హాలీవుడ్ ప్రముఖ నటి అంబర్ హెర్డ్.. తాను కవలలకు జన్మనిచ్చినట్లు ప్రకటించింది. మదర్స్ డే సందర్భంగా ఆదివారం (మే 11) ఈ మేరకు ఇన్ స్టాలో పోస్ట్ పెట్టింది. ఇక్కడివరకు బాగానే ఉంది కానీ ఇప్పుడు ఈ పిల్లలకు తండ్రి ఎవరు అనే ప్రశ్న ఈమెకు ఎదురవుతోంది. సోషల్ మీడియాలో దీని గురించి మాట్లాడుకుంటున్నారు.(ఇదీ చదవండి: మహేశ్ సినిమా ఛాన్స్.. సర్జరీ చేయించుకోమన్నారు: వెన్నెల కిశోర్)ఎందుకంటే అంబర్ హెర్డ్.. 2015లో 'పైరేట్స్ ఆఫ్ కరీబియన్' ఫేమ్ నటుడు జానీ డెప్ ని పెళ్లి చేసుకుంది. అయితే వీళ్ల బంధం పట్టుమని రెండేళ్లు కూడా నిలబడలేదు. 2017లో వీళ్లిద్దరూ విడాకులు తీసుకున్నారు. మరోవైపు జానీ డెప్ తో విడాకులకు ముందే ప్రముఖ బిజినెస్ మ్యాన్ ఎలన్ మస్క్ తో అంబర్ డేటింగ్ చేసింది.2016-18 మధ్య అంబర్-మస్క్ డేటింగ్ లో ఉన్నారు. ఆ సమయంలోనే వీళ్లిద్దరూ పిల్లల్ని కనాలనుకున్నారని.. అప్పుడు కుదరకపోవడంతో ఎగ్ ఫ్రీజింగ్ చేసుకున్నారని, వాటితోనే ఇప్పుడు అంబర్.. ట్విన్స్ కి జన్మనిచ్చిందేనే కామెంట్స్ వినిపిస్తున్నాయి. మరి పిల్లలకు తండ్రి ఎవరనేది సదరు నటి చెబితే తప్ప క్లారిటీ రాదు.(ఇదీ చదవండి: ఈ వారం ఓటీటీల్లోకి వచ్చే సినిమాలు ఇవే) View this post on Instagram A post shared by Amber Heard (@amberheard)

ప్రపంచ అపరకుబేరుడు ఎలన్‌ మస్క్‌కు ఘోర అవమానం జరిగిందా?.. అవుననే చర్చ సోషల్‌ మీడియాలో విస్తృతంగా జరుగుతోంది. అందుకు కారణం.. మాజీ ప్రేయసి అంబర్‌ హర్డ్‌.  ఎలన్‌ మస్క్‌.. ఎట్టకేలకు ట్విట్టర్‌(ట్విటర్‌) డీల్‌ను ముగించిన సంగతి తెలిసిందే. మైక్రోబ్లాగింగ్‌ ప్లాట్‌ఫామ్‌ ద్వారా స్వేచ్ఛకు ప్రాధాన్యత ఇస్తానని ప్రకటించిన మస్క్‌.. తొలుత యూజర్ల అభిమానాన్ని చురగొన్నాడు కూడా. అయితే.. ట్విట్టర్‌ ఆఫీస్‌లో అడుగుపెట్టాక తనదైన నిర్ణయాలతో ట్విట్టర్‌ను ఆగం పట్టిస్తున్నాడనే విమర్శలు వెల్లువెత్తుతున్నాయి.  ప్రధాన మార్పుల పేరిట బోర్డు ఆఫ్‌ డైరెక్టర్స్‌ నుంచి.. కీలక పదవుల్లో ఉన్న వాళ్లను సాగనంపగా.. ఆపై టెస్లా ఉద్యోగులను ట్విటర్‌లోకి తెచ్చుకున్నాడు. మరోవైపు వెరిఫికేషన్‌ ప్రాసెస్‌కు, బ్లూటిక్‌ కోసం 8 డాలర్లు చెల్లించాలని ప్రకటించి.. పక్కా కమర్షియల్‌ ఆలోచనను అమలు చేస్తున్నాడు. ఈ క్రమంలో నిరసన వ్యక్తం చేస్తూ కొందరు సెలబ్రిటీలు ట్విటర్‌ను వీడుతున్నారు.  ట్విటర్‌ను ఇప్పటికే చాలామంది ప్రముఖులు వీడారు. టోనీ బ్రాక్స్‌టన్‌, షోండా రిమ్స్‌తో పాటు ప్రొఫెషనల్‌ రెజ్లర్‌(రిటైర్డ్‌)..డబ్ల్యూడబ్ల్యూఈ స్టార్‌ మిక్‌ ఫోలీ ట్విటర్‌ అకౌంట్లను డిలీట్‌ చేశారు. ఇక ఇప్పుడు ఆ లిస్ట్‌లోకి నటి అంబర్‌ హర్డ్‌ కూడా చేరింది. ఆమె ఎందుకు వీడిందో అనే దానిపై స్పష్టత లేకున్నా.. సెలబ్రిటీల గుడ్‌బై మూమెంట్‌లో ఆమె కూడా చేరడం పట్ల మస్క్‌పై సెటైర్లు పడుతున్నాయి. మాజీ ప్రేయసి మస్క్‌ పరువు తీసేసిందనే అభిప్రాయమే ఎక్కువగా వినిపిస్తోంది కూడా. మరోవైపు ఆమె మాజీ భర్త జానీ డెప్‌ అభిమానుల కారణంగానే ఆమె ట్విటర్‌కు గుడ్‌బై చెప్పి ఉంటుందనే వాదన సైతం చక్కర్లు కొడుతోంది కూడా. అంబర్‌ హర్డ్‌.. 2016 నుంచి 2018 మధ్య ఎలన్‌ మస్క్‌తో డేటింగ్‌ చేసింది. అయితే అప్పటికే నటుడు జానీ డెప్‌తో ఆమె విడాకులకు సిద్ధమైంది. అయితే మస్క్‌ వల్లే తన కాపురంలో చిచ్చు రగిలిందని, హర్డ్‌ సైకోతనం భరించలేక తాను విడాకులు తీసుకుంటున్నట్లు ప్రకటించాడు జానీ డెప్‌. ఈ క్రమంలో జానీ డెప్‌ వేసిన పరువు నష్టం దావా కేసు..  విచారణ సందర్భంగా మస్క్‌ కూడా హాజరవుతాడని అంతా భావించారు. కానీ, అది జరగలేదు. ఇక ఈ కేసులో ఈ ఏడాది మొదట్లో జానీ డెప్‌కు అనుకూలంగా తీర్పు వెలువడడం గమనార్హం. అయితే ఆ సమయంలోనూ ఆమెకు సంబంధించిన కోర్టు ఫీజులను ఎలన్‌ మస్క్‌ చెల్లించాడనే వాదన వినిపించింది.

