసేసుకోగల వంటకం ‘టమాటా సాల్సా’. భోజనంలో భాగంగా ఈ సలాడ్‌ను తీసుకోవచ్చు.
  
 అవసరమైనవి:
 టమాటాలు రెండు, ఉల్లికాడలు రెండింటిని చిన్నగా కట్ చేసి ఉంచుకోవాలి,  కొత్తిమీర అరకప్పు, పుదీనా కొంచెం, తగిన పరిమాణాల్లో జీరాపొడి, ధనియాల పొడి, పచ్చిమిర్చి ఒకటి, తగినంత నిమ్మరసం, ఉప్పు.
  
 విధానం:
 ఈ పదార్థాలన్నింటినీ ఒక గిన్నెలో వేసి మిక్స్ చేస్తే టమాటా సాల్సా రెడీ!
  
  పోషకవిలువలు:
  ఒక కప్పు సాల్సాలో 20 కిలో క్యాలరీల శక్తి, రెండు గ్రాముల ఫైబర్ ఉంటుంది.
  ప్రొటీన్లేమీ ఉండవు.
  
  
 అందానికి గుడ్డు.!
  
 పోషకాహారంగానే కాదు అందం విషయంలోనూ గుడ్డు ప్రాధాన్యత కలిగివుంది.
  
 గుడ్డు తెల్లసొనని ముఖానికి పట్టించి, ఆరిన తర్వాత వెచ్చని నీటితో శుభ్రం చేసుకొంటే మెటిమలు తగ్గుతాయి.
 
 పొడిచర్మం గల వారు తెల్లసొనకు నిమ్మరసం, ఆలివ్ నూనె కలిపిన మిశ్రమాన్ని ముఖానికి పట్టించి... ఆరాక గోరువెచ్చని నీటితో శుభ్రం చేసుకొంటే మార్పు కనిపిస్తుంది.
 
 పచ్చసొనకు తేనె, పెరుగు కలిపిన మిశ్రమాన్ని మొహానికి పట్టించుకొంటే చర్మం నిగారిస్తుంది.
 
 జుట్టు జిడ్డుతత్వంతో ఉండే వారు తెల్లసొనను మాత్రమే తలకు పట్టించి ఆరిన తర్వాత స్నానం చేస్తే జుట్టుకు కొత్త జీవం వస్తుంది.
 
 పొడి చర్మం గల వారు తెల్లసొనలో పాలను కలుపుకొని హెయిర్‌ప్యాక్‌గా వేసుకోవచ్చు. దీని వల్ల కేశాలకు మెరుపు వస్తుంది.