విమానాశ్రయాల్లో చోటు చేసుకునే కొన్ని వింత ఘటనలను మనం చూస్తూనే ఉన్నాం. కానీ ఇక్కడ ఓ వ్యక్తి చేసిన పని వినడానికే రోత పుడుతోంది. వివరాలు.. ఎయిర్‌పోర్టులోని టెర్మినల్‌లో ప్రయాణికులతోపాటు ఓ వ్యక్తి కూర్చుని ఉన్నాడు. అకస్మాత్తుగా ఆయన అందరిముందే మూత్ర విసర్జన చేశాడు. దీంతో అక్కడున్న వారంతా ఒక్కసారిగా షాక్‌కు గురయ్యారు. ఛీ అంటూ చుట్టుపక్కల వాళ్లు వికారంగా మొహం పెట్టారు. వాళ్లేంటి.. ఈ విషయం తెలిసిన ఎవరైనా ఛీ.. యాక్‌ అనుకోకుండా ఉండరు. అయితే దీనికి సంబంధించిన వీడియోను ఓ ప్రయాణికుడు ఇన్‌స్టాగ్రామ్‌లో పోస్ట్‌ చేయగా అది కాస్త వైరల్‌గా మారింది. 

విమానాశ్రయాల్లో చోటు చేసుకునే కొన్ని వింత ఘటనలను మనం చూస్తూనే ఉన్నాం. కానీ ఇక్కడ ఓ వ్యక్తి చేసిన పని వినడానికే రోత పుడుతోంది. వివరాలు.. ఎయిర్‌పోర్టులోని టెర్మినల్‌లో ప్రయాణికులతోపాటు ఓ వ్యక్తి కూర్చుని ఉన్నాడు. అకస్మాత్తుగా ఆయన అందరిముందే మూత్ర విసర్జన చేశాడు. దీంతో అక్కడున్న వారంతా ఒక్కసారిగా షాక్‌కు గురయ్యారు. ఛీ అంటూ చుట్టుపక్కల వాళ్లు వికారంగా మొహం పెట్టారు. వాళ్లేంటి.. ఈ విషయం తెలిసిన ఎవరైనా ఛీ.. యాక్‌ అనుకోకుండా ఉండరు. అయితే దీనికి సంబంధించిన వీడియోను ఓ ప్రయాణికుడు ఇన్‌స్టాగ్రామ్‌లో పోస్ట్‌ చేయగా అది కాస్త వైరల్‌గా మారింది.  ఈ వీడియోను ఇప్పటివరకు 2 లక్షల మందికి పైగా వీక్షించారు. చాలామంది నెటిజన్లు అతను చేసిన వికారమైన చర్యకు బుద్ధిచెప్పాలని, అందుకోసం అతన్ని అరెస్ట్‌ చేయాలని కోరారు. మరికొంతమంది అతను చేసిన పనికి చీదరించుకున్నారు. ఓ నెటిజన్‌ మాత్రం ‘మీ సోదాపండి. అతన్ని కాస్త రిలాక్స్‌ కానివ్వండి’ అంటూ ఫన్నీ కామెంట్‌ చేశాడు. అతను చేసిన పనికి ఎయిర్‌పోర్ట్‌ అధికారులు ఊరికే వదిలిపెట్టరు కానీ జనాలు మాత్రం ఇప్పుడీ వీడియో చూసి నవ్వుకోవాలో లేదా అతన్ని తిట్టుకోవాలో తెలియని అయోమయంలో పడ్డారు. చదవండి: 21 ఏళ్లకే ఎంతటి సాహసం! ఎంత కాలం ‘సింగిల్‌’గా ఉంటావ్‌..


 బీజింగ్‌: అమెరికా అధ్యక్షుడు బరాక్‌ ఒబామాను పోలిన చైనా ‘ఒబామా’ అందరినీ దృష్టిని ఆకర్షిస్తున్నాడు. అంతేకాదు ఒబామాలా నటించడానికి ఫీజు కూడా వసూలు చేస్తున్నాడు. ఒబామా అధ్యక్ష పదవి నుంచి దిగిపోనుండడంతో చైనా ఒబామా భవితవ్యం సందిగ్దంలో పడింది.
 