హాలీవుడ్‌ హీరో జానీ డెప్‌ మీద సంచలన ఆరోపణలు చేసింది అతడి మాజీ ప్రేయసి ఎలెన్‌ బార్కిన్‌. తాము తొలిసారి శారీరకంగా కలవడానికి ముందు అతడు తనకు క్వాల్యూడ్‌ అనే డ్రగ్‌ ఇచ్చాడని ఆరోపించింది. ఆ సమయంలో అతడు బాగా తాగి తనను కంట్రోల్‌ చేయడమే కాక నోటికొచ్చినట్లు మాట్లాడాడని పేర్కొంది. జానీ మీద అంబర్‌ హెరాల్డ్‌ వేసిన పరువు నష్టం దావా కేసులో సాక్షిగా ఉన్న ఆమె ఆరువేల పేజీలున్న కోర్టు డాక్యుమెంట్స్‌లో పై వ్యాఖ్యలు చేసింది. జానీ ఎప్పుడూ తనను కట్టడి చేయాలని చూసేవాడంది. ఎవరితోనైనా కాస్త చనువుగా ఉంటే చాలు ఈర్ష్య పడేవాడంది. ఎక్కడికి వెళ్తున్నావు? ఎవరితో వెళ్తున్నావు? మీరిద్దరూ రాత్రంతా ఏం చేశారు? వంటి ప్రశ్నలు అడుగుతూ ఉండేవాడని చెప్పుకొచ్చింది. ఒకసారి తన వీపు మీద ఏదో గీత పడితే నేను ఎవరితోనో బెడ్‌ షేర్‌ చేసుకున్నానని అనుమానించాడని వాపోయింది. ఒకసారి తనకు క్వాల్యూడ్‌ అనే డ్రగ్‌ ఇచ్చాడని, అప్పుడే తామిద్దరం తొలిసారిగా బెడ్‌ షేర్‌ చేసుకున్నామని పేర్కొంది. కొన్ని నెలలపాటు తమ బంధం కొనసాగిందని, ఆ సమయంలో వారానికి మూడు, నాలుగు రోజులు ఒకరింటికి మరొకరం వెళ్లి కలుసుకునేవాళ్లమని తెలిపింది. చాలావరకు జానీ పూటుగా మద్యం సేవించి, ఆ మత్తులోనే ఉండేవాడని చెప్పింది. అతడు కొకైన్‌, గంజాయి, హాలూసినోజెనిక్‌ వంటి డ్రగ్స్‌ సేవించడం తాను కళ్లారా చూశానని చెప్పుకొచ్చింది. అయితే మందు, లేదంటే సిగరెట్‌ తాగేవాడని, అందరి మీదా అరుస్తాడని, ఓసారి తనమీదకు మందు బాటిల్‌ విసిరాడని ఆరోపణలు చేసింది. కాగా అంబర్‌ హెరాల్డ్‌, జానీ డెప్‌ ఒకరి మీద ఒకరు వేసుకున్న పరువు నష్టం కేసులో ఫైనల్‌గా జానీ డెప్‌ గెలిచిన విషయం తెలిసిందే! చదవండి: భర్తను టార్చర్‌ పెట్టిన హీరోయిన్‌, ట్రెండింగ్‌లో బాయ్‌కాట్‌ ఆలియా.. తండ్రి మరణాన్ని గుర్తు చేసుకుని ఎమోషనలైన కల్యాణ్‌ రామ్‌

సానుభూతితో అయినా గెలుపు దక్కుతుందనుకుంటే.. ఆ నటికి ఘోరమైన ఓటమి ఎదురైంది. గృహ హింస వేధింపుల కేసు ఓడిపోవడంతో పాటు పరువు నష్టం రాబట్టడంలోనూ ఎదురు దెబ్బే తగిలింది. ఒక మగాడు.. అందునా కాస్త పేరున్న హీరో కావడంతో జానీ డెప్‌ సక్సెస్‌ను ఆయన అభిమానగణం, ప్రత్యేకించి.. పురుష సమాజం భారీగానే సెలబ్రేట్‌ చేసుకుంది. పుట్టెడు దుఖంలో ఉన్న ఆమెకు ఇప్పుడు ఒక అసాధారణమైన పెళ్లి ప్రపోజల్‌ వచ్చింది. జానీ డెప్‌-అంబర్‌ హర్డ్‌ పరువు నష్టం దావా వ్యవహారం ఇంకా పూర్తిగా ముగిసిపోలేదు. మాజీ భార్య అంబర్‌కు డెప్‌ ఇంకా 2 మిలియన్‌ డాలర్ల పరిహారం చెల్లించాలి. అదే సమయంలో డెప్‌కు అంబర్‌ హర్డ్‌ 13.5 మిలియన్‌ డాలర్ల పరిహారం చెల్లించాలి. అయితే అంత పరిహారం చెల్లించే పరిస్థితిలో తను లేదంటూ మరోసారి కోర్టును ఆశ్రయించారు ఆమె తరపు న్యాయవాది. ఇదిలా ఉండగా.. సౌదీ అరేబియాకు చెందిన ఓ వ్యక్తి ఇప్పుడు అంబర్‌ హర్డ్‌కు పెళ్లి ప్రపోజల్‌ పంపాడు. అది మామూలుగా లేదు! ఆ ముసలోడి(జానీ డెప్‌ను ఉద్దేశించి) కంటే నేనే నయం అంటూ ఓ ఆడియో వాయిస్‌ను అంబర్‌ హర్డ్‌కు పంపాడు ఆ వ్యక్తి. సౌదీ అరేబియాకు చెందిన సదరు వ్యక్తి ఓ షేక్‌గా తెలుస్తోంది. వాయిస్‌ నోట్‌ ద్వారా అంబర్‌ హర్డ్‌ ఇన్‌స్టాగ్రామ్‌ అకౌంట్‌కు సందేశం పంపాడు.  అంబర్‌.. నీ దారులన్నీ మూసుకుపోతున్నాయ్‌. నేను తప్ప నిన్ను జాగ్రత్తగా చూసుకునేవాళ్లెవరూ లేరు. కొందరు నిన్ను ద్వేషిస్తూ.. తిడుతున్నారు. అందుకే.. నిన్ను వివాహం చేసుకోవాలనుకుంటున్నా. ఈ సమాజం నిన్ను అంగీకరించకపోయినా.. నిన్ను నేను పెళ్లి చేసుకుంటా. అల్లా దయ నీ మీద ఉంటుంది. నువ్వు గొప్పదానివి. అయినా జనాలు నిన్ను కావాలనే మెచ్చుకోరు. ఆ ముసలోడి కంటే నేనే నయం. నన్ను పెళ్లి చేస్కో. నాతో సంతోషంగా ఉంటావ్‌’’ అంటూ వాయిస్‌ నోట్‌ పంపాడు ఆ వ్యక్తి. Bee4andafter_kw  అనే అకౌంట్‌ నుంచి ఆ వాయిస్‌ నోట్‌ విపరీతంగా వైరల్‌ అవుతోంది. View this post on Instagram A post shared by Bee4andafter_kw 🇰🇼 (@bee4andafter_kw) అంబర్‌ హర్డ్‌(36), జానీ డెప్‌ (58) .. 2015లో వివాహం చేసుకున్నారు. కానీ, ఏడాదికే ఈ సెలబ్రిటీ జంట కాపురం రచ్చకెక్కింది. దీంతో 2017లో అధికారికంగా విడాకులు తీసుకుంది ఈ జంట. అయితే కొద్దిరోజులకే ఇద్దరూ ఒకరి మీద ఒకరు ఆరోపణలు.. అదీ జుగుప్సాకరంగా చేసుకుంటూ వార్తల్లోకి ఎక్కారు. వాషింగ్టన్‌ పోస్ట్‌లో గృహ హింస బాధితురాలిని అంటూ ఆమె రాసిన కథనంపై 50 మిలియన్‌ డాలర్ల పరిహారం కోరుతూ కోర్టుకు ఎక్కాడు జానీ డెప్‌. ప్రతిగా 2020 ఆగష్టులో తానూ గృహ హింసను ఎదుర్కొన్నానని, పైగా జానీ డెప్‌.. ఆయన లాయర్‌ నుంచి అసత్య ప్రచారాలు ఎదుర్కొంటున్నాంటూ 100 మిలియన్‌ డాలర్లకు కౌంటర్‌ దావా వేసింది ఆమె. వర్జీనీయా ఫెయిర్‌ఫాక్స్‌ కోర్టులో ఆరువారాల పాటు సాగిన విచారణ తర్వాత.. కోర్టు తీర్పు ఇచ్చింది. ఇద్దరినీ పరువు నష్టం పొందేందుకు అర్హులే అని పేర్కొన్న కోర్టు.. జానీ డెప్‌ వైపే తీర్పు ఇవ్వడంతో అప్పటిదాకా అంబర్‌ హర్డ్‌ మీద వ్యతిరేకత ఉన్నవాళ్లంతా హర్షం వ్యక్తం చేయసాగారు.  చదవండి: అంబర్‌ హర్డ్‌ బిడ్డకు తండ్రి ఎవరో తెలుసా?

