breaking news
all employees
-
సర్వీస్ రికార్డు.. ఇక డిజిటలైజేషన్
సాక్షి, హైదరాబాద్: ప్రభుత్వ ఉద్యోగుల సర్వీస్ రికార్డును డిజిటలైజేషన్ చేయాలని రాష్ట్ర ప్రభుత్వం నిర్ణయించింది. సర్వీసు రికార్డుల నమోదులో జాప్యానికి చెక్ పెట్టేందుకు ఆన్లైన్ విధానాన్ని అమలు చేసేందుకు ఉపక్రమించింది. ఉద్యోగిగా చేరిక మొదలు, సెలవులు, ఇంక్రిమెంట్లు, బదిలీలు, పదోన్నతులు, విధి నిర్వహణలో పొరపాట్లు, చట్టపరమైన చర్యలు, కేసులు, పదవీ విరమణ ఇలా అన్నింటినీ డిజిటల్ విధానంలోకి తీసుకురానుంది. తెలంగాణ ఇంటిగ్రేటెడ్ ఫైనాన్స్ మేనేజ్మెంట్ అండ్ ఇన్ఫర్మేషన్ సిస్టం(టీఐఎఫ్ఎంఐఎస్)లో భాగమైన ఎల్రక్టానిక్ మానవ వనరుల నిర్వహణ వ్యవస్థ (ఈ–హెచ్ఆర్ఎంఎస్)ను అన్ని ప్రభుత్వ శాఖల్లో అమలు చేయనుంది.ఈ మేరకు ప్రభుత్వ ప్రధాన కార్యదర్శి సంజయ్జాజు శనివారం జీవో 141 జారీ చేశారు. ప్రస్తుతం ఉద్యోగుల సర్వీస్ రికార్డులన్నీ మాన్యువల్ పద్ధతిలోనే నిర్వహిస్తున్నారు. ఈ క్రమంలో వివిధ సేవా సంబంధిత వ్యవహారాల పరిష్కారంలో జాప్యం జరుగుతోంది. ఏళ్లకుఏళ్లుగా సమాచారాన్ని అందులో ఎంట్రీ చేయడం లేదు. పదోన్నతులు, బదిలీల సమయంలో తీవ్ర ఇబ్బందులు ఎదురవుతున్నాయి. పెండింగ్ వ్యవహారాలపై సమగ్ర పర్యవేక్షణ కూడా కొరవడుతోంది. ఈ సమస్యలకు పరిష్కారంగా అన్ని శాఖలకు ఒకే విధమైన సమీకృత డిజిటల్ వ్యవస్థను అందుబాటులోకి తెస్తోంది. ప్రతి ఉద్యోగికి డిజిటల్ సర్వీస్ రిజిస్టర్ ఈ–హెచ్ఆర్ఎంఎస్ ద్వారా ప్రతి ప్రభుత్వ ఉద్యోగికి ధ్రువీకరించిన డిజిటల్ సర్వీస్ రిజిస్టర్ నిర్వహిస్తారు. ఆయా అంశాలకు సంబంధించిన మాడ్యూళ్లు అందుబాటులోకి వచి్చన మేరకు దరఖాస్తుల నమోదు, పరిశీలన, ఆమోదం, పరిష్కారం.. అన్నీ ఆన్లైన్ విధానంలోనే సాగుతాయి. దీంతో ఏ ఉద్యోగికి సంబంధించిన వ్యవహారం ఏ దశలో ఉందో తెలుసుకోవడంతోపాటు, పెండింగ్ కేసులను గుర్తించి వాటి పరిష్కారాన్ని పర్యవేక్షించే అవకాశం ఉంటుంది. అలాగే, పరిపాలనలో పారదర్శకత, జవాబుదారీతనం పెరుగుతాయని ప్రభుత్వం భావిస్తోంది. అధికారులదే డేటా బాధ్యత సచివాలయ శాఖలు, శాఖాధిపతుల కార్యాలయాలు, జిల్లా కార్యాలయాలు, డివిజినల్, కింది స్థాయి ప్రభుత్వ కార్యాలయాలన్నింటిలో ఈ విధానాన్ని అమలు చేయాలని ఉత్తర్వుల్లో స్పష్టం చేశారు. ఉద్యోగుల వివరాలను పూర్తిగా, ప్రామాణికంగా నమోదు చేసే బాధ్యత