వారమంతా కంటెస్టెంట్ల ఫ్యామిలీస్‌ వచ్చారు. ఈరోజు ఫ్యామిలీ మెంబర్స్‌తో పాటు కంటెస్టెంట్ల ఫ్రెండ్స్‌ కూడా స్టేజీపైకి వచ్చారు. వారికి నాగ్‌ ఓ టాస్క్‌ ఇచ్చాడు. తమ కుటుంబ సభ్యుడిని మినహాయించి మిగతావారిలో ఎవరు టాప్‌ 5లో ఉంటారో చెప్పాలన్నాడు. మరి ఎవరెవరు ఏయే కంటెస్టెంట్లను టాప్‌ 5లో పెట్టారో నేటి (నవంబర్‌ 16) ఎపిసోడ్‌ హైలైట్స్‌లో చదివేయండి..టాప్‌ 5 ర్యాంకులుమొదట ప్రేరణ తల్లి రూప, చెల్లి ప్రకృతితో పాటు నటి ప్రియ వచ్చారు. ప్రకృతి మిస్‌ ఇండియా తెలంగాణతో పాటు బెనెటి యూనివర్సిటీ మిస్‌ సుడోకుగా నిలిచిందంటూ నాగ్‌ అభినందించాడు. తర్వాత ప్రేరణ తల్లి.. నిఖిల్‌ను మొదటి స్థానంలో, నబీల్‌ను రెండో స్థానంలో, గౌతమ్‌, యష్మి, రోహిణిలను మిగతా మూడు స్థానాల్లో పెట్టారు.రవి సలహాను లెక్కచేయని విష్ణుతర్వాత విష్ణుప్రియ కోసం ఆమె చెల్లి పావని, యాంకర్‌ రవి వచ్చారు. నీకు నువ్వు ప్రాధాన్యత ఇచ్చుకోకపోతే జనాలు నీకెందుకు ఓట్లు వేస్తారు? ముందు నీకు నువ్వు ముఖ్యం అనుకుని గేమ్‌ ఆడమని రవి సలహా ఇచ్చాడు. కానీ విష్ణుప్రియ వింటేగా..? నాకోసం నేను ఆలోచిస్తే అహంకారమంటూ పిచ్చిగా మాట్లాడింది. దీంతో పావని నీపై నువ్వు ఫోకస్‌ చేయు అని హెచ్చరించడంతో కాస్త వెనక్కు తగ్గింది.కోవై సరళ కంటే పెద్ద ఆర్టిస్టు..వీరు గౌతమ్‌ను 1, నిఖిల్‌ను 2, నబీల్‌ను 3, పృథ్వీని 4, రోహిణిని 5వ స్థానంలో పెట్టారు. రోహిణి కోసం నాన్నతో పాటు నటుడు శివాజీ స్టేజీపైకి వచ్చారు. కోవై సరళ కంటే కూడా పెద్ద ఆర్టిస్టు అవుతావు అని శివాజీ.. రోహిణిని మెచ్చుకున్నాడు. టాప్‌ 5 గురించి మాట్లాడుతూ.. విష్ణు 1, నబీల్‌ 2, నిఖిల్‌ 3, గౌతమ్‌ 4, తేజ 5వ స్థానంలో ఉంటారన్నాడు.గౌతమ్‌ సాయం మర్చిపోని సోహైల్‌పృథ్వీ కోసం తమ్ముడు విక్రమ్‌, నటి దర్శిని వచ్చారు. నిఖిల్‌, నబీల్‌, యష్మి, ప్రేరణ, విష్ణుప్రియను టాప్‌ 5లో వరుస స్థానాల్లో ఉంచారు. పృథ్వీ సేవ్‌ అయినట్లు ప్రకటించారు. గౌతమ్‌ తల్లి మంగమ్మతో పాటు నటుడు సోహైల్‌ వచ్చారు. ఈ సందర్భంగా సోహైల్‌ మాట్లాడుతూ.. నా సినిమా రిలీజ్‌ సమయంలో 120 టికెట్లు స్పాన్సర్‌ చేసి జనాలకు చూపించాడు అని తెలిపాడు.నబీల్‌ కోసం భోలెఇక నబీల్‌ను 1, నిఖిల్‌ను 2, ప్రేరణను 3, తేజను 4, అవినాష్‌ను 5వ స్థానాల్లో పెట్టారు. తర్వాత గౌతమ్‌ను సేవ్‌ చేశారు. నబీల్‌ కోసం అతడి సోదరుడు సజీల్‌తో పాటు సింగర్‌ భోలె షావళి వచ్చారు. వీళ్లు నిఖిల్‌, గౌతమ్‌, అవినాష్‌, తేజ, విష్ణుప్రియకు టాప్‌ 5 ర్యాంకుల్ని వరుసగా ఇచ్చారు.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

బిగ్‌బాస్‌ షోలో ఇనయ సుల్తాన ఎలిమినేట్‌ అయింది. ఫినాలేలో ఉండాల్సిన ఆమె హౌస్‌ నుంచి బయటకు వచ్చేయడాన్ని ఇప్పటికీ జీర్ణించుకోలేకపోతున్నారు అభిమానులు. ఇకపోతే షో నుంచి ఎగ్జిట్‌ అయిన ఇనయ బిగ్‌బాస్‌ కెఫెలో యాంకర్‌ శివకు ఇంటర్వ్యూ ఇచ్చింది. అతడు అడిగే ప్రశ్నలకు సూటిగా సుత్తి లేకుండా సమాధానాలిచ్చింది. ప్రతిసారి టైటిల్‌ విన్నర్‌ నేనే అని ఎందుకు అరిచేదాని? అని శివ ప్రశ్నించగా నా మీద నాకున్న నమ్మకంతోనే అలా అన్నానని చెప్పింది. సూర్యతో లవ్‌ ట్రాక్‌ వల్ల నీ గ్రాఫ్‌ తగ్గింది అని శివ చెప్పగా అతడిని ప్రేమిస్తున్నానని ఎప్పుడైనా చెప్పానా? అని తిరిగి ప్రశ్నించింది. ఊహించని ప్రశ్నతో అవాక్కయ్యాడు శివ. సూర్య గురించి రేవంత్‌ దగ్గర ఎందుకు బ్యాక్‌ బిచ్చింగ్‌ చేశావని అడగ్గా.. అది బ్యాక్‌ బిచ్చింగ్‌ కాదు, అప్పుడు కోపంలో అలా చెప్పానని ఆన్సరిచ్చింది. అంటే నీకు నచ్చినప్పుడు బాగా మాట్లాడతావు, నచ్చకపోతే ఎన్ని స్టేట్‌మెంట్లైనా వదులుతావు, అంతేనా? అని శివ సెటైర్‌ వేయగా.. ఎన్ని స్టేట్‌మెంట్లు కాదు, అప్పుడనిపించింది మాత్రమే చెప్తాను అంటూ కౌంటరిచ్చింది. రేవంత్‌ గురించి చెప్పమని శివ అడగడంతో అతడు ఒక్కోసారి ఒక్కోలా ప్రవర్తిస్తాడంది ఇనయ. అచ్చం నీలాగే కదా అని యాంకర్‌ సెటైర్‌ వేయగా తన గురించి అడిగినప్పుడు మధ్యలో నన్నెందుకు తీసుకొస్తున్నావు అని మండిపడింది. నేనూ, తను ఒకేలా ప్రవర్తిస్తామా? అని ప్రశ్నించగా నాకు తెలీదని బదులిచ్చాడు శివ. మరి తెలియనప్పుడు నా గురించి ఎందుకు చెప్పావని ఎదురు తిరిగింది. ఈ ఇంటర్వ్యూ చూసిన జనాలు 'ఇనయ రాక్స్‌, యాంకర్‌ శివ షాక్స్‌', 'శివకు ఇనయ మాత్రమే కౌంటర్‌ ఇవ్వగలదు', 'లాస్ట్‌ కౌంటర్‌ అదిరిపోయింది', 'ప్రతి ఒక్కరినీ చులకన చేసి మాట్లాడుతున్న శివకు ఇనయ సరిగ్గా జవాబిచ్చింది' అంటూ కామెంట్లు చేస్తున్నారు. చదవండి: జర్నీ చూసి భావోద్వేగానికి లోనైన రేవంత్‌, శ్రీసత్య మిడ్‌ వీక్‌ ఎలిమినేషన్‌, అతడే టైటిల్‌ గెలవాలన్న ఇనయ

కామెడీకి కేరాఫ్‌ అడ్రస్‌గా ఉంటుందనుకుంటే వ్యంగ్యానికి, వెటకారానికి నిలువెత్తు నిదర్శనంగా మారింది ఫైమా. బిగ్‌బాస్‌ తెలుగు ఆరో సీజన్‌లో అడుగుపెట్టిన తొలినాళ్లలో తన కామెడీతో అందరినీ పొట్టచెక్కలయ్యేలా నవ్వించిన ఫైమా రానురానూ కామెడీని పక్కనపెట్టి గేమ్‌పైనే ఫుల్‌ ఫోకస్‌ పెట్టింది. ఈ క్రమంలో హౌస్‌మేట్స్‌తో గొడవలు, గొడవపడే క్రమంలో వెటకారాలు కనిపించాయి. 13 వారాల తర్వాత హౌస్‌ నుంచి ఎలిమినేట్‌ అయిన ఫైమా తాజాగా బిగ్‌బాస్‌ కెఫె ఇంటర్వ్యూలో పాల్గొంది. వెటకారాన్ని ఎందుకు తగ్గించుకోలేదని యాంకర్‌ శివ అడగ్గా తాను బయట ఎలా ఉందో లోపల కూడా అలాగే ఉన్నానని బదులిచ్చింది. ఇప్పుడు నీకు ఇంట్లో ఉన్న ఒకరిని బయటకు పంపించే అవకాశం ఇస్తే ఎవరిని ఎలిమినేట్‌ చేస్తావన్న ప్రశ్నకు రేవంత్‌ పేరు చెప్పింది. ప్రస్తుతం హౌస్‌లో ఉన్న ఇతర కంటెస్టెంట్ల గురించి ఆమె మాట్లాడుతూ.. స్ట్రాంగ్‌ అనుకున్న గీతూ వెళ్లిపోయినప్పుడే మా అంచనాలు తారుమారవుతున్నాయనిపించింది. నేను టాప్‌ 5లో ఉండనని అప్పుడే అర్థమైంది. ఇకపోతే ఆర్జే సూర్య వెళ్లిపోయే వారం రోజుల ముందు నుంచి ఇనయ నాతో సరిగా మాట్లాడటం మానేసింది. కోపంలో చాలా మాటలు అనేస్తుంది. దానివల్ల నేను చాలా హర్ట్‌ అయ్యాను. కానీ ఆమె గేమ్‌లో మగవాళ్లకు కూడా గట్టి పోటీనిస్తుంది.  శ్రీహాన్‌ గేమ్‌లో ఓడిపోతున్నామని తెలిసినా గెలవడానికే ప్రయత్నిస్తాడు. రోహిత్‌ ఎవరినీ నొప్పించకుండా మాట్లాడతాడు. ఆదిరెడ్డి ఫెయిర్‌గా ఆడుతున్నాడు, కాకపోతే మరీ ఎక్కువ ఆలోచిస్తాడు, అదే అతడి మైసస్‌. రేవంత్‌ గేమ్‌ స్టార్ట్‌ అవకముందే అందరికీ వార్నింగ్‌ ఇస్తాడు. కానీ అంతా అయిపోయాక వచ్చి సారీ చెప్తాడు. కీర్తి స్ట్రాంగ్‌ ప్లేయర్‌. శ్రీసత్య మొదట్లో భయపడి ఆడలేదు కానీ తర్వాత గేమ​ ఆడటం మొదలుపెట్టింది' అని చెప్పుకొచ్చింది ఫైమా. చదవండి: పైసా వసూల్‌ కోసం పోటీపడ్డ ఇనయ, రేవంత్‌

