మ్యూజిక్ అండ్ డ్యాన్స్ ఫెస్ట్

సురాంజలి ఫౌండేషన్ పండిట్ భీమ్‌సేన్ జోషి పేరిట జాతీయ స్థాయి సంగీత, నృత్య కార్యక్రమాన్ని నిర్వహిస్తోంది. ఈ నెల 27 నుంచి 29 వరకు గోల్కొండ కోట దగ్గర్లోని తారామతి బారాదరిలో ఈ సంగీత నృత్యోత్సవం జరుగనుంది. మూడు రోజులు జరిగే ఈ కార్యక్రమంలో వెంపటి శ్రీమయి నృత్య ప్రదర్శనతో పాటు, పండిట్ ఆనింద చటర్జీ, పండిట్ కుమార్ బోస్- తబలా, షౌనక్, ఆనంద్ భాటే- వోకల్, పండిట్ రాజన్, సాజన్ మిశ్రా శాస్త్రీయ గాత్ర కచేరీ, మహాపాత్రో ఒడిస్సీ నృత్యం, అభిజిత్ బెనర్జీ గ్రూప్ ప్రదర్శనలు జరుగుతాయని నిర్వాహకులు తెలిపారు.

కార్యక్రమానికి చెందిన బ్రోచర్‌ను సోమవారం విడుదల చేశారు. ఈ ఈవెంట్ నిర్వహణ ద్వారా వచ్చిన నిధులను ఆటిజం బాధిత చిన్నారులకు అందజేయనున్నట్టు తెలిపారు. మరిన్ని వివరాల కోసం 09989821333 ఫోన్ నంబర్‌ను సంప్రదించవచ్చు.