మాజీ భర్తతో సీత

దక్షిణాదిలో పక్కింటి అమ్మాయి ఇమేజ్ సంపాదించుకున్న సీనియర్ తారల్లో నటి సీత ఒకరు. ఆమె తమిళం, తెలుగు భాషల్లో కథానాయకిగా మంచి పేరు తెచ్చుకున్నారు. నటుడు పార్తిబన్‌తో కలిసి పుదియపాదై చిత్రంలో నటించారు. ఆ చిత్రం మంచి విజయం సాధించింది. అలాగే వారిద్దరిని ప్రేమలో పడేసి పెళ్లికి దారి తీసింది. అయితే పార్తిబన్, సీతల ప్రేమ వివాహంలో కొంతకాలం తరువాత ముసలం పుట్టింది. అది విడాకులకు దారి తీసింది.
 
 ఆ తరువాత ఇద్దరూ విడివిడిగా జీవిస్తూ నటిస్తున్నారు. అలాంటిది విడిపోయిన ఈ దంపతులను ఒకే చిత్రంలో నటింప చేయడంలో దర్శకుడు ఏఎం ఆర్ రమేష్ సఫలీకృతమయ్యారు. ఆయన దర్శకత్వం వహిస్తున్న తాజా చిత్రం ఒరు మెల్లియకొడు అర్జున్, శ్యామ్, మనీషా కొయిరాలా ప్రధాన పాత్రలు పోషిస్తున్న ఈ ద్విభాషా చిత్రం (తమిళం, కన్నడం)లో నటి సీతతో పాటు పార్తిబన్ కీలక పాత్రలు పోషిస్తున్నారని తెలిసింది. 25 ఏళ్ల క్రితం పుదియపాదైలో పార్తిబన్‌తో నటించిన సీత తాజాగా ఇప్పుడు ఒరు మెల్లియ కొడు చిత్రంలో నటించడం విశేషం.