హోస్టింగ్‌ అదిరింది అన్నవారితోనే ఇదేం హోస్టింగ్‌రా బాబూ అనిపించేలా చేస్తున్నాడు యాంకర్‌ శివ. బిగ్‌బాస్‌ షో నుంచి ఎలిమినేట్‌ అయిన కంటెస్టెంట్లను బిబి కెఫెలో ఇంటర్వ్యూ చేస్తాడు శివ. మొదట్లో ఇంటర్వ్యూలను రఫ్ఫాడించిన అతడు రానురానూ వ్యక్తిగతంగా టార్గెట్‌ చేసినట్లుగా మాట్లాడుతున్నాడు. అందులోనూ కటువుగా మాట్లాడటం రాని సాఫ్ట్‌ కంటెస్టెంట్లపై తన ప్రతాపం చూపిస్తున్నాడు. దీంతో యాంకర్‌ శివపై జనాలు మండిపడుతున్నారు. అమాయకపు కంటెస్టెంట్లను ఎందుకంత అవమానపరుస్తున్నాడని ఆగ్రహం వ్యక్తం చేస్తున్నారు. ఇంతకీ శివ బిబి కెఫెలో రాజ్‌తో ఏం మాట్లాడాడు? ఎలాంటి ప్రశ్నలు అడిగాడో చూద్దాం.. బిగ్‌బాస్‌ హౌస్‌లో ఉండాలంటే ఆడాలి, మాట్లాడాలి.. ఈ రెండూ జరగకుండానే ఇన్నివారాలదాకా వచ్చావు. అంటే నువ్వు నక్క తోక తొక్కి వచ్చావు అని రాజ్‌ను కించపరిచినట్లుగా మాట్లాడాడు శివ. బిబి కెఫెకు వచ్చిన ఓ వ్యక్తి నువ్వు కెమెరాల నుంచి తప్పించుకుని భలే ఆడావన్నాడంటూ పడీపడీ నవ్వాడు. దీనికి ఏమని సమాధానమివ్వాలో అర్థం కాని రాజ్‌.. అదే నా గేమ్‌ అని ఒప్పుకుంటున్నాననగానే శివ మరోసారి నవ్వాడు. ఏమీ ఆడకుండా 12 వారాలు ఉన్నందుకు హ్యాపీగా ఉన్నట్లున్నావంటూ వెటకారంగా మాట్లాడాడు. దీనికి రాజ్‌.. ఏం మాట్లాడుతున్నావ్‌ బ్రో, నీకేమైనా నరాలు కట్‌ అయ్యాయా? అని ప్రశ్నించాడు. అయినా తగ్గని శివ కేవలం లక్‌ వల్లే ఇన్నివారాలు ఉండగలిగావన్నట్లుగా తనను పదేపదే అవమానించడం గమనార్హం. ఇది చూసిన నెటిజన్లు యాంకర్‌ శివకేమైనా పిచ్చిపట్టిందా? అని కామెంట్లు చేస్తున్నారు. తనలో ఉన్న మంచి లక్షణాల గురించి మాట్లాడకుండా పదేపదే తనను మానసికంగా దెబ్బ తీయాలని చూడటమెందుకోనని అసహనం వ్యక్తం చేస్తున్నారు. చదవండి: రేవంత్‌ మీద నిప్పులు చెరిగిన ఫైమా అదే అసలైన మైనస్‌, అందువల్లే రాజ్‌ ఎలిమినేట్‌ అయ్యాడా!

బిగ్‌బాస్‌ హౌస్‌లో మంచి పేరు మూటగట్టుకున్న ఒక్కొక్కరూ వరుసగా బయటకు వచ్చేస్తున్నారు. బాలాదిత్య, వాసంతి, మెరీనా ఎలాంటి రిమార్క్‌ లేకుండా కడిగిన ముత్యంలా బయట అడుగుపెట్టారు. తాజాగా షో నుంచి బయటకు వచ్చిన మెరీనాను బిగ్‌బాస్‌ కెఫెలో ఇంటర్వ్యూ చేశాడు యాంకర్‌ శివ. ఈ క్రమంలో ఆమెను మరీ కించపరుస్తూ మాట్లాడినట్లు కనిపిస్తోంది. జనాలు చూస్తున్నారు, జనాలు చూస్తున్నారు అన్న మాట హౌస్‌లో నువ్వే ఎక్కువగా వాడావు. జనాలు చూసేందుకు అసలు మీరేం చేశారు? అని ప్రశ్నించాడు. అందుకామె నేను నాలా ఉన్నానని బదులిచ్చింది. ఇంతకీ హౌస్‌లో మీరు గేమ్స్‌ ఆడారా? అని సూటిగా ప్రశ్నించాడు శివ. దానికి మెరీనా.. నావరకు ఎంతయిందో అంతే ఆడానని సాఫ్ట్‌గా ఆన్సరిచ్చింది. నువ్వూ, రోహిత్‌ ఏదో ట్రిప్‌కు వచ్చినట్లు అనిపించిందన్నాడు యాంకర్‌. నేను ఆడగలుగుతానా? లేదా? అని ఎంత టెన్షన్‌ పడ్డానో మీకేం తెలుసు అని కౌంటరిచ్చింది మెరీనా. వెంటనే శివ అందుకుంటూ నేను ఆడగలనా? లేదా? అని కూడా ఆలోచించారా? అని వెటకారంగా నవ్వాడు. మీరు ఎంత కోపం తెప్పించినా నాకు కోపం రాదని మెరీనా అనగా మీ దగ్గర నుంచి కంటెంటే రాదు, కోపం ఎలా వస్తుంది? అని డైలాగ్‌ వేశాడు. ఈ ఇంటర్వ్యూపై నెటిజన్లు ఘాటుగా స్పందిస్తున్నారు. కంటెస్టెంట్లందరినీ ఒకేలా ఇంటర్వ్యూ చేయాలి. అంతే తప్ప సాఫ్ట్‌, కూల్‌గా కనిపించేవారిపై ప్రతాపం చూపించడం కాదని యాంకర్‌ శివకు చురకలంటిస్తున్నారు. చదవండి: ఈ వారం నామినేషన్స్‌లో ఎవరున్నారంటే?

బిగ్‌బాస్‌ తెలుగు ఆరో సీజన్‌లో పదివారాలు గడిచిపోయాయి. ఇప్పటివరకు షాని, అభినయ శ్రీ, నేహా చౌదరి, ఆరోహి రావు, చలాకీ చంటి, సుదీప, అర్జున్‌ కల్యాణ్‌, ఆర్జే సూర్య, గీతూ, బాలాదిత్య, వాసంతి వరుసగా ఎలిమినేట్‌ అయ్యారు. చివరగా వాసంతి ఎలిమినేషన్‌తో హౌస్‌లో పది మంది మిగిలారు. హౌస్‌ నుంచి బయటకు వచ్చేసిన వాసంతి బిగ్‌బాస్‌ కెఫెలో పాల్గొంది. ఇంటర్వ్యూలో ఆమెను ఓ రేంజ్‌లో ఆడుకున్నాడు యాంకర్‌ శివ. అతడి ప్రశ్నలకు తగ్గట్టుగానే దిమ్మతిరిగే సమాధానాలిచ్చింది వాసంతి. అందంలో బుట్టబొమ్మ.. ఆటలో ఉత్తబొమ్మ అంటూ ఎంట్రీలోనే వాసంతి పరువు తీశాడు యాంకర్‌. ఎలిమినేట్‌ అయినా ఇంత కూడా బాధపడటం లేదని అడగ్గా.. ఫేస్‌ మీద కనిపిస్తేనే బాధ కాదు, లోపల కూడా ఉంటుంది అని బదులిచ్చింది వాసంతి. మేకప్‌ వేసుకుని నీట్‌గా రెడీ అవడం తప్ప గేమ్‌ ఏమీ ఆడలేదని శివ అనగా బిగ్‌బాస్‌ షోకి ఏమేం కావాలో అన్నీ చేసొచ్చానంది. కాకపోతే హౌస్‌లో తనకెవరి సపోర్ట్‌ లేదని చెప్పగా లోపల ఎవరు సపోర్ట్‌తో ఆడుతున్నారని ప్రశ్నించాడు శివ. దీనికామె శ్రీహాన్‌, శ్రీసత్య కలిసి ఆడుతున్నారని ముక్కుసూటిగా జవాబిచ్చింది. హౌస్‌లో అల్లరి చేస్తానన్నావ్‌, ఏం అల్లరి చేశావ్‌? ఎక్కడ యాక్టివ్‌గా ఉన్నావని అడగ్గా యాక్టివ్‌గా లేకపోతే పదోవారం దాకా ఉండేదాన్నే కాదు, జనాలకు నచ్చకపోతే నన్ను రెండోవారమే పంపించేవారని కౌంటరిచ్చింది వాసంతి. చదవండి: ఆ నలుగురు బెస్ట్‌, ముగ్గురు ఫేక్‌ అన్న వాసంతి ఆ ఇద్దరే టార్గెట్‌, నామినేషన్స్‌లో ఉన్నది వాళ్లే!

బిగ్‌బాస్‌ హౌస్‌లో అందరివాడుగా పేరుతెచ్చుకున్నాడు బాలాదిత్య. కాకపోతే అతి మంచితనం, అతి స్పీచులు ఎక్కువవడంతో మిగతా హౌస్‌మేట్స్‌ ఆయన ఏం చెప్పినా సోదిగా ఫీలయ్యేవారు. గీతూ అయితే అతడు మాట్లాడుతుంటే మధ్యలోనే కట్‌ చేసేది. అతడి నోరు మూయించేందుకు ఇమ్మెచ్యూర్‌ అని పెద్ద మాటే అనేసింది. కొన్ని క్షణాల పాటు బాలాదిత్య హర్టయినా తనకు తెలీక ఆ మాట అనేసిందేమోనని లైట్‌​ తీసుకున్నాడు. కానీ ఓ టాస్క్‌లో గీతూ తన సిగరెట్లు దాచి వీక్‌నెస్‌ మీద దెబ్బ కొట్టడాన్ని తీసుకోలేకపోయాడు. కోపాన్ని కంట్రోల్‌ చేసుకోలేక సిగ్గుందా? మనిషివేనా? అని నానామాటలు అన్నాడు. అయినా గీతూ దాన్ని పెద్ద రాద్ధాంతం చేయకుండా ఒంటరిగా కంటనీరు పెట్టుకుంది. తాజాగా యాంకర్‌ శివ ఇదే విషయాన్ని బాలాదిత్యను అడిగాడు. షో నుంచి బయటకు వచ్చేసిన ఆదిత్య బిగ్‌బాస్‌ కెఫె ఇంటర్వ్యూలో పాల్గొన్నాడు. ఈ సందర్భంగా శివ.. నేషనల్‌ టెలివిజన్‌లో ఒక అమ్మాయిని సిగ్గుందా? అనడం కరెక్టా? అని అడిగాడు. దీనికి అతడు ఆ మాట తప్పు కానీ నా బాధ తప్పు కాదని సమాధానమిచ్చాడు. ఆఫ్టరాల్‌ ఒక్క సిగరెట్‌ అన్న నువ్వు అంత సీన్‌ చేయడం అవసరమా? మీ వల్లే గీతూ వెళ్లిపోయిందని శివ పేర్కొన్నాడు. దీన్ని అంగీకరించని బాలాదిత్య ఎవరు చేసిన పనికి వాళ్లే బాధ్యులు అని స్పష్టం చేశాడు. చదవండి: రాజకీయాల్లోకి వస్తా: గీతూ రాయల్‌ ఎలాంటి మరక లేకుండా మంచి పేరుతో బయటకు వచ్చిన బాలాదిత్య