ఆసక్తికరమైన వ్యవహారంలో తీర్పు వెలువడింది. హాలీవుడ్‌ మాజీ జంట జానీ డెప్‌-అంబర్‌ హర్డ్‌ పరువు నష్టం దావా వ్యవహారంలో కోర్టు సంచలన తీర్పు ఇచ్చింది. జానీకి అనుకూలంగా తీర్పు ఇవ్వడంతో పాటు అంబర్‌ హర్డ్‌కు జరిమానా విధించింది కోర్టు. పైగా ఆమె ఆరోపణల్లో ఎలాంటి వాస్తవం లేదని తేల్చేసింది కోర్టు. వర్జీనీయాలోని ఫెయిర్‌ఫ్యాక్స్‌ కౌంటీ కోర్టు బుధవారం సంచలన తీర్పు ఇచ్చింది. నటుడు జానీ డెప్‌(58), అతని మాజీ భార్య అంబర్‌ హర్డ్‌(36) ఇద్దరూ పరువు నష్టం పొందేందుకు అర్హులేనంటూ పేర్కొంటూనే.. డెప్‌కు అనుకూలంగా తీర్పు ఇచ్చింది. ఏడుగురు సభ్యులతో కూడిన జ్యూరీ ఇచ్చిన తీర్పుతో కోర్టు హాల్‌లో ఒక్కసారిగా కలకలం రేగింది.  అస్పష్టమైన వాదనలు, పోటాపోటీ ఆరోపణల(సంచలన)తో ఆరు వారాలపాటు సాగింది విచారణ. బుధవారం ఈ మేరకు తీర్పు వెలువరించిన జ్యూరీ.. నటి అంబర్‌ హర్డ్‌ తన మాజీ భర్తకు 15 మిలియన్‌ డాలర్ల(తర్వాత దానిని 13.5 మిలియన్‌ డాలర్లకు కుదించింది) పరిహారం చెల్లించాలని తెలిపింది. 2018లో ఆమె రాసిన సెక్సువల్‌ వయొలెన్స్‌ ఆర్టికల్‌ ఒకటి.. జానీ పరువుకు భంగం కలిగించేంది ఉందని, దాని ఆధారంగానే ఆమె ఆయనపై వేధింపులకు, పరువుకు భంగం కలిగించిందని అంచనాకి వచ్చామని కోర్టు పేర్కొంది.  కోర్టు తీర్పు అనంతరం అంబర్‌ బోరున ఏడ్చేసింది. తన గుండె బద్ధలైందని, నిరాశ చెందానని, ఈ తీర్పు తనకే కాదని.. మహిళలందరికీ దెబ్బ అని ఆమె వ్యాఖ్యానించింది. కేవలం తన పరపతితోనే తన మాజీ భర్త నెగ్గాడంటూ ఆరోపణలు చేసింది ఆమె.  ఇదిలా ఉంటే జానీ డెప్‌ పేరును ప్రస్తావించకుండానే..  వైవాహిక జీవితపు హింస గురించి.. 2018లో ఆమె ది వాషింగ్టన్‌ పోస్టులో ఒక కథనం రాసింది. దాని ఆధారంగా 50 మిలియన్‌ డాలర్ల నష్టపరిహారం చెల్లించాలంటూ 2019 ఫిబ్రవరిలో కోర్టుకు ఎక్కాడు పైరెట్స్‌ ఆఫ్‌ కరేబియన్ నటుడు‌. అంతేకాదు ఆమె తనకు నరకం చూపించేదని, అవమానించేదని, ఓ ప్రముఖ వ్యాపారవేత్తతో(ఎలన్‌ మస్క్‌)తో ఎఫైర్‌ నడిపించిందని, అదే ఆమెను ప్రభావితం చేసిందని దావాలో ఆరోపించాడు. ప్రతిగా 2020 ఆగష్టులో తానూ గృహ హింసను ఎదుర్కొన్నానని, పైగా జానీ డెప్‌.. ఆయన లాయర్‌ నుంచి అసత్య ప్రచారాలు ఎదుర్కొంటున్నాంటూ 100 మిలియన్‌ డాలర్లకు కౌంటర్‌ దావా వేసింది ఆమె. ఈ దావాల్లో ఇరు పక్షాల వాదనలు వింటూ వచ్చిన కోర్టు.. తీర్పును రిజర్వ్‌లో ఉంచింది. బుధవారం(జూన్‌ 1) తీర్పు జానీ డెప్‌కు అనుకూలంగానే వచ్చినా.. అంబర్‌ హర్డ్‌ ప్రత్యారోపణలను సైతం కోర్టు పరిగణనలోకి తీసుకుంది. ప్రతిగా 2 మిలియన్‌ డాలర్లను చెల్లించాలంటూ జానీ డెప్‌కు ఆదేశించింది వర్జీనీయా ఫెయిర్‌ఫాక్స్‌ కోర్టు. నా జీవితం నాకు దక్కింది కోర్టు తీర్పు పట్ల ‘జాక్‌ స్పారో’ జానీ భావోద్వేగానికి లోనయ్యాడు. తనకు అనుకూలంగా రావడంతో.. జానీ డెప్‌ సంతోషం వ్యక్తం చేశాడు. తన జీవితాన్ని తనకు తిరిగి ఇచ్చారంటూ జ్యూరీ సభ్యులకు కృతజ్ఞతలు చెబుతూ సోషల్‌ మీడియాలో ఓ పోస్ట్‌ చేశాడాయన. ఇదిలా ఉంటే.. 2015లో జానీ డెప్‌, అంబర్‌హర్డ్‌ల వివాహం జరిగింది. కానీ, ఏడాదికే వాళ్ల కాపురంలో మనస్పర్థలు మొదలు అయ్యాయి. 2017లో అధికారికంగా విడాకులు తీసుకుంది ఈ జంట. అయితే కొద్దిరోజులకే ఇద్దరూ ఒకరి మీద ఒకరు ఆరోపణలు.. అదీ జుగుప్సాకరంగా చేసుకుంటూ వార్తల్లోకి ఎక్కుతున్నారు. ఇది వాళ్ల వాళ్ల కెరీర్‌ను సైతం దెబ్బ తీయడం గమనార్హం.

