బిజీ తాప్సీ | Sakshi
Sakshi News home page

బిజీ తాప్సీ

Published Sat, Nov 30 2019 5:50 AM

tapsee new film Psychological Thriller Movies - Sakshi

హిందీ చిత్రపరిశ్రమలో కథానాయిక తాప్సీ స్పీడ్‌ మామూలుగా లేదు. ఆమె ఒప్పుకుంటున్న సినిమాలను గమనిస్తుంటే వచ్చే ఏడాది తాప్సీ డైరీ ఫుల్‌గా ఉండబోతున్నట్లు తెలుస్తోంది. ఇప్పటికే ‘థప్పడ్, రష్మి: ద రాకెట్‌’ చిత్రాలతో బిజీగా ఉన్నారు తాప్సీ. ఇటీవల అనురాగ్‌ కశ్యప్‌ దర్శకత్వంలో ఓ సైకలాజికల్‌ థ్రిల్లర్‌ మూవీ చేయబోతున్నట్లు తెలిపారు. కథ నచ్చడంతో తాజాగా మరో హిందీ సినిమాకు గ్రీన్‌ సిగ్నల్‌ ఇచ్చారామె. యాడ్‌ ఫిల్మ్స్‌ నుంచి డైరెక్టర్‌గా మారి, 2014లో ‘హసీ తో ఫసీ’ అనే చిత్రాన్ని తెరకెక్కించిన వినిల్‌ మాథ్యూ ఈ సినిమాకు దర్శకత్వం వహించబోతున్నారు. రొమాంటిక్‌ థ్రిల్లర్‌ నేపథ్యంలో తెరకెక్కనున్న ఈ సినిమాలో తాప్సీ సరసన విక్రాంత్‌ మాస్సే నటిస్తారు. భూషణ్‌ కుమార్, ఆనంద్‌ ఎల్‌. రాయ్‌ నిర్మాతలు. ఈ సినిమా చిత్రీకరణ జనవరిలో ప్రారంభం కానుంది. ఈ సినిమానే కాకుండా ఓ లేడీ ఓరియంటెడ్‌ సినిమా చేయడానికి తాప్సీ కథలు వింటున్నారని తాజా సమాచారం.

Advertisement
 
Advertisement
 
Advertisement