బిగ్‌బాస్‌ షో నుంచి బయటకు వచ్చాక బిగ్‌బాస్‌ కెఫెలో యాంకర్‌ శివకు ఇంటర్వ్యూ ఇచ్చింది గీతూ రాయల్‌. ఈ సందర్భంగా ఆమె మాట్లాడుతూ.. 'తప్పును నిర్భయంగా తప్పని చెప్పే సత్తా నాకుంది. నన్ను అర్థం చేసుకోవడానికి చాలా టైం పడుతుంది. కానీ జనాలకు నేను నచ్చలేదేమో, నేను మాట్లాడింది రూడ్‌గా అనిపించినట్లుంది. అయినా అందరితో నేను చాలా ప్రేమగానే ఉన్నాను. ఎవరినీ తక్కువ చేసి మాట్లాడలేదు. బాలాదిత్యతో సిగరెట్ల విషయంలో నేను తప్పు చేయలేదు. ఆ చిన్న గొడవ వల్ల బయటకు వచ్చానంటే నేను ఒప్పుకోను. అయినా టాప్‌ టెన్‌లో కూడా లేనంటే నేను ఓడిపోయినట్లే. ఆదిరెడ్డి నా బెస్ట్‌ ఫ్రెండ్‌. నన్ను ఎంతో బాగా అర్థం చేసుకున్నాడు. మనుషుల గురించి, లైఫ్‌ గురించి, సమయం గురించి అన్నీ బిగ్‌బాస్‌కు వచ్చాకే తెలిసింది. ఎవరెళ్లిపోతారని ఊరికే గెస్‌ చేసేదాన్ని. అందరి గురించి రివ్యూలు చెప్పే నేను నా గురించి నేను సరిగా రివ్యూ ఇవ్వలేకపోయాను' అని ఎమోషనలైంది గీతూ. అనంతరం యాంకర్‌ శివ మాట్లాడుతూ.. షో తర్వాత కూడా ఎవరితో రిలేషన్‌ కంటిన్యూ చేయాలనుకుంటున్నావు? ఎవరితో చేయకూడదనుకుంటున్నావు? అని అడిగాడు. దీనికి గీతూ బదులిస్తూ.. ఆదిరెడ్డి, శ్రీసత్య, బాలాదిత్య, శ్రీహాన్‌, ఫైమా, రేవంత్‌లను జీవితాంతం వదలనంది. మెరీనా, రాజ్‌, ఇనయ, వాసంతి, కీర్తి, రోహిత్‌లతో బంధం ఏమీ వద్దని వారి ఫొటోలు పగలగొట్టింది. చదవండి: కంటెంట్‌ క్వీన్‌ ఎలిమినేట్‌ అవడానికి కారణాలివే! బిగ్‌బాస్‌: బద్ధ శత్రువుల్లా దోస్తులు

బుల్లితెర హిట్‌ షో బిగ్‌బాస్‌లో ఈవారం ఆర్జే సూర్య ఎలిమినేట్‌ అయ్యాడు. నిజానికి సూర్య గేమ్‌ ఆడాడు, ఎంటర్‌టైన్‌ చేశాడు.. కానీ అతడి లవ్‌ ట్రాకుల వల్ల చెడ్డ పేరు మూటగట్టుకుని బయటకు వచ్చేశాడు. మొదట్లో ఆరోహితో, ఆమె వెళ్లిపోగానే ఇనయతో క్లోజ్‌గా ఉండటంతో అతడికి పులిహోర రాజా అని సర్టిఫికెట్‌ ఇచ్చారు నెటిజన్లు. అయితే తన మనసులో ఎలాంటి దురుద్దేశం లేదంటున్నాడు సూర్య. బిగ్‌బాస్‌ షో నుంచి బయటకు వచ్చేసిన అతడు యాంకర్‌ శివతో బిగ్‌బాస్‌ కెఫెలో ముచ్చటించాడు. ఈ సందర్భంగా శివ తను అడగాలనుకున్న ప్రశ్నలన్నింటిని వరుసపెట్టి అడిగి కడిగిపారేశాడు. ఫెమినిస్ట్‌ పాయింట్‌ ఎత్తడానికి, నువ్వు ఆడిన విధానానికి అసలేమైనా సంబంధం ఉందా? అని అడిగాడు. దీనికి సూర్య.. నా దృష్టిలో ఫెమినిస్ట్‌ అంటే ఆడవాళ్ల ఆలోచనలకు ఎక్కువ గౌరవం ఇవ్వడమని ఆన్సరిచ్చాడు. మరి నువ్వు వాల్యూ ఇచ్చావా? అని అడగ్గా హా, ఇచ్చానంటూ తలూపాడు సూర్య. అలాగైతే ఆల్‌రెడీ కెప్టెన్‌ అయిన నువ్వు వాసంతికి ఒకసారి కెప్టెన్‌ అయ్యే ఛాన్స్‌ ఎందుకివ్వలేదని నిలదీశాడు. ఒకప్పుడు ఆరోహితో క్లోజ్‌గా ఉండి సురోహిగా.. తర్వాత ఇనయతో క్లోజ్‌గా ఉంటూ సునయగా ఆడావు. నెక్స్ట్‌ కీర్తియా? అని ప్రశ్నించడంతో ఖంగు తిన్నాడు సూర్య. ఇనయను మోటివేట్‌ చేయడానికి తనతో ఎక్కువగా ఉన్నానని ఆన్సరిచ్చాడు ఆర్జే. అయినా నేనెవరితో క్లోజ్‌గా ఉంటే వాళ్లతో ముడిపెట్టేస్తున్నారని అసహనం వ్యక్తం చేశాడు. అలాగైతే.. ప్రేక్షకులు ఏమనుకుంటున్నారో మీరే తెలుసుకోండంటూ మీమ్స్‌ చూపించాడు శివ. ఇందులో సూర్య హగ్గులు, ముద్దులు పెడుతున్న ఫొటోలను పెట్టి వరల్డ్‌ బిగ్గెస్ట్‌ ఫెమినిస్ట్‌, ఫ్రీ హగ్స్‌ అంటూ రాసుకొచ్చారు. ఈ షాక్‌ నుంచి తేరుకునేలోపే సూర్యకు మరో దిమ్మతిరిగిపోయే వీడియో చూపించాడు శివ. అందులో ఇనయ.. సూర్య ఫేక్‌ అనిపించాడంటూ మాట్లాడింది. ఆ మాటలతో సూర్య బిత్తరముఖం వేసుకున్నాడు. View this post on Instagram A post shared by Star Maa Music (@starmaamusicofficial) చదవండి: తల్లి కోసం రూ.80 లక్షలు ఖర్చు పెట్టిన శ్రీసత్య సూర్య- ఇనయ లవ్‌ భాష.. ఏంటో అర్థం కావట్లేదన్న నాగ్‌

బిగ్‌బాస్‌ కోసం శ్రీసత్య సినిమా ఛాన్స్‌ వదులుకుంది. కానీ శ్రీసత్య కోసం అన్నీ వదులుకుని బిగ్‌బాస్‌ షోకి వచ్చాడు అర్జున్‌ కల్యాణ్‌. నిత్యం ఆమె నామస్మరణలోనే ఉంటూ ఆటను పక్కనపెట్టేశాడు. తను ఛీ కొట్టినా ఏం పర్లేదని దులిపేసుకుంటూ తన వెనకాలే పడ్డాడు. ఆమె మీద చూపించిన ఇంట్రస్ట్‌ గేమ్‌ మీద పెడితే బాగుంటుందని ఎంతమంది చెప్పినా తను మాత్రం శ్రీసత్యకే ప్రాధాన్యత ఇచ్చాడు. ఇప్పుడిప్పుడే గేమ్‌ ఆడటం కూడా మొదలుపెట్టాడు. కానీ అప్పటికే చాలా లేటయింది. అతడి ప్రవర్తనకు చిర్రెత్తిపోయిన జనాలు హౌస్‌ నుంచి పంపించేశారు. ఏడోవారంలో అర్జున్‌ ఎలిమినేట్‌ అయ్యాడు. హౌస్‌ నుంచి బయటకు వచ్చిన అర్జున్‌ తాజాగా బిగ్‌బాస్‌ కెఫెలో యాంకర్‌ శివకు ఇంటర్వ్యూ ఇచ్చాడు. ముందుగా యాంకర్‌ శివ మాట్లాడుతూ.. జనాల ప్రేమ, ఆదరణ పొందడానికి బిగ్‌బాస్‌కు వెళ్తున్నానని మొదటి రోజు చెప్పావు, కానీ వచ్చేరోజు మాత్రం శ్రీసత్యకోసమే వెళ్లానన్నావు. అంటే జనాలను మోసం చేశావా? అని అడిగాడు. దానికతడు జనాల ప్రేమ పొందడమే నాకు మొదట కావాల్సింది అని ఆన్సరిచ్చాడు. కానీ నువ్వు ఆమె ప్రేమ మాత్రమే గెల్చుకున్నావని కౌంటరిచ్చాడు యాంకర్‌. ఇక రేవంత్‌ మనుషులను తక్కువ చేసి మాట్లాడతాడని, గేలి చేస్తాడని విమర్శించాడు అర్జున్‌. ఇనయ భూచక్రం అని, సూర్య చిచ్చుబుడ్డి, శ్రీహాన్‌ రాకెట్‌, శ్రీసత్య థౌజండ్‌వాలా అని ట్యాగులిచ్చాడు. రేవంత్‌తో మంచిగా ఉంటూనే అతడి గురించి అందరి దగ్గరా మాట్లాడావు, మరి నిన్ను కన్నింగ్‌ అనకూడదా? అని ప్రశ్నించగా అది నా గేమ్‌ అని కవర్‌ చేశాడు అర్జున్‌.

బిగ్‌బాస్‌ 6 తెలుగు షో నుంచి తాజాగా బయటకు వచ్చేసింది సుదీప. ఎలాంటి గొడవ వచ్చినా మాటలతో నెగ్గుకు వచ్చే ఈ పింకీ తాజాగా బిగ్‌బాస్‌ బజ్‌లో పాల్గొంది. ఈ సందర్భంగా యాంకర్‌ శివ సుదీపకు వరుస ప్రశ్నలు విసిరాడు. కిచెన్‌లో ఉంటే అందరికీ మంచి అభిప్రాయం వస్తుందని వంటగదిలో సెటిలైపోయారా? అని అడిగాడు. అందుకామె అలాంటి ఆలోచనే తనకు లేదని చెప్పింది. ఎవరూ నాకు వంటరాదంటే నాకు రాదని చేతులెత్తేయడంతో అక్కడ ఉన్నానంది. ఇంట్లో అనవసరంగా గొడవలు పడే వ్యక్తి రేవంత్‌ అని ముక్కుసూటిగా చెప్పేసింది. హౌస్‌లో ఫేవరెటిజం చూపించారట? అన్న ప్రశ్నకు సుదీప స్పందిస్తూ.. ఎవరైనా డల్‌గా ఉంటే వెళ్లి పలకరించేదాన్ని, ఎవరినైనా టార్గెట్‌ చేస్తున్నారంటే వాళ్ల వెనకాల నిలబడేదాన్ని.. దీన్ని ఫేవరెటిజం అనుకుంటే నేనేం చేయలేను అని చెప్పుకొచ్చింది. ఏదేమైనా హౌస్‌లోనే కాదు, బయట కూడా సుదీప తన వాక్చాతుర్యంతో ఎదుటివారు తనకు కౌంటర్‌ ఇచ్చేందుకు ఛాన్స్‌ ఇవ్వదని ఈ బజ్‌తో మరోసారి రుజువైంది. చదవండి: ఏడోవారం నామినేషన్‌లో ఎవరెవరున్నారంటే?