 అచ్చుగుద్దినట్టు ఒబామా ఉన్న అతడి పేరు జియావొ జిగ్యు. సిచుయన్‌ ప్రాంతానికి చెందిన అతడు గతంలో గ్వాంగ్‌ డాంగ్‌ లో సెక్యురిటీగా పనిచేసేవాడు. 2012లో ఒబామా రెండోసారి అమెరికా అధ్యక్ష బాధ్యతలు చేపట్టడంతో జియావొకు గుర్తింపు దక్కింది. అచ్చం ఒబామాలా ఉన్నావంటూ సహచరుడు చెప్పడంతో ఉద్యోగానికి టాటా చెప్పేసి ఒబామాను అనురించడం మొదలు పెట్లాడు.
 
 2014లో టీవీలో చేసిన కార్యక్రమంతో అతడికి గుర్తింపు లభించింది. ఒబామాను అనుకరిస్తూ వచ్చిరాని ఇంగ్లీషులో అతడు చేసే ప్రదర్శనలు అందరినీ ఆకట్టుకున్నాయి. ఒక్కో షోకు దాదాపు 70 వేల రూపాయాల వరకు తీసుకుంటున్నాడు. తన టాలెంట్‌ ను మెరుగు పరుచుకునేందుకు బీజింగ్‌ ఫిల్మ్‌ అకాడమిలో శిక్షణ తీసుకుంటున్నాడు. ఒబామా పదవి దిగిపోతే తనకు ఉపాధి కరువుతుందన్న బెంగతో ఉన్నాడు చైనా ఒబామా.
 


  బీజింగ్: సాహసం చేస్తే పోయేదేమీ లేదు ప్రాణాలు తప్పా! అన్నట్లుగా ఉంది ఆ దారి. దక్షిణ చైనా, గ్వాంగ్‌డాంగ్‌లోని గోల్డ్ మౌంటేన్ పర్వత శిఖరాగ్రంను చేరుకునేందుకు అత్యంత ప్రమాదకర మెట్లదారిని నిర్మించింది చైనా ప్రభుత్వం. సముద్ర మట్టానికి 4,650 అడుగుల ఎత్తులోవున్న పర్వత శిఖరాగ్రంను చేరుకునేందుకు ఏర్పాటు చేసిన మెట్లదారిలో 1640 అడుగుల మేర మెట్లు మాత్రం అచ్చం నిచ్చెనలానే ఉంటాయి.
 
 ముందు వెళుతున్న వ్యక్తి పట్టుతప్పి పడిపోతే...ఆ వెనకాలే మెట్లు ఎక్కుతున్నవారంతా పడిపోవడం ఖాయమని చెప్పొచ్చు. దేశంలోనే అత్యంత ప్రమాదకరమైన ఈ మెట్ల దారిని పర్యాటకుల కోసం సెప్టెంబర్ 27వ తేదీన ప్రారంభించారు. కొద్ది రోజులు మాత్రమే పర్యాటకుల కోసం తెరచి ఉంచుతామని, ప్రమాదాలను అంచనా వేసి తదుపరి నిర్ణయం తీసుకుంటామని చైనా పర్యాటక శాఖ ప్రకటించింది.
 
 దీనిపై చైనాలో ట్విట్టర్‌కు సమానమైన ‘వీబో’ సోషల్ వెబ్‌సైట్లో కామెంట్స్ విరివిగా వచ్చి పడుతున్నాయి. సాహసం సేయరా డింబకా! అంటూ ట్వీట్ల ద్వారా ఒకరికొకరు సవాళ్లు విసురుకుంటున్నారు. అది ఎంత సురక్షితమని మరికొందరు ప్రశ్నిస్తున్నారు. ప్రపంచంలోనే ఇది ప్రమాదకర దారంటూ మరికొందరు వ్యాఖ్యానిస్తున్నారు.
 
  సాహసం చేస్తే రాజకుమారి దక్కుతుందో, లేదోగానీ జీవితానికి సరిపడా ఓ అత్యద్భుత అనుభూతి మాత్రం మిగులుతుంది. అందమైన పర్వతాలకు, లోయలకు, వాటర్ ఫాల్స్‌కు నెలవైన గోల్డ్ మౌంటేన్ ప్రపంచ ప్రసిద్ధ పర్యాటక ప్రాంతాల్లో ఒకటి.
 