ఎలన్‌ మస్క్‌కు ఉన్న ఫాలోయింగ్‌, అభిమాన గణం సంగతి ఏమోగానీ.. తాజాగా ఆయన చేసిన ఓ రీట్వీట్ ఎక్కువ విమర్శలకే దారి తీసింది. హాలీవుడ్‌ సెలబ్రిటీ ఎక్స్‌ కపుల్‌.. జానీ డెప్‌-అంబర్‌ హర్డ్‌ కోర్టుకెక్కిన వ్యవహారంపై తొలిసారి బహిరంగంగా స్పందించాడు ఎలన్‌ మస్క్‌.  డెప్‌-హర్డ్‌ దావా వ్యవహారంలో శుక్రవారం కోర్టులో వాదనలు ముగిశాయి. దీంతో జ్యూరీ తదుపరి చర్చలు మొదలు పెట్టింది. ఈ దరిమిలా.. ఎలన్‌ మస్క్‌ శనివారం ఉదయం ఓ ట్వీట్‌ చేశాడు. ఇద్దరూ ఉత్తమమైన వ్యక్తిత్వాలు ఉన్న అద్భుతమైన వ్యక్తులని.. వారిద్దరూ జీవితంలో ముందుకు సాగాలని ఆశిస్తున్నట్లు ఓ ట్వీట్‌కు రీట్వీట్‌ చేశాడు. దీంతో కాపురంలో చిచ్చు పెట్టి.. ఇప్పుడు ఓదారుస్తున్నాడంటూ మండిపడుతున్నారు పలువురు. I hope they both move on. At their best, they are each incredible. — Elon Musk (@elonmusk) May 28, 2022 బుధవారం కోర్టులో వాదనల సందర్భంగా.. డెప్‌ తన మాజీ టాలెంట్‌ మేనేజర్‌ అయిన క్రిస్ట్రియన్‌ కార్నిన్నోకు పంపిన ఓ సందేశం హైలైట్‌ అయ్యింది. అందులో అంబర్‌ హర్డ్‌, ఎలన్‌ మస్క్‌ మధ్య ఎఫైర్‌ గురించి ప్రస్తావన ఉంది. అసభ్యమైన పదజాలంతో అందులో మస్క్‌ను తిట్టాడు డెప్‌.  ఇదిలా ఉంటే.. 2015లో జానీ డెప్‌, అంబర్‌హర్డ్‌ల వివాహం జరిగింది. కానీ, ఏడాదికే వాళ్ల కాపురంలో మనస్పర్థలు మొదలు అయ్యాయి.  దాదాపుగా ఆ టైంలోనే నటి అంబర్‌ హర్డ్‌తో కొంతకాలం డేటింగ్‌ చేశాడు ఎలన్‌ మస్క్‌. ఎలన్‌ మస్క్‌ డేటింగ్‌తో ఆ గొడవలు మరింత ముదిరాయన్నది జానీ డెప్‌ ఆరోపణ. అంతేకాదు.. ఇప్పుడు కూడా ఆమె కోర్టు ఫీజులను ఎలన్‌ మస్కే చెల్లిస్తున్నాడంటూ చెప్తున్నాడు. ఇదిలా ఉంటే.. హాలీవుడ్‌ ద్వారా ప్రపంచవ్యాప్తంగా అభిమానగణం సంపాదించుకున్న ఈ మాజీ భార్యాభర్తలు.. ఒకరి మీద ఒకరు పరువు నష్టం దావాతో వర్జీనీయా ఫెయిర్‌ఫాక్స్‌ కౌంటీ కోర్టుకెక్కడమే కాదు.. యాక్టింగ్‌ ప్రొఫెషన్‌కు భారీగా డ్యామేజ్‌ చేసుకున్నారు కూడా.

Actress Amber Heard Cries At Court: ప్రముఖ హాలీవుడ్‌ హీరో జానీ డేప్‌ తన మాజీ భార్య, నటి అంబర్‌ హెర్డ్‌పై వేసిన పరువు నష్టం దావా కేసుపై ప్రస్తుత​ కోర్టులో విచారణ జరుగుతోంది. వారు కలుసున్నపుడు జానీ డేప్‌ తరచూ కొడుతుండేవాడని, తాను గృహహింస బాధితురాలిని అంటూ అంబర్‌ హెర్డ్‌ ఇటీవల తను రాసిన ఓ వ్యాసంలో వెల్లడించింది. దీంతో తనపై అంబర్‌ తప్పుడు ఆరోపణలు చేసిందని పేర్కొంటూ జానీ ఏప్రిల్‌ 20న మాజీ భార్యపై రూ. 380 కోట్ల పరువునష్టం దావా వేసిన సంగతి తెలిసిందే. అయితే రెండు వారాలుగా ఈ కేసుపై విచారణ జరుగుతోంది. చదవండి: త్వరలో హీరోతో బాలీవుడ్‌ హీరోయిన్‌ పెళ్లి, హింట్‌ ఇచ్చేసిందిగా! ఈ నేపథ్యంలో బుధవారం జరిగిన హియరింగ్‌లో అంబర్‌, జానీ డేప్‌పై సంచలన ఆరోపణలు చేసింది. జానీ తనను తరచూ కొట్టేవాడంటూ కోర్టులోనే బోరున విలపించింది అంబర్‌. ‘మా కొద్దిపాటి వైవాహిక జీవితంలో జానీ తరచూ కొట్టేవాడు. అంతేకాదు అసభ్యపదజాలంతో దూషించేవాడు. మొదటి సారి తన టాటూను చూసి నవ్వానని కొట్టాడు. ఆయన శరీరంపై చెదిరిన ఉన్న టాటూ ఏంటని అడగ్గా విన్నో(జానీ డేప్‌ మాజీ ప్రియురాలు విన్నోనా రైడర్‌ పేరు) అని సమాధానం ఇచ్చాడు. అది జోక్‌ అనుకుని నవ్వేశాను. దీంతో నా చెంపపై కొట్టి నీకు ఇది సరదాగా ఉందా? అంటూ అభ్యంతరకర పదం(బీ..) వాడాడు’ అని పేర్కొంది. చదవండి: సినిమాలకు హీరోయిన్‌ కాజల్‌ గుడ్‌బై చెప్పనుందా? ఆ సమయంలో తనకు ఏం అర్థం కాలేదని, షాక్‌తో అతనివైపే ఉండిపోయాను’ అని చెప్పింది. అంతేగాక జానీ తనపై పలుమార్లు దాడి చేశాడని, మద్యం, మాదకద్రవ్యాల మత్తులో పిచ్చిపిచ్చిగా ప్రవర్తిస్తూ భౌతికంగా గాయపరిచేవాడని ఆవేదన వ్యక్తం చేసింది. అలాగే ఇతర యువతుల పట్ల సన్నిహితంగా ఉన్న సంఘటనలు గురించి తరచూ తన దగ్గర ప్రస్తావించేవాడని పేర్కొంది. ఈ  క్రమంలో ఓ రోజు తన జీవితంలో అంత్యంత చేదు సంఘటన చోటుచేసుకుందని, ఆ రోజును ఎప్పటికీ మరిచిపోలేని చెప్పింది. ఓ రోజు సాయంత్రం డ్రగ్స్‌ తీసుకుని ఫుల్‌ మత్తులో ఉన్న జానీ తన బట్టలు చించి, శరీరా భాగాల్లో కోకైన్‌ కోసం వేతికాడంటూ నాటి చేదు సంఘటనలను గుర్తు చేసుకుంటూ వెక్కి వెక్కి ఏడ్చింది అంబర్‌.      var request = 'https://www.sakshi.com/knowwidget/kwstr_4331451957.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