బిగ్‌బాస్‌ తెలుగు ఆరో సీజన్‌లో ఇప్పటివరకు నలుగురు ఎలిమినేట్‌ అయ్యారు. తాజాగా చలాకీ చంటి ఎలిమినేట్‌ కావడంతో ఈ సంఖ్య ఐదుకి చేరింది. షో నుంచి బయటకు వచ్చేసిన చంటికి బిగ్‌బాస్‌ బజ్‌ యాంకర్‌ శివ సూదుల్లాంటి ప్రశ్నలు వేశాడు. హౌస్‌లో పంచులు వేయలేదని, జనాలు చలాకీ చంటి ఏమైపోయాడని అనుకుంటున్నారని విమర్శించాడు. జనాలు ఫ్లాప్‌ అనుకోవడం వల్లే తాను హౌస్‌ బయటున్నానని చంటి అంగీకరించాడు. బిగ్‌బాస్‌ హౌస్‌లో గేమ్‌ ఆడటం అంటే ఫేక్‌గా ఉండటమేనని, నువ్వు కూడా ఫేక్‌గా ఆడుతున్నావంటూ శివపై సెటైర్లు వేశాడు చంటి. నాలుగు వీడియో చేస్తూ రివ్యూలు ఇచ్చే గీతూకే అంతుంటే నాకెంతుండాలి అని సగంలోనే ఆపేశారు. ఇంకా చాలా చెప్పాలనుకున్నా.. కానీ సూటిగా చెప్తే తట్టుకునే శక్తి ఎవ్వడికీ ఉండదన్నాడు చంటి. మరి చంటి ఏం మాట్లాడాలో తెలియాలంటే బిగ్‌బాస్‌ కెఫె ఎపిసోడ్‌ మొత్తం చూసేయండి.. చదవండి: చంటి అవుట్‌, నేనే వెళ్లిపోతానంటూ ఏడుపందుకున్న ఇనయ నాగచైతన్య సినిమా యూనిట్‌పై గ్రామస్తుల దాడి

బిగ్‌బాస్‌ సీజన్‌-6లో నాలుగోవారం ఆరోహి ఎలిమినేట్‌ అయిన సంగతి తెలిసిందే. హౌస్‌లో చలాకీగా, గడుసుతనంతో కనిపించిన ఆరోహి ఎలిమినేషన్‌ అనంతరం యాంకర్‌ శివకి ఇచ్చిన బజ్‌ ఇంటర్యూలోనూ తనదైన శైలిలో మాట్లాడింది. బిగ్‌బాస్‌ జర్నీ ఎలా అనిపించింది అని అడగ్గా.. కొంతమందితో కనెక్ట్‌ అయ్యాననిపించింది అని పేర్కొంది ఆరోహి.ఎవరితో కనెక్ట్‌ అయ్యావ్‌ అని శివ కౌంటర్‌ వేయగా, ఎమోషనల్‌గా అంటే శ్రీహాన్, కీర్తిలతో కనెక్ట్’ అయ్యాను అని తెలిపింది. దీంతో ఏంటి తప్పు చెప్తున్నావా? లేదా సేఫ్‌ ఆడుతున్నావా అంటూ శివ ఆన్సర్‌ రాబట్టే ప్రయత్నం చేయగా ఏ.. నువ్వు ఎవరిపేరైనా ఎక్స్‌పెక్ట్‌ చేస్తున్నావా? ఏంటి అని గట్టిగానే బదులిచ్చింది. నువ్ ఎప్పుడైతే  నీ కోసం నువ్వు ఆడటం పక్కనపెట్టావో.. నీ గ్రాఫ్ పడిపోయింది అని శివ పేర్కొనగా, దీనికి నేను ఏమాత్రం ఒప్పుకోను అని ఆరోహి వాదించే ప్రయత్నం చేసింది. దీనికి శివ.. నువ్వు ఒప్పుకోవాల్సిన అవసరం లేదు. కానీ ఇదే నిదర్శనం. నువ్‌ ఎలిమినేట్‌ అయి నా ముందు ఉన్నావ్‌ కదా అంటూ కౌంటర్‌ ఇచ్చాడు శివ. హౌస్‌లో ఆరోహి మితిమీరింది అన్న ప్రశ్నకు .. మాది ప్యూర్‌ ఫ్రెండ్షిప్‌ అంటూ బదులిచ్చింది. మాకు అంత ప్యూర్‌గా ఏం అనిపించలేదే అని శివ అనేసరికి ఆరోహి..పచ్చ కామెర్లు వచ్చినోడికి లోకం అంతా పచ్చగానే కనిపిస్తుంది. ఇంటర్యూ అయినా నువ్వు ఇలా మాట్లాడితే అస్సలు ఊరుకోను అంటూ ఆరోహి ఫైర్‌ అయ్యింది. ప్రస్తుతం దీనికి సంబంధించిన వీడియో నెట్టింట తెగ వైరల్‌ అవుతుంది. 

Bigg Boss Telugu Non Stop: బిగ్‌బాస్ తెలుగు నాన్‌స్టాప్‌కు శనివారంతో ఎండ్‌కార్డ్‌ పడింది. బిగ్‌బాస్‌ ఓటీటీ తొలి సీజన్‌ విన్నర్‌గా బిందు మాధవి నిలిచిన సంగతి తెలిసిందే. హౌజ్‌లో చివరి రోజు వరకు బిందు మాధవి,  అఖిల్‌ సార్థక్‌, యాంకర్‌ శివ, అరియాన గ్లోరీ, బాబా భాస్కర్‌ మాస్టర్‌, మిత్ర శర్మ టైటిల్‌ కోసం పోరాడగా.. చివరకు బిందు టైటిల్‌ను కైవసం చేసుకుంది. ఇదిలా ఉంటే హౌజ్‌ నుంచి బయటకు వచ్చిన కంటెస్టెంట్‌ హావా మామూలుగా ఉండదు. వారి ఫ్యాన్స్‌ భారీగా తరలి వచ్చి తమ ఫేవరెట్‌ కంటెస్టెంట్‌కు నీరాజనాలు పలుకుతుంటారు. చదవండి: 'శేఖర్' సినిమా వివాదం.. జీవితా రాజశేఖర్ గెలుపు? ఈ సందర్భంగా వారి ఫ్యాన్స్‌ చేసే రచ్చ, హడావుడి గురించి ప్రత్యేకంగా చెప్పనక్కర్లేదు. బిగ్‌బాస్‌ సెట్‌ నుంచి ఇంటి వరకు రోడ్‌షో నిర్వహిస్తారు. అలాగే హౌజ్‌ నుంచి బయటకు వచ్చిన యాంకర్‌ శివ కోసం అతడి ఫ్యాన్స్‌ పెద్ద ఎత్తున తరలి వచ్చి స్వాగతం పలికారు. దీంతో శివ ఓపెన్‌ టాప్‌ కారులో తన ఫ్యాన్స్‌కు అభివాదం చేస్తూ ముందుకు కదిలాడు.  ఈ క్రమంలో శివ ఫ్యాన్స్‌ కారు వద్దకు చేరి నానా హంగామా చేశారు. కారు చూట్టు ముట్టి కారును ముందుకు కదలకుండా చేశారు. అంతేకాదు పెద్ద ఎద్దున అరుస్తూ రచ్చ చేశారు. దీంతో ఆ ఎరియాలో తీవ్ర ట్రాఫిక్‌ సమస్య నెలకొంది. చదవండి:  ప్రేమపై నోరు విప్పిన సాయి పల్లవి, ఏమన్నదంటే.. శివ కారు కారణంగా వెనకాలే వచ్చు కార్లు కూడా ముందుకు కదలని పరిస్థితి ఏర్పడింది. దీంతో పోలీసులు రంగంలోకి దిగి యాంకర్‌ శివకు క్లాస్‌ పీకారు. ఇలా కార్‌ టాప్‌ మీదకు రావడం కరెక్ట్‌ కాదని, మీరు లోపల కూర్చొని ఇక్కడి నుంచి వెళ్లాలని ఓ మహిళ పోలీసు అధికారిని శివను వారించారు. అంతేకాదు మీ వల్ల ట్రాఫిక్‌ జామ్‌ అవుతుందని, తొందరగా ఇక్కడి నుంచి వెళ్లిపోవాలని పోలీసులు శివను వారించినట్లు సమాచారం. దీంతో యాంకర్ శివ కారు లోపల కూర్చొని వెళ్ళిపోయాడు. కాగా గతంలోనూ పలువురు కంటెస్టెంట్స్ ఇలాగే రచ్చ చేయడంతో పోలీసులు వారిని మందలించిన సంగతి తెలిసిందే. పర్మిషన్‌ లేకుండా ఇలాంటి ర్యాలీలు చేపడితే ఊరుకోమని పోలీసులు పేర్కొన్నారు.  AnchorShiva craze ea verabba 😎 Anchor Shiva on the way home 🏡@anchor_shiva #AnchorShiva #BiggBossNonStop #BiggBossNonStopTelugu pic.twitter.com/Z5GsaDBb9Q — Shiva Fans Ikkada ⚡🔥❤️🥷 (@iamkundum) May 21, 2022

Anchor Shiva Gave Clarity On Love Story With Bindu Madhavi: బిగ్‌బాస్.. ప్రేక్షకుల నుంచి ఎంతో ఆదరణ పొందింది ఈ రియాలిటీ షో. గంట ఎపిసోడ్‌ కోసం రోజంతా ఎదురుచూసే ప్రేక్షకుల కోసం బిగ్‌బాస్‌ నాన్‌స్టాప్‌పేరుతో ఓటీటీలో ప్రవేశపెట్టారు. బిగ్‌బాస్‌ హౌజ్‌లో 24 గంటలు ఏం జరుగుతుందో లైవ్‌ స్ట్రీమింగ్‌ ద్వారా చూసేయండంటూ షోపై మరింత ఆసక్తి పెంచారు. ఈసారి బిగ్‌బాస్ నాన్‌స్టాప్‌లో వచ్చిన గొడవలు ఏ బిగ్‌బాస్ సీజన్‌లో రాలేదు. ఎంతలా అంటే ప్రేమలు, ఆప్యాయతలు కంటే కంటెస్టెంట్ల మధ్య వాగ్వాదాలతోనే మోస్ట్‌ పాపులర్‌ అయ్యారు. ఈ ఓటీటీ మొదటి సీజన్‌లో మొత్తం 18 మంది (ఒక వైల్డ్‌ కార్డ్‌ ఎంట్రీతో సహా) పాల్గొన్నారు.  వీరిలో అనిల్‌ రాథోడ్, అరియానా గ్లోరీ, అఖిల్‌ సార్థక్‌, బిందు మాధవి, శివ, మిత్రా శర్మ, బాబా భాస్కర్‌ గ్రాండ్ ఫినాలేకు చేరుకున్నారు. బిందు మాధవి విన్నర్‌గా నిలవగా అఖిల్‌ రన్నరప్‌గా సరిపెట్టుకున్నాడు. ఇక కాంట్రవర్సీ యాంకర్‌గా పేరు తెచ్చుకున్న శివ టాప్‌ 3 కంటెస్టెంట్‌గా నిలిచాడు. అయితే హౌజ్‌లో ఉన్నప్పుడు యాంకర్ శివ, బిందు మాధవి మధ్య లవ్‌ ట్రాక్ నడుస్తుందని అనేక రూమర్స్‌ వచ్చిన విషయం తెలిసిందే. బిగ్‌బాస్ గ్రాండ్‌ ఫినాలే తర్వాత జరిగిన ఓ ఇంటర్వ్యూలో ఈ విషయం గురించి చెప్పుకొచ్చాడు శివ.  చదవండి: అనిల్, సునిల్‌ను దొంగసచ్చినోళ్లు అంటూ అరియానా తిట్లు.. బిందుతో లవ్‌ ట్రాక్ నడపడం వల్లే ఫైనల్ వరకు వచ్చారా అని అడిగిన ప్రశ్నకు 'అసలు రాంగ్‌ ఇన్ఫర్మేషన్‌ అనుకుంటా. నిజానికి నేను బిందుతో ఉన్నది లవ్‌ ట్రాక్‌ కాదు. మా ఇద్దరిది ఫ్రెండ్‌షిప్ మాత్రమే. అసలు లవ్‌ ట్రాక్‌ అయితే కానేకాదు.' అని తెలిపాడు శివ. తర్వాత బిగ్‌బాస్‌కు వెళ్లడం ఎలా ఉందన్న ప్రశ్నకు 'కాంట్రవర్సీ యాంకర్‌గా పేరు తెచ్చుకున్న నేను మొదట్లో భయపడ్డాను. ఎక్కడ నెగెటివిటీ వస్తుందో అని. నన్ను యాక్సెప్ట్‌ చేస్తారో లేదో అనుకున్నా. కానీ హౌజ్‌లోపలికి గెస్ట్‌లు, పేరెంట్స్‌ వచ్చి ఎంటర్‌టైనర్‌ ఎంటర్‌టైనర్ అంటే సంతోషంగా అనిపించింది. ఇంత మంచి పేరు వచ్చినందుకు హ్యాపీగా ఉంది.' అని పేర్కొన్నాడు.  చదవండి: తెలుగు బిగ్‌బాస్‌ చరిత్రలోనే మొదటి మహిళా విజేతగా బిందు మాధవి..

