సుధాకర్‌కి ఉందిలే మంచి కాలం ముందు ముందునా...

 

 ఈ నెల 17 నుంచి వైజాగ్‌లో ఈ చిత్రం షెడ్యూల్ జరుపుతున్నారు. అలాగే ఈ చిత్రానికి  ‘ఉందిలే మంచి కాలం ముందు ముందునా’ అనే టైటిల్‌ని ఖరారు చేశారు. ఈ సందర్భంగా దర్శకుడు మాట్లాడుతూ -‘‘ఇదొక పాజిటివ్ ఫీల్ ఉన్న రొమాంటిక్ ఎంటర్‌టైనర్ మూవీ. యువతీ యువకుల కలల్నీ కలవరాల్నీ ఇందులో నిజాయితీగా ఆవిష్కరిస్తున్నాం. సీనియర్ కథానాయికలు రాధిక, పూర్ణిమ చాలా విరామం తర్వాత చేస్తున్న తెలుగు సినిమా మాదే కావడం చాలా ఆనందంగా ఉంది.  ప్రస్తుతం జరుపుతున్న షెడ్యూలు నవంబర్ 23 వరకూ జరుగుతుంది’’ అని తెలిపారు. అవంతికా మోహన్, రాధిక, నరేష్, పూర్ణిమ, షకలక శంకర్, కార్తీక్ జీఎస్, నీతూ చౌదరి, దయానంద్, సంతోష్ తదితరులు నటిస్తున్న ఈ చిత్రానికి సంగీతం: రామ్‌నారాయణ్, కెమరా: ఈశ్వర్, ఫైట్స్: ప్రకాష్, నిర్మాణం ఆమ్ టీమ్, కథ-స్క్రీన్‌ప్లే-దర్శకత్వం: అరుణ్ దాస్యం.