సంబంధిత పరిపాలనా శాఖలు, శాఖాధిపతులు, డ్రాయింగ్ అండ్ డిస్బర్సింగ్ అధికారుల(డీడీఓ)పై ఉంటుంది. అమలును వేగవంతం చేయడంతోపాటు, తమ పరిధిలోని కార్యాలయాల్లో ఈ విధానాన్ని పర్యవేక్షించాలని శాఖాధిపతులను ఆదేశించింది. జిల్లాల వారీగా ట్రెజరీ, పే అండ్ అకౌంట్స్ కార్యాలయాల నోడల్ అధికారులను నియమించారు. జిల్లాస్థాయిలో పరిష్కారం కాని సమస్యలను ఐఎఫ్ఎంఐఎస్ సహాయ కేంద్రం 7042420033 నంబర్కు తెలియజేయొచ్చు. ఈ ప్రక్రియ అమలును ప్రభుత్వ ప్రత్యేక కార్యదర్శి సిక్తా పటా్నయక్ పర్యవేక్షిస్తారు. డిజిటల్ విధానం అమలు చేస్తున్నప్పటికీ ఇప్పటికే ఉన్న సర్వీస్ నిబంధనలు, అధికారుల పరిధులు, అప్పగించిన అధికారాల్లో ఎలాంటి మార్పు ఉండదని ప్రభుత్వం స్పష్టం చేసింది. -
‘అంతా అయిపోయింది’.. మొత్తం ఉద్యోగుల తొలగింపు!
క్రియేషన్ ఇన్వెస్ట్మెంట్ మద్దతు ఉన్న అగ్రిటెక్ స్టార్టప్ రేషామండి కథ ముగిసింది. సంస్థ మొత్తం ఉద్యోగులను తొలగించిందని ఎన్ట్రాకర్ నివేదిక తెలిపింది. ఆడిటర్ తప్పుకోవడం, వారం రోజులుగా కంపెనీ వెబ్సైట్ డౌన్ కావడం వంటి పరిణామాలతో సంస్థ స్థితిగతులపై మరింత ఆందోళన వ్యక్తమవుతోంది.'రేషామండి కథ అయిపోయింది' అని సంబంధిత వర్గాలు తెలిపినట్లుగా ఆ నివేదిక పేర్కొంది. గత కొన్ని నెలలుగా ఉద్యోగులకు జీతాలు సహా అప్పులు చెల్లించడానికి, నిర్వహణ ఖర్చులను భరించడానికి కంపెనీ ఇబ్బంది పడుతోందని తెలిపింది. సంస్థలోని మొత్తం 500 మంది ఉద్యోగులను తొలగించినట్లు కంపెనీ సన్నిహిత వర్గాలు ధ్రువీకరించాయి.రెవెన్యూ ద్రవ్యోల్బణం, మోసపూరిత ఇన్ వాయిస్ లతో సహా పలు కార్పొరేట్ గవర్నెన్స్ సమస్యలను కంపెనీ ఎదుర్కొంది. గత నెలలో రాజీనామా చేసిన ఆడిటర్ వాకర్ చందోక్ అండ్ కో ఎల్ఎల్పీ రిజిస్ట్రార్ ఆఫ్ కంపెనీస్ (ఆర్వోసీ)కి సమర్పించిన రెగ్యులేటరీ ఫైలింగ్లో ఈ సమస్యలను తెలియజేసింది. రేషామండి ఆడిటింగ్ సంస్థకు రూ.14.16 లక్షలు బకాయి పడింది. బెంగళూరుకు చెందిన ఈ చింది.కంపెనీ జూలై చివరిలో సురేష్ కపూర్ అండ్ అసోసియేట్స్ అనే కొత్త ఆడిటర్ను నియమించుకుంది.దీనికి తోడు రేషామండి చీఫ్ ఫైనాన్షియల్ ఆఫీసర్ల (సీఎఫ్వో) వరుస రాజీనామాలను చవిచూసింది. 2022 మార్చి 2 నుంచి 2023 జనవరి వరకు సీఎఫ్ఓగా పనిచేసిన రితేష్ కుమార్ స్థానంలో 2023 ఏప్రిల్లో కేపీఎంజీ మాజీ సీఎఫ్ఓ సమద్రిత చక్రవర్తి గ్రూప్ సీఎఫ్ఓగా నియమితులయ్యారు. తర్వాత ఆయన కూడా అదే ఏడాది అక్టోబర్లో కంపెనీని వీడినట్లు ఇంక్ 42 నివేదించింది.