చైనా పెద్ద తప్పుచేసింది: బీజింగ్ మీడియా

బీజింగ్ : 104 ఉపగ్రహాలను ఒకేసారి అంతరిక్షంలోకి పంపి ప్రపంచ స్పేస్ రికార్డును నెలకొల్పిన ఇస్రోను పొగడ్తల్లో ముంచెత్తుతున్న బీజింగ్ మీడియా, తమ దేశానికి మాత్రం బాగానే చురకలంటిస్తోంది. భారత్కు చెందిన సైన్సు, టెక్నాలజీ నిపుణులను విస్మరించి చైనా తప్పుచేసిందని బీజింగ్ మీడియా శుక్రవారం పేర్కొంది. భారతీయ మేథోసంపత్తిని పక్కకుపెట్టి, యూఎస్, యూరప్ నుంచి వచ్చే వారికి  ఎక్కువగా ప్రాధాన్యం ఇవ్వడాన్ని తప్పుబడుతూ ప్రభుత్వ రంగ మీడియా గ్లోబల్ టైమ్స్ ఓ ఆర్టికల్ ను ప్రచురించింది.  భారతీయ సైన్సు, టెక్నాలజీని ఆకట్టుకోవడానికి చైనా అసలు సరిగా పనిచేయలేదని తన ఆర్టికల్లో పేర్కొంది.