మూడు కోట్లిచ్చినా నో.. నో...

 హీరోలే కాదు... హీరోయిన్లు కూడా పారితోషికాల విషయంలో నిర్మాతలకు చుక్కలు చూపిస్తున్న రోజులివి. స్టార్ హీరోయిన్ అంటే... పారితోషికం కోటి రూపాయలకు పై మాటే. కథ, పాత్ర... ఈ రెండు అంశాల కంటే పారితోషికానికే ప్రస్తుతం కథానాయికలు పెద్ద పీట వేస్తున్నారు. ఎవరు ఎక్కువ పారితోషికం ఇస్తే వారి సినిమాలోనే నటించడానికి ఉత్సాహం చూపిస్తున్నారు. అలాంటి ట్రెండ్‌లో కూడా ఓ భారీ ఆఫర్‌ని తృణప్రాయంగా వదిలేశారు అనుష్క. ఫిలింనగర్‌లో ప్రస్తుతం హాట్ టాపిక్ ఇదే. ఓ భారీ సంస్థ నిర్మించనున్న ద్విభాషా చిత్రంలో అనుష్కను నటింపజేయాలని సదరు నిర్మాత అనుకున్నారు.