బిగ్‌బాస్‌ నాన్‌స్టాప్‌ విన్నర్‌ ఎవరన్న ఉత్కంఠకు తెరపడింది. గత సీజన్ల కంటే భిన్నంగా ఏడుగురు కంటెస్టెంట్లతో గ్రాండ్‌ ఫినాలేకి చేరుకున్న బిగ్‌బాస్‌ చివరి మజిలీకి చేరుకుంది. బిగ్‌బాస్‌ గ్రాండ్‌ ఫినాలే అప్‌డేట్స్‌ అప్పుడే సోషల్‌ మీడియాలో లీక్‌ అయ్యాయి. నెట్టింట లీక్‌ అవుతున్న సమాచారం ప్రకారం..  బిందు మాధవి బిగ్‌బాస్‌ నాన్‌స్టాప్‌ టైటిల్‌ విన్నర్‌గా నిలిచింది. దీంతో ఈసారైనా విన్నర్‌ అవ్వాలన్నా అఖిల్‌ కల కలగానే మిగిలిపోయింది. బిగ్‌బాస్‌ చరిత్రలోనే తొలిసారి ఒక అమ్మాయి టైటిల్‌ విన్నర్‌గా నిలవడం బిందుకే సాధ్యమైంది. ఆడపులి హ్యాష్‌ట్యాగ్‌తో ఫేమస్‌ అయిన బిందు ఓటీటీ విన్నర్‌గా నిలిచి సత్తా చాటింది. కాగా ఈ సీజన్‌లో వైల్డ్‌ కార్డ్‌ ఎంట్రీగా వచ్చిన బాబా మాస్టర్‌ టాప్7 స్థానంలో నిలవగా, అనిల్‌ 6వ స్థానంలో నిలిచారు. ఆ తర్వాత మిత్రా, అరియానా గ్లోరీ, శివ వరుసగా టాప్‌- 3 స్థానాల్లో నిలిచినట్లు టాక్‌ వినిపిస్తుంది. టాప్‌-4లో ఉన్న కంటెస్టెంట్లకు నాగార్జున డబ్బులు ఆఫర్‌ చేయగా అరియానా గ్లోరీ 10 లక్షల బ్రీఫ్‌ కేసును తీసుకొని టైటిల్‌ రేసు నుంచి స్వయంగా తప్పుకుంది. ఆ తర్వాత టాప్‌-3లో ఉండగా మరోసారి డబ్బులు ఆఫర్‌ చేయగా, శివ, బిందు, అఖిల్‌ ఆ ఆఫర్‌ను తిరస్కరించారు.ఫైనల్‌గా బిందు, అఖిల్‌కి మధ్య జరిగిన రేస్‌లో బిందు విజేతగా నిలిచినట్లు తెలుస్తుంది. దీంతో సోషల్‌ మీడియా వేదికగా బిందుకు శుభాకాంక్షలు వెల్లువెత్తుతున్నాయి. 

యూట్యూబ్‌ స్టార్‌ షణ్ముఖ్‌ జశ్వంత్‌ బిగ్‌బాస్‌కు వచ్చాక అతడిపై విపరీతమైన నెగెటివిటీ పెరిగింది. సిరితో క్లోజ్‌గా ఉంటూ ఆమెపై పెత్తనం చెలాయిస్తున్నాడని, ఎవరితోనూ కలివిడిగా మాట్లాడనీయకుండా హద్దులు గీస్తున్నాడని విమర్శలు వెల్లువెత్తాయి. అంతేకాక గర్ల్‌ఫ్రెండ్‌ దీప్తి సునయన ఉందన్న విషయం మర్చిపోయి సిరితో ఎక్కువ సన్నిహితంగా మెదిలాడంటూ కామెంట్లూ వినిపించాయి. ఈ నెగెటివిటీతో బిగ్‌బాస్‌ తెలుగు ఐదో సీజన్‌ విన్నర్‌ కావాల్సిన షణ్ను రన్నరప్‌గా నిలిచాడు. బిగ్‌బాస్‌ తర్వాత తన ప్రేయసి కూడా గుడ్‌బై చెప్పడంతో ఒకింత శూన్యంలోకి వెళ్లిపోయాడు. అయితే తను చేసిన తప్పులను ఒప్పుకుంటూ తనను తాను సరిదిద్దుకుంటూ నెగెటివిటీని కూడా పాజిటివ్‌గా మార్చుకున్నాడు షణ్ను. దీంతో బిగ్‌బాస్‌ హౌస్‌లో ఉన్నప్పుడు తిట్టినవాళ్లే షణ్ను మెచ్యూరిటీని మెచ్చుకోకుండా ఉండలేకపోయారు. తాజాగా షణ్ను మరోసారి బిగ్‌బాస్‌ షోలో అడుగుపెట్టాడు. ఎవిక్షన్‌ ఫ్రీ పాస్‌ కంటెండర్స్‌ గేమ్‌ ఆడించేందుకు హౌస్‌లో ఎంట్రీ ఇచ్చాడు. అందులో భాగంగా హౌస్‌మేట్స్‌తో ఓ గేమ్‌ ఆడించగా అందులో శివ గెలుపొందాడు. కానీ అఖిల్‌కు మిస్టరీ బాక్స్‌ రాగా అందులో ఎక్కువ పాయింట్స్‌ ఉన్నవాళ్లే గేమ్‌లో ముందుకు వెళ్లాలని రాసుంది. దీంతో ఇప్పటికే అనిల్‌, బాబా భాస్కర్‌, బిందు పోటీదారులుగా ఎంపికవగా ఈ జాబితాలో శివ లేదా అఖిల్‌లో ఎవరో ఒకరు చేరినట్లు తెలుస్తోంది. మరి హౌస్‌లో షణ్ను సందడి చూడాలంటే బిగ్‌బాస్‌ నాన్‌స్టాప్‌ చూడాల్సిందే! చదవండి: ఇట్స్‌ టూ మచ్‌, అంత మేకప్‌ అక్కర్లేదు.. నటిపై ట్రోలింగ్‌ రోమాలు నిక్కబొడిచే 'కొమురం భీముడో' వీడియో సాంగ్‌ చూశారా?

బిగ్‌బాస్‌ షోలో ఎవిక్షన్‌ ఫ్రీ పాస్‌ కోసం హౌస్‌మేట్స్‌ మధ్య టఫ్‌ ఫైట్‌ నడుస్తోంది. ఎలిమినేషన్‌ నుంచి గట్టెక్కించే ఈ ఆయుధాన్ని బిగ్‌బాస్‌ కంటెస్టెంట్లకు అంత ఈజీగా ఇస్తాడా? ఛాన్సే లేదు. నానా టాస్క్‌లు ఆడిస్తూ హౌస్‌మేట్స్‌లో మరింత పట్టుదలను పెంచుతున్నాడు. ఈ క్రమంలో తాజగా యాంకర్‌ రవి హౌస్‌లో అడుగుపెట్టగా ఎవిక్షన్‌ ఫ్రీ పాస్‌ పోటీదారుడిగా యాంకర్‌ శివను ప్రకటించినట్లు తెలుస్తోంది. కానీ ఆ ఆనందం శివకు ఎంతోకాలం నిలవలేదు. తను అందుకున్న బాక్స్‌లో తన అవకాశాన్ని వేరొకరికి బదిలీ చేయాలని ఉంది. దీంతో శివ.. బిందుమాధవి ఎవిక్షన్‌ ఫ్రీ పాస్‌ కోసం పోటీపడుతుందని ప్రకటించాడు. మూడు రోజులన ఉంచి నువ్వు జీరో పాయింట్స్‌ దగ్గరున్నావు, ఆడు అని చెప్పాడు. అంటే నేను ఆడలేదని ఇస్తున్నావా? నాకొద్దని తిరస్కరించింది బిందు. నేను సరిగా గేమ్‌ ఆడుతున్నానని నీకు నమ్మకం లేదు కదా అని ఆమె ఏడుపందుకోవడంతో శివ బిందును ఓదార్చాడు. కాస్త బుజ్జగింపుల తర్వాత బిందు కంటెండర్‌గా నిలిచేందుకు అంగీకరించింది. మరి ఎవిక్షన్‌ ఫ్రీ పాస్‌ కోసం ఇంకా ఎవరెవరు పోటీదారులుగా నిలుస్తారో తెలియాలంటే బిగ్‌బాస్‌ నాన్‌స్టాప్‌ చూడాల్సిందే! చదవండి: నన్ను సెక్స్‌ స్కామ్‌లో ఇరికించి సోనాక్షిని స్టార్‌ను చేశారు సమంతతో పోల్చుకున్న ఉర్ఫీ, ఇదెక్కడి న్యాయం అంటూ ఆగ్రహం

బిగ్‌బాస్‌ హౌస్‌లో ఫ్యామిలీ ఎపిసోడ్‌ జరుగుతోంది. రెండు నెలలుగా కష్టపడి గేమ్‌ ఆడుతూ టాప్‌ 10లో చోటు దక్కించుకున్న కంటెస్టెంట్ల కోసం బిగ్‌బాస్‌ వారి ఫ్యామిలీ మెంబర్స్‌ను హౌస్‌లోకి పంపించాడు. ఇప్పటికే అషూ తల్లి, నటరాజ్‌ మాస్టర్‌ భార్యాకూతురు, యాంకర్‌ శివ సోదరి, అఖిల్‌ తల్లి, అరియానా ఫ్రెండ్‌, మిత్ర ఫ్రెండ్‌ హౌస్‌లోకి వెళ్లారు. అందరూ వారికి తోచిన సూచనలు, సలహాలు ఇచ్చారు. అయితే అఖిల్‌ తల్లి మాత్రం శివతో వ్యవహరించిన తీరు చర్చనీయాంశంగా మారింది. కొడుక్కి రిలేషన్స్‌ పక్కన పెట్టి గేమ్‌ మీద దృష్టి పెట్టు. ఎవరేమన్నా ఇచ్చిపడేయ్‌.. అని సూచించిన ఆమె యాంకర్‌ శివ మీద మాత్రం వరుసగా సెటైర్లు వేసింది. 'గేమ్‌ ఆడుతున్నవా? లేదా దానం చేస్తున్నావా? అని వ్యంగ్యాస్త్రాలు సంధిస్తూనే.. 'సరేలే, బిగ్‌బాస్‌కు రావాలన్నది నీ కోరిక.. నన్ను అడిగావా? లేదా? వస్తావని చెప్పానా? లేదా? వచ్చావు.. నీ కోరిక నెరవేరిపోయింది, హ్యాపీ..' అని చెప్పుకొచ్చింది. శివకు, తనకు గొడవలవుతున్నాయని అఖిల్‌ అనగా ఆమె మరోసారి శివ మీద అసహనం వ్యక్తం చేసింది. వాడు కావాలనే చేస్తాడు, కథలు పడుతుండు అని విమర్శించింది. చదవండి: నా జిందగీలో నుంచే కాదు, నా బాడీలో నుంచి కూడా వదిలించుకున్నా ఇప్పటిదాకా ఐదు సీజన్లు చూశావు, ఇది ఆరోదా.. అని అడుగుతూ నవ్వేసింది. దీంతో అఖిల్‌ కలగజేసుకుంటూ మా అమ్మ చెప్పినదాని కోసం ఏమనుకోకురా అని చేతులెత్తి వేడుకున్నాడు. అటు అఖిల్‌ తల్లి మాత్రం.. ఏ క్వశ్చన్‌ పేపర్‌ ఉందో దానికి సంబంధించింది చదివితేనే పాస్‌ అవుతరు. కానీ అన్ని క్వశ్చన్‌ పేపర్లు చదివేస్తే దేనికి దేనికి ఆన్సర్‌ రాయాలో అర్థం కాదు, నీ కాంట్రవర్సీ అలా అయిపోయింది అని సెటైర్లు వేస్తూనే చివర్లో మాత్రం బుజ్జగింపుగా బాగా ఆడుతున్నావు అని పేర్కొంది. శివ ఫస్ట్‌ టైం హౌస్‌లోకి వచ్చాడు కానీ ఇప్పటికే ఐదుసార్లు వచ్చినట్లు ఉందని పంచ్‌ వేసింది. ఆ తర్వాత హౌస్‌ నుంచి వెళ్లిపోయే ముందు వర్షంలో తల్లీకొడుకులు కలిసి డ్యాన్స్‌ చేసి ఆనందించారు. దీంతో ఇతర హౌస్‌మేట్స్‌ కూడా మైకులు తీసేసి వర్షంలో చిందులేశారు. చదవండి: బాలీవుడ్‌ నటికి సల్మాన్‌ ఖాన్‌ బంపర్‌ ఆఫర్‌, కావాల్సినంత తీసుకో!