మాజీ భార్య రాసిన వ్యాసంపై ప్రముఖ హాలీవుడ్‌ హీరో జానీ డేప్‌ రూ. 380 కోట్ల పరువు నష్టం దావా వేశాడు. వివరాల్లోకి వెళితే... మూడేళ్ల డేటింగ్‌ అనంతరం నటి అంబర్‌ హెర్డ్‌ను 2015లో హీరో జానీ డేప్‌ రెండో వివాహం చేసుకున్నాడు. అయితే పెళ్లయిన కొన్నాళ్లకే వీరి వైవాహిక జీవితంలో కలతలు రావడంతో 2017లో వీరు విడిపోయారు. అయితే అంబర్‌ హెర్డ్‌ తాను గృహహింస బాధితురాలని అంటూ రాసిన వ్యాసంపై  డేప్‌ ఏకంగా రూ. 380కోట్ల పరువు నష్టం దావా వేశాడు. తాను అంబర్‌ను ఏ రకంగా హింసించలేదని డేప్‌ తెలిపారు. 'పెళ్లయిన ఏడాది తర్వాతి నుంచి మా మధ్య తరుచూ వాగ్వాదాలు జరుగుతుండేవి. అంబర్‌ నన్ను దౌర్జన్యంగా, హింసాత్మకంగా, మాటల్లో చెప్పలేని తిట్లతో అవమానించేది. టీవీ రిమోట్‌, వైన్‌ గ్లాస్‌ తలపై విసిరేది. మానవ మలం బెడ్‌పై ఉంచేది' అని వర్జీనియా కోర్టులో వాపోయాడు. ప్రస్తుతం వర్జీనియాలో జరుగుతున్న ఈ పరువు నష్టం కేసు ఇప్పుడు రెండో వారానికి చేరుకుంది. ఈ కేసులో తర్వాతి సాక్షులుగా పారిశ్రామికవేత్త ఎలాన్ మస్క్, నటులు జేమ్స్ ఫ్రాంకో, పాల్ బెటనీలు హాజరు కానున్నారు.   

ఓపెన్‌ ఏఐ టెక్నాలజీతో వాహనాలను నియంత్రిచాలనుకోవడం వరకు ఓకే. కానీ,  జంతువుల్ని, మనుషుల్ని సైతం కంట్రోల్‌ చేయాలనే ప్రయత్నించడం!!..  ఇలా ఊహాతీతమైన ఎన్నో ఆలోచనలకు కేరాఫ్‌ ఎలన్‌ మస్క్‌. అపర కుబేరుడిగా, టెస్లా సీఈవోగా అంతకు మించి స్పేస్‌ ఎక్స్‌ లాంటి ప్రైవేట్‌ ఏజెన్సీ ఓనర్‌గా మస్క్‌ అందరికీ సుపరిచితుడే. అభిమానులు ఆయన్నొక ప్రత్యేకమైన మేధావిగా, ప్రత్యర్థులు పిచ్చోడిగా, మీడియా బహుతిక్క మనిషిగా ఎలివేట్‌ చేస్తుంటుంది. అలాంటి మస్క్‌.. వ్యక్తిగత జీవితానికి వచ్చే సరికి ఆగం ఆగం అవుతుంటాడు.  తాజాగా తన డేటింగ్‌ గర్ల్‌ఫ్రెండ్‌ గ్రిమ్స్‌కు గుడ్‌బై చెప్పేశాడు యాభై ఏళ్ల ఎలన్‌ మస్క్‌!.  కారణాలేంటో తెలియదుగానీ.. వీళ్లిద్దరూ విడిపోవాలని నిర్ణయించుకున్నట్లు ఇటు మస్క్‌, అటు గ్రిమ్స్‌ సన్నిహితులు అమెరికా మీడియా హౌజ్‌లకు ఉప్పందించారు. ప్రస్తుతం వీళ్లిద్దరూ విడివిడిగా ఉంటున్నట్లు మస్క్‌ సైతం ధృవీకరించినట్లు కథనాలు వెలువడుతున్నాయి.  ఇదిలా ఉంటే 2018 నుంచి కెనెడియన్‌ సింగర్‌ గ్రిమ్స్‌తో డేటింగ్‌ మొదలుపెట్టాడు మస్క్‌.   2020 మే నెలలో వీళ్లిద్దరూ ఓ కొడుకు పుట్టగా(ఎలన్‌ మస్క్‌ ఏడో బిడ్డ).. ఎవరికీ అర్థంకానీ రితీలో X AE A-XII అనే విచిత్రమైన పేరు పెట్టుకున్నాడు ఈ టెస్లా బాస్‌. అప్పటి నుంచి ఈ జంట కొడుకును వెంటపెట్టుకునే చాలాసార్లు కెమెరా కళ్లకు చిక్కింది. అయితే ఇప్పుడు వీళ్లిద్దరూ విడిపోవాలని నిర్ణయించుకున్నప్పటికీ.. కొడుకు బాధ్యతను మాత్రం ఇద్దరూ కలిసే చూసుకోవాలని భావిస్తున్నట్లు సమాచారం. 33 ఏళ్ల గ్రిమ్స్‌ అసలు పేరు క్లెయిర్‌ బౌచర్‌. కెరీర్‌ మొత్తంలో ఇప్పటిదాకా ఐదు ఆల్బమ్‌లు చేసిందీమె.  వాన్‌కోవర్‌(కెనెడా)లో పుట్టి, పెరిగిన ఆమె.. 2007 నుంచి మ్యూజిక్‌ రంగంలోకి అడుగుపెట్టింది. గతంలో ఈమెపై డ్రగ్స్‌ తీసుకుందనే ఆరోపణలపై కేసులు కూడా నమోదు అయ్యాయి. కెనెడియన్‌ సింగర్‌ డెవోన్‌ వేల్ష్‌తో సహజీవనం ప్రేమవ్యవహారం నడిపిన బౌచర్‌(గ్రిమ్స్‌).. 2012 నుంచి ఆరేళ్లపాటు గిటార్‌ మ్యూజిషియన్‌ జేమీ బ్రూక్స్‌తో సహజీవనం చేసింది. ఆ తర్వాత బ్రూక్స్‌కి బ్రేకప్‌ చెప్పి.. ఎలన్‌ మస్క్‌తో డేటింగ్‌ మొదలుపెట్టింది.   SpaceEx https://t.co/nesX0NetTu — Ross Brennan (@_rossbrennan) September 24, 2021 Sick of hearing about "Grime" and "Musk". Let's hear about "Soap" and "Fragrance" for once. — Vivian "Buzzfeed where is my paycheck" lamb (@aeonlamb) September 24, 2021 గతంలో పలువురితో డేటింగ్‌ చేసిన మస్క్‌.. కెనడియన్‌ రచయిత జస్టిన్‌ విల్సన్‌ను 2000 సంవత్సరంలో పెళ్లి చేసుకున్నాడు. వీళ్లిద్దరికీ ఓ బిడ్డ పుట్టగా.. పది వారాలకే సడన్‌ ఇన్‌ఫాంట్‌ డెత్‌​ సిండ్రోమ్‌ కారణంగా కన్నుమూసింది. ఆ తర్వాత ఐవీఎఫ్‌ ద్వారా 2004లో కవలల్ని, 2006లో ట్రిప్‌లెట్స్‌(ఒకే కాన్పులో ముగ్గురు)ను కన్నది ఈ జంట.  ఎనిమిదేళ్లకు ఆమెకు విడాకులిచ్చి.. బ్రిటిష్‌ నటి టలులాహ్‌ రిలేతో డేటింగ్‌ చేశారు. 2010లో రిలేను వివాహం చేసుకుని.. 2012లో విడాకులిచ్చాడు.  ఆ మరుసటి ఏడాది రిలేను మళ్లీ పెళ్లి చేసుకున్న మస్క్‌..  చివరికి 2016 రిలేకు సైతం విడాకులిచ్చేశాడు. నటి అంబర్‌ హర్డ్‌తో మస్క్‌ ఆ తర్వాత దక్కిన ఫేమ్‌, డబ్బుతో సెలబ్రిటీలతో కొంతకాలం డేటింగ్‌ చేశాడు. 2017లో నటి అంబర్‌ హర్డ్‌తో కొంతకాలం డేటింగ్‌ చేసినట్లు పుకార్లు వినిపించగా.. హర్డ్‌ మాజీ భర్త జానీ డెప్‌ ఆ ఆరోపణలు నిజమేనని ఆరోపించాడు. అయితే మస్క్‌, హర్డ్‌లు ఇద్దరూ ఆ ఆరోపణల్ని కొట్టిపారేస్తూ వస్తున్నారు. చదవండి: పోర్న్‌ మూవీలో నటించనున్న ఎలన్‌ మస్క్‌