 
 
  


 పెరిగిన అవసరాల కనుగుణంగా టెర్మినల్ భవనం మార్చాలి
 ఎయిర్‌పోర్టు అభివృద్ధిపై సమీక్షలో  కేంద్ర మంత్రి అశోక్‌గజపతిరాజు
  
 గన్నవరం : పెరుగుతున్న ప్రయాణికుల అవసరాలకు అనుగుణంగా ఎయిర్‌పోర్టు టెర్మినల్ భవనాన్ని మార్చాలని కేంద్ర పౌర విమానయాన శాఖ మంత్రి పి.అశోక్‌గజపతిరాజు అధికారులను ఆదేశించారు. విజయవాడను  రాజధానిగా ఎంపిక చేసిన నేపథ్యంలో ఈ విమానాశ్రయాన్ని అంతర్జాతీయ స్థాయిలో అభివృద్ధి చేయాల్సి ఉందన్నారు. గన్నవరం విమానాశ్రయ అభివృద్ధిపై చర్చించేందుకు ఆయన లాంజ్‌రూములో గురువారం ఎయిర్‌పోర్ట్ అథారిటీ అధికారులు, జీవీకే సంస్థ ప్రతినిధులు, జిల్లా అధికారులు, ప్రజాప్రతినిధులతో సమావేశమయ్యారు. సుమారు గంటసేపు జరిగిన ఈ సమావేశంలో ఎయిర్‌పోర్టు విస్తరణ కోసం అధికారులు రూపొందించిన మాస్టర్‌ప్లాన్ ప్రతిపాదనలను పరిశీలించడంతో పాటు పలు అంశాలపై చర్చించారు. పెరిగిన విమాన సర్వీసులకు అనుగుణంగా ఎయిర్‌పోర్టు టెర్మినల్ భవనంలో ప్రయాణికులు కూర్చునేందుకు సదుపాయాలు లేవని అశోక్‌గజపతిరాజు పేర్కొన్నారు. భద్రత కూడా సరిగా లేదన్నారు.
  
 ఇంటర్ భవనం ప్లాన్ పరిశీలన
 
 ప్రయాణికులకు మెరుగైన సదుపాయాలు కల్పించేందుకు గాను తాత్కాలిక టెర్మినల్ కోసం సుమారు రూ.105 కోట్లతో జీవీకే సంస్థ నిర్మించనున్న ఇంటర్ భవనం ప్లాన్‌ను ఆ సంస్థ ప్రతినిధులు అశ్విన్ తొరట్, చంద్రభాన్ మన్వానీ కేంద్ర మంత్రికి వివరించారు. ఈ భవనంలో ప్రయాణికుల సౌకర్యార్థం ఏర్పాటుచేయనున్న వసతుల గురించి తెలియజేశారు. ఈ భవనం నిర్మించడం వల్ల సమీపంలో ఉన్న రాడార్ (డీవీవోఆర్) కేంద్రం ద్వారా ఎయిర్‌క్రాఫ్ట్‌లకు అందాల్సిన సిగ్నల్స్ వ్యవస్థకు ఆటంకం ఏర్పడుతుందని, ఆ కేంద్రాన్ని మరోచోటకు తరలించేందుకు అత్యవసరంగా కొంత ప్రైవేటు భూమిని సేకరించాల్సి ఉందని చెప్పారు. భూసేకరణ పూర్తయి, భవిష్యత్తులో శాశ్వత టెర్మినల్‌ను నిర్మించిన తర్వాత ఈ ఇంటర్ భవనాన్ని కార్గో సర్వీసుల కోసం వినియోగించుకోవచ్చని తెలిపారు. ఇంటర్ భవన నిర్మాణానికి ఏడాదిన్నర పడుతుందని మంత్రికి వివరించారు.
 
 అప్పటి వరకు ప్రస్తుతం ఉన్న టెర్మినల్‌ను 200 నుంచి 300 మంది ప్రయాణికులు కూర్చునేందుకు అనువుగా, ఆకర్షణీయంగా రెండు, మూడు నెలల్లో మార్పులు, చేర్పులు చేయాలని అధికారులకు కేంద్ర మంత్రి సూచించారు. ఇందుకోసం ఏవియేషన్ రంగంలో అనుభవం ఉన్న జీవీకే సంస్థ ప్రతినిధుల సలహాలు తీసుకోవాలని చెప్పారు. హుద్‌హుద్ తుపాను ధాటికి విశాఖపట్నం విమానాశ్రయం దెబ్బతిన్నప్పటికీ ఐదు రోజుల్లో పునరుద్ధరణ పనులు పూర్తిచేసి యథాస్థితికి తీసుకువచ్చామని మంత్రి తెలిపారు.
  
