దర్బార్‌లోకి ఎంట్రీ

లొకేషన్‌లో రజనీకాంత్‌, నివేదా థామస్‌

‘దర్బార్‌’లో ప్లేస్‌ కన్ఫార్మ్‌ చేసుకున్నారు హీరోయిన్‌ నివేదా థామస్‌. రజనీకాంత్‌ హీరోగా ఏఆర్‌ మురుగదాస్‌ దర్శకత్వంలో రూపొందుతున్న చిత్రం ‘దర్బార్‌’. లైకా ప్రొడక్షన్స్‌ నిర్మిస్తోంది. ఈ చిత్రంలో నయనతార కథానాయికగా నటిస్తున్నారు. ఐపీఎస్‌ పోలీసాఫీసర్‌ పాత్రలో రజనీకాంత్‌ నటిస్తున్నారని తెలిసింది. ప్రస్తుతం ఈ సినిమా షూటింగ్‌ ముంబైలో జరుగుతోంది.

ఇటీవల ఈ సినిమా షూట్‌లోకి జాయిన్‌ అయ్యారు నయనతార. ఆమెతోపాటు నివేదా థామస్, కమెడియన్‌ యోగిబాబు కూడా ఈ ముంబై సెట్‌లో జాయిన్‌ అయ్యారు. లొకేషన్‌లో రజనీకాంత్, నివేదా, యోగిబాబు ఉన్న ఫొటోలు వైరల్‌ అయ్యాయి. ఈ సినిమాలో రజనీకాంత్‌ కూతురి పాత్రలో నివేదా నటిస్తున్నట్లు తెలుస్తోంది. ఇంతకుముందు ‘పాపనాశనం’ సినిమాలో కమల్‌హాసన్‌ కూతురిగా నటించారు నివేదా. ‘దర్బార్‌’ చిత్రం వచ్చే ఏడాది సంక్రాంతికి విడుదల కానుంది.