TV
ముంబై: టీమిండియా మాజీ పేసర్‌ జహీర్ ఖాన్ ఇంటివాడయ్యాడు. తన ప్రేయసి, బాలీవుడ్‌ నటి సాగరిక ఘట్గేను జహీర వివాహం చేసుకున్నాడు. గురువారం ఉదయం జహీర్-సాగరికలు రిజస్టర్‌ వివాహం చేసుకున‍్నారు. ఈ పెళ్ళి ఫొటోల‌ను జహీర్ స్నేహితురాలు, స్పోర్ట్ ఫిట్‌నెస్ స్టూడియో మార్కెటింగ్ హెడ్ అంజ‌నా శ‌ర్మ షేర్ చేశారు.
నవంబర్ 27న ముంబైలోని తాజ్ మ‌హ‌ల్ ప్యాలెస్ అండ్ ట‌వ‌ర్‌లో వీరి వివాహ రిసెప్ష‌న్ జ‌ర‌గనుంది. ఈ కార్యక‍్రమానికి బాలీవుడ్‌ సెలబ్రెటిలతో పాటు, జహీర్ ఖాన్ స్నేహితులు హాజరుకానున్నారు. వివాహ రిసెప్ష‌న్‌కి సంబంధించిన ఆహ్వాన‌ప‌త్రిక‌ను సాగరిక స్నేహితురాలు, చ‌క్ దే ఇండియాలో ఆమె స‌హ‌న‌టి విద్యా మాల్వంక‌ర్ షేర్ చేసింది.
