నిర్లక్ష్యమే అసలైన మహమ్మారి

Telangana Records Corona Positive Cases: Experts Given Guidelines - Sakshi

స్వేచ్ఛగా బయట తిరుగుతున్న పాజిటివ్, ప్రైమరీ కాంటాక్ట్‌ వ్యక్తులు

లక్షణాలున్నా బస్సుల్లో ప్రయాణాలు చేస్తున్న కరోనా బాంబులు

వైరస్‌ వ్యాప్తికి వీరే ప్రధాన కారణం

స్వీయ రక్షణ చర్యలే శ్రీరామరక్ష అంటున్న వైద్యులు  

కూకట్‌పల్లిలో  ఓ వ్యక్తికి కరోనా పాజిటివ్‌ అని తేలింది. హోం క్వారం టైన్‌లో ఉండి చికిత్స పొందుతా నన్న అతను.. పదేపదే రోడ్లపై సంచరిం చాడు. ఇరుగుపొరుగు వారి ఫిర్యాదుతో అధికారులు వచ్చి అతన్ని ఇంట్లోనే ఉండాలని హెచ్చరించి వెళ్లారు. శనివారం కరోనా లక్షణాలు ఉన్న ముగ్గురు వ్యక్తులు ఎంజీబీఎస్‌లో బస్సెక్కి ఆదిలా బాద్‌లో దిగారు. బస్సు దిగాక వారికి పాజిటివ్‌ అని తెలిసింది. దీంతో ఆ బస్సులో ప్రయాణించిన వారంతా పరీక్షలు చేసుకోవాలని అధికారులు సూచించారు.

సాక్షి, హైదరాబాద్‌: విపత్తు కంటే ఉదాసీనత మహా ప్రమాదకరమైనది. కోవిడ్‌ విజృంభిస్తోన్న ఈ సమయంలో పలువురు పాజిటివ్‌ పేషెంట్లు నిబంధనలు పాటించకపోవడం వల్ల సమాజానికి ప్రమాదకరంగా మారారు. సూటిగా చెప్పాలంటే.. కరోనా బాంబుల్లా మారారు. పలువురు కోవిడ్‌ పాజిటివ్‌ అని తెలిసినా, కోవిడ్‌ లక్షణాలు ఉన్నా.. పరీక్షలు చేయించుకోకుండా.. ఆ విషయం పక్కవారికి తెలియకుండా జాగ్రత్తపడుతూ.. ఇష్టానుసారంగా జనాల్లో తిరిగేస్తున్నారు. ఫలితంగా తమ చుట్టూ ఉన్న అమాయక ప్రజలకు కూడా కరోనా అంటిస్తున్నారు. వ్యాధి తీవ్రత గురించి తెలిసి కూడా.. సామాజిక బాధ్యత ఏమాత్రం లేకుండా సంచరిస్తున్నారు. కరోనా లక్షణాలు ఉన్నప్పటికీ మరికొందరు బస్సుల్లో దూర ప్రయాణాలు సైతం చేస్తున్నారు. దారిలో అనేకమందికి వైరస్‌ను అంటించే విధంగా నిర్లక్ష్యంగా వ్యవహరిస్తున్నారు. (కరోనాతో కార్పొరేట్‌ దందా)

సమాజం ఏమంటుందో అని...
ఇలా నిర్లక్ష్యంగా సంచరించేవారికి తమ రోగంకంటే ఆ విషయం తెలిస్తే సమాజం వెలివేస్తుందన్న భయమే ఎక్కువగా ఉంటోంది. అందుకే, కోవిడ్‌ పాజిటివ్‌ అని తెలిసినా.. ఆ విషయం ఎవరికీ తెలియకుండా ఉండేందుకు కొందరు నానా పాట్లు పడుతున్నారు. తమను ఎక్కడ అంటరానివారిగా చూస్తారో అన్న ఆందోళనతో కోవిడ్‌ పరీక్షల సమయంలో తప్పుడు చిరునామాలు, ఫేక్‌ ఫోన్‌ నెంబర్లు ఇస్తున్నారు. మరికొందరు ఫోన్లోనే చికిత్స తీసుకుంటున్నారు. విషయాన్ని పక్కింటి వారికి తెలియకుండా జాగ్రత్తపడుతున్నారు. అంతవరకూ ఎవరికీ ఎలాంటి ఇబ్బంది లేదు. కానీ, కొందరు మరో అడుగు ముందుకేసి తాము బయటికి రాకపోతే ఎక్కడ పక్కింటి వారికి అనుమానం వస్తుందో అన్న భయంతో.. ఓ వైపు చికిత్స తీసుకుంటూనే.. మరోవైపు రోజూ మార్కెట్‌కి, కిరాణా షాపులకు వెళ్తూ వైరస్‌ వాహకాలుగా మారుతున్నారు.

