TV
'కొమురవెళ్లి మల్లన్న సాగర్‌గా తడ్కపల్లి రిజర్వాయర్‌'
సిద్దిపేట మండలం తడ్కపల్లి శివారులో నిర్మించే రిజర్వాయర్‌కు రాష్ట్ర ప్రభుత్వం కొమురవెళ్లి మల్లన్న సాగర్‌గా నామకరణం చేసిందని భారీ నీటి పారుదల శాఖ మంత్రి టి.హరీశ్‌రావు వెల్లడించారు.
సిద్దిపేట (మెదక్): సిద్దిపేట మండలం తడ్కపల్లి శివారులో నిర్మించే రిజర్వాయర్‌కు రాష్ట్ర ప్రభుత్వం కొమురవెళ్లి మల్లన్న సాగర్‌గా నామకరణం చేసిందని భారీ నీటి పారుదల శాఖ మంత్రి టి.హరీశ్‌రావు వెల్లడించారు. రూ. 3 వేల కోట్లతో రిజర్వాయర్‌ను నిర్మిస్తామని తెలిపారు. మెదక్ జిల్లా సిద్దిపేటలో రూ. 2.60 కోట్లతో నిర్మించనున్న వైశ్య సదనం భవన నిర్మాణానికి ఆదివారం భూమి పూజ చేశారు.
ఈ సందర్భంగా మంత్రి మాట్లాడుతూ.. తడ్కపల్లిలో నిర్మించనున్న రిజర్వాయర్‌తో ఈ ప్రాంతం అన్ని రంగాల్లో అభివృద్ధి చెందుతుందని చెప్పారు. కొత్తపల్లి - మనోహరాబాద్ రైల్వేలైన్ భూసేకరణ పనుల నిమిత్తం రాష్ట్ర ప్రభుత్వం రూ.10 కోట్లను మంజూరు చేసిందన్నారు. త్వరలో పనులను పూర్తి చేసేలా కృషి చేస్తామన్నారు. త్వరలో సిద్దిపేట జిల్లాగా మారనుందన్న ఆశాభావం వ్యక్తం చేశారు.
