ఇర్మా బాదితులకు అండగా హాలీవుడ్

ఇర్మా హరికేన్ విధ్వంసంతో అల్లాడిపోయిన అమెరికా వాసులను ఆదుకునేందుకు హాలీవుడ్ తారలు ముందుకు వచ్చారు.  సినీ కళాకారులతో పాటు పలువురు టీవీ, క్రీడా ప్రముఖులు కూడా వీరితో చేతులు కలిపారు. హ్యాండ్ ఇన్ హ్యాండ్ : ఏ బెనిఫిట్ ఫర్ హరికేన్ రిలీఫ్ పేరుతో ఏర్పాటు చేసిన కార్యక్రమంలో జార్జ్ క్లోని, జూలియా రాబర్ట్స్, జస్టిన్ బీబర్, ఓప్రా విన్ఫ్రేలు పాల్గొన్నారు.

వీరితో పాటు మరికొంత మంది సెలబ్రిటీలు వీడియో మేసేజ్ ల ద్వారా హరికేన్ బాదితులను ఆదుకోవాలని అభిమానులకు పిలుపునిచ్చారు. కుల మతాలకు అతీతంగా సాయం చేసేందుకు ముందుకు రావాలని సహాయకార్యక్రమాల్లో ఎలాంటి పొలిటికల్ ఎజెండాలకు తావునివ్వకూడదని తెలిపారు. త్వరలో స్టేజ్ షోస్ ద్వారా డొనేషన్స్ కలెక్ట్ చేసేందుకు సిద్ధమవుతున్నారు స్టార్స్.