ప్రైమరీ కాంటాక్టులతోనూ ముప్పే!
కొంతకాలంగా తెలంగాణలో ప్రముఖులకు, అందులోనూ ప్రజాప్రతినిధుల్లో కరోనా కేసులు పెరుగుతున్నాయి. నేతలకు పాజిటివ్‌ అని తెలిసినప్పటికీ, ఆ నేతల ప్రైమరీ కాంటాక్టులైన అంగరక్షకులు, అనుచరగణం హోంక్వారంటైన్‌కి వెళ్లడం లేదు. తమకు ఏమీ కాదన్న ధీమాతో పలు ప్రజా కార్యక్రమాల్లో పాల్గొంటున్నారు. వీరి నిర్లక్ష్యం వల్ల పలువురికి వైరస్‌ వ్యాప్తి చెందే ప్రమాదాలు పుష్కలంగా ఉన్నాయి. వీరిని బయట తిరగవద్దని ఎందరు ఎంత మొత్తుకున్నా ఎవరూమాట వినడం లేదు. ఇలాంటి ప్రైమరీ కాంటాక్టుల వల్ల కూడా కరోనా కేసులు భారీగా పెరిగే అవకాశాలు ఉన్నాయని వైద్యులు ఆందోళన వ్యక్తం చేస్తున్నారు. (ఒక్కరోజు ‘కరోనా’ బిల్లు రూ. 1,50,000)

అప్రమత్తత తప్పనిసరి..
చికిత్సకంటే నివారణ మేలు.. అందుకే కోవిడ్‌ వైరస్‌ వ్యాప్తి చెందకుండా అందరూ తగిన జాగ్రత్తలు తీసుకోవాలి. బయట ఎవరికి కరోనా ఉందో తెలియని పరిస్థితుల్లో మరింత అప్రమత్తంగా ఉండాలని వైద్యులు స్పష్టం చేస్తున్నారు. తప్పనిసరైతే తప్ప బయటికి వెళ్లొద్దని, వెళ్లాల్సి వస్తే.. మాస్క్, శానిటైజర్, గ్లౌజులు వీలైతే హెల్మెట్‌ ధరించాలని సూచిస్తున్నారు. దూరప్రయాణాలు మానుకోవాలని, ముఖ్యంగా ప్రజారవాణాలో ప్రయాణం అత్యంత ముప్పుతో కూడుకుందని హెచ్చరిస్తున్నారు.

Read latest Telangana News and Telugu News | Follow us on FaceBook, Twitter, Telegram