రేషామండి ప్రతినిధి ప్రచురణకు ఇచ్చిన ఒక ప్రకటనలో సంస్థ ఆర్థిక ఇబ్బందులను అంగీకరించారు. "రేషామండి కొన్ని ఆర్థిక ఇబ్బందులను ఎదుర్కొంటోంది. మార్కెట్ నుంచి పెండింగ్ రిసీవబుల్స్ సేకరించడంపై దృష్టి పెట్టడానికి దాని సిబ్బంది, కార్యకలాపాలు, ప్రక్రియలను క్రమబద్ధీకరించింది. ఈ పరిస్థితి నుంచి బలంగా బయటపడి త్వరలోనే ట్రాక్లోకి రాగలమని నమ్ముతున్నాం' అని అన్నారు. -
ఉద్యోగులందరికీ పెన్షన్ వర్తింపజేస్తాం
కదిరి : వైఎస్సార్ కాంగ్రెస్ పార్టీ అధికారంలోకి రాగానే ఉద్యోగులందరికీ పెన్షన్ వర్తింపజేస్తామని ఆ పార్టీ ఎమ్మెల్సీ వెన్నపూస గోపాల్రెడ్డి అన్నారు. ఈ విషయంపై తమ పార్టీ అధినేత వైఎస్ జగన్మోహన్రెడ్డితో మాట్లాడామన్నారు. ఆయన కూడా సుముఖత వ్యక్తం చేశారని తెలిపారు. గతంలో లాగానే ఉద్యోగులకు పాత పెన్షన్ విధానం అమలుచేస్తూ, ప్రస్తుతం అమలులో ఉన్న సీపీఎస్ను రద్దు చేస్తామని హామీ ఇచ్చారు. గురువారం ఆయన వైఎస్సార్సీపీ కదిరి నియోజకవర్గ సమన్వయకర్త డాక్టర్ పీవీ సిద్దారెడ్డి స్వగృహంలో విలేకరులతో మాట్లాడారు. ముఖ్యమంత్రి చంద్రబాబు ఇంటికో ఉద్యోగమిస్తానని హామీ ఇచ్చారని, అలా ఇవ్వలేని పక్షంలో నెలకు రూ.2 వేల చొప్పున నిరుద్యోగ భృతి ఇస్తామన్నారని గుర్తుచేశారు. ఆయన అధికారంలోకి వచ్చి మూడేళ్లు పూర్తయినా ఇప్పటి దాకా ఒక్క హామీ నెరవేర్చలేదన్నారు. ఉద్యోగులకు న్యాయంగా చెల్లించాల్సిన పీఆర్సీ, డీఏల విషయంలోనూ ప్రభుత్వం అలసత్వం ప్రదర్శిస్తోందన్నారు. కాపులను బీసీ జాబితాలో, రజకులను, వాల్మీకులను ఎస్టీ జాబితాలో చేరుస్తానని చెప్పిన చంద్రబాబు ఇప్పుడు పట్టించుకోవడం లేదని విమర్శించారు. కరువు నివారణ చర్యలు తీసుకోవడంలో ప్రభుత్వం పూర్తిగా విఫలమైందన్నారు. వీటన్నింటిపై మండలిలో ప్రభుత్వాన్ని నిలదీస్తానన్నారు. సమావేశంలో వైఎస్సార్సీపీ కదిరి నియోజకవర్గ సమన్వయకర్త డాక్టర్ పీవీ సిద్దారెడ్డి, జిల్లా స్టీరింగ్ కమిటీ సభ్యురాలు ఆర్వేటి శాంతమ్మ, కౌన్సిలర్ రాజశేఖర్రెడ్డి,గాండ్లపెంట మండల కన్వీనర్ చంద్రారెడ్డి, నాయకులు గజ్జల రవీంద్రారెడ్డి, వైఎస్సార్టీఎఫ్ నాయకులు జంషీద్, శ్రీనివాసరెడ్డి, మనోహర్రెడ్డి, రమణారెడ్డి తదితరులు పాల్గొన్నారు.