ఎవరి సపోర్ట్‌ లేకుండా ఒంటరిగా ఆడుతూ ఇక్కడిదాకా వచ్చాడు యాంకర్‌ శివ. బిగ్‌బాస్‌ షోలో అందరితో సరదాగా ఉంటూ, కామెడీ పంచుతూ, గేమ్‌ ఆడుతూ ప్రేక్షకులను ఆకట్టుకునేందుకు తనవంతు కష్టపడుతున్నాడు శివ. అతడి డెడికేషన్‌ చూసి టాప్‌ 5లో ఉండటం ఖాయం అనుకున్నారంతా. కానీ సోమవారం జరిగిన నామినేషన్‌తో శివపై వ్యతిరేకత మొదలైంది. ఇంతకీ నామినేషన్‌లో ఏం జరిగిందటారా? బిగ్‌బాస్‌ హౌస్‌లో శివ ఓసారి లేడీ గెటప్‌ వేసుకున్న విషయం తెలిసిందే కదా! దానికి అషూనే తన జాకెట్‌, షాట్‌, జాకెట్‌ లోపల వేసుకునే లోదుస్తులను కూడా శివకు ఇచ్చింది. అయితే ఆ సమయంలో శివ పదేపదే షర్ట్‌ బటన్స్‌ తీసేయ్‌, బటన్స్‌ తీసేయ్‌ అనడం నచ్చలేదని నామినేట్‌ చేసింది. నీ ఉద్దేశం ఏదైనా ఉండనీ, కానీ ఆ పదాలు వాడటం ఇబ్బందికరంగా అనిపించిందని చెప్పుకొచ్చింది. అషూ చెప్పిన మాటలు విని అక్కడున్నవారంతా ఒక్కసారిగా షాకయ్యారు. అటు సోషల్‌ మీడియాలోనూ దీనిపై పెద్ద దుమారమే నడుస్తోంది. నిజానికి ఆరోజు ఏం జరిగిందో వారి మాటల్లోనే.. బాత్రూమ్‌ ఏరియాలో జరిగిన సంభాషణ.. శివ: దాంతోపాటు పైన షర్ట్‌ కూడా కావాలి, నువ్వు నార్మల్‌గా వేస్తావు కదా! అషూ: మరేం కావాలి? శివ: బటన్స్‌ తీయ్‌, నీ షర్ట్‌ బటన్స్‌ తీయ్‌, ఆ టైప్‌ కావాలి అషూ: దానికి బటన్స్‌ ఎందుకు తీయమంటున్నావు? ఆగు, నేనిస్తా శివ: అహ, ఆ టైప్‌ కావాలని అడుగుతున్నా అషూ: (లోదుస్తులను ఇస్తూ) నేను వేసుకుంది కూడా ఇలాంటిదే, సేమ్‌రా నిజం, ఒకసారి వేసుకుని చూడు అషూ: అలాగే నా దగ్గర ఒక జాకెట్‌ ఉంది, దానితో పాటు ఒక షాట్‌ కూడా ఇస్తా ఇదీ వాళ్లమధ్య జరిగిన సంభాషణ. ఇక ఇందులో శివ బటన్స్‌ తీయమని అడగడం స్పష్టంగా ఉండటంతో అషూ ఫ్యాన్స్‌ అగ్గి మీద గుగ్గిలమవుతున్నారు. ఒక అమ్మాయితో అలాగే మాట్లాడతావా? ఒంటి మీదున్న షర్ట్‌ బటన్స్‌ తీయమని అడగడమేంటని ఆగ్రహం వ్యక్తం చేస్తున్నారు. శివ ఫ్యాన్స్‌ మాత్రం లో దుస్తులు అనే పదాన్ని ఉపయోగించడం ఇష్టం లేకనే అలా అడిగాడని అతడిని వెనకేసుకొస్తున్నారు. అక్కడ శివ తప్పుగా మాట్లాడినట్లు ఏమీ అనిపించలేదని కామెంట్లు చేస్తున్నారు. చదవండి: స్క్రీన్‌షాట్లున్నాయి, అంత ఈజీగా వదిలిపెట్టనంటూ నటుడి వార్నింగ్‌ ఆయన కంట్రోల్‌లో ఉండాలి, అఖిల్‌ కప్పు తీసుకొచ్చేసేయ్‌

ఎప్పుడూ కూల్‌గా ఉంటూ నవ్వుతూనే చురకలు అంటించే నాగార్జున ఈసారి మాత్రం విశ్వరూపం చూపించాడు. హద్దులు మీరి మాట్లాడుతూ అతి చేస్తున్న బిగ్‌బాస్‌ నాన్‌స్టాప్‌ కంటెస్టెంట్లపై ఫైర్‌ అయ్యాడు. ఈ క్రమంలో యాంకర్‌ శివ, నటరాజ్‌ మాస్టర్‌లకు గట్టి వార్నింగే ఇచ్చాడు. ఇదిలా ఉంటే హౌస్‌మేట్స్‌తో ఫన్నీ టాస్క్‌ కూడా ఆడించాడు నాగ్‌. హౌస్‌లో బూతులు మాట్లాడే కంటెస్టెంట్‌ ఎవరని ప్రశ్నించగా నటరాజ్‌ అషూరెడ్డి అని ఆన్సరిచ్చాడు. అషూ పచ్చిబూతులు మాట్లాడుతుందా అని నాగ్‌ ఆశ్చర్యం వ్యక్తం చేయగా మా మమ్మీ చూస్తే ఇంటికెళ్లాక చీపురుకట్ట తిరగేస్తుందని వాపోయింది అషూ. శివ ఒక హౌస్‌మేట్‌ డ్రెస్సును బాత్రూమ్‌ బ్రష్‌తో ఉతికేసిన వీడియోను చూపిస్తూ గరమయ్యాడు నాగ్‌. శివ చేసింది కరెక్టా? అని బిందు మాధవిని అడగ్గా ఆమె తప్పని బదులిచ్చింది. శివ ఏదో చెప్పడానికి ప్రయత్నించగా షటప్‌ అంటూ అతడి నోరు మూయించాడు. ఈ వారమంతా అమ్మాయిల బట్టలు ఉతకాలని పనిష్మెంట్‌ ఇచ్చాడు. అలాగే ఈ రోజు సింగిల్‌ ఎలిమినేషన్‌ కాదని, డబుల్‌ ఎలిమినేషన్‌ ఉండబోతుందని హౌస్‌మేట్స్‌ను టెన్షన్‌ పెట్టాడు నాగ్‌. అయితే ఆ ఇద్దరు ముమైత్‌ ఖాన్‌, స్రవంతి అని సోషల్‌ మీడియాలో జోరుగా ప్రచారం జరుగుతోంది. చదవండి: కిరాక్‌ ఆర్‌పీ ఇల్లు చూశారా? లిఫ్ట్‌, హోమ్‌ థియేటర్‌.. అబ్బో ఇలా చాలానే ఉన్నాయి!  డబుల్‌ ఎలిమినేషన్‌ ట్విస్ట్‌! ఆ ఇద్దరు బ్యాగు సర్దేయాల్సిందే!

సాధారణంగా బిగ్‌బాస్‌ షోలో సండే అనగానే ఫండే అంటూ ఎపిసోడ్‌ స్టార్ట్‌ చేస్తాడు నాగార్జున. కానీ బిగ్‌బాస్‌ తెలుగు ఓటీటీ షోలో మాత్రం ఫన్‌ అండ్‌ ఫ్రస్టేషన్‌ రెండూ చూపిస్తాడు. ఇక ఈ వారం అయితే ఎన్నడూ లేనంతగా సీరియస్‌ అయ్యాడు. హౌస్‌మేట్స్‌ ప్రవర్తనపై తీవ్రస్థాయిలో ఫైర్‌ అయ్యాడు. ఈ మేరకు తాజాగా ప్రోమో రిలీజైంది. ముందుగా నాగ్‌ హౌస్‌మేట్స్‌ను ఒక్కొక్కరిగా కన్ఫెషన్‌ రూమ్‌లోకి పిలుస్తూ నిన్ను మోసం చేస్తుంది ఎవరో చెప్పాలన్నాడు. మోసం చేసేంత చనువు తానెవరికీ ఇవ్వలేదని తెలివిగా ఆన్సరిచ్చాడు మహేశ్‌ విట్టా. అసలు ఈ హౌస్‌లో ఎవరినీ నమ్మడం లేదని తనదైన స్టైల్‌లో సమాధానమిచ్చింది హమీదా. ఇక నటరాజ్‌ మాస్టర్‌ యాంకర్‌ శివ మోసం చేస్తున్నాడని చెప్పినట్లు తెలుస్తోంది. చివరికి అతడు బిందును కూడా మోసం చేస్తాడన్నాడు. స్రవంతి.. తను ఎంతో బెస్ట్‌ ఫ్రెండ్స్‌గా భావించిన అఖిల్‌, అజయ్‌ మోసం చేశారని తెలిపింది. యాంకర్‌ శివ.. నటరాజ్‌ మాస్టర్‌ పేరు చెప్పాడు. ఈ సందర్భంగా నటరాజ్‌ మాస్టర్‌కు లుంగీ ఎత్తి చూపించడం కరెక్ట్‌ అనుకుంటున్నావా? అని సూటిగా ప్రశ్నించాడు. దానికి శివ సరదాగా అన్నానని చెప్పగా బిగ్‌బాస్‌ వీడియో ప్లీజ్‌ అంటూ అతడి నిజస్వరూపాన్ని బయటపెట్టాడు. అటు మాస్టర్‌ బూతులు మాట్లాడటాన్ని కూడా తప్పుపట్టాడు నాగ్‌. 23 ఏళ్ల అనుభవం ఉంది.. ఆ బూతులు మాట్లాడటమేంటి? అని ప్రశ్నించడంతో నటరాజ్‌ నీళ్లు నమిలాడు. మరోవైపు లుంగీ ఎత్తడం తప్పు అని శివను హెచ్చరిస్తుండగా పదేపదే మధ్యలో కలగజేసుకున్న మాస్టర్‌ మీద ఫుల్‌ ఫైర్‌ అయ్యాడు హోస్ట్‌. మాస్టర్‌ సైలెంట్‌, నేను అతడితో మాట్లాడుతున్నాను కదా అని మండిపడ్డాడు. మరి నాగ్‌ చేతిలో ఎవరికి కోటింగ్‌ పడతాయి?, ఎవరికి కాంప్లిమెంట్స్‌ దక్కుతాయో తెలియాలంటే నేడు సాయంత్రం 6 గంటలకు ప్రసారమయ్యే బిగ్‌బాస్‌ నాన్‌స్టాప్‌ ఎపిసోడ్‌ చూడాల్సిందే! చదవండి:  ఏడేళ్ల లవ్‌.. చూడకూడని స్థితిలో బావను చూశాను: అరియానా బ్రేకప్‌ స్టోరీ ప్రభాస్‌ ‘నో’ చెప్పి ఉంటే ఆదిపురుష్‌ ఉండేది కాదు

