రంగారెడ్డి జిల్లా : అంగరంగ వైభవంగా తీజ్ సంబురాలు (ఫొటోలు)

కడ్తాల్‌ మండల పరిధిలోని కొండ్రిగానిబోడ్‌ తండాలో ఆదివారం నిర్వహించిన తీజ్‌ సంబరాలు అంబరాన్నంటాయి. తొమ్మిదిరోజులుగా తండాకు చెందిన యువతులు నియమ నిష్టలతో ఉపవాస దీక్షలతో మొలకల బుట్టలను సిద్ధం చేశారు.

బంజారా సంస్కృతి, సాంప్రదాయాన్ని చాటి చెప్పే పండుగలలో అతి ముఖ్యమైన పండుగ "తీజ్". తీజ్ అనగా గోధుమ మొక్కలు అని అర్థం.

చిన్నాపెద్దా తేడా లేకుండా అందరూ తీజ్‌ పండుగ సంబరాల్లో మునిగి తేలుతున్నారు.

పెళ్లికాని ఆడపిల్లలు మట్టిలో విత్తనాలు నాటి.. భక్తి శ్రద్ధలతో తొమ్మిది రోజులపాటు ఆరాధిస్తారు.

నియమ నిష్టలతో ఉపవాస దీక్ష చేస్తూ ప్రతిరోజూ నీళ్లు పోసి పూజలు చేస్తున్నారు. తొమ్మిది రోజుల తర్వాత మొలకలైన వాటిని నిమజ్జనం చేస్తారు.

ఇక ఈ నిమజ్జన వేడుకలను ఆటాపాటలతో యమా సంబురంగా నిర్వహిస్తారు తాండావాసులు.