సాక్షి, హైదరాబాద్‌: రాష్ట్రంలో ఇంజనీరింగ్, అగ్రికల్చర్, ఫార్మసీ ఉమ్మడి ప్రవేశ పరీక్ష ఫలితాలు మరో 20 రోజుల్లో వెలువడే అవకాశముంది. ఇప్పటికే కీ విడుదల చేశారు. దీన్ని బట్టి ఎన్ని మార్కులు వస్తాయనేది విద్యార్థులకు ఓ అంచనా ఉంది. ఈ మార్కుల ఆధారంగా ఏయే ర్యాంకులు వస్తాయి? ఆ ర్యాంకుకు అనుకున్న కాలేజీలో సీటు వస్తుందా? అనే ఉత్కంఠ విద్యార్థుల్లో కన్పిస్తోంది. అయితే ఇంజనీరింగ్‌ ప్రశ్నపత్రం కష్టంగా లేదని, ఎక్కువ మంది అర్హత సాధించే వీలుందని నిపుణులు అంటున్నా రు. సాధారణ విద్యార్థి కూడా ఫిజిక్స్, కెమిస్ట్రీ, మేథ్స్‌ సబ్జెక్టుల నుంచి 40 ప్రశ్నలకు జవాబులు ఇచ్చే చాన్స్‌ ఉందంటున్నారు. 160 ప్రశ్నల్లో ఎక్కువ మంది 50 శాతానికి పైగానే కరెక్టు సమాధానాలు రాయవచ్చని అంచనా వేస్తున్నారు. 100 మార్కులొస్తే టాప్‌ కాలేజీల్లో కంప్యూటర్‌ సైన్స్‌ సీటు వచ్చే అవకాశముందని నిపుణులు విశ్షిస్తున్నారు. సీఎస్‌సీ సీటు ఈజీనే రాష్ట్రవ్యాప్తంగా ఉన్న ఇంజనీరింగ్‌ కాలేజీల్లో కన్వీనర్‌ కోటా కింద 80 వేల వరకూ సీట్లు అందుబాటులో ఉండే వీలుంది. ఇందులో 58% కంప్యూటర్‌ సైన్స్‌ ఇంజనీరింగ్, ఇతర కంప్యూటర్‌ కోర్సు సీట్లు ఉంటాయి. గత ఏడాది సివిల్, మెకానికల్, ఎలక్ట్రి కల్‌ బ్రాంచిల్లోని సీట్లు కాలేజీలు రద్దు చేసుకోవడం, కొత్తగా పెరిగిన సీట్ల వల్ల కంప్యూటర్‌ కోర్సుల సీట్లు అదనంగా 14 వేలు పెరిగాయి. కాబట్టి ఈసారి కంప్యూటర్‌ కోర్సుల్లో సీట్లు పొందడం తేలికేనని నిపుణులు అంటున్నారు. గత ఏడాది ఆఖరి దశ కౌన్సెలింగ్‌ను ప్రామాణికంగా తీసుకుంటే టాప్‌ కాలేజీల్లో సీఎస్‌సీ సీటు 4 వేల ర్యాంకు వరకూ వచ్చింది. ఈ ఏడాది కూడా ఇంచుమించు ఇదే ర్యాంకు వరకూ ఉండే వీలుందని తెలుస్తోంది. అయితే కాలేజీతో పనిలేదు కంప్యూటర్‌ సైన్స్‌ బ్రాంచిలో సీటే ప్రధానం అనుకుంటే 35 వేల ర్యాంకు వరకూ ఆ సీటు వచ్చే వీలుంది. 50 వేల ర్యాంకు దాటితే మాత్రం సీఎస్‌సీ సీటును ఆశించలేమని నిపుణులు విశ్లేషిస్తున్నారు. సెట్‌లో కనీసం 40 నుంచి 50 మార్కులు తెచ్చుకుంటే ఆ విద్యారి్థకి 35 నుంచి 50 వేల ర్యాంకు వచ్చే వీలుందని చెబుతున్నారు. అదే 90 నుంచి 100 మార్కులు వస్తే 1500 నుంచి 3600 ర్యాంకు వచ్చే వీలుందని అంచనా వేస్తున్నారు. ముందే అంచనా వేయాలిగత కొన్నేళ్ళుగా ఎంసెట్‌ కౌన్సెలింగ్‌ ప్రక్రియను పరిశీలించాలి. ఎన్ని