 మరో 220 ఎకరాల భూమి కావాలి
 
 అన్ని రకాల విమానాలూ దిగేందుకు వీలుగా రన్‌వేను 14,500 అడుగులకు విస్తరించాల్సి ఉందని ఎయిర్‌పోర్టు అథారిటీ అధికారులు కేంద్ర మంత్రి దృష్టికి తీసుకొచ్చారు. ఇందుకోసం గతంలో భూసేకరణ నిమిత్తం నోటీసులు జారీచేసిన 450 ఎకరాలతో పాటు మరో 220 ఎకరాలు సేకరించాల్సి ఉందని చెప్పారు. ఈ సమావేశంలో ఆర్‌ఈడీ ఎస్‌హెచ్ సురేష్, ఎయిర్‌పోర్టు డెరైక్టర్ రాజ్‌కిషోర్, ఎంపీలు కేశినేని నాని, గోకరాజు గంగారాజు, ఎమ్మెల్యే వల్లభనేని వంశీమోహన్, విజయవాడ మేయర్ కోనేరు శ్రీధర్, కలెక్టర్ బాబు.ఎ తదితరులు పాల్గొన్నారు.
 
 రైతులకు నష్టం లేకుండా భూసేకరణ : ఎమ్మెల్యే వంశీ
 
 రైతులకు నష్టం లేకుండా విమానాశ్రయ భూసేకరణను ప్రభుత్వం చేపడుతుందని ఎమ్మెల్యే వల్లభనేని వంశీమోహన్ చెప్పారు. విమానాశ్రయంలో కేంద్రమంత్రి అశోక్‌గజపతిరాజును కలిసిన అనంతరం ఆయన విలేకరులతో మాట్లాడారు. ఇప్పటికే ప్రభుత్వం 440 ఎకరాలను రైతుల నుంచి సేకరించేందుకు ప్రభుత్వం నోటిఫికేషన్ జారీ చేసిందన్నారు. రన్‌వేను పూర్తిస్థాయిలో విస్తరించేందుకుగాను ఎయిర్‌పోర్టు అథారిటీ అధికారులు మరో 220 ఎకరాలు కావాలని ప్రభుత్వానికి నివేదిక పంపించారని తెలిపారు. విమానాశ్రయ అభివృద్ధికి అవసరమైన భూములను రైతులందరి ఆమోదం మేరకు సేకరించాలని ఇప్పటికే సీఎం చంద్రబాబు చెప్పారన్నారు. మెరుగైన ప్యాకేజీ, భూసమీకరణ పద్ధతుల్లో రైతులను సంతృప్తి పరిచే విధంగా ప్రభుత్వం సేకరిస్తుందని తెలిపారు.  ఈ నెల 13న కలెక్టర్ బాబు.ఎ ఆధ్వర్యంలో రైతులతో సమావేశం ఏర్పాటు చేసినట్లు వివరించారు.