సెలబ్రిటీల వ్యక్తిగత విషయాలపై జనాలకు.. ముఖ్యంగా ఫ్యాన్స్‌కు ఎక్కడా లేని ఆసక్తి. అయితే సంక్లిష్టమైన అంశాల జోలికి పోయినప్పుడు.. వాళ్లను వివాదాల్లోకి లాగడం తరచూ చూస్తుంటాం. అక్వామ్యాన్‌ ఫేమ్‌ హాలీవుడ్‌ నటి అంబర్​ హెర్డ్ ​విషయంలో ఇప్పుడు అదే జరుగుతోంది.  ఐదేళ్ల కిందట నటుడు జానీ డెప్‌ నుంచి విడాకులు తీసుకున్న అంబర్‌.. ఆ తర్వాత ఏడాదిపాటు టెస్లా సీఈవో ఎలన్‌ మస్క్‌తో డేటింగ్‌ చేసింది. ఆ బ్రేకప్‌ తర్వాత నుంచి సోలోగానే ఉంటున్న అంబర్‌.. సరోగసీ ద్వారా ఆమె బిడ్డను కనడం హాలీవుడ్‌ వర్గాల్లో చర్చనీయాంశంగా మారింది. ఏప్రిల్‌లో తాను సరోగసీ ద్వారా బిడ్డను కన్నానని, ఆ బిడ్డ పేరు ఉనగ్‌ పైగె హెర్డ్‌ అని తాజాగా సోషల్‌ మీడియా ద్వారా ప్రకటించుకుంది అంబర్‌ హెర్డ్‌. ఒళ్లో బిడ్డను పడుకోబెట్టుకున్న ఫొటోను ఆమె షేర్‌ చేయడంతో ఫ్యాన్స్‌ ఆమెకు అభినందనలు తెలిపారు. అయితే.. ఆమె పోస్ట్‌ను పూర్తిగా చదవకుండా.. అర్థం చేసుకోని కొందరు.. ఆమె క్యారెక్టర్‌ను తప్పుబడుతూ కామెంట్లు చేశాడు. ‘ఎవరితో ఆ బిడ్డను కన్నావ్‌.. సిగ్గు లేదా?’ అంటూ విరుచుకుపడ్డారు. రహస్యంగా బిడ్డను కన్నావా? ఈసారి ఎవరి జీవితాన్ని నాశనం చేస్తావ్‌? అంటూ తీవ్ర విమర్శలు చేశారు.  పనిలో పనిగా ఆమె మీద గుస్సాగా ఉన్న జానీ డెప్‌ ఫ్యాన్స్‌.. ఈ వ్యవహారాన్ని మరింత ముదిరేలా చేశారు. అయితే ఆ విమర్శలకు ఆమె శాంతంగానే స్పందిస్తూ.. ఘాటు రిప్లై ఇచ్చింది.  ‘నాలుగేళ్ల క్రితమే బిడ్డను కనాలనుకున్నా. ఇప్పటికీ నా కల నెరవేరింది. అయినా నా వ్యక్తిగత జీవితం నా ఇష్టం. నేను ఎవరితో బిడ్డను కంటే మీకేం నొప్పి. సరోగసీ అనేది మీలాంటి వాళ్లకు అర్థం కానీ విషయం. అది అర్థమై ఉంటే మీరు మూర్ఖంగా ఎందుకు  మాట్లాడతారు’ అని ఓ మీడియా ఛానెల్‌ ద్వారా విమర్శకులకు బదులిచ్చింది 35 ఏళ్ల అంబర్‌ లారా హెర్డ్‌. కాగా, హాలీవుడ్‌లో టైరా బ్యాంక్స్‌, జెమ్మీ ఫాలోన్‌, సారా జెస్సికా పార్కర్‌, ఎల్టోన్‌ జాన్‌.. ఇలా ఎంతో మంది సెలబ్రిటీలు  సరోగసీ ద్వారా బిడ్డల్ని కన్నారు. బాలీవుడ్‌, అంతెందుకు టాలీవుడ్‌లోనూ సరోగసీ ద్వారా బిడ్డల్ని కన్నవాళ్లు ఉన్నారు. వైవాహిక బంధం, కాపురాలపై అయిష్టత ఉన్న వాళ్లు ఎక్కువగా సరోగసీని ఆశ్రయిస్తుంటారు. View this post on Instagram A post shared by Amber Heard (@amberheard) చదవండి: సినిమాటోగ్రఫీ చట్టం సవరణలపై నిరసనలు

లాస్​ ఏంజెల్స్:  ప్రముఖ హాలీవుడ్ నటుడు జానీ డెప్‌, అతడి మాజీ భార్య, నటి అంబర్​ హెర్డ్​ మధ్య  వివాదాలు రోజురోజుకీ ముదురుతున్నాయి. డెప్​ హెర్డ్​లు ఒకరి మీద ఒకరు వరుసగా ఆరోపణలు, దావాలతో హాలీవుడ్​ను హీటెక్కిస్తున్నారు. తాజాగా అంబర్డ్​ తనపై తప్పుడు ప్రచారం చేస్తున్నాడని జానీ డెప్​పై విరుచుకుపడింది.   2016లో లాస్​ ఏంజెల్స్​లోని జానీ డెప్​ ఇంట్లో తనపై దాడి జరిగిందని అంబర్డ్​ కేసు వేసింది. ఈ కేసుకు సంబంధించి ఈ మధ్యే పోలీసులు అంబర్డ్​ను సీక్రెట్​గా ప్రశ్నించారని, ఆమె స్టేట్​మెంట్ ద్వారా ఆ దాడి జరిగిన విషయం అబద్ధమని తేలిందని కొన్ని హాలీవుడ్ వెబ్​సైట్స్​ కథనాలు రాశాయి. అయితే ఈ కథనాల వెనుక జానీ డెప్​ ప్రమేయం ఉందని అంబర్డ్ ఆరోపిస్తోంది. ఈ మేరకు అంబర్డ్ లాయర్​ మీడియాకు స్టేట్​మెంట్​ను రిలీజ్ చేశాడు.  మరోవైపు అమెరికన్​ సివిల్​ లిబర్టీస్​ యూనియన్​లో ఈ మధ్యే  అంబర్డ్​​పై డెప్​ ఓ దావా వేశారు. తాను రెండు ఛారిటీలకు ఏడు మిలియన్ల డాలర్లను దానం చేశానని అంబర్​ ప్రకటించడంపై దర్యాప్తు చేపట్టాలని డీప్ అందులో కోరాడు. అయితే ఈ డబ్బు అంబర్డ్ అప్పటి బాయ్​ఫ్రెండ్ అయిన ఎలన్​ మస్క్​ ఇచ్చాడని డెప్ పేర్కొనడం విశేషం. ఇక పోయినేడాది భార్యను హింసించాడనే ఆరోపణలు రుజువు కావడంతో జానీ డెప్​కి వ్యతిరేకంగా దర్యాప్తు కొనసాగుతున్న విషయం తెలిసిందే. అయితే డెప్ ​తీరుపై వరుసగా ఎన్ని ఆరోపణలు వస్తున్నా, న్యాయస్థానాల్లో అవి రుజువు అవుతున్నా.. అభిమానులు మాత్రం అతనికి మద్దతు తెలుపుతుండడం కొసమెరుపు. చదవండి: జాక్​ స్పారోకు గుడ్​బై!  

