కొత్త గెటప్‌ గురూ

కొత్త గెటప్‌లో కనిపించేందుకు రెడీ అవుతున్నారు కన్నడ స్టార్‌ పునీత్‌ రాజ్‌కుమార్‌. ఎందుకంటే ఆయన హీరోగా నటించనున్న కొత్త సినిమా కోసం. పవన్‌ వడియార్‌ దర్శకత్వంలో రాక్‌లైన్‌ ఎంటర్‌టైన్‌మెంట్స్‌ పతాకంపై పునీత్‌ రాజ్‌కుమార్‌ హీరోగా ఓ సినిమా రూపొందుతోంది. ఈ సినిమాలో అలనాటి కన్నడ స్టార్‌ సరోజా దేవి కీలక పాత్రలో కనిపించనున్నారట.

పునీత్‌ తండ్రి రాజ్‌కుమార్‌ సరసన హిట్‌ మూవీస్‌లో  నటించారు సరోజా దేవి. ఈ సినిమాలో ఇద్దరు హీరోయిన్స్‌కు స్కోప్‌ ఉండగా, ప్రియాంక జవాల్కర్‌ను ఒక హీరోయిన్‌గా తీసుకోవాలని చిత్రబృందం ఆలోచిస్తుదంట. తెలుగులో విజయ్‌ దేవరకొండ హీరోగా రూపొందుతోన ‘టాక్సీవాలా’ చిత్రంలో ప్రియాంకనే కథానాయిక అన్న విషయం తెలిసిందే.