దక్షిణాసియా, ఆగ్నేయ ఆసియాలో అంతకంతకూ పెరుగుతున్న ఉష్ణోగ్రతలు ‍ప్రజలకు ఊపిరి ఆడనీయకుండా చేస్తున్నాయి. ఈ నేపధ్యంలో పలు దేశాల్లో ఆరోగ్య హెచ్చరికలు జారీ చేయడంతో పాటు స్కూళ్లను మూసివేశారు.అటు ఫిలిప్పీన్స్ నుండి థాయ్‌లాండ్ వరకు, ఇటు భారతదేశం నుంచి బంగ్లాదేశ్ వరకు రాబోయే రోజుల్లో ఉష్ణోగ్రతలు 40 డిగ్రీల సెల్సియస్‌కు మించవచ్చని వాతావరణ నిపుణులు హెచ్చరించారు. అత్యధిక ఉష్ణోగ్రతల నేపధ్యంలో బంగ్లాదేశ్, ఫిలిప్పీన్స్‌లో పాఠశాలలను మూసివేశారు. మరోవైపు ఇండోనేషియాలో డెంగ్యూ  కేసులు అంతకంతకూ పెరుగుతున్నాయి.ఫిలిప్పీన్స్‌ రాజధాని మనీలాలో శనివారం ఉష్ణోగ్రత 38.8 డిగ్రీల సెల్సియస్‌కు చేరింది. ఇది దశాబ్దాల క్రితం నాటి ఉష్ణోగ్రతల రికార్డును అధిగమించింది.ఈ వేడి వాతావరణం మే మధ్యకాలం వరకు ఉంటుందని వాతావరణ శాఖ అంచనా వేసింది. అత్యధిక ఉష్ణోగ్రతల కారణంగా నీటి కొరత, కరెంటు కోతలు, పంట నష్టం మొదలైన సమస్యలు ఎదురవుతున్నాయి.కంబోడియా గత 170 ఏళ్లలో  ఎప్పుడూ చూడని అత్యధిక ఉష్ణోగ్రతలను ఎదుర్కొంటోందని జలవనరులు, వాతావరణ మంత్రిత్వ శాఖ ప్రతినిధి చాన్ యుథా తెలిపారు. గడచిన వారంలో దేశంలోని పలు ప్రాంతాల్లో ఉష్ణోగ్రతలు 43 డిగ్రీలకు చేరుకున్నాయి. సెంట్రల్ మాగ్వే, మాండలే, సాగింగ్, బాగో ప్రాంతాల్లోని ఏడు టౌన్‌షిప్‌లలో రికార్డు స్థాయిలో ఉష్ణోగ్రతలు నమోదయ్యాయని మయన్మార్ వాతావరణ విభాగం వెల్లడించింది. మయన్మార్‌లోని పలు పట్టణాల్లో నమోదైన ఉష్ణోగ్రతలు ప్రపంచస్థాయి రికార్డులను దాటాయి.థాయ్‌లాండ్‌లోని కొన్ని ఉత్తర ప్రాంతాల్లో ఉష్ణోగ్రతలు 44 డిగ్రీల సెల్సియస్‌కు చేరుకున్నాయి. బ్యాంకాక్‌లో 40 డిగ్రీల సెల్సియస్‌ కంటే అత్యధిక ఉష్ణోగ్రతలు నమోదయ్యాయి. సింగపూర్‌లోని వాతావరణ శాఖ దేశంలో ఉష్ణోగ్రతలు గత సంవత్సరం కంటే ఎక్కువగా ఉండవచ్చని  అంచనా వేసింది. వియత్నామీస్ మీడియా నివేదికల ప్రకారం మధ్య వియత్నాంలోని కొన్ని ప్రాంతాల్లో ఉష్ణోగ్రతలు 40.2 డిగ్రీల సెల్సియస్‌ నుంచి  44 డిగ్రీల సెల్సియస్‌ మధ్య  నమోదవుతున్నాయి. ఈ నేపధ్యంలో  అడవుల్లో కార్చిచ్చు  సంభవించే ప్రమాదం ఉందని జాతీయ వాతావరణ సంస్థ హెచ్చరించింది.మలేషియాలో వరుసగా మూడు రోజులు 35 డిగ్రీల సెల్సియస్‌ నుంచి  40 డిగ్రీల సెల్సియస్‌ మధ్య ఉష్ణోగ్రతలు నమోదయ్యే అవకాశం ఉన్నదని మలేషియా వాతావరణ విభాగం హెచ్చరించింది. ఆసియా అంతటా అత్యధిక ఉష్ణోగ్రతలు నెలకొన్నందున పలు చోట్ల ప్రజలు అనారోగ్య సమస్యలను ఎదుర్కొంటున్నారు. డీహైడ్రేషన్, వడదెబ్బ సమస్యలతో ఆసుపత్రులలో చేరుతున్నవారి సంఖ్య అంతకంతకూ పెరుగుతోంది.వడదెబ్బ కారణంగా ఈ ఏడాది ఇప్పటివరకు 30 మంది మృతి చెందారని థాయ్‌లాండ్ డిసీజ్ కంట్రోల్ విభాగం తెలిపింది. మలేషియా ఆరోగ్య మంత్రిత్వ శాఖ  వడదెబ్బ కాణంగా దేశంలో ఇప్పటివరకూ రెండు మరణాలు నమోదయ్యాయని పేర్కొంది.  ఫిలిప్పీన్స్‌లో విపరీతమైన వేడి వాతావరణం కారణంగా 34 మంది అస్వస్థతకు గురయ్యారు. వీరిలో ఆరుగురు మరణించారు. ఈ వివరాలను  ఫిలిప్పీన్స్‌ ఆరోగ్య శాఖ తెలిపింది.బంగ్లాదేశ్‌ మీడియా తెలిపిన వివరాల ప్రకారం ఇప్పటి వరకూ  20 మంది వడదెబ్బ కారణంగా మృతిచెందారు. ఇండోనేషియాలో అత్యధిక ఉష్ణోగ్రతలు డెంగ్యూ జ్వరాలకు దారి తీస్తున్నాయి. దోమల ద్వారా సంక్రమించే ఇన్‌ఫెక్షన్, కేసుల కంటే డెంగ్యూ జ్వరాలు  రెండింతల మేరకు పెరిగాయని బంగ్లాదేశ్‌ ఆరోగ్య మంత్రిత్వ శాఖ తెలిపింది.