లాస్ ఏంజెలిస్ : తన గురించి ఓ మేగజైన్‌లో వచ్చిన కథనంతో తన జీవితం తలకిందులైందనట్లు అనిపించిందని హాలీవుడ్ నటి అంబర్ హియర్డ్(31) అన్నారు. బై సెక్సువల్ అని కవర్ స్టోరీ రావడంతో అందరికీ ఈ విషయం తెలిసిపోయిందని, అప్పటినుంచి తన సినీ కెరీర్ నాశనమైందన్నారు. జీవన విధానాన్ని ఇలాగే కొనసాగిస్తే మరిన్ని చిక్కులు తప్పవని పలువురు ఇండస్ట్రీ ప్రముఖులు తనను హెచ్చరించినట్లు ఆమె తెలిపారు. 'నికోలస్ కేజ్, జానీ డెప్ సరసన నటించాను. ఆ సమయంలో నేనేలా ప్రవర్తించానో అందరికీ తెలుసు. కానీ కొందరు పనిగట్టుకుని నాపై దుష్ప్రచారం చేస్తున్నారు. ఎల్బియన్-గే-బైసెక్సువల్-ట్రాన్స్ జెండర్ (ఎల్జీబీటీ) వర్గాలపై చిన్నచూపుంది. ఎంతో అభివృద్ధి చెందుతున్నాం. కొత్త ఆవిష్కరణలు వస్తున్నాయి. అయినా మనం ఎంత వెనుకబడి ఉన్నామో ఎల్జీబీటీలపై ఉన్న వివక్షే నిదర్శణం. మనుషులం అయినందుకు ప్రతి ఒక్కరి వ్యక్తిగత జీవితాన్ని గౌరవించాలని' నటి అంబర్ హియర్డ్ అభిప్రాయపడ్డారు. ఆమె లేటెస్ట్ మూవీ 'జస్టిస్ లీగ్' ఈ 16న విడుదల కానుంది.


 బుచారెస్ట్: విడాకుల వ్యవహారంతో విసిగిపోయిన హాలీవుడ్ హీరో జానీ డెప్(53) రిలాక్స్ కోసం రొమేనియా వెళ్లాడు. ఫ్రెండ్స్ తో ప్రైవేటు పార్టీలు చేసుకుంటూ ఎంజాయ్ చేస్తున్నాడు. స్నేహితులతో కబుర్లు చెప్పుకుంటూ, అందాల భామల బెల్లీ డాన్స్ చూస్తూ గడిపాడని స్థానిక మీడియా వెల్లడించింది.
 
 అయితే అతడు ఒత్తిడిలో ఉన్నట్టు కనబడలేదని పార్టీలో పాల్గొన్న ఓ వ్యక్తి తెలిపాడు. బీర్ తాగుతూ రిలాక్స్ అయ్యాడని చెప్పాడు. ఫెండ్స్ తో కబుర్లు చెప్పినప్పడు తన మాజీ భార్య అంబర్ హార్డ్‌ గురించి చాలా తక్కువగా మాట్లాడాడని వెల్లడించాడు. 'అందరినీ గుడ్డిగా నమ్ముతాను. అదే నాకు సమస్యలు తెచ్చిపెడుతోంద'ని తనతో జానీ డెప్ అన్నాడని రెస్టరెంట్ యజమాని పేర్కొన్నాడు.
 
 తన భార్యను హింసించినట్టు జానీ డెప్ ఆరోపణలు ఎదుర్కొంటున్నాడు. తన కంటే 22 ఏళ్లు చిన్నదైన అంబర్ హార్డ్‌ ను 2015లో పెళ్లి చేసుకున్నాడు. అంబర్ ను చిత్రహింసలకు గురిచేయడంతో జాన్ డెప్ నుంచి ఆమె విడాకులు తీసుకుంది.


 లాస్ ఏంజెల్స్: జానీ డెప్తొ తెగదెంపులు చేసుకోవడానికి కోర్టుకెక్కిన హాలీవుడ్ నటి అంబర్ హర్డ్.. తీవ్ర మానసిక ఒత్తిడి అనుభవిస్తోంది. ఈ వ్యవహారంతో ఏర్పడిన స్ట్రెస్ మూలంగా ఇటీవల ఆమె 9 కిలోల వరకూ బరువు తగ్గినట్లు వెల్లడించింది. దీంతో అంబర్ తదుపరి చిత్రం 'జస్టీస్ లీగ్'కు సంబంధించిన కాస్ట్యూమ్స్ పనులు ఆగిపోయాయి. వెయిట్ లాస్ మూలంగా అంబర్ మరీ సన్నగా కనిపిస్తుండటం పట్ల చిత్ర నిర్మాతలు కలవరపడుతుండటమే దీనికి కారణమట.
 
 52 ఏళ్ల డెప్‌ నుంచి తనకు విడాకులు ఇవ్వాలంటూ గత నెల 23న అంబర్‌ (30) కోర్టులో విడాకుల పిటిషన్ వేసిన సంగతి తెలిసిందే. పైరేట్స్ ఆఫ్ కరేబియన్ స్టార్ తనను మానసికంగా, శారీరకంగా హింసించాడని అంబర్ ఆరోపించింది.
 
  


 న్యూయార్క్: ప్రముఖ హాలీవుడ్ దంపతులు జానీ డెప్‌- అంబర్‌ హర్డ్‌ విడాకుల వ్యవహారంలో మరో విషయం వెలుగుచూసింది. దిండుతో ఊపిరాడకుండా చేసి భార్య, నటి అంబర్ హర్డ్‌ను చంపేందుకు డెప్‌ ప్రయత్నించినట్టు తాజాగా వెల్లడైంది.  52 ఏళ్ల డెప్‌ నుంచి తనకు విడాకులు ఇవ్వాలంటూ గత నెల 23న అంబర్‌ (30) కోర్టులో విడాకుల పిటిషన్ వేసిన సంగతి తెలిసిందే.  ఈ నేపథ్యంలో అంబర్ స్నేహితుడు కొన్ని సంచలన విషయాలు వెల్లడించాడు.
 
 ఆస్కార్ అవార్డుకు నామినేట్ అయిన డెప్‌ తన భార్య అంబర్‌ను చంపేందుకు ప్రయత్నించాడని, దిండుతో ఊపిరాడకుండా చేసి ఆమెను చంపాలని చూశాడని, దీంతో భయభ్రాంతులకు గురైన అంబర్‌ తన మొబైల్‌ మెసెజ్‌ పంపిందని ఆమె స్నేహితుడు న్యూయార్క్ పోస్టు పత్రికకు తెలిపాడు. 'నేను వెంటనే ఆమె అపార్ట్‌మెంటుకు వెళ్లాను. అక్కడ ఆమె ముఖంపై కమిలిన గాయం ఉంది. పెదవి చీరుకుపోయింది. ఒక కన్నుకు గాయంతో వాపు వచ్చింది. తలపై కొన్ని వెంట్రుకలు ఊడిపోయి ఉన్నాయి. ఆమె దీన స్థితి చూసి నేను షాక్‌ తిన్నాను. తనను  దిండుతో చంపాలని డెప్‌ చూశాడని, తనను విషమిచ్చి చంపేందుకు అతను వెనుకాడబోడని అంబర్‌ చెప్పింది' అని ఆయన వివరించాడు. డెప్‌ ఎప్పుడూ గొడవపడుతూ తనను తీవ్రంగా కొట్టేవాడని, ఆమె పట్ల డెప్‌ దురుసుగా ప్రవర్తించడం తాను కూడా చాలాసార్లు  చూశానని పత్రికకు తెలిపారు.
 
