రేపు ఎల్మినేడుకు సీఎం

రేపు ఎల్మినేడుకు సీఎం

ఎమ్మెల్యే మంచిరెడ్డి నిర్వహిస్తున్న యాగంలో పాల్గొననున్న కేసీఆర్
 ఇబ్రహీంపట్నం రూరల్: సీఎం కేసీఆర్ గురువారం ఇబ్రహీంపట్నం మండలం ఎల్మినేడుకు రానున్నారు. స్థానిక ఎమ్మెల్యే మంచిరెడ్డి కిషన్‌రెడ్డి తన స్వగ్రామంలోని వ్యవసాయ క్షేత్రంలో నిర్వహిస్తున్న చండీయాగంలో ఆయన పాల్గొంటారు. వారం రోజులుగా నిర్వహిస్తున్న యాగం గురువారం ముగియనుంది. ఇప్పటికే పలువురు మంత్రులు, ఎమ్మెల్యేలు, రాజకీయ నాయకులు చండీయాగంలో పాల్గొన్నారు. సీఎం కేసీఆర్ దాదాపు గంటకుపైగా చండీయాగ పూజల్లో పాల్గొంటారని పార్టీ వర్గాలు తెలిపాయి. సీఎం రాక నేపథ్యంలో పోలీసుల హడావుడి మొదలైంది. పటిష్ట భద్రతకోసం సన్నాహాలు ప్రారంభించారు.