TV
కాజల్‌కు రూ.2 కోట్లు
నటి కాజల్ అగర్వాల్ పని అయిపోయింది. ఆమెకు అవకాశాల్లేవు. పెళ్లికి సిద్ధం అవుతుంది. వరుడి వేటలో కుటుంబ సభ్యులున్నారు లాంటి
నటి కాజల్ అగర్వాల్ పని అయిపోయింది. ఆమెకు అవకాశాల్లేవు. పెళ్లికి సిద్ధం అవుతుంది. వరుడి వేటలో కుటుంబ సభ్యులున్నారు లాంటి పసలేని ప్రచారాలెన్నో జరిగాయి. వీటిలో ఏ ఒక్క ప్రచారానికీ కాజల్ స్పందించలేదు. కాలమే సమాధానం చెబుతుందన్న విశ్వాసం కావచ్చు. సరిగ్గా అలాంటి సమయమే ఆసన్నమైంది. ఈ ముద్దుగుమ్మ రెండు కోట్లు పారితోషికం తీసుకుంటున్న హీరోయిన్ల క్లబ్‌లో చేరబోతోంది. ఈ బ్యూటీకి రెండు కోట్లు పారితోషికం చెల్లించడానికి దర్శక, నిర్మాత లింగుస్వామి సమ్మతించినట్లు తాజా సమాచారం. ప్రఖ్యాత నటుడు కమల్‌హాసన్ హీరోగా ఈయన నిర్మించనున్న ఉత్తమ విలన్ చిత్రంలో కాజల్ హీరోయిన్‌గా నటించనున్నారు.
ఈ పాత్ర కోసం ముందు అనుష్క పేరు పరిశీలనలో ఉంది. అయితే ఆమె రెండు భారీ చిత్రాల్లో బిజీగా ఉండటంతో కాల్‌షీట్స్ కేటాయించలేని పరిస్థితి. దీంతో ఆ అవకాశం కాజల్‌ను వరించింది. ఈ భామ తాను యువ హీరోల సరసన మాత్రమే నటిస్తానని బెట్టు చేయడంతో నిర్మాత రెండు కోట్ల పారితోషికం ఆఫర్ చేశారట. అంత పారితోషికం ఇస్తానంటే ఏ హీరోయిన్ మాత్రం కాదనజాలదు. కాజల్ కూడా ఓకే అంటూ తలాడించేసిందట. కాజల్, విజయ్‌తో జతకట్టిన తాజా చిత్రం జిల్లా సంక్రాంతి రేసుకు సిద్ధం అవుతోంది