 ఇప్పటికే అంబర్‌ భర్త డెప్‌పై గృహహింస కేసు పెట్టింది. అతని నుంచి విడాకులు తీసుకునేందుకు కోర్టును ఆశ్రయించింది. కోర్టు కూడా ఈ ఇద్దరు దంపతులు వేర్వేరుగా ఉండాలని ఆదేశాలు ఇచ్చిన సంగతి తెలిసిందే. 'పైరెట్స్ ఆఫ్‌ ది కరేబియన్‌' వంటి చిత్రాలతో జానీ డెప్‌ అంతర్జాతీయంగా పేరుప్రఖ్యాతలు తెచ్చుకున్నాడు.
  


 కాలిఫోర్నియా: మూడేళ్లు  ప్రేమించుకుని అట్టహాసంగా పెళ్లి చేసుకున్న హాలీవుడ్ జంట కాపురం మూడ్నాళ్ల ముచ్చటే అయింది.   దాదాపు  పెళ్లైన 15 నెలలకే   పైరేట్స్ ఆఫ్ ద కరేబియన్' సూపర్ హిట్ సిరీస్  హీరో జానీ డెప్ (52) యాంబర్ హార్డ్‌  (30) జంట  రచ్చకెక్కింది.  గత సోమవారం భర్తపై  యాంబర్ గృహహింస ఆరోపణలు  చేయడంతో, తీవ్రమైన విభేదాలు నెలకొన్నాయని తెలపడంతో ..  వీరి విడాకులకు స్థానిక కోర్టు అంగీకారం తెలిపింది.  ఈ వ్యవహారంలో కోర్టు ముందు హాజరైన యాంబర్  ఈ ఉదంతానికి సంబంధించిన ఫోటోలను సాక్ష్యాలుగా  తాజాగా లాస్ ఏంజెల్స్ లోని సుపీరియర్   కోర్టుకు సమర్పించింది.  శనివారం ఈ సాక్ష్యాలను పరిశీలించిన మీదట ఆమె నివాసానికి 100  అడుగులు దూరంలో  ఉండాలంటూ జానీ డెప్ కు   కోర్టు ఆదేశాలు జారీ చేసింది. 
 అనంతరం ఆమె  ఈ వివాదంలో తొలిసారి మీడియాతో ముందు నోరు విప్పింది.  పెళ్లయిన దగ్గర్నించీ, తనను మానసికంగా, శారీరకంగా వేధించేవాడని అంబర్  వాపోయింది.  బాగా మద్యం సేవించి తనపై దాడిచేసేవాడని.. నిత్యం భయంతో బిక్కచచ్చిపోతూ బతికేదాన్నని తెలిపింది.  కన్నీంటిపర్యంతమైంది విపరీతంగా మద్యం సేవించి.. తనపై చేయి చేసుకున్నాడని.. జుట్టుపట్టిలాడి ఈడ్చేశాడనీ, మొఖంపై  కొట్టాడని ఆరోపించింది. అయితే  భార్య ఆరోపణలను కొట్టి పారేసిన డెప్  లాయర్ కోర్టు ముందు కౌంటర్ వాదనలు దాఖలు చేశాడు. డబ్బుకోసమే ఆ ఆరోపణలు చేస్తోందని విమర్శించాడు. 
 కాగా  హాలీవుడ్ స్టార్ జానీ డెప్ అంబర్ హార్డ్ ను పెళ్లాడి సంవత్సరంన్నర తిరగకుండానే విడాకులు తీసేసుకుని వార్తలకెక్కారు.  పైరేట్స్ ఆఫ్ ద కరేబియన్ సిరీస్ లో కెప్టెన్ జాక్ స్పారో పాత్రలో విభిన్న శైలిలో నటించి మెప్పించిన  డెప్, హార్డ్ ను  ఏడాదిన్నర క్రితం పెళ్లి చేసుకున్నాడు.  2011లో ద రమ్ డైరీ సినిమాలో కలిసి నటించిన   డెప్ హార్డ్‌కు దగ్గరయ్యాడు. మూడు సంవత్సరాలుపాటు ప్రేమించుని రహస్యంగా ఈ  హాలీవుడ్ ప్రేమపక్షులు  ఫిబ్రవరి 2015 లో ఒక్కటయ్యారు. అయితే  వీరి పెళ్లి అప్పట్లో   హాట్ టాపిక్. కాగా డెప్  హాలీవుడ్ మూవీ షూటింగ్  నిమిత్తం  పోర్చుగల్ లో ఉన్నట్టు సమాచారం.
 


 లాస్‌ఏంజెలిస్: ప్రముఖ హాలీవుడ్ నటుడు జానీడెప్ సతీమణి, నటి అంబర్ హెర్డ్ స్మగ్లింగ్ ఆరోపణల్లో చిక్కుకున్నారు. అనుమతి లేకుండా రెండు వేర్వేరు జాతులకు చెందిన పెంపుడు కుక్కలను తరలించడంతో అక్కడి కస్టమ్స్ అధికారులు ఆమెపై పలు అభియోగాలు మోపుతూ కేసు నమోదుచేశారు.
 
 చట్టవిరుద్ధంగా కుక్కలను ఆస్ట్రేలియాకు దిగుమతి చేయడం, తప్పుడు ధ్రువీకరణ పత్రాలను కలిగి ఉండడం వంటి ఆరోపణలతో కేసు నమోదైంది. ఇందుకు గాను ఆమె క్వీన్‌ల్యాండ్ కోర్టు ఎదుట సెప్టెంబర్ 7న హాజరు కావాల్సి ఉంటుంది. హెర్డ్‌పై నమోదైన ఆరోపణలు రుజువైతే ఆమెకు గరిష్టంగా పదేళ్ల జైలుశిక్ష, అత్యధికంగా 48 వేల అమెరికన్‌డాలర్ల జరిమానా విధించే అవకాశాలున్నాయని ఆస్ట్రేలియన్ ప్రాసిక్యూటర్లు చెప్తున్నారు.
  


 ఎన్నాళ్లకెన్నాళ్లకు..! ఎంతో కాలంగా ఎదురుచూస్తున్న హాలీవుడ్ నటులు జానీ డెప్, అంబర్ హెర్డ్‌లు ఎట్టకేలకు పెళ్లి పీటలెక్కేశారు. యాభై ఒక్క ఏళ్ల డెప్... ఇరవై ఎనిమిదేళ్ల అంబర్ మూడేళ్ల కిందట ఎంగేజ్‌మెంట్ చేసుకున్నారు. అప్పటి నుంచి వారి పెళ్లి కోసం ఎప్పుడెప్పుడని ఎదురుచూస్తున్నారు సన్నిహితులు, అభిమానులు.
 
 ఇన్నాళ్లకు ఆ ఘడియ రానే వచ్చింది. డెప్ ఇంటి వద్దే గప్‌చుప్‌గా ఈ తంతు జరిగిపోయిందని అతడి సన్నిహిత వర్గాల సమాచారం. అయితే వారాంతంలో పెళ్లి పార్టీకి భారీ ఏర్పాట్లు జరుగుతున్నాయట. అది కూడా బహమాస్‌లోని డెప్ ప్రైవేట్ ఐలాండ్‌లో! వెనెసా పరాడిస్‌తో లాంగ్‌టైమ్ రిలేషన్ కట్ చేసుకున్నాక అంబర్‌కు దగ్గరయ్యాడు డెప్!