మరిన్ని వార్తలు

05-05-2021
May 05, 2021, 14:29 IST
ప్రధాని నరేంద్ర మోదీ నిర్ణయాల పట్ల  సంతృప్తి చెందినవారి శాతంలో 20% కోత పడినా.. మిగతా దేశాధినేతలతో  పోలిస్తే ఆయన...
05-05-2021
May 05, 2021, 14:15 IST
సాక్షి, హైదరాబాద్‌: రాష్ట్రంలో కరోనా టెస్టులు ఎందుకు పెంచడం లేదని తెలంగాణ ప్రభుత్వాన్ని హైకోర్టు ప్రశ్నించింది. కేవలం రాత్రి కర్ఫ్యూ...
05-05-2021
May 05, 2021, 13:58 IST
కోవిడ్‌ మళ్లీ సోకితే ఏం చేయాలి? వ్యాక్సిన్‌ వేసుకున్నా వస్తుందా? ఇలా జరిగితే ఏదైనా ప్రమాదం ఉంటుందా?
05-05-2021
May 05, 2021, 13:58 IST
సాక్షి, రాయదుర్గం: దేశంలో కరోనా కేసులు భారీగా పెరిగాయి. ఆస్పత్రులు నిండిపోతున్నాయి, చాలా మంది రోగులు ఇళ్లలోనే ఉండి చికిత్స...
05-05-2021
May 05, 2021, 13:16 IST
న్యూఢిల్లీ: మనుషుల జీవితాలను కరోనా వైరస్‌ రెండో దశ అతలాకుతలం చేస్తోంది. ఎలాంటి తారతమ్యం లేకుండా నిండు ప్రాణాలను పొట్టన...
05-05-2021
May 05, 2021, 12:17 IST
ఆంధ్ర‌ప్ర‌దేశ్‌లో కర్ఫ్యూ నిబంధనలు అమల్లోకి వచ్చాయి. 
05-05-2021
May 05, 2021, 11:49 IST
దొడ్డబళ్లాపురం: బెంగళూరు గ్రామీణ ఎంపీ డీకే సురేశ్‌, కోవిడ్‌ మృతుడి అంత్యక్రియల్లో పాల్గొనడం ద్వారా ప్రజల్లో కోవిడ్‌పై ఉన్న భయాన్ని...
05-05-2021
May 05, 2021, 11:42 IST
సాక్షి, హైదరాబాద్‌: ప్రపంచాన్ని వణికిస్తున్న కరోనా వైరస్ చిన్న పెద్ద వ్యతాసం లేకుండా అందరిని బలి తీసుకుంటోంది. ఇప్పటీకే మహమ్మారి బారినపడి ఎంతోమంది జర్నలిస్టులను ప్రాణాలు...
05-05-2021
May 05, 2021, 09:51 IST
‘ఉష్ట్రపక్షిలా మీరు ఇసుకలో తలదూర్చగలరేమో కానీ మేమలా చేయలేం
05-05-2021
May 05, 2021, 09:08 IST
సత్తుపల్లిరూరల్‌: ప్రేమించుకున్నారు.. పెళ్లి చేసుకుందాం అనుకున్నారు.. తీరా పెళ్లి దాకా వచ్చే సరికి ప్రియుడు నిరాకరించటంతో ప్రియురాలు ఆత్మహత్యకు పాల్పడింది....
05-05-2021
May 05, 2021, 08:53 IST
20 ఏళ్లుగా విలక్షణ నటుడు జగపతిబాబు అభిమానిగా ఉన్న శ్రీను గుంటూరులో కరోనాతో ప్రాణాలు విడిచాడు. ఈ విషయం తెలిసి...
05-05-2021
May 05, 2021, 08:12 IST
కోవిడ్‌ టీకాల రిజిస్ట్రేషన్ల ప్రక్రియ అంతా గందరగోళంగా మారింది.
05-05-2021
May 05, 2021, 07:58 IST
సాక్షి, చెన్నై: దేశవ్యాప్తంగా కరోనా పాజిటివ్‌ కేసులు భారీగా పెరుగుతున్నాయి. దీంతో చికిత్స కోసం ఆస్పత్రుల్లో చేరిన కరోనా బాధితులకు ఆక్సిజన్‌...
05-05-2021
May 05, 2021, 03:02 IST
కోవిడ్‌ కట్టడే లక్ష్యంగా ఆంధ్రప్రదేశ్‌లో నేటి నుంచి కర్ఫ్యూ అమల్లోకి రానుంది.
05-05-2021
May 05, 2021, 02:51 IST
ఆంధ్రప్రదేశ్‌లో తాజా గణాంకాల ప్రకారం.. లక్ష మందికిపైగా కోవిడ్‌ బాధితులు హోం ఐసొలేషన్‌లో చికిత్స పొందుతున్నారు.
05-05-2021
May 05, 2021, 02:45 IST
కరోనా బారినపడిన చిన్నారులకు రకరకాల యాంటీవైరల్, యాంటీబయోటిక్స్‌ మందులను ఉపయోగించవద్దని కేంద్ర వైద్య ఆరోగ్యశాఖ హెచ్చరించింది.
05-05-2021
May 05, 2021, 02:40 IST
రాష్ట్రంలో కరోనా మహమ్మారి కట్టడికి పటిష్ట చర్యలు తీసుకోవాలని ఏపీ మంత్రివర్గం నిర్ణయించింది.
05-05-2021
May 05, 2021, 02:39 IST
భారత దేశంలో కొత్తగా నమోదవుతోన్న కరోనా పాజిటివ్‌ కేసుల సంఖ్య కాస్తంత తగ్గింది.
05-05-2021
May 05, 2021, 01:17 IST
వాషింగ్టన్‌: భారత్‌లో కోవిడ్‌ తీవ్రత చాలా ఆందోళనకర స్థాయిలో ఉందని అమెరికా ఉన్నతస్థాయి ఆరోగ్య నిపుణుడు డాక్టర్‌ ఆంథోనీ ఫౌచీ...
04-05-2021
May 04, 2021, 20:22 IST
‘మీ కుటుంబ సభ్యుల్లో ఎవరైనా కరోనా పాజిటివ్‌గా పరీక్షించినట్లైయితే వారి పరిస్థితి ఎలా ఉంటుందో ఇప్పడు నాకు తెలుస్తోంది’ అంటూ...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top