ఎవరైనా కష్టాల్లో ఉన్నారని తెలిస్తే... అయ్యో అనడం మనిషి సహజ లక్షణం. సహానుభూతి అంటారు ఈ ఫీలింగ్‌ను. ఇంకొంతమంది ఆయ్యో అనడంతో ఆగిపోరు. తమకు చేతనైన సాయం చివరకు మాటసాయమైనా చేసే ప్రయత్నం చేస్తారు. ‘‘నేను ఉన్నాను’’.. ‘‘నువ్వు ఒంటరి కాదు’’ అన్న భరోసా... నిలువెత్తు డబ్బు, బంగారం పోసి కూడా కొనలేము. ఇదంతా ఇప్పుడెందుకు అంటే... ఎక్స్‌లో (గతంలో ట్విట్టర్‌) కనిపించిన ఈ ట్వీట్‌ను చూడండి. మనసులను కదిలించే చిన్ని గాథ! జర్మనీలోని ఆరేళ్ల బాలుడి కథ ఇది! మోటర్‌సైకిళ్లంటే మహా పిచ్చి! పెద్దయ్యాక రేసుల్లో పాల్గొనే వాడేనేమో కానీ... కేన్సర్‌ మహహ్మారి అంత ఎదిగేందుకు అవకాశం ఇచ్చేలా లేదు. అందుకే... ఈ కుర్రాడి తల్లిదండ్రులు ఆన్‌లైన్‌లో పోస్ట్‌ పెట్టారు! ‘‘మా వాడికి బైక్‌లంటే బాగా ఇష్టం. వీలున్న వారు ఎవరైనా మోటర్‌సైకిల్‌పై మా ఇంటి ముందు నుంచి ప్రయాణించగలరా?. మా వాడి కళ్లల్లో ఆనందం ఇంకోసారి చూసుకోగలం’’ అని అభ్యర్థించారు. అందరివీ బిజి బిజీ బతుకులు. ఎవరు పట్టించుకుంటారు దీన్ని? అని తల్లిదండ్రులు అనుకున్నారు. కానీ... 20, 30 మంది వరకూ వస్తారనునన వారి అంచనాలు తల్లకిందులయ్యాయి. ఓ సముద్ర కెరటంలా ‘మనీషి’ కదిలాడు. వేయి.. రెండు వేలు కూడా కాదు.. ఎకాఎకిన ఇరవై వేల మంది మోటర్‌ సైకిళ్లపై ఆ కుర్రాడి ఇంటి ముందు నుంచి వెళ్లారు. వాళ్లలో పొరుగు దేశాల నుంచి వచ్చిన వాళ్లు కూడా ఉన్నారు.  ఆ కుర్రాడి ముఖం చంద్రబింబంలా మెరిసి పోయి ఉంటుందా? కచ్చితంగా మెరిసిపోయే ఉంటుంది. వీడియో మూడు నాలుగేళ్ల కిందటిదే అయినా.. ఆ చిన్నారి తుదిశ్వాస విడిచి నెలలు గడుస్తున్నా.. మానవత్వం ఈ భూమ్మీద మిగిలే ఉందని, లోకం మనం అనుకునేంత చెడ్డదేం కాదని నిరూపించింది ఈ ఘటన.  In Germany, a 6 year old boy who loved Motorcycles was diagnosed with cancer. His family posted online asking if someone can ride pass their house to cheer him up. They expected 20-30 people. But in the end, nearly20,000 bikers showed up. pic.twitter.com/ZX2Gqpw74m— Restoring Your Faith in Humanity (@HumanityChad) April 30, 2024 