బిగ్‌బాస్‌ నాన్‌స్టాప్‌ షో వీకెండ్‌కు రెడీ అవుతోంది. అయితే ఎలిమినేషన్‌ కన్నాముందు వరస్ట్‌ పర్ఫామర్‌ను ఎన్నుకోవాల్సిన సమయం వచ్చేసింది. దీంతో మెజారిటీ ఇంటిసభ్యులు బిందుమాధవి పేరును ప్రస్తావించినట్లు తెలుస్తోంది. గేమ్‌లో నిర్లక్ష్యంగా వ్యవహరించి కాయిన్స్‌ పోగొట్టుకుందంటూ చాలామంది ఆమెను చెత్త ప్లేయర్‌గా అభిప్రాయపడ్డారు. ఆఖరికి ఆమె ఫ్రెండ్‌ యాంకర్‌ శివ కూడా కాయిన్స్‌ పోగొట్టుకోవడం తప్పంటూ బిందుకు వరస్ట్‌ పర్ఫామర్‌ ట్యాగ్‌ ఇచ్చాడు. ఈ క్రమంలో బిందు తన ఆటను తప్పుపట్టిన హౌస్‌మేట్స్‌ తీరును తిప్పికొట్టే ప్రయత్నం చేసింది. దీంతో మరోసారి అఖిల్‌, బిందుమాధవి మధ్య గొడవ రాజుకుంది. ఈ వారం బిందు వరస్ట్‌ పర్ఫామర్‌గా ఎంపికై జైల్లో పడ్డట్లు కనిపిస్తోంది. మరోవైపు అటు నటరాజ్‌ మాస్టర్‌, యాంకర్‌ శివ మధ్య కూడా పెద్ద ఫైట్‌ నడిచినట్లు కనిపిస్తోంది. కొట్టకపోతే అడుగు అంటూ శివకు సవాలు విసిరాడు నటరాజ్‌. ఇద్దరూ ఒకరిమీదకు ఒకరు దూసుకెళ్తుండటంతో వీరి కొట్లాటను ఆపే ప్రయత్నం చేసింది కెప్టెన్‌ అషూ. కోపంతో రగిలిపోయిన నటరాజ్‌ మాస్టర్‌ కిచెన్‌లో కూడా చిందులు తొక్కాడు. నాకు రక్తం మరిగిపోతుంది, ఎన్నిసార్లు ఊరుకుంటాను? కత్తి తెచ్చి కట్‌ చేసి పాడేద్దామనుకున్నాను అని ఆవేశంతో ఊగిపోయాడు. చివర్లో మనిషికి రెండు కళ్లు, శివుడికి మూడు కళ్లు, నటరాజ్‌కు ఒళ్లంతా కళ్లు అన్న తనదైన స్టైల్‌లో డైలాగ్‌ వదిలాడు నటరాజ్‌ మాస్టర్‌. చదవండి: ఓటీటీల్లో మిస్‌ అవ్వకూడని టాప్‌ 6 సినిమాలు..  ఏడేళ్ల లవ్‌.. బావ అనుమానించాడు: అరియానా బ్రేకప్‌ స్టోరీ

బిగ్‌బాస్‌ అభిమానులకు కావాల్సినంత వినోదాన్ని పంచుతోంది బిగ్‌బాస్‌ నాన్‌స్టాప్‌. అలకలు, కొట్లాటలు, కయ్యాలు, కలవరింపులకు కొరతే లేకపోవడంతో ప్రేక్షకులు ఈ ఓటీటీ షోను ఆదరిస్తున్నారు. కాకపోతే ప్రతి సీజన్‌లో ఉన్నట్లుగానే ఈ సీజన్‌లో కూడా కంటెస్టెంట్లు ఎక్కువశాతం గ్రూపులు గ్రూపులుగానే ఆడుతున్నారు. అయితే నటరాజ్‌ మాస్టర్‌ మాత్రం సింగిల్‌గా ఆడటానికే ఎక్కువ ఆసక్తి చూపిస్తున్నారు. ఇదిలా ఉంటే హౌస్‌లో జరిగిన కెప్టెన్సీ కంటెండర్స్‌ టాస్క్‌లో బిందుమాధవి, అజయ్‌ పెద్దగా ఆడలేదు. శివ, అఖిల్‌, అరియానా, హమీదా, మహేశ్‌ సహా మరికొందరు బాగానే కష్టపడ్డారు. కానీ చివరగా హౌస్‌మేట్స్‌ మద్దతుతో కెప్టెన్‌ను ఎన్నుకోవాల్సి రావడంతో మరోసారి శివకు మొండిచేయి ఎదురైంది. అతడు కెప్టెన్‌ అవడం ఇష్టం లేదంటూ హౌస్‌మేట్స్‌ అతడిని కత్తితో పొడిచారు. అటు హమీదా, ముమైత్‌ సైతం కత్తిపోట్లు ఎదుర్కొన్నారు. తక్కువ కత్తిపోట్లు పడ్డ అషూ కెప్టెన్‌గా అవతరించినట్లు తెలుస్తోంది. చదవండి: శ్రీహాన్‌పై సిరి ఆసక్తికర వ్యాఖ్యలు, చివరికి ఇలా క్లారిటీ ఇచ్చిందా?  నన్ను రావణాసురుడితో పోలిస్తే బాగుంటుంది: ఆర్జీవీ

బిగ్‌బాస్‌ నాన్‌స్టాప్‌ రెండోవారంలో అడుగుపెట్టింది. రెండోసారి కూడా నామినేషన్లు రసవత్తరంగా మారాయి. వారియర్స్‌ టీం నుంచి ఒక్కొక్కరు ఒక్కో కంటెస్టెంట్‌ను మాత్రమే నామినేట్‌ చేయాలని బిగ్‌బాస్‌ ఆదేశించాడు. నామినేట్‌ చేయాలనుకున్న వ్యక్తి ఫొటోపై కత్తి గుచ్చి నామినేషన్‌ ప్రక్రియ కొనసాగించాలని సూచించాడు. మరి ఎవరు ఎవరెవర్ని నామినేట్‌ చేశారో కింది స్టోరీలో చదివేయండి. ముందుగా సరయు వంతు రాగా డబుల్‌ మీనింగ్‌ డైలాగులు మాట్లాడుతున్నాడంటూ యాంకర్‌ శివను నామినేట్‌ చేసింది. తర్వాత అషూరెడ్డి.. గేమ్‌ మీద ఫోకస్‌ పెట్టడం లేదంటూ మిత్రశర్మను నామినేట్‌ చేసింది. అఖిల్‌.. యాంకర్‌ శివను నామినేట్‌ చేస్తూ అతడిపై సెటైర్లు విసిరాడు. ఇంట్లో ఉండాలంటే అర్హత ఉండాలని, నీమీద నీకు నమ్మకం లేకపోతే ఇంట్లో ఉండి వేస్ట్‌ అని విమర్శించాడు. తేజస్వి.. అతడిని నామినేట్‌ చేస్తే కానీ అసలు గేమ్‌ బయటకు రాదంటూ అనిల్‌ను నామినేట్‌ చేసింది. మహేశ్‌ విట్టా కూడా తేజు చెప్పిన కారణమే చెప్తూ అనిల్‌ ఫొటోపై కత్తితో గుచ్చాడు. నటరాజ్‌ మాస్టర్‌.. శివను నామినేట్‌ చేసే క్రమంలో వీరిద్దరికి మధ్య పెద్ద ఫైటే జరిగింది. హమీదా.. మిత్రను, అరియానా.. శ్రీరాపాకు నామినేట్‌ చేశారు. చాలెంజర్స్‌ టీమ్‌.. వారియర్స్‌లో ఇద్దరిద్దర్ని నామినేట్‌ చేయాలని ఆదేశించాడు బిగ్‌బాస్‌. దీంతో మొదటగా ఆర్జే చైతూ.. అఖిల్‌, అరియానాను; స్రవంతి చొక్కారపు.. సరయు, నటరాజ్‌ మాస్టర్‌ను; శ్రీరాపాక.. అరియానా, సరయును; అనిల్‌.. సరయు, హమీదాను నామినేట్‌ చేశారు. అజయ్‌.. సరయు, మహేశ్‌ విట్టాను; బిందు మాధవి.. నటరాజ్‌ మాస్టర్‌, సరయును; మిత్ర శర్మ.. అషూ, హమీదా; యాంకర్‌ శివ.. సరయు, అఖిల్‌ను నామినేట్‌ చేశారు. యాంకర్‌ శివ సరయును నామినేట్‌ చేసే క్రమంలో తాను డబుల్‌ మీనింగ్‌ డైలాగ్‌ మాట్లాడినట్లు నిరూపిస్తే హౌస్‌లో నుంచి వెళ్లిపోతానని సవాలు విసిరాడు. దీంతో ఫైనల్‌గా 11 మందికి ఎక్కువ ఓట్లు వచ్చాయి. దీంతో ఈ వారం సరయు, అఖిల్‌, హమీదా, అనిల్‌, మిత్ర శర్మ, అరియానా, శివ, నటరాజ్‌, అషూ, శ్రీరాపాక, మహేశ్‌ నామినేషన్‌లో ఉన్నారు.

బిగ్‌బాస్‌ నాన్‌స్టాప్‌ రసవత్తరంగా సాగుతోంది. తొలి వారం ఎవరూ ఊహించని విధంగా ముమైత్‌ ఖాన్‌ ఎలిమినేట్‌ అయ్యింది. చివరి రౌండ్‌లో సరయు, ముమైత్‌కి జరిగిన పోరులో అనూహ్యంగా ముమైత్‌ ఖాన్‌కు తక్కువ ఓట్లు రావడంతో హౌస్‌ నుంచి బయటికి వెళ్లింది. ఈ మొత్తం ఎపిసోడ్‌లో ఆర్జే చైతూని నిందిస్తూ తన తర్వాత బయటికి వచ్చేది తనే అంటూ శాపనార్థాలు పెట్టింది. ఇక సం‍డే ఎపిసోడ్‌ అలా సాగింది. తాజాగా బిగ్‌బాస్‌ నాన్‌స్టాప్‌లో రెండవ వారానికి సంబంధించి నామినేషన్స్‌ షురూ అయ్యాయి. తాము ఎవరినైతే నామినేట్‌ చేయాలనుకుంటున్నారో వారి ఫోటోను డ్యాగర్‌తో గుచ్చి తగిన కారణాలు చెప్పాల్సిందిగా బిగ్‌బాస్‌ ఆదేశించాడు. ఇక ఎప్పటిలాగే నామినేషన్స్‌లో ఒకరిపై ఒకరు అరుచుకోవడం, గొడవ పడటం జరిగాయి. ఇంట్లో ఉండటానికి ఒక అర్హత ఉండాలని అది గేమ్‌లో ఎక్కడా కనిపించడం లేదంటూ అఖిల్‌ యాంకర్‌ శివను నామినేట్‌ చేశాడు. సరయు సైతం తనతో డబల్‌ మీనింగ్‌తో మాట్లాడుతున్నాడంటూ శివనే నామినేట్‌ చేసింది. ఈ గొడవలో నటరాజ్‌ మాస్టర్‌ ఎంటర్‌ అయ్యి.. అవును నువ్వు డబల్‌ మీనింగ్‌లోనే మాట్లాడావ్‌ అంటూ సరయూకి సపోర్ట్‌గా నిలిచాడు. దీంతో ఒకవేళ మీరు చెప్పిన డైలాగ్‌ నేను అని ఉంటే తక్షణమే బిగ్‌బాస్‌ నుంచి బయటికి వెళ్లిపోతా అంటూ యాంకర్‌ శివ ఛాలెంజ్‌ చేస్తాడు. అషూ, మిత్రా శర్మ మధ్య జరిగిన గొడవ ఇంకా సద్దుమణిగినట్లు లేదు. ఇద్దరూ మాటల యుద్దంతో హీటెక్కించారు. మరోవైపు అరియానా నీ ఎక్స్‌పెక్టేషన్‌ కోసం హౌస్‌కి రాలేదంటూ శ్రీ రాపాకకి చురకలంటిస్తుంది. 

