పట్టాలు తప్పిన అవధ్ - అసోం రైలు

పట్నా:  బిహార్ లో  ముజఫర్ పూర్  జిల్లాలో అవధ్ - అసోం  ఎక్స్ ప్రెస్ రైలు పట్టాలు తప్పింది. బాగా రద్దీగా ఉండే హజీపూర్ - ముజఫర్ నగర్ మధ్య  సోమవారం  ఈ ప్రమాదం   చోటు చేసుకుంది.  దాదాపు మూడు బోగీలు పక్కకు ఒరిగిపోయాయి. మీరాపూర్ రైల్వే స్టేషన్ కు సమీపంలో జరిగిన ఈ ప్రమాదంలో  కొన్ని మీటర్ల మేర ట్రాక్ దెబ్బతింది.  పలు రైళ్లకు తీవ్ర అంతరాయం ఏర్పడింది. 

ఈ నేపథ్యంలో అధికారులు కొన్ని రైళ్లను దారి మళ్లించారు. అయితే ఎలాంటి  ప్రాణ నష్టం జరగలేదని.. పరిస్థితిని అంచనా వేస్తున్నామని ఈస్ట్ సెంట్రల్ రైల్వే  ఒక ప్రకటనలో తెలిపింది.