న్యూయార్క్‌: అమెరికాలో జరిగిన ఖలీస్తానీ వేర్పాటువాది గురుపత్వంత్‌ సింగ్‌ పన్నూ హత్య చేసేందుకు ఓ భారతీయ మాజీ ఇంటెలిజెన్స్‌ అధికారి ప్రమేయం ఉందని పేర్కొంటూ వాషింగ్టన్‌ పోస్ట్‌ వెల్లడించిన నివేదికపై అమెరికా స్పందించింది. పన్నూ హత్య కుట్రకు సంబంధించిన ఆరోపణల దర్యాప్తులో తాము నిరంతరం భారత్‌తో టచ్‌లో ఉండి, ఈ వ్యవహారంపై పని చేస్తున్నామని అగ్రరాజ్యం అధికార ప్రతినిధి వేదాంత పటేల్‌ తెలిపారు.‘పన్నూ హత్య కుట్రకు సంబంధించి భారత్‌ ఏర్పాటు చేసిన ఉన్నతాధికారుల కమిటీ విచారణపై పూర్తి జవాబుదారితనాన్ని ఆశిస్తున్నాం. అమెరికా.. భారత్‌తో ఈ విషయంలో నిత్యం టచ్‌లో ఉంటుంది. ఈ కేసులో పురోగతి ఎప్పటికప్పుడు ఆరా తీస్తూ.. మరింత సమాచారం తెలుసుకుంటున్నాం. పలు స్థాయిల్లో అమెరికా ఆందోళనను ప్రత్యేక్షంగా భారత ప్రభుత్వం దృష్టికి  తీసుకెళ్తున్నాం.  నేను  ఈ విషయంలో మరింత జోక్యం చేసుకోలేను’ అని వేదాంత పటేల్ తెలిపారు.ఇక.. వాషింగ్టన్‌ పోస్ట్‌ వెల్లండించిన నివేదికపై భారత్‌ తీవ్రంగా ఖండించింది. ‘వాషింగ్టన్‌ పోస్ట్‌ కథనం పూర్తిగా అసమంజసం, నిరాధారమం. క్రిమినల్‌, ఉగ్రవాద నెట్‌వర్క్‌లకు సంబంధించి అమెరికా లేవనెత్తిన భద్రతా సమస్యలను పరిష్కరించడానికి భారత ప్రభుత్వం ఏర్పాటు చేసిన ఉన్నతస్థాయి కమిటీ దర్యాప్తు చేస్తుంది. అయినప్పటికీ ఊహాగానాలు, బాధ్యతరహితమైన వ్యాఖ్యలు చేయటం సరికాదు.  ఇలాంటి వ్యాఖ్యల వల్ల ఎటువంటి ఉపయోగం లేదు’ భారత్‌ విదేశంగ శాఖ అధికార ప్రతినిధి రణ్‌దీర్‌ జైశ్వాల్‌ అన్నారు.ఈ కేసులో కుట్రదారుగా ఆరోపణలు ఎదుర్కొంటున్న భారత్‌కు చెందిన నిఖిల్‌ గుప్తాకు  సీసీ-1 అనే పేరు తెలియని  అధికారి ప్రమేయం ఉన్నట్లు అమెరికా పేర్కొంది. అయితే తాజాగా వాషింగ్టన్‌ పోస్ట్‌ ఆ అధికారిని  విక్రమ్‌ యాదవ్‌గా గుర్తించింది. అమెరికా ఆరోపణలపై దర్యాప్తు చేసేందుకు భారత్‌ 2023 నవంబర్‌లో ఉన్నతస్థాయి విచారణ కమిటీని ఏర్పాటు చేసిన విషయం తెలిసిందే.