మార్కులకు ఏ ర్యాంకు వస్తుంది? ఏ ర్యాంకు వస్తే ఏ కాలేజీలో ఏయే బ్రాంచిల్లో సీట్లు వస్తున్నాయి? అనేది ముందుగానే అంచనా వేసుకోవాలి. మొదటి దశ కౌన్సెలింగ్‌లో పక్కాగా సీటు వచ్చే కాలేజీని ఎంపిక చేసుకునేందుకు కొంత కసరత్తు చేసి ఆప్షన్లు ఇచ్చుకుంటే కోరుకున్న బ్రాంచిలో సీటు అవకాశం ఉంది. – ఎంఎన్‌ రావు (గణితశాస్త్ర సీనియర్‌ అధ్యాపకుడు)  ఎన్ని మార్కులొస్తే.. ఎంత ర్యాంకు? మార్కులు        ర్యాంకు 140పైన        100 130పైన        200 120పైన        300 110–120    800–300 100–110    1500–800 90–100        3600–1500 80–90        6000–3600 70–80        12000–6000 60–70        20000–12000 50–60        35000 – 20000 40–50        50000 – 35000 

మోపిదేవి (అవనిగడ్డ): ఓటమి భయంతో టీడీపీ నేతలు దాడులకు తెగబడ్డారు. కృష్ణాజిల్లా మోపిదేవి మండలం మోపిదేవిలంకలో సర్దిచెప్పేందుకు ప్రయత్నించిన వైఎస్సార్‌సీపీ నాయకులపై టీడీపీ నాయకులు రె చ్చిపోయారు. మహిళలు అని కూడా చూడకుండా కిందపడేసి పిడిగుద్దులు గుద్దడమేగాక కాళ్లతో తన్నారు. మచిలీపట్నం పార్లమెంట్‌ జనసేన అభ్యర్థి వల్లభనేని బాలశౌరి తనయుడు అనుదీప్‌తో వచ్చిన జనసేన నాయకులు కూడా ఈ దాడులకు పాల్పడ్డారు.మోపిదేవిలంకలో ఏజెంట్లు టీ అడగడంతో స్థానికంగా ఉండే యార్లగడ్డ అంకరాజుతో తెప్పించారు. లోపలికి వెళుతున్న అంకరాజుపై జనసేన ఎంపీ అభ్యర్ధి వల్లభనేని బాలశౌరి తనయుడు అనుదీప్‌తో వ చ్చిన జనసేన నాయకులు, కొందరు టీడీపీ నేతలు దాడిచేశారు. సర్దిచెప్పేందుకు ప్రయత్నించిన వైఎస్సార్‌సీపీ బీసీ విభాగం మోపిదేవి మండల కన్వినర్‌ రాజులపాటి నాగేశ్వరరావు మీద జనసేన నేతలు బల్లా సీతారాంప్రసాద్, బల్లా మునికుమారి, బల్లా దినేష్, శ్రీనివాసరావు, పవన్‌ తదితరులు దాడిచేసి కొట్టారు. నాగేశ్వరరావు కుమార్తె కేశాని తేజశ్రీని కిందపడేసి పిడిగుద్దులు గుద్ది కాళ్లతో తన్నారు. అడ్డువ చ్చిన వైఎస్సార్‌సీపీ జిల్లా కార్యదర్శి మోర్ల శ్రీనివాసరావుతో పాటు రాజులపాటి సుజాత, నరసారావు, వినయ్‌బాబు, శివనాగరాజులను తీవ్రంగా కొట్టారు.