బిగ్‌బాస్‌ నాన్‌స్టాప్‌.. ఇచట అన్ని రకాల ఎమోషన్స్‌ దొరుకుతాయి. వారియర్స్‌, చాలెంజర్స్‌ తగ్గేదేలే అన్నట్లుగా ఆడుతున్నారు. అయితే మార్చి 3 నాటి ఎపిసోడ్‌లో అషూ, అరియానా ఇద్దరూ చెప్పులతో కొట్టుకున్నారు. దీంతో హర్టయిన అరియానా చెప్పుతో కొట్టడం నచ్చలేదని మాట్లాడింది. నువ్వు అలా చేశావ్‌ కాబట్టే తాను తిరిగి కొట్టానని చెప్పింది. దీంతో అషూ ఆమెకు సారీ చెప్పింది. ఇక అషూ తన సిగరెట్‌ ప్యాకెట్లు దాచిందన్న అనుమానంతో ఆమెకు సంబంధించిన బ్యాగ్‌ను దాచేశాడు యాంకర్‌ శివ. ఎలాగైనా తన బ్యాగ్‌ను తిరిగి రాబట్టాలనుకున్న అషూ.. 'శివ ఎలా అయిపోతున్నాడో చూడండి, సిగరెట్లు తాగకుండా ఉండలేకపోతున్నాడు, పిచ్చెక్కిపోతున్నాడు, గజతాగుబోతుగా తయారైపోతున్నాడు' అంటూ కామెంట్రీ మొదలు పెట్టడంతో శివ వెంటనే లేచి ఆమె బ్యాగును అప్పజెప్పాడు. ఆ తర్వాత బిగ్‌బాస్‌ ఓ టాస్క్‌ ఇచ్చాడు. వారియర్స్‌ గతంలో బిగ్‌బాస్‌ షోకు వచ్చినప్పడు చేసిన పొరపాట్లు ఏంటి? వాటి నుంచి నేర్చుకున్న గుణపాఠాలేంటో చెప్పాలన్నాడు. ఇందులో భాగంగా అఖిల్‌ మాట్లాడుతూ.. తనెక్కువగా నవ్వలేదని, దానివల్లే గెలవలేకపోయానని చెప్పుకొచ్చాడు. మోనాల్‌తో ఉన్న బంధం వల్లే గెలవలేదని బయట టాక్‌, దీనికేమంటావని యాంకర్‌ శివ ప్రశ్నించాడు. మోనాల్‌తో ఫ్రెండ్‌షిప్‌ వల్ల వెనకబడిపోయానంటే ఒప్పుకోను, ఆమెతో స్నేహం అలాగే ఉంటుందని క్లారిటీ ఇచ్చాడు అఖిల్‌. తర్వాత అరియానా మాట్లాడుతూ.. ఎంజాయ్‌ చేస్తూ గేమ్‌ ఆడతానని చెప్పుకొచ్చింది. గతంలో నేర్చుకున్న గుణపాఠాల వల్ల ఇప్పుడు అందరినీ అంత ఈజీగా నమ్మలేనని తెలిపింది తేజస్వి. వేరే వాళ్లు ఎక్కువ రోజులు ఉండేందుకు నా క్యారెక్టర్‌ బ్యాడ్‌ చేసి పంపించేయాలనుకున్నారంటూ పరోక్షంగా వితిక- వరుణ్‌ల మీద ఫైర్‌ అయ్యాడు మహేశ్‌. ఇంతకుముందు వచ్చినప్పుడు బిగ్‌బాస్‌ షోను చాలా లైట్‌ తీసుకున్నానంటూ అషూ ఉపన్యాసం మొదలు పెట్టిందో లేదో మధ్యలో తేజస్వి కల్పించుకోవడంతో వీరిమధ్య గొడవ రాజుకుంది. అనంతరం వారియర్స్‌ టీమ్‌లో నుంచి మరో ఇద్దరిని కెప్టెన్సీ కంటెండర్లుగా ఎన్నుకోమని ఆదేశించగా మెజారిటీ సీనియర్లు అఖిల్‌, అరియానా పేర్లు చెప్పారు. దీంతో తొలివారం కెప్టెన్సీ కోసం మహేశ్‌, తేజస్వి, సరయు, నటరాజ్‌తో పాటు వీరిద్దరూ పోటీపడ్డారు. ఎంత ప్రెషర్‌ పెట్టి ఆడుతున్నా మోటివేషన్‌ లేకపోయేసరికి నిరాశగా అనిపిస్తోంది. ముమైత్‌, మహేశ్‌ తప్ప ఎవరూ నాకు సపోర్ట్‌ చేయలేదు అని బాధపడింది. అర్ధరాత్రి లైట్లు ఆర్పేశాక తనలో తనే కుమిలిపోతూ ఏడ్చేసింది. ఫైనల్‌గా మొదటి వారం తేజస్వి కెప్టెన్‌గా అవతరించినట్లు తెలుస్తోంది.

బిగ్‌బాస్‌ నాన్‌స్టాప్‌లో నిమిషానికో రకంగా మారిపోతున్నారు హౌస్‌మేట్స్‌. అప్పుడే నవ్వుతూ కనిపించే కంటెస్టెంట్లు ఆ మరుక్షణమే గొడవలో దూరుతూ కన్నీళ్లు పెట్టుకుంటే మరికొందరేమో బూతులు మాట్లాడుతూ చెవులు మూసుకునేలా చేస్తున్నారు. మరీ ముఖ్యంగా గొడవలంటే చాలు ఎవరూ తగ్గేదే లే అన్నట్లుగా ఢీ అంటే ఢీ అంటూ ముందుకు దూకుతున్నారు. ఫలితంగా ఏడుపులు, పెడబొబ్బలు ఉండనే ఉన్నాయి. ఈ క్రమంలో నా మంచితనాన్ని ఆధారంగా చేసుకుని నన్ను చులకన చేస్తున్నారంటూ ఏడ్చేసింది సరయు. హమీదా ఎప్పుడూ తనను చులకన చేస్తూ మాట్లాడుతోందని కన్నీళ్లు పెట్టుకుంది. దీంతో అఖిల్‌ వెళ్లి ఆమెను ఓదార్చాడు. ఆ తర్వాత సరయు నేరుగా హమీదా దగ్గరకు వెళ్లి తన పైన జోకులు చేయొద్దని నొక్కి చెప్పింది. మరోవైపు యాంకర్‌ శివ పులిహోర కలుపుతూనే ఉన్నాడు. హౌస్‌లో అడుగుపెట్టగానే అరియానాను పొగిడిన ఆయన ఆ తర్వాత బిందు మాధవిని ఫోకస్‌ చేస్తూ ఆమె మీద పొగడ్తల వర్షం కురిపిస్తున్నాడు. చదవండి: అషూ మీద నీళ్లు ఉమ్మేసిన చైతూ, షాకైన హౌస్‌మేట్స్‌ ఇక కెప్టెన్సీ టాస్ఖ్‌లో అఖిల్‌, బిందు మాధవికి మధ్య పెద్ద ఫైటే జరిగింది. తాను ఫిజికల్‌ అయితే మామూలుగా ఉండదంటూ హీరోయిన్‌కు వార్నింగ్‌ ఇచ్చాడు అఖిల్‌. మరో పక్క నటరాజ్‌ మాస్టర్‌, యాంకర్‌ శివ దాదాపు కొట్టుకున్నంత పని చేశారు. రా అన్నావంటే తోలు తీస్తా, ఏం పీకుతావో చూస్తా అంటూ యాంకర్‌ శివ పైపైకి వెళ్లాడు మాస్టర్‌. దీంతో మిగతా హౌస్‌మేట్స్‌ వారిని కూల్‌ చేసేందుకు చాలానే  ప్రయత్నించారు. ఫైనల్‌గా మహేశ్‌, తేజస్వి, నటరాజ్‌, సరయు మొదటి వారం కెప్టెన్సీ పోటీదారులుగా నిలిచారు. మరి వీరిలో ఎవరు కెప్టెన్‌ అవుతారో చూడాలి! Voice being raised 🔊 words being exchanged 🤬 Can the contestants keep their 🆒?! Don't miss the recap episodes every day at 10 am and 9 pm, exclusively on @DisneyPlusHS@EndemolShineIND#BiggBoss #BiggBossNonStop #BiggBossTelugu pic.twitter.com/o5bSEoMqih — DisneyPlus Hotstar Telugu (@DisneyPlusHSTel) March 2, 2022

యాంకర్‌ శివ.. యూట్యూబర్లకు బాగా పరిచయమున్న పేరు. వివాదాస్పద ఇంటర్వ్యూలతో సెన్సేషనల్‌ అయ్యాడు శివ. శ్రీకాకుళంలో పుట్టిన అతడు వైజాగ్‌లో విద్యనభ్యసించాడు. సెలబ్రిటీల నుంచి బిగ్‌బాస్‌ కంటెస్టెంట్లను సైతం ఇంటర్వ్యూ చేసే ఆయన తాజాగా బిగ్‌బాస్‌ ఓటీటీలో పాల్గొన్నాడు. ఈ సందర్భంగా బిగ్‌బాస్‌కు రావడానికి గల కారణాన్ని చెప్పుకొచ్చాడు. 'నలభై వేలు ఖర్చు పెట్టి ఇంటర్వ్యూలు చేశాను. ఎడిటర్‌ దగ్గరకు వెళ్తే అతడు యాంకర్‌గా నువ్వు పనికిరావని ముఖం మీదే అనేశారు. డిజిటల్‌ మీడియాలో కాంట్రవర్సీ ఇంటర్వ్యూలు చేయడానికి కారణం జనాల్లో ఉన్న ప్రశ్నలకు సమాధానాలు రాబట్టడమే! ఎవరేమనుకున్నా కుర్చీలో కూర్చోవడం, కుర్చీలో కూర్చొని ప్రశ్నించడం ఇష్టం. ఒకానొక సమయంలో నేను ఇంట్లో అమ్మకు నచ్చలేదు. దీంతో ఇంట్లో నుంచి బయటకు వచ్చేశాను. ఇప్పుడైతే  డబ్బులు కావాలి, చెల్లి పెళ్లి చేయాలి, అదే నా టార్గెట్‌' అని చెప్పుకొచ్చాడు. 24 గంటలు మసాలా అందిస్తానంటూ హౌస్‌లోకి ప్రవేశించాడు శివ. మరి ఈ ఇంటర్వ్యూయర్‌ హౌస్‌లో ఎలా ఉంటాడు? ఎన్ని వారాలు ఉండగలుగుతాడో చూడాలి!