టెల్‌ అవీవ్‌: గాజాపై ఇజ్రాయెల్‌ దాడులు కొనసాగుతున్న వేళ కీలక పరిణామం చోటుచేసుకున్నట్టు తెలుస్తోంది. యుద్ధ నేరాలకు సంబంధించి ఇజ్రాయెల్ ప్రధాని బెంజమిన్ నెతన్యాహు, ఇతర అగ్రనేతలకు అంతర్జాతీయ క్రిమినల్ కోర్ట్ త్వరలో అరెస్ట్ వారెంట్లు జారీ చేయనున్నట్టు సమాచారం. ఈ మేరకు ఇజ్రాయెల్ మీడియా పేర్కొంది. దీంతో, ఈ అంశం హాట్‌ టాపిక్‌గా మారింది.ఇదిలా ఉండగా.. ఇజ్రాయెల్‌ ప్రధాని బెంజమెన్‌ నెతన్యాహు సంచలన ప్రకటన చేశారు. నెతన్యాహు తాజాగా మీడియాతో మాట్లాడుతూ.. హమాస్‌తో కాల్పుల విరమణ చర్చలు కొనసాగుతున్నాయి. చర్చల్లో భాగంగా ఒప్పందం కుదరినా, కుదరకపోయినా.. హమాస్‌లను అంతం చేయడానికి ఇజ్రాయెల్‌ దళాలు రఫాలోకి ప్రవేశిస్తాయన్నారు. మా లక్ష్యాలను సాధించకుండా యుద్ధం నిలిపివేసే సమస్యే లేదు. హమాస్‌ దళాలను పూర్తిగా తుడిచిపెట్టేస్తాం. ఈ యుద్ధంలో ఇజ్రాయెల్‌ తప్పకుండా విజయం సాధిస్తుందని కామెంట్స్‌ చేశారు.The International Criminal Court may soon issue arrest warrants for Israeli Prime Minister Benjamin Netanyahu and other top leaders for war crimes. That's according to press reports out of Israel. Capitol Hill Correspondent @ErikRosalesNews reports. pic.twitter.com/lFuboZN6oK— EWTN News Nightly (@EWTNNewsNightly) May 1, 2024 మరోవైపు.. ఇజ్రాయెల్‌-హమాస్‌ యుద్ధం కారణంగా వేలాది మంది పాలస్తీనియన్లు రఫా నగరంలో ఆశ్రయం పొందుతున్నారు. ఈ క్రమంలో బందీల విడుదలకు, కొంత ఉపశమనం పొందడానికి రెండు దేశాల మధ్య కాల్పుల ఒప్పందంపై చర్చలు జరుగుతున్నాయి. ఇక.. రఫా నగరంపైకి ఇజ్రాయెల్‌ వైమానిక దాడులు చేసింది. ఆదివారం అర్ధరాత్రి నుంచి జరిపిన దాడుల్లో మూడు కుటుంబాల్లోని ఆరుగురు మహిళలు, ఐదుగురు చిన్నారులు సహా మొత్తం 22 మంది ప్రాణాలు కోల్పోయారు. మృతుల్లో ఐదు రోజుల వయసున్న పసికందు ఉందని పాలస్తీనా అధికారులు తెలిపారు.

న్యూయార్క్‌: హష్‌ మనీ కేసులో అమెరికా మాజీ అధ్యక్షుడు డొనాల్ట్‌ట్రంప్‌కు కోర్టు గట్టి వార్వింగిచ్చింది. తాము ఇచ్చిన గ్యాగ్‌ ఉత్తర్వులను 9 పర్యాయాలు ఉల్లంఘించినందుకు 9 వేల డాలర్ల జరిమానా విధించింది. సాక్షులు, జడ్జీలతోపాటు ఈ కేసుకు సంబంధించి మరికొందరిపై మరోసారి ఇలా  వ్యాఖ్యలు చేస్తే జైలుకు పంపక తప్పదని హెచ్చరించింది. న్యూయార్క్‌ జడ్జి జువాన్‌ ఎం మెర్చన్‌ ఈ మేరకు తీర్పు చదువుతున్న సమయంలో ట్రంప్‌ తలదించుకుని నేల చూపులు చూస్తూ ఉండిపోవడం గమనార్హం. శుక్రవారం కల్లా జరిమానా చెల్లించాలని, ట్రంప్‌ సొంత ‘ట్రూత్‌ సోషల్‌’వేదికపై చేసిన అభ్యంతరకరమైన వ్యాఖ్యలను తొలగించాలని ఆదేశించారు. గ్యాగ్‌ ఉత్తర్వుపై ట్రంప్‌ మరో ఉల్లంఘన ఆరోపణలపై గురువారం విచారణ జరగనుంది. ఓ∙పోర్న్‌ నటితో బంధం బయటికి పొక్కనివ్వరాదంటూ ఆమెకు మాజీ లాయర్‌  ద్వారా డబ్బులు ముట్టజెప్పిన ఆరోపణలపై కోర్టు విచారణ జరుపుతోంది.