తమిళుల కోసం ఢిల్లీ ఎన్నికల్లో పోటీ

టీనగర్, న్యూస్‌లైన్:తమిళ ప్రజల సమస్యలు తీర్చేందుకు ఢిల్లీ ఎన్నికల్లో పోటీ చేస్తున్నట్టు డీఎండీకే అధ్యక్షుడు విజయకాంత్ తెలి పారు. ఢిల్లీ శాసనసభ ఎన్నికల్లో డీఎండీకే 10 నియోజకవర్గాల్లో పోటీ చేయనుంది. ఢిల్లీ వెళ్లిన విజయకాంత్ అభ్యర్థుల ఎంపిక కోసం తీవ్రంగా సమాలోచన జరుపుతున్నారు. ఢిల్లీ శాసనసభకు డిసెంబరు నాలుగవ తేదీ ఎన్నికలు జరుగనున్నాయి. 70 అసెంబ్లీ స్థానాలు ఉన్నాయి. సుమారు 1.15 కోట్ల మంది ఓటర్లు ఉన్నారు. ఢిల్లీ పరిసర ప్రాంతాల్లో సుమారు 15 లక్షల మంది తమిళులు నివసిస్తున్నారు. వీరిలో అనేక మంది గుడిసె వాసులు ఉన్నారు.