బాధిత వైఎస్సార్‌సీపీ నాయకులు మోపిదేవి పోలీస్‌ స్టేషన్‌లో ఫిర్యాదు చేసి, అవనిగడ్డ వైద్యశాలలో చేరారు. వీరికంటే ముందే.. దాడిచేసిన టీడీపీ నాయకులు ఆస్పత్రిలో చేరారు. తరువాత వైఎస్సార్‌సీపీ నాయకులు హాస్పటల్‌లో చేరగా అదే వార్డులో ఇరువర్గాలను ఉంచారు. టీడీపీ నాయకురాలు బల్లా మునికుమారిని పరామర్శించేందుకు వ చ్చిన ఆమె సోదరులు అక్కడే చికిత్స పొందుతున్న వైఎస్సార్‌సీపీ నాయకులపై దాడికి యత్నించారు. ఎస్‌ఐ రమేష్‌ ఇరువర్గాలకు సర్దిచెప్పారు.అనంతరం ఇరువర్గాలను మచిలీపట్నం ఆస్పత్రికి పంపారు. ఎమ్మెల్యే సింహాద్రి రమే‹Ùబాబు, వైఎస్సార్‌సీపీ రైతు విభాగం జోనల్‌ ఇన్‌చార్జి కడవకొల్లు నరసింహారావు వైద్యశాలకు వెళ్లి వైఎస్సార్‌సీపీ నాయకులను పరామర్శించారు. ఈ దాడుల్ని ఎమ్మెల్యే సింహాద్రి తీవ్రంగా  ఖండించారు.

నియోజకవర్గం పీఎస్‌లు పురుషులు మహిళలు ఇతరులు మొత్తం ఖమ్మం 355 1,55,284 1,68,740 49 3,24,073 పాలేరు 290 1,15,717 1,25,081 8 2,40,806 మధిర 268 1,07,111 1,15,039 10 2,22,160 వైరా 252 93,700 99,683 6 1,93,389 సత్తుపల్లి 294 1,18,490 1,25,441 12 2,43,943 కొత్తగూడెం 253 1,19,477 1,27,979 38 2,47,494 అశ్వారావుపేట 184 77,381 81,786 7 1,59,174మొత్తం 1,896 7,87,160 8,43,749 130 16,31,039

ఈ ఎన్నికల్లో 35 మంది అభ్యర్థులు బరిలో ఉన్నారు. ప్రధానంగా కాంగ్రెస్‌ అభ్యర్థి రామసహాయం రఘురాంరెడ్డి, బీఆర్‌ఎస్‌ అభ్యర్థి నామ నాగేశ్వరరావు, బీజేపీ అభ్యర్థి తాండ్ర వినోద్‌రావు మధ్య పోటీ నెలకొంది. పోటీలో ఉన్న ప్రధాన పార్టీల అభ్యర్థులు చివరి వరకు నువ్వా.. నేనా అన్నట్టుగా ప్రచారం చేశారు. 16 మంది అభ్యర్థులకు ఒక ఈవీఎం ఉపయోగించనుండడంతో 35 మంది అభ్యర్థులు, నోటా గుర్తు కలిపి మూడు ఈవీఎంలు ఏర్పాటు చేశారు. అవసరమైతే వినియోగించేందుకు వీలుగా అదనంగా మరికొన్ని ఈవీఎంలను అందుబాటులో పెట్టారు. మొత్తం 7,034 బ్యాలెట్‌ యూనిట్లు, 2,323 కంట్రోల్‌ యూనిట్లు, 2,634 వీవీ ప్యాట్లను పోలింగ్‌ స్టేషన్లకు తరలించారు. ●పోలింగ్‌ శాతం పెరిగేనా.. 2019 ఎన్నికల్లో ఖమ్మం పార్లమెంట్‌ పరిధిలో 15,13,094 మంది ఓటర్లు ఉండగా 11,39,848 ఓట్లు పోలయ్యాయి. మొత్తంగా 75.33 శాతం ఓటింగ్‌ గత ఎన్నికల్లో నమోదైంది. ఈ ఏడాది పోలింగ్‌ శాతం పెంచేందుకు అధికారం యంత్రాంగం విస్తృత ప్రచారం చేసింది. ప్రతీ అసెంబ్లీ పరిధిలో మహిళలు, దివ్యాంగులు, యువత కోసం ప్రత్యేకంగా మూడు మోడల్‌ పోలింగ్‌ కేంద్రాలను ఏర్పాటు చేశారు. ఓటింగ్‌ శాతం పెంచడమే లక్ష్యంగా ఎన్నికల సంఘం వినూత్న కార్యక్రమాలతో ప్రచారం చేసింది.

ఖమ్మంరూరల్‌/ఖమ్మంక్రైం: ప్రశాంత వాతావరణంలో ఎన్నికలు నిర్వహించేందుకు అన్ని పోలింగ్‌ కేంద్రాల్లో పటిష్ట బందోబస్తు ఏర్పాటు చేశామని సీపీ సునీల్‌దత్‌ తెలిపారు. లోక్‌సభ సాధారణ ఎన్నికల కోసం మండలంలోని పొన్నేకల్‌లోని శ్రీచైతన్య ఇంజనీరింగ్‌ కళాశాలలో ఏర్పాటు చేసిన ఎన్నికల సామగ్రి పంపిణీ కేంద్రాన్ని ఆదివారం సీపీ సందర్శించారు. ఎన్నికల బందోబస్తు విధులకు హాజరవుతున్న పోలీస్‌ అధికారులతో సీపీ మాట్లాడారు. 144 సెక్షన్‌ అమలులో ఉన్నందున భద్రతాపరమైన అన్ని చర్యలు పకడ్బందీగా ఉండేలా చూసుకోవాలని ఆదేశించారు. పోలింగ్‌ ప్రక్రియ ముగిసిన అనంతరం ఈవీఎంలు తిరిగి స్ట్రాంగ్‌రూంకు వచ్చే వరకు ఎలాంటి అవాంఛనీయ ఘటనలు జరగకుండా అప్రమత్తంగా ఉండాలని తెలిపారు. 230 సమస్యాత్మక పోలింగ్‌ స్టేషన్లలో కేంద్ర బలగాలతో బందోబస్తు ఏర్పాటు చేసినట్లు తెలిపారు. శాంతిభద్రలతకు ఎలాంటి విఘాతం కలగకుండా ప్రజలు స్వేఛ్ఛగా ఓటు హక్కును వినియోగించుకోవాలని, అందుకు పోలీస్‌ పెట్రోలింగ్‌ బృందాలు నిరంతరం ప్రజలకు అందుబాటులో ఉండాలని సూచించారు. ప్రశాంత వాతావరణాన్ని భంగం కలిగించే నేరచరితులను బైండోవర్‌ చేశామని, ఇప్పటికే జిల్లాకు 6 కంపెనీల కేంద్ర బలగాలతో పాటు 2,391 మంది స్థానిక పోలీసులు, వివిధ విభాగాల పోలీస్‌ సిబ్బంది విధుల్లో ఉన్నారని తెలిపారు. కూసుమంచి పోలీస్‌ స్టేషన్‌ పరిధిలోని దేవునితండా వద్ద వాహనంలో అక్రమంగా తరలిస్తున్న రూ.99.94 లక్షలను సీజ్‌ చేసి, కేసు నమోదు చేసి, ఆదాయపు పన్ను అధికారులకు సమాచారం అందించామని సీపీ వివరించారు. సీపీ వెంట ఏసీపీ తిరుపతిరెడ్డి, సీఐ రాజిరెడ్డి ఉన్నారు. పటిష్ట బందోబస్తు ఏర్పాటు ప్రజలు స్వేచ్ఛగా ఓటు వేయాలి పోలీస్‌ కమిషనర్‌